عرض للطباعة
بسم الله الرحمن الرحيم
السلام عليكم ورحمة الله وبركاته
لعبة جيلد وارز 2 لم تنزل في السوق بعد .. ولكنها اكتسبت الكثير من المعجبين.
لأنها لعبة ستدفع جيل الـ MMO الحالي الى الجيل الجديد.
عرض عن اللعبة:
http://www.youtube.com/watch?v=UHFF6gnfIsg
(والمزيد قادم خلال الايام القادمة)
اتمنى ان يكون هذا الموضوع نقاش واخبار وكل ما هو جديد عن هذه اللعبة فقط.
وشكراً
اكثر لعبة MMO ناطرها وكلام الاعبين الي جربو البيتا يشجع حيل
أسم الموضوع تقليد!!!!!!!!!!!!!!!!!
السلام عليكم
تسلم على فتح الموضوع و في إنتظار تفاعل الأعضاء
السلام عليكم
لعبه كل العالم بأنتظارها
وانا كتبت موضوع عنها في قسم ووركرافت ولكن سببت لي مشاكل هناك وتوقفت عن الكتابه
ولكن اهم النقاط فيها بذكرها لكم
وهي لعبه مجانيه , ماعليك الا ان تشتريها وبعدين تلعب بدون اشتراك شهري , كما هو الحال مع الجزء الاول منها
لعبه لاتحتاج الى tank, healer كما هو الحال مع لعبه warcraft وانا اعذروني يااخوان راح اقارنها بهذه اللعبه لاني مالعبت غيرها
معروف ان لعبه ووركرافت تحتاج الى tank, healer لكي تذهب الى اي دنجن او رايد وانهائه , وبدون التانك او الهيلر لاتستطيع فعل شي سوى الدخول في الباتل جراند pvp وتسلي نفسك هناك
لعبه تعتمد اعتماد كلي على موهبه اللاعب , كما هو الحال بألعاب البلايستيشن , فكل شخص مسؤول عن نفسه باللعبه
هنا ترون احد ال world boss
http://www.youtube.com/watch?v=pX8GJcGIVbI
وهذا world boss اخر بالدقيقه 2 يبدأ
http://www.youtube.com/watch?v=_1JfSbKjHHI
تلاحظون قوه الرسم والجرافيك باللعبه وبنفس الوقت سلاسه حركه اللاعبين والبرؤساء
وتصميم اللعبه جبار ومصممين اللعبه قالوا بأنهم سوف يجعلون اللاعبين تندهش من الرسم والجرافيك باللعبه ولا يؤثر ذلك على مستوى اللعب
واذا حبيتوا المزيد عن اللعبه انا حاضر لأن عندي شخص لعب اللعبه وقالي عن امور كثيره فيها
Me too ^_^اقتباس:
المشاركة الأصلية كتبت بواسطة Genta
بس المحتوى غير....اقتباس:
المشاركة الأصلية كتبت بواسطة saudi.demon
وعليكم السلاماقتباس:
المشاركة الأصلية كتبت بواسطة commandosII
الله يسلمك .. ان شاء الله فيه تفاعل..
وعليكم السلاماقتباس:
المشاركة الأصلية كتبت بواسطة ولد بطنها
ما شاء الله عليك كفيت ووفيت
بس اكيد نبغى المزيد والمزيد والمزيد عن اللعبه .. اذا تكرمت :)
زي ما قال (ولد بطنها) .. مافي لا tank ولا healer ولا dps بس الكلاسات
يعني ما تقعد تستنى مدة طويلة بس عشان تحصلك تانك او هيلر عشان تستمتعو باللعبة..
او تكون دي بي اس وبالقوة تحصلك ناس يضموك معاهم..
وتروح تنجبر تسويلك تانك او هيلر وانت ما تبغى تسويهم بس عشان تدخل ريدات..
في جيلد وارز 2 كل واحد يهتم بنفسو .. اذا مت معناتها انك ما هيلت نفسك او ما نفاديت ضربات الوحوش..
وكمان فيه تعاون بين اللاعبين .. كل الكلاسات فيها مزايا تقدر تساعد المجموعه بيها..
يصير مو كلكم تموتون بس عشان واحد فيكم سوى شي غلط..
الفوز او الخسارة تعتمد على كل اللي في المجموعة مع بعض !
السلام عليكم
حبيت اعرض لكم مقطع عن الpvp
http://www.youtube.com/watch?v=xvHV7HB2BDc&feature=relmfu
وهذا الكلام اخذته اقتباس من مشاركه سابقه لي واتكلم عن بعض الامور باللعبه
بدايه الاقتباس:::
نظام التالنت طلع في تالنت خاص ومايصلح الا pve وهذا يستخدم لل solo dungeon
يعني بروحك تروح دنجن وتلعب بروحك اذا حبيت بدون قروب , والتالنت هذا يخليك اذا حصلت اي ضربه صارت طاقتك 80% وتحت تنقلب الضربه 50% هييل لك
يعني تضمن ان ضربات الموبات 50% هييل عليك اذا طاقتك 80% واقل , طبعا تنترس الطاقه وتكمل الدنجن
شنو الميزه بالسولو دنجن ؟ انك تدخل عشان تجمع اسلحه او حركات جديده , يعني الدنجن مو بس يعطيكم جير و اسلحه , هم يعطيكم حركات
جديده للشخصيه او شخصيات ثانيه تقدر تبيعهم للاعبين اخرين
يعني مثلا نقول انك في ووركرافت تدخل دنجن عشان تاخذ الكتاب حق الميج اللي يخلي الsheep يصير سلحفاة بدل خروف
هذي نفس الطريقه لكن للكلاسات كلها , وحركات جديده لهم كلهم
ثاني شي السولو دنجن هذا مو نفس ووركرافت انك ماتقدر تروح الا دنجن لفله اقل بكثير من لفلك عشان تقدر تروح بروحك واذا طاحوا اغراض
ماتقدر تبيعهم لأنهم سول باوند
هذا تقدر تروح كل دنجن ولكن البعض يعتقد بالسهوله ان يروح
لا مو بسهوله , لأن السولو دنجن لازم تكون geared يعني تشتري اغراض من المزاد واللي عارضينهم ناس طاحتلهم واهم مسوين سولو دنجن او
قروب جماعي
انت تشتري الاغراض وتجمع , يعني نص بالنص , مثلا حركه الهييل اللي اذا ضربوك الموبات يعطيك 50% هيل , هذي مثلا يدخلون ناس في قروب
دنجن و تطيح لشخص الحركه هذي , اهو مايحتاجها يروح يبيعها عليك وانت تشتريها منه وتضيفها عندك
غير الحركات من الدرب يعطيك بعد عشان تقدر تسوي سولو دنجن
هذي حركات السولو افضل من الجير والجير باللعبه اهو عباره عن شكل , عكس لعبه ووركرافت اللي مركزين عالجير
جيلد وور 2 لو تروح دنجن بدون ولا قطعه بالجير عندك تقدر تخلصه اذا كانت عندك الحركات solo dungeon
اما بخصوص القروب في الدنجن , فهناك حركات خاصه بعد هم تتعلمهم من المدرب او الكتب اللي تاخذها من الدنجن واللي يطلق عليها اسم support هذي الحركات يقولك اذا تستخدمهم يقللون الدمج ولكن يعطون هييل للقروب كله
يعني مثلا عندك ضربه تدمج 1000 , يقولك اذا استخدمت السبورت راح تقلل من الدمج ويصير 700 و تعطي القروب هييل 300 او اكثر شوي
في شي بعد , في باللعبه كويستات يطلقون عليها الشباب اسم day quest و night quest هذا الاسم مو متأكدين منه الشباب ولكن اطلقوا عليه الاسم هذا لأن الكويستات خاصه بالنهار و الليل
اللي بالنهار تسويهم مع الناس اللي اونلاين مثل اي كويست بلعبه ووركرافت
اما كويستات الليل تكون مثل chain quest اللي تسويهم بدون ماتشوف اللاعبين الثانيين ولا يشوفونك , يعني تكون بعالم ثاني
مثل كويستات ووركرافت خصوصا كويست اللي تروح تساعد ثرال في اundercity والكويستات هذي تصلح للناس اللي تحب تسوي كويستات بدون pvp يعني مايبون احد يأذيهم او يذبحهم واهم يسوون الكويستات
السولو دنجن يااخوان نفس ماتكلمت عنه بالبدايه
اهو انك تروح بروحك للدنجن وتكون مجمع حركات خاصه وتالنت خاص , بالنهايه البوس اللي تذبحه يعطيك شي من عده اشياء , كل شي له chance يطيح
انت تاخذ القطعه اللي يقطها واذا ماتحتاجها تبيعها
يعني كأنك تفرم عالجولد في ووركرافت او تجمع mining او herb ولكن جيلد وور 2 تكون داخل دنجن
والدنجن تلعب بروحك كأنك تلعب بلايستيشن
ملاحظه : التالنت الخاص هذا واللي كل ماتوصل طاقتك 80% وتزيد بالضربات ماينفع للpvp , يعني لايقول احد ان راح يستخدم التالنت هذا عشان يلعب pvp ومايموت
لأن لو تستخدم التالنت هذا بالpvp ماراح يعطيك مفعوله وراح تموت , المفعول يطلع بالدنجن فقط , بالدنجن فقط انتبهوا
وبالسولو دنجن مو معناته انك ماتموت , يعني مو تدخل الدنجن بروحك وتجمعهم عليك وتذبحهم وتخلص
لا مو جذي , لازم تاخذ واحد واحد وتذبحه او 2 وبعدهم 2 عشان تتحمل الضرب والهيل تاخذه وانت تسوي تكتيك خاص فيك تتفادى الضربات , ونفس ماقلت اللعبه بدون تانك او هيلر فكل شخص يعتمد على نفسه باللعبه
واللعبه فيها بالانس balance بالكلاسات , يعني كل الشخصيات متساويه
الكل dps والكل عنده self heal والكل عنده dodge او block
وانت شيل عمرك بنفسك , يعني لما تموت ما تسب اللعبه وتقول ظلم وماكو مقارنه
يعني ماكو نفس ووركرافت , تضرب druid ولما تقرب تذبحه ربط رجولك root وراح بعيد قعد ياكل او يختفي او يعطي نفسه هييل ويرجعلك طاقه متروسه وانت نص
ولا ميج يحولك خروف ويروح بعيد ياخذ هيل ويرجع
ولا شامان تضرب فيه ليل نهار ولما يقرب يموت يحولك ضفدع ويعطي نفسه هيل ويضربك لين تموت
هذا كله مافي , اللعبه تعتمد على مهارتك بس , ماكو واحد اقوى من الثاني , السريع والشاطر يفوز
يعني مثلا اطلعوا بره اورقمار وشوفوا ديول بين شخصين متمرسين بكلاساتهم , والشخصيتين ماعندهم هيل مثل وورير و وورلوك او ميج
شوفوا النهايه شلون راح تكون , راح تكون واحد يذبح الثاني وتشوف الفائز شوي ويموت , يعني في تقارب بينهم
هذا الاساس اللي مبنيه عليه لعبه جيلد وور 2 , ان الكل دي بي اس والكل عنده هييل خاص واللي يفوز يكون بجداره مو حظ بعد مايعطي نفسه 10 مرات هيل
يعني مو نفس الحين في ووركرافت في شخصيات عندهم هيل ويقعد يهيل نفسه وانت تمل من كثر ما تضرب فيه ولا اكو فايده , لغايه مايتجمعون عليك ربعه ويذبحونك
اما جيلد وور 2 كل واحد عنده هييل و الفنان اللي يعرف متى يستخدمه , لان كلكم متساوين بكل شي واللي عندك عند اللي جدامك
انا اكتفي بالقدر هذا مع ان في جعبتي المزيد عن اللعبه خصوصا الpvp وان يعتمد عالتكتيك نفس الارينا في ووركرافت ان كان 2v2 ويكونون ميج و روج
يعني كل شي محسوب حسبه عدله
نهايه الاقتباس:::
اعذروني لأني ذكرت لعبه ووركرافت بالموضوع وذلك لأني من لاعبين ووركرافت وذكرت الموضوع هذا هناك وكنت اقارن اللعبه فيها
لذلك تشوفون ان اذكر ووركرافت كثيرا بالموضوع
ما تدرون متى نزول اللعبه ؟
تاريخ النزول على حسب ما رأيته في بعض المواقع رح يكون في الربع الأول من السنة القادمة
لكن هذا الخبر ليس مأكد لأني دورت عليه في بعض المواقع المتخصصة لم أجد ما يطابق هذا الخبر
اقتباس:
المشاركة الأصلية كتبت بواسطة Karazhan
صراحه أنا أتابع العبه من 2007 من اليوم الي اعلنوا عنها بس شرحك لها جدا غريب حسيتك تتكلم عن لعبه ثانيه
ال CBT و هو التجربه الرسميه الأولى للاعبه رح تبدا اليوم الجمعه و هي مختصره فقط على مجموعه مرسول لها دعوه من قبل الشركه المطورهاقتباس:
المشاركة الأصلية كتبت بواسطة commandosII
و كل ما سائلوهم متى سوف تخرج العبه قالوا متى ما صارت جاهزه يعني ما فيه أحد يقدر يقول الأن متى وقت الأصدار
ولاكن أذا كنت تبي توقعاتي رح بالكثير بالكثير تصدر في شهر أربعه April 2012
ياخي الحماس واصل حده عندي
ابي العبها
من كثر ماتابعت الفيديوهات وشفتها
حسيت انه اللعبه شئ كبير جاي في الطريق
ولد بطنها ياخي دز ايميل قول لي انك تشارك هنا :)
حاليا اللعبه بيتا بشكل رسمي وتدخل موقعهم تسجل وتنتظر عل عسى يرسلون دعوه لك بالمشاركه
وقريبا ان شاء الله تنزل اللعبه بشكل رسمي
رفيجي ملك اللعبه اللي عروقه بالماي قدس سره يقول مو اكثر من 4 شهور من اليوم
هذي من اقوى الالعاب اللي راح تنزل السوق , لم تستطع اي لعبه ثانيه انها تجيب 50% من اللي في جيلد وور 2
لا ووركرافت لأنها قديمه ولا ستار وورز اللي توها نازله
هذي اللعبه وضعوا فيها على مدى 10 سنوات تقريبا كل ماهو جديد ومختلف اختلاف كلي عن النظام القديم لألعاب الاونلاين
يعني حالها تقريبا مثل حال البلاي ستيشن بالضبط , شلون لما تلعب بلاي ستيشن تكون لوحدك و تسوي مهمات لوحدك , جيلد وور2 نفس الشي
ولكن بالمقابل تقدر تكون مع فريق او قروب \ رايد وتروحون اماكن ثانيه مثل قتال world bosses او اي شي ثاني حالها حال ووركرافت و ستار وورز
يعني المصممين ما تركوا كبيره ولا صغيره الا واضافوها او عدلوها , صديقي مهمته ان يكتشف اخطاء الالعاب
يقول بكل العاب الاونلاين وقبل العبها لما اشوف افلامها اكتشف عيوب فيها كثيره , مثلا بالpvp تكون الطريقه فاشله او الرسم سيئ او الحركه سيئه او بالرايد طريقه قتل البوسات سيئه
يقول كل الالعاب اكتشف فيهم عيوب , الا جيلد وور 2 , الى الان لم اكتشف فيها عيب واحد
هذا يخلينا نعرف ان مصممين اللعبه مهتمين بكل تفاصيل اللعبه , و فتره ال10 سنوات كانت شغل متواصل و دؤوب لكي يصنعوا لعبه محكمه جيدا وبلا اخطاء
والدليل ان اللعبه لايوجد بها game master للمساعده , هذا يثبت ان اللعبه لايوجد بها مجال للخطأ
اللعبة روعة بصراحة لكن فيه شيء واحد موعاجبني بس ممكن لأني اول لعبة لعبتها كانت واركرافت عشان جذي احس انها مو حلوة ..
الي هي طريقة المشي للهيومان او القريبين من الهيومان .. وهي سريعة بس لقيت لها تبرير حلو وهو .. عشان مافيه ماونتات + تستمتع بالمناظر الطبيعية ..
طبعآ بمقارنتي guild war 2 بواركرافت .. اعتقد ان واركرافت لعبة فاشلة والجرافكس فيها من سنة 2004 وفيه بقات كثيرة + اخوي كان عنده ميج مات وعلق بمكان وماقدر يرجعه
.. لعبة واركرافت مشغولة بتجميع الفلوس وتجاهلت اللاعبين الكبار واتجهت للأطفال واصدرت اكسبانش الباندا هههههه .. الله يقطع بليسكم .. بعد الشخصيات ذي تطلعون باندا ؟؟ ليش بتقلدون تيرا ؟؟
جيلد وار لو بأشتراك شهري انا موافق :)
ياجماعة انا من كثر ما أحط سماعات على راسي ماأقدر اخليها .. والله حتى لومافيه صوت
اتوقع يجي يوم اقصها واروح فيها المسجد والدوام ههههههههههه