حصريا للمنتدى .. بدائل للشوفان .. لذيذه وصحيه !

بسم الله الرحمن الرحيم ,

لي فتره افكر بأي موضوع ممكن اطرحه افيد فيه اعضاء واداره المنتدى .. واقدر ارد لهم عن طريقه شوي من الجميل او المساعده اللي قدموها لي ..

طبعا أغلبيتنا يستخدم الشوفان .. سواء في التنشيف او حتى في التضخيم .. والسبب فوائده العظيمه للاعب كمال الأجسم .. وكميه البروتين المتوفره فيه ,

لكن للأسف انا ويمكن فيه مجموعه غيري .. مايستهوينا طعم الشوفان , وغالبا نلجأ له للفائده اكثر من انه للمتعه او اللذه !

وفي الأخير الناس اذواق طبعا .. لأن فيه مجموعه ثانيه تستلذ فيه ..

عموما موضوعي .. يفيد الطرفين .. اللي مايحبه ممكن يستخدم هالبدائل .. واللي يعجبه ممكن يجرب البدائل من باب التغيير وكسر الروتين

البديل بختصار هو " الكورن فليكس " .. أكيد بتقولون مليان سكر وو .. الخ

انا عارف هالشي .. لذلك اخذت لي لفه طوووويله بالسوبرماركت وعملت مقارنات لين وصلت لأفضل الانواع

نبدأ بالمقارنه والتوضيح الدقيق :

الشوفان 100 غرام = 370 سعره حراريه - 14 غرام بروتين - 7 غرام فات او دهون - و50 غم كاربوهيدرات وتزيد عنها في بعض الانواع - واحد غرام سكر

طيب نجي للكورن فليكس النوع الأول : kellogg's special k

ملف مرفق 343822
الـ 100 غرام = 370 سعره حراريه - 20 غرام بروتين - نص غرام فات او دهون - 70 غرام كاربوهيدرات - 14.5 غرام سكر
ببساطه نلاحظ ان الفات اقل والبروتين اكثر .. ولكن العيب ان السكر اكثر

ونجي للنوع الأخر وهو : Weet-Bix من شركه sanitarium

هذي صورته : http://www.weetbix.com.au/~/media/products/breakfast/weet-bix/WB-1kg-3D.ashx?bc=ffffff&h=220&w=217

الـ 100 غرام = 356 سعره حراريه - 12.5 غرام بروتين - 1.5 غرام فات او دهون - 67 غرام كاربوهيدرات - 3.3 غرام سكر


طبعا اخترت لكم منتجين من شركتين عالميتين .. واللي بيشوف منتجات هالشركتين .. بيلقى انواع كثيررره وبنكهات مختلفه و مكوناتها والبروتين وغيره متشابهه الى حد ما
بنفس الوقت الطعم لذيذ جدا ..

وللزياده هذي مواقع الشركتين :
كيلوقز : http://specialk.com.au/Home.aspx
سانتيريوم : http://www.weetbix.com.au/products

واللي محتاج اي مساعده في البحث او اي استفسار انا جاهز ..
اتمنى يفيدكم الموضوع واذا فيه اخطاء مستعد اعدلها .. ومنكم نستفيد ..

جزاكـ الله خير أخوي ،،

انا عن نفسي استخدم السبيشل ك اذا كان الوضع في السليم عندي ،،

اما اذا بدخل تنشيف لابد من الشوفان عشان السكر ،،

تحياتي لكـ ،،

اقتباس:

---

المشاركة الأصلية كتبت بواسطة Rashed.S

جزاكـ الله خير أخوي ،،

انا عن نفسي استخدم السبيشل ك اذا كان الوضع في السليم عندي ،،

اما اذا بدخل تنشيف لابد من الشوفان عشان السكر ،،

تحياتي لكـ ،،

---

وياك اخوي راشد ,
وبالنسبه للسكر .. تقدر تستخدم الويتابكس وهو النوع الثاني .. السكر فيه فقط 3.3 في الـ 100 غرام
وانت في الوجبه الوحده ماتستهلك اكثر من 40 او 50 غرام .. يعني حوالي 1 غرام سكر .. ومقارنه بالشوفان بالـ 50 غرام بتستخدم نص غرام سكر
يعني الفرق لا يذكررر .. وطبعا القرار في الاخير يرجعلك .. بس حبيت اوضحلك اياها بشكل دقيق ومفصل
ومنوور ياكابتن

جربت الثاني بس ما جازلي ،،

أفضل السبيشل كـ ،، وبالنسبة لي اخذ من 70 - 80 غرام :D

بارك الله فيك موضوع مفيد

تتنظر جديد ياوحش ,,

شكرا أخوي وبارك الله فيك
أنا عن نفسي استخدم انواع عادية من الكورن فليكس معتدل فيها الدهون واحط معاها شوفان مقدار 3 ملاعق

تسلم خوي

الواحد صار ما يحتار

بين الوجبات كل شي صار جاهز و سريع

ويعطيك العافية

اقتباس:

---

المشاركة الأصلية كتبت بواسطة Rashed.S

جربت الثاني بس ما جازلي ،،

أفضل السبيشل كـ ،، وبالنسبة لي اخذ من 70 - 80 غرام :D

---

دامك جربته اجل مانقول شي :p
وبالعاااافيه عليك حبيب البي

اقتباس:

---

المشاركة الأصلية كتبت بواسطة الصارم 07

بارك الله فيك موضوع مفيد

تتنظر جديد ياوحش ,,

---

ويااك ياكابتن ,,
تسلم

\\

اخوي بانج :

اقتباس:

---

شكرا أخوي وبارك الله فيك
أنا عن نفسي استخدم انواع عادية من الكورن فليكس معتدل فيها الدهون واحط معاها شوفان مقدار 3 ملاعق

---

طالما انك ماتنشف فـ وضعك بالسليم ان شاءالله
موفق اخوي

\\

اخوي البحريني :

اقتباس:

---

تسلم خوي

الواحد صار ما يحتار

بين الوجبات كل شي صار جاهز و سريع

ويعطيك العافية

---

صااادق ولله الحمد .. كل شي متوفر وبانواع وطرق مختلفه ,
الله يديمها نعمه عالجميع ..

شكرا لك اخوي

بس اعتقد الشوفان افضل وجبة صحية وغنية بالالياف وبكفي انها غير مصنعة

شكرا لك

بارك الله فيك يامملوح على الجهد الطيب
واصل يابطل ابداعاتك

kellogg's special k

للقادر ولا أحلا بس سعره غالي حبتين ؛ يعني الشوفان أوفر لي وأقل سكر ، وبغير فترة التنشيف اضيف للشوفان والحليب عسل وزبيب

شكراً يابطل

يعطيك العافيه اخوي

kellogg's special k

هذا وين القاه بالرياض

مشكور مره اخرى على الموضوع

السلام عليكم .. سمبلي هذا طال عمرك تحصله بالسوبر ماركتات الكبيرة مثل بندة والعثيم وانا لااستغني عنه في الفطور يوميا مع الحليب وكم حبة بيض + بعض المكملات = وجبة شاملة كاملة للاعب كمال الاجسام وبالنسبة لكمية السكر البسيطة اتوقع ماتاثر لان الفطور غير اي وجبة

سمبلي تلقاه في الدانوب افضل محل يوفر مكان لاطعمة الحميه

يديك الف عافيه اخوي مملوح بس الشوفان ماله بديل بالنسبه لي انا من حيث السعر والنسب الغذائيه .

بس انت كيف كانت طريقة اعدادك له ؟

جربته مطبوخ مع الحليب ََ

تغلي كاستين من الحليب على نار هاديه وتضيف اربع الى خمس ملاعق كويكر وتحركه شويه ولما تثقل تضيف لها سكر خفيف او سكر تروبيكانا واشوف الطعم .

ولا بطريقة اخونا ابو منصور ََ شئ ثاني

كاسه او كاسه نص مويه وتغليها وتضيف عليها بعدين اربع الى خمس ملاعق كويكر وتحركها وتضيف لها مكعب ماجي او نص مكعب عشان النكهه

ولو تضيف مع الوجبه ذي خمس بيضات مسلوقه شئ ثاني .

الله يعطيكم العافيه جميعا يا شباب عالمرور
نورتو والله ,

اخوي سمبلي .. الشباب ماقصروا جاوبوك .. واعتقد السيفوي والدانوب وبنده وكارفور اماكن مضمونه تلقاه فيها ,

اخوي بريف هارت .. انا جربته مرتين وما كان ذاك الزود بس فعلا يمكن طريقتي كانت مش ولا بد ..
بجرب وصفتك الأيام الجايه ان شاءالله , وبشوف لي سكر تروبيكانا وان شاءالله يضبط الطعم
والتغيير وكسر الروتين دائما مطلب يعني يوم كورن فليكس ويوم شوفان وو .. الخ

بالنسبه للاسعار انا عايش باستراليا وسعر الشوفان والكورن فليكس واحد فما تفرق معي :p

بتوفيق بابطل وانشاء الله تدعيلي .

عادي اي نوع سكر سواء العادي او الخاص بالحميه بس انا كان متوفر عندي التروبيكانا واخترعت الوصفه ذي @@ بس والله طلعت شئ ثاني خاصه لما تكون الاكله كذا ممزوجه مع بعض ومتامسكه .

انا كنت اخذ الكورن فليكس البورن يجي لونه بني ويكون من النخاله او من الشوفان طعمه جيد بس كان في نصايح كثير جاتني من الاعضاء في المنتدى انه مايصلح في فترة التنشيف !!

بس انا اشوف مره او مرتين بالاسبوع في وجبة الافطار ماراح تفرق كثير .

بالتوفيق يابطل وننتظر جديدك $$

السلام عليكم

يعطيك العافيه كابتن
التنويع حلو , يستحقون التجربه

اخوي بريف هارت ,,
مااا قصرت حبيبي .. ان شاءالله بجربه هاليومييين .. وش وراناا ,

اخوي هارت بيت ,,
صدقت التنويع حلو .. وحيااك الله