هل هذا الكورس جيد

معلومات المتقدم بالاستفسار :
العمر : 15 , الجنس : ذكر

الطول :168 متر
الوزن : 61.7 كيلوجرام



و الاستفسار كالتالي :
السلام عليكم اخواني

أنا عاوزز ابدأ بهذا الكرس انشالله فبدي رايكم..؟؟

سيرياس ماس+كرياتين(:cell-tec)+أمينو 2222

ما رأيكم؟؟ وهل في حاجه أخذ الملتي فيتامين؟


وأرجو منكم ان تكتبوا ارائكم على جدول تدريبي اذا كان فيه أخطاء

ألأحد:ظهر+باي
راحه
الثلاثاء:كتاف+ترابيس+أرجل
راحه
الخميس:باي+تراي+سواعد
راحه
السبت:صدر+تراي

البطن مقسم 3 أيام


واسف على كثره المواضيع ولكن كمال الاجسام يوجد الكثير من الأسئله

وعليكم السلام عمرك 15ماانصحك تاخذ مكملات اهتم بتغذيتك وتدريبك وجدولك حلو بالتوفيق ياوحش

خذ خذ مكملات ولا فيها اي مشكلة

السيراس ماس كويس لكن طعمه ممكن ماتتقبله, يعني لو تتجه لبروتينات افضل في النكهة والطعم عشان تستمر على البروتين , ممكن النكهة تشكل لك عائق وتكره شرب البروتين شيك بسبب نكهته .... شوف البروكومبلكس جينر شوكلت كويس أوي ....

الكرياتين سل تك ممتاز ...

الامينو ممتاز ..

====

الجدول/ جدولك جيد لكن يوم الثلاثاء صعب جدا, مابتقدر تجهد جميع هذي العضلات !! يعني مصير عضلة تطغى على أخرى في الاجهاد :)

من الممكن ان يكون جدولك كذا:
الاحد: صدر (4 تمارين), أكتاف وترابس ( 4 تمارين) وتراي ( تمرينين )
الاثثنين: أرجل كاملة ( افخاذ امامي + خلفي + دفش + اسكوات بار + بطات جالس + بطات واقف )
الثلاثاء: راحة
الاربعاء: ظهر( 5 تمارين) وباي ( 3تمارين )
الخميس: بطن كامل ( سفلي +علوي + جوانب + v )
الجمعة : راحة

بالتوفيق أخي العزيز

اقتباس:

---

Warnings: Keep out of reach of children. Do not take this product if you are pregnant or nursing a baby. Check with a qualified healthcare professional before using this product if you are under 18 years of age or if you have any known or suspected medical condition(s) including diabetes, hypoglycemia, and/or if you are taking any prescription or OTC medication(s).

---

يالغالي المكملات ماتناسب عمرك اهتم بالتغذية الطبيعية اامن لك من المكملات
وانت بفترة يمديك تتعدا غييرك بوقت اسرع

ودامك قادر ان شاءالله توفر غذائك بشكل سليم هالشي يكفي ولاتستعجل
موفق وتقبل مروري

اقتباس:

---

Warnings: Keep out of reach of children. Do not take this product if you are pregnant or nursing a baby. Check with a qualified healthcare professional before using this product if you are under 18 years of age or if you have any known or suspected medical condition(s) including diabetes, hypoglycemia, and/or if you are taking any prescription or OTC medication(s).

---

هذا الليبل حق اي منتج؟

أخوي مش لاقي البرومبلكس جينر؟؟ بس لاقي السيرياس ماس

أخوك من فلسطين يعني:]

السيريس ماس جيد ويعطي وزن لكن مشكلته الوحيدة هي النكهة فقط لاغير !اذا بغيت تشتريه براحتك لكن عليك الاستمرار في شرب البروتين حتى لو ما اعجبتك نكهته , اوكيه؟ :)

متشكر أخوي لع رح أكمل ما تخافف؟

بس شو مع الناس الي بتقول انه ما اهتم للمكمات لانها مضره؟

اقتباس:

---

المشاركة الأصلية كتبت بواسطة S.A.G.2

هذا الليبل حق اي منتج؟

---

سيريس ماس ..

^

وين ألاقي التحذير بالظبط؟ لأني دورت في السبلمنت فاكتس وحولها وتحتها ويمينها ويسارها ولا لقيت تحذير!!

ابحث عنه زين تلقاه

موجود على جنب الكيس

وموجود بصفحته في البودي بولدنق تلقاه تحت السوبلمنت فاكتت

اوكي يمكن السيريس ماس فيه هرمون بنائي مخلوط معاه وحنا ماندري !

بس البروكومبلكس غير موجود عليه هذا التحذير , ولك حق التأكد // http://www.bodybuilding.com/store/opt/gainer.html

والواي بعد مو محذرين اللي تحت 18 من استخدامه http://www.bodybuilding.com/store/opt/whey.html

والكرياتين ايضاً يجوز استخدامه تحت اشراف الخبراء ( يعني لا تزيد عن الكمية المحدودة) ولك حق التأكد ايضاً http://www.bodybuilding.com/store/opt/crea.html

سؤالي الآن: ليش عممت على جميع المكملات؟ ليش ماقلت السيريس ماس بس؟

اقتباس:

---

يالغالي المكملات ماتناسب عمرك اهتم بالتغذية الطبيعية اامن لك من المكملات

---

اسمحلي أنا اعتبر هذا تدليس !

تدليس !

اي تدليس وش لي من مصلحة انا ؟
وانت وش الي هامك بالمووضوع ليه ماتكتفي باطراء وجهة نظرك وتترك كلام غيرك ؟
انا نسختلك تحذير من المنتج نفسه من السيريس ماس وانت جاي تتمسخر فيه هرمون فيه ان شاءالله سرطان مخبى جواته انا مالي دخل هذا شيء
والشيء الثاني متعارف هنا بالمنتدى وبكل مكان انه ابعد عن الممكملات حتى ماتععدا الـ 18 اامن لك فقط لا اكثر مهو من باب الخطورة وهاالشي انا ذاكرة

وفيك مثل ماقلتلك تتقدم بوجهة نظرك الخاصة فيك انت لصاحب الموضوع ومالك شغل بالي اكتبه انا
وبعدين انا ملاحظ عليك انت ليش داخل وزعلان ؟
يعني احد مضايقك او زحمة االشوارع مسببه لك قلق ولا وش القصة ؟
كل ردودك تحاول تتمصخر وكان مافيه احد عنده علم باللعبة الا انت هنا ؟
كل رد وجاي بعده ليش هذا مايصلح ؟ وليش هذا كذا ؟
ترنا هنا بالمنتدى اخوان ونتبادل الخبرات وهذا همنا ومافيه احد كامل العلم بيناتنا
واذا شفت احد على خطأ صحح خطأه باحترام وباسلوب مناسب امام الشخص الي قدامك لانه مثلك انسان يصيب ويخطئ
اما اذا كانت اختلاف وجهات نظر فا مافيه داعي للتمصخر

؟!!

انا رديت رد انت رد لنفسك

اقتباس:

---

المشاركة الأصلية كتبت بواسطة بردان1

تدليس !

اي تدليس وش لي من مصلحة انا ؟
وانت وش الي هامك بالمووضوع ليه ماتكتفي باطراء وجهة نظرك وتترك كلام غيرك ؟
انا نسختلك تحذير من المنتج نفسه من السيريس ماس وانت جاي تتمسخر فيه هرمون فيه ان شاءالله سرطان مخبى جواته انا مالي دخل هذا شيء
والشيء الثاني متعارف هنا بالمنتدى وبكل مكان انه ابعد عن الممكملات حتى ماتععدا الـ 18 اامن لك فقط لا اكثر مهو من باب الخطورة وهاالشي انا ذاكرة

وفيك مثل ماقلتلك تتقدم بوجهة نظرك الخاصة فيك انت لصاحب الموضوع ومالك شغل بالي اكتبه انا
وبعدين انا ملاحظ عليك انت ليش داخل وزعلان ؟
يعني احد مضايقك او زحمة االشوارع مسببه لك قلق ولا وش القصة ؟
كل ردودك تحاول تتمصخر وكان مافيه احد عنده علم باللعبة الا انت هنا ؟
كل رد وجاي بعده ليش هذا مايصلح ؟ وليش هذا كذا ؟
ترنا هنا بالمنتدى اخوان ونتبادل الخبرات وهذا همنا ومافيه احد كامل العلم بيناتنا
واذا شفت احد على خطأ صحح خطأه باحترام وباسلوب مناسب امام الشخص الي قدامك لانه مثلك انسان يصيب ويخطئ
اما اذا كانت اختلاف وجهات نظر فا مافيه داعي للتمصخر

؟!!

انا رديت رد انت رد لنفسك

---

طيب ليش تنرفزت يالشيخ؟ أحس لو انك قدامي كان صارخت علي .. :)

انا ماني معصب ولا شي ,, لكن لما اشوف شخص يتكلم بدون توثيق لنقله // لا بد من التصحيح في هذا الوقت
بعدين انت نسخت تحذير من السيريس ماس صحيح, لكن خطأك انك عممته على جميع المكملات ,,

وقصة العرف مافي شي اسمه متعارف,, لان كمال الاجسام وجهات نظر وتجارب //

الأخ صاحب الموضوع عمره 15, ويبي يستخدم بروتين وكرياتين ,, تجي تقوله لا تستخدم مكملات؟ واستشهادك بليبل السيريس ماس كان خاطئ !

لو كان قلتله السيريس ماس ما ينفع لأن الشركة حذرت اللي تحت 18 من استخدامه كان ما رديت على ردك ولا قلتلك شئ .... لكن تقول ان المكملات كلها ماتناسبك عشان السيريس ماس بس؟؟؟

ع العموم // احترمك واحترم كلامك // لكن اذا فيه خطأ لا بد من التصحيح ... وبدون زعل ,, سواءً انت ولا انا اللي اخطأ ما يهم ,, اهم شي المعلومة الصحيحة ..

اقتباس:

---

Warnings: Keep out of reach of children. Do not take this product if you are pregnant or nursing a baby. Check with a qualified healthcare professional before using this product if you are under 18 years of age

---

الليبل حق السريس ماس

تحذير: أبعده عن متناول الاطفال / لا يستخدمه الحوامل والمرضعات // الاستخدام يكون تحت اشراف اخصائي صحي للي تحت 18 سنة //

يعني مافيه مشكلة بالنسبة للي تحت 18 سنة لكن يجب استخدامه تحت اشراف الخبراء .. ( يعني بكميات محدودة وبدون تهور ) ..

يا صاحب الموضوع اذا تبي السيريس ماس اشتره عادي لكن استعمله كماهو محدد في العلبة ولا تزيد أبدا ...

انا ماقلت لاتستخدم كل المكملات عشان السيريس ماس

انا تكلمت عن المكملات عامة ولي وجهة نظر لما الواحد يتعدى الـ 18 يكون جسمه كامل نموه واحتياجه اكثر والواحد متاكد من جسمه وصحته اكثررر
والسيريس ماس نقلته عشان يخصه هو لحاله ولا علاقة لباقي المكملات فيه وماذكرت مطلقا لاتستخدم المكملات عشان السيريس ماس


وطبعا يبي يستخدمهم براحته وانت لك نظر انه عادي الي بعمر اقل يستخدمهم
وانا لي نظر انه أأمن ( مهو ممنوع ) لكن مجرد اطمئنان الى مابعد الـ 18 سنه
فيه بعض المكملات تضاف لها مواد تكون بتركيز كبير مثل ممكملات القينر فيها فيتامينات بنسب عالية ومعادن بنسب عالية

ع العموم حصل خير واذا تشوف كلامي تدليس انا ارفض هالشي واكرر ماااااااردييييييييييت على احد هنا الا عشان افيد وارد جمايل هالمنتدى علي وردودي تكون على اطلاعي البسيط لا اكثر وبعرفي فقط وانا مبتدء للان واتقبل اي نقد باحتراااام واي تصحيح لمعلوماتي لكن بشوووي اسلوب افضل مهو بتمسخر

طيب بقولك شئ

سن النمو معروف ( من 14 او 13 الى 18 او 19 )

في هذي الفترة حاجة الانسان للتغذية الجيدة ترتفع بنسبة أكبررر من أي وقت آخر

فلذلك انا اشوف ان المكملات للي في هذا السن يحتاجها أكثر من اللي عمره 20 او 25

من اساليب التغذية الجيدة: المكملات الغذائية ومايرتبط بها

واذا كانت الشركة تنصح اللي تحت 18 بأخذ هذا المكمل تحت اشراف اخصائي صحي // فلا يعني هذا ان الشخص مايستعمله بتاتاً !!

بالعكس يستعمله لكن بدون تهور وبكميات معتدلة من أجل تكميل غذائه اليومي

ومثل ماقلنا هو في سن نمو // عمره 15 // يعني الفترة ذي كل شي فيه ينمو // وبحاجة للغذاء الكامل // فلذلك يحتاج بروتين وفيتامينات ومعادن مادامه ما يقدر يوفي حاجته اليومية الكاملة من الغذاء الطبيعي

وشكرا

وحاشا لله اتمسخر فيك ياخوي // يمكن فهمت غلط عبارة: هرمون بنائي وحنا ماندري !!
وانا آسف أولا وأخيرا ,,

مافيه داعي للاعتذار وانا ماقصدت هرمون بنائي وبس قصدت اسلوب نقدك بتوجيه سؤال بطريقة ان هذا الرد جا عن جهل
وطبعا ما اقصد بس بهالموضوع اقصد باكثر من رد شفته لك
وع العموم انا ايضا اتاسف لك اذا حسيت اني غلطت عليك
وكلامك صحيح ولاشك فيه ولا انكر اذا قلت لك اني بردك الاخير اقتنعت والكلام لما يجي بهالطريقة لازم تحترمه مهما كان
لكن كا نصيحة لصاحب الموضوع لاتهمل الاكل الطبيعي وتعتمد ع المكملات فقط يعني غذ نفسك بالاكل المفيد بهالعمر من الحليب ومشتقاته واللحوم والفواكه والخضار والابتعاد كليا عن الغازيات والوجبات السريعة وكل ماهو ضار فهالشي اولا من المكمل

وماحصل الا الخير ان شاءالله موفقين