تجربتي للمنتجين [Animal Stak / Animal M-Stak] #

السلام عليكم و رحمة الله و بركاته


بدايةً احب اشكر كل من حط موضوع و كل من عطانا معلومات
و كل من حط استفسار .. لان بصراحة استفدت منكم بشكل كبير

من القلب شكراً لكم :)


ادري كثرت المواضيع عن محفزات الهرمون و كثرت التجارب
فقلت انا بعد احط تجربتي عشان تصير تجاربنا مرجع لكل شخص

المحفزات الي استخدمتها هي Animal Stak و Animal M-Stak
طبعا المنتجين غنيين عن التعريف و هما من شركة كبيرة و عريقة
و لقيت معارضة من بعض الشباب في استخدام المنتجين بحكم ان استخدامه بعد 25
لكن شدني كلام الاعضاء الي جربوهم و حبيت اجربهم

بسم الله نبدأ


Animal Stak

العلبة الاولى : الاستخدام 45 دقيقة قبل التمرين

العمر : 21
الوزن : 63
الطول : 183
نسبة الدهون : ماعرف كم بالضبط بس قليلة

المميزات:
1- زيادة خفيفة في رفع الاوزان
2- العضلات خذت شكل اوضح
3-زيادة الصلابة في العضلات

السلبيات:
الحمدلله ما لقيت الاعراض الي تكلم عنها البعض
لا زيادة في العصبية
ولا ظهور لحب الشباب

بعد ما خلصت العلبة الاولى ما زاد وزني بالشكل الملحوظ
لكن صاحب المحل قالي ان شكل العضلات اهم من زيادة وزنك
و هذا الي شفته

العلبة الثانية : الاستخدام 45 دقيقة قبل التمرين
العمر : 21
الوزن : 65
الطول : 183

المميزات:
1- زيادة في رفع الاوزان
2- العضلات خذت شكل اوضح و اوضح
3-صلاااااابة العضلات

السلبيات:
وقت استخدام المنتج ما لقيت الاعراض
لكن بعد ما خلصت منه لاحظت ظهور حب الشباب على اكتافي
و نفس العلبة الاولى لا وجود لزيادة العصبية

زاد وزني بعد العلبة الثانية و الصراحة نتايج واضحة بالعضلات
حتى واحد من الشباب في الجيم قالي "انت داخل كورس هرمون :bigeyes: ؟"

والله كلامه حمسني و قلت لا ريال لاحقين على الهرمونات :biggthump


بعدها قلت بريح جسمي من المحفزات
و وقفت تقريبا شهر او شهر و شوي و بعدها بديت في المنتج الثاني



Animal M-Stak

العلبة الاولى : الاستخدام 30 دقيقة قبل التمرين

العمر : 21
الوزن : 66
الطول : 183

المميزات :
1- زيادة في رفع الاوزان
2-ضخامة العضلات (ضخامة اكثر من تشكيل او تقسيم)
3-زيادة الثقة في النفس
4- صلابة العضلات

السلبيات :
1-زيادة العصبية بشكل تدريجي في الاسبوع الاول و بشكل حاد في الاسبوع الثاني و الثالث
2- ظهور حب الشباب على الاكتاف


زاد وزني بعد العلبة الاولى و العصبية خفت بشكل تدريجي و حب الشباب مزعج.
في الاسبوع الي بعد العلبة الاولى لما كنت اتمرن ما قدرت اشل نفس الاوزان الي متعود اشلها
و ارهاق شديد و تعب بعد التمرين في كل الجسم


العلبة الثانية : الاستخدام 30 دقيقة قبل التمرين
العمر : 21
الوزن : 68
الطول : 183


الصراحة ماقدر اتكلم عن نتايج العلبة الثانية
لاني بعد اسبوع من استخدامها يتني حمى و اسبوع كامل ما تمرنت و ماخذت الحبوب
و بعدها ما حسيت ان العلبة الثانية نفعتني كثر العلبة الاولى


احس ان ما عطيت Animal M-Stak حقه لكن ان شاء الله بجربه مرة ثانية بعد ما اريح جسمي فترة
و ان شاء الله عقبها بجرب Animal Test بس قبل لازك اقرا عنه اكثر و اكثر ;)


و اسمحولي طولت عليكم .. كان ودي ارفق الموضوع بالصور لكن قلت اخلي الصور في موضوع ثاني
ان شاء الله راح يكون عن مشواري البسيط في كمال الاجسام

و شكراُ

تقدم ونتايج مممتازة ماشاء الله عليك أنت بطل
اهنيك على الموضوع المرتب والمنظم وتجربيتي مع الانيمال ستاك قريبة جدا من تجربتك ونتايجك ..
وبيني وبينك بعد فترة باستخدم الانيمال ام ستاك بس ودي تعطيني تفصيل أكثر له لو سمحت لي ياكابتن :
كم زاد وزنك ؟ وهل أخفى الام استاك وضوح العضلات اللي سواه الانيمال ستاك وألا كيف؟ أو انه عطاك ضخامة مع نفس التقسيم السابق ؟ لان كثير من مواضيع الشباب بالمنتدى كانوا يربطون الام ستاك بتقسيم العضلات .

اقتباس:

---

المشاركة الأصلية كتبت بواسطة 071071

تقدم ونتايج مممتازة ماشاء الله عليك أنت بطل
اهنيك على الموضوع المرتب والمنظم وتجربيتي مع الانيمال ستاك قريبة جدا من تجربتك ونتايجك ..
وبيني وبينك بعد فترة باستخدم الانيمال ام ستاك بس ودي تعطيني تفصيل أكثر له لو سمحت لي ياكابتن :
كم زاد وزنك ؟ وهل أخفى الام استاك وضوح العضلات اللي سواه الانيمال ستاك وألا كيف؟ أو انه عطاك ضخامة مع نفس التقسيم السابق ؟ لان كثير من مواضيع الشباب بالمنتدى كانوا يربطون الام ستاك بتقسيم العضلات .

---

هلا فيك اخوي
بالنسبة للوزن اقدر اقول ان الكورس الي كان مكون من بروكومبلكس جينر و ام ستاك و امينو زادوني 3 كيلو
هو المفروض اكثر بس للاسف انا نظامي الغذائي كان مخربط الفترة الاخيرة ..
الام ستاك ما اخفى تفاصيل العضلات , لكن الاستاك ما اعطاني نفس الضخامة الي عطاني الام ستاك
الام ستاك كان نفس التقسيم السابق مع ضخامة اكثر ..

اعتقد ان الاستاك افضل للتقسيم
و الام ستاك افضل للتضخيم .. هذا الي حسيته من واقع التجربة
و الله اعلم

و اذا تبا نصيحة مني ابدأ بالاستاك اول (علبتين) و بعدها الام ستاك (علبتين)

ما شاء الله

الله يعطيك العافيه يا بطل
والله يديم الصحـه

شاكرلك على نقل التجربه

مشكووور على نقلك للتجربه ،،

لكن لو كنت مجرب التست مع الستاك كان عصلت الصلابه والتحديد والضخامه ،، من تجربه

ولا تخاف من التيست بقى لي 3 أكياس من العلبه الثانيه والنتايج ولا أحلى ،،

ونصيحه مني لك اذا بديت بالام ستاك مره ثاني زيد تغذيتك من ناحية البروتين وضيف معه منتج بمب لكن شل حبة الكافين من الام ستاك وشوف النتيجه ،،

جزاك الله خير على طرح تجربتك
ومبروك على التقدم الي حصلت عليه وفالك التوفيق
ومثل ماتفضلت الام ستاك افضل للصخامة من اخوه وعن تجربة .
ضّخم بالام ستاك وحدّد بالاستاك
تقبل مروري اخي الكريم

اقتباس:

---

المشاركة الأصلية كتبت بواسطة daughtry

ما شاء الله

الله يعطيك العافيه يا بطل
والله يديم الصحـه

شاكرلك على نقل التجربه

---

الله يعافيك يالغالي

شاكرلك مرورك ^^

اقتباس:

---

مشكووور على نقلك للتجربه ،،

لكن لو كنت مجرب التست مع الستاك كان عصلت الصلابه والتحديد والضخامه ،، من تجربه

ولا تخاف من التيست بقى لي 3 أكياس من العلبه الثانيه والنتايج ولا أحلى ،،

ونصيحه مني لك اذا بديت بالام ستاك مره ثاني زيد تغذيتك من ناحية البروتين وضيف معه منتج بمب لكن شل حبة الكافين من الام ستاك وشوف النتيجه ،،

---

العفو يالغالي
ما كان عندي خلفية عن التست .. ف حبيت ابدا بالاستاك و اشوف النتايج و بعدها اتدرج للتست
و ان شاء الله بريح فترة و عقبها ببدا فيه اكيد
و اكيد ان شاء الله بسوي الي نصحتني عليه عن التغذية و البمب

اقتباس:

---

جزاك الله خير على طرح تجربتك
ومبروك على التقدم الي حصلت عليه وفالك التوفيق
ومثل ماتفضلت الام ستاك افضل للصخامة من اخوه وعن تجربة .
ضّخم بالام ستاك وحدّد بالاستاك
تقبل مروري اخي الكريم

---

شكرا على مرورك الحلو و الله يبارك فيك
و مثل النتايج الي حصلت عليها .. تقسيم بالاستاك و تضخيم بالام ستاك

مشكور أخوي على نقل تجربتك ، وأنت اللحين دخلتها براسي رغم أني مومقتنع بالمحفزات من قبل
وعن سالفة العصبية أنا من الأن عصبي يعني لو أستخدمته وش راح يصير فيني :12: ، أقول الله يسلم أهلي من شري .. حزتها ..:blackeye:

شكرا اخي على موضوع رائع بتوفيق انشاء الله

بارك الله فيك يابطل على نقل تجربتك..وعلى هذا التقدم
انا بدخل في كورس مكملات قريب وراح اضيف محفز عليه وكنت محتار بين الاستاك و الـ ام ستاك
بس الظاهر راح اخذ الـ ام استاك ..لان هو الاقرب للضخامه على حسب كلامك وكلام الوحوش
شكراً من القلب

اقتباس:

---

المشاركة الأصلية كتبت بواسطة Booyaka

مشكور أخوي على نقل تجربتك ، وأنت اللحين دخلتها براسي رغم أني مومقتنع بالمحفزات من قبل
وعن سالفة العصبية أنا من الأن عصبي يعني لو أستخدمته وش راح يصير فيني :12: ، أقول الله يسلم أهلي من شري .. حزتها ..:blackeye:

---

هلا فيك اخوي
والله انا اشوف ان استخدام المحفزات نقطة تحول .. يعني راح تشوف الفرق ان شاء الله بعد ما تستخدمها
و عن سالفة العصبية ترى مو شرط .. لان اغلب الشباب قالو ان الاستاك يزيد العصبية بس انا ما حسيت ف شي
لكن الام ستاك زود عصبيتي شوي .. يعني يختلف من جسم لاخر .. اتوقع :P
و بالتوفيق اخوي ^^

اقتباس:

---

شكرا اخي على موضوع رائع بتوفيق انشاء الله

---

اشكرك على مرورك الاروع و التوفيق للجميع ان شاء الله

اقتباس:

---

بارك الله فيك يابطل على نقل تجربتك..وعلى هذا التقدم
انا بدخل في كورس مكملات قريب وراح اضيف محفز عليه وكنت محتار بين الاستاك و الـ ام ستاك
بس الظاهر راح اخذ الـ ام استاك ..لان هو الاقرب للضخامه على حسب كلامك وكلام الوحوش
شكراً من القلب

---

اشكرك اخوي على هذا الكلام
و بالتوفيق ان شاء الله مع الكورس القادم
بس اهم شي ركز على التغذية .. لان هي الاساس
يعني محفزات بدون تغذية ما راح تلقى النتايج الي تعجبك
و بالتوفيق ان شاء الله

اخوي ركز على الضخامه اولا ومن ثما المحفزات وزوايا العضله وبالوقت الحالي الكرياتين يفي بالغرض

اقتباس:

---

المشاركة الأصلية كتبت بواسطة pcsx2

اخوي ركز على الضخامه اولا ومن ثما المحفزات وزوايا العضله وبالوقت الحالي الكرياتين يفي بالغرض

---

شكرا اخوي على النصيحة
كنت متحمس اجرب المحفزات .. و الحمدلله كانت النتيجة مرضية
و الحين بريح جسمي من المحفزات و كورساتي رح تكون بيسطة
بروتين, امينو, كرياتين

الانمل ستاك انا مجرب 3 علب وكل شي تمام ... ال ام ستاك من بعد ثاني كيس شفت الحبوب بدت تطلع .. ووقفته ... وللحين هو منزوي لحاله في الغرفه

اقتباس:

---

المشاركة الأصلية كتبت بواسطة اسـم العضو

الانمل ستاك انا مجرب 3 علب وكل شي تمام ... ال ام ستاك من بعد ثاني كيس شفت الحبوب بدت تطلع .. ووقفته ... وللحين هو منزوي لحاله في الغرفه

---

صح , انا معاك ان الام ستاك يساهم في ظهور الحبوب
لكن الكمية تختلف من شخص لشخص ..
لو في مع الام ستاك مواد لمنع ظهور الحبوب كان 10\10
بس نتايجه طيبة =P

شكرا على نقلك التجربه وانا كان براسي من زمان لاكن كنت محتار بين الاستاك والام ستاك و التيست لاكن من كلامك ببداء بالاستاك مع اني اتوقع اني صغير عليه من ناحيت العمر 19 لاكن انا ما عترف بالعمر الا في الهرمونات :) وشكرا

اقتباس:

---

المشاركة الأصلية كتبت بواسطة jawad07

شكرا على نقلك التجربه وانا كان براسي من زمان لاكن كنت محتار بين الاستاك والام ستاك و التيست لاكن من كلامك ببداء بالاستاك مع اني اتوقع اني صغير عليه من ناحيت العمر 19 لاكن انا ما عترف بالعمر الا في الهرمونات :) وشكرا

---

العفو ياخوي العزيز
و بخصوص العمر ترى المنتج ينصح لمن هم فوق الـ18 لكن البعض يرى ان 21 هو الانسب
لان معدلات الهرمون في عمر الـ18 و الـ19 تكون مرتفعة اصلا و المحفزات ما بترفعها اكثر - هذا الي اعرفه -
و بالتوفيق ان شاء الله بالكورس .. و ان شاء الله تعجبك النتايج