صور قبل وبعد واقتراحاتكم ونقدكم

معلومات المتقدم بالاستفسار :
العمر : 27 , الجنس : ذكر

الطول :173 متر
الوزن : 73 كيلوجرام

نسبة الدهون : 12.8

و الاستفسار كالتالي :
السلام عليكم

كيفكم شباب

حبيت انزل صوري اول مادخلت النادي وصوري حاليا

مده اللعبه 7 اشهر ونص :)

اتمنى عدم المجامله للمصلحه العامه مع خالص شكري لكم


المكملات

سرياس ماس + امينو تك + واي بروتين

الجدول

صدر باي بطن

ظهر تراي

راحه

ارجل بطن

اكتاف ترابيس سواعد

كارديو 30 دقيقه + بطن + سباحه

راحه

رابع صوره هي اول مادخلت النادي واخر صوره من اليسار الهدف


طبعا اول مادخلت النادي تقريبا وزني 63 والحين 73 هل اكمل الين اصل 80 او وزن معين بعدين انشف والا كيف

متاكد من نسبة الدهون ؟ لان شكلها اعلى من كذا

الاكتاف حلوين
الظهر حلو
الباقي ماهيب واضحه معالمه بس انت ماشي في الطريق الصح

هلا اخوي

لا ولله ماني متاكد بس بتاكد بكره او بعد بكره لاني بسوي برنت عن الوزن والدهون كل شهر واعطيك الخبر الاكيد


اللهم لك الحمد يعني ان شاءا لله في بدايه الطريق الصحيح

مشكور

هلا بالغالي مشاري

جسم مرتب ماشاء الله

برايي توقف السيرياس

وواصل ع الباقي بس دخل كرياتين منوهيدرات بكورسك افضل وخف الاوزان اشوي والعب بطريقة التكنيك ((مقاومة الوزن))

ان بغيت شي راسلني يابطل

وفالك التوفيق

ماشاءالله تبارك الرحمن والله يامشاري والله صدقني انت بالطريق السليم
الضهر والمقانص والذراع ماشاءالله تمام
البقية ما اقولك مش تمام بس مبين ان عندك عضل لكن فيه دهون ممكن تغطي الملامح بس ماعليك ان شاءلله كل شي يجي بالالتزام والحفاظة

وما زيد عن كلام اخوي حمد وعسى الله يوفقنا وياك

اقتباس:

---

المشاركة الأصلية كتبت بواسطة .hamad.

هلا بالغالي مشاري

جسم مرتب ماشاء الله

برايي توقف السيرياس

وواصل ع الباقي بس دخل كرياتين منوهيدرات بكورسك افضل وخف الاوزان اشوي والعب بطريقة التكنيك ((مقاومة الوزن))

ان بغيت شي راسلني يابطل

وفالك التوفيق

---

مشكور كابتن وازعجناك معنا .... ياخي الكرياتين ولله خايف منه مادري ليه تصدق اشتريته واخر شي عطيته واحد مشكلتي ما اكثر ماء يعني ماقدر اشرب اكثر من 3 لتر فـ من باب الحذر خليتهيعني قصدك امينو تك + كرياتين + واي بروتين ....؟طيب كابتن وش افضل بروتين يصلح لجسمي هل هو الواي بروتين او بروكمبلكس او ايزو 100 ماني متاكد من اسممه
* معليش كابتن مافمهت (وخف الاوزان اشوي والعب بطريقة التكنيك ((مقاومة الوزن))
مشكور مره اخره

هلا عمر

الله يسلمك مشكور
صادق الباقي فوقها طبقه دهون وان شاء الله مع الايام بتروح وراح اوقف السرياس ماس

برايك امشي بعد التمرين والا ااجلها شوي لفترة معينه يعني لاني ودي اكون عضل زياده بعدين انشف وش رايك

برايي المشي ممتاز فقط مشي عشر دقايق بعد التمرين بدون جري او ركض
يعني يوم ورا يوم مناسب
والسيريس ماس اذا وقفته لاتنسى تهتم بالكارب اذا كان اكلك مافيه كارب معقد
يعني خل وجبة اساسية اما شوربة شوفان او حبة بطاطس مسلوقة او ماكرونا

بالتووفيق وان شاءالله للافضل

يسلموو عمر

طيب ممكن تعطيني وجبات اكثر فيها كارب

طيب كابتن وش افضل بروتين يصلح لجسمي هل هو الواي بروتين او بروكمبلكس او ايزو 100 ماني متاكد من اسممه

والا استمر ع الواي لحاله ... وهل 3 سكوب باليوم تكفي ....

الله يسلمك
الخبز بالبيت حول من الخبز الابيض للخبز البر هذي خطوة
وجبات كارب بالاضافة للمذكور سابقا ممكن بعض الايام تاخذ كورن فلكس مع انه فيه سكريات شوي يعني لاتستخدمه على طول
الفول السوداني ايضا ممتاز وخله مع وجباتك وبالنسبة للبروتينات الواي او البروكمبلكس كلهم ممتازين صراحة
وفيه بروتين لو حبيت تجربة يعني مثل ماتقول بين القينر وبين العادي وجدا رائع انا جربت السينثا 6 والايليت فيوجين 7
كلهم بروتين خليط ويجي الكارب 15 قرام يعني شي معتدل بالنص لكن الدهون فيه مرتفع شوي
يعني ممكن تاخذ سينثا 6 لو لقيته + واي لبعد التمرين

الله لايهنك عمر

كويس كويس

طيب انا شفت لك مشاركه تمدح طعم سينثا 6 اي نكههه تنصح

طيب وش رايك بالكورس

سينثا 6 ( صباح وقبل النوم مع حليب سكوب طبعاً ) + واي بروتين سكوبين بعد التمرين + امينو تك 5 قبل وبعد + كرياتين بودر

هل يحتاج اضافه

شوكلت ميلك شيك طعم(ن) لايعلى عليه بالنسبة لي : ) ( اخاف تجربه ومايعجبك واروح فيها انا ههه ) لانها اذواق مثل ماتقول
وترا السينثا 6 من اشهر البروتينات ولو تدخل ع البودي بولدنق تلقاه ضمن قائمة اكثر 10 مكملات طلبية
يعني مابعد واي اوبتمم بالبروتينات بالطلب الا السينثا 6 بالنسبة للبودي بولدنق

وبالنسبة لكووورسك رائئئئئئئع للغاية : ) وممكن تحتاج ملتي فيتامين من الصيدلية فقط

بالتوفيق يالغالي

الله يعطيك الف عافيه

لاماعليك النكهه اكيد بتعجبني خصوصا مع الحليب يطلع شي

ادري ابلشتك بس اخر سوال ...

الـ سينثا 6 يعتبر للضخامه والا تنشيف ؟؟؟ يعني ينفع لجسمي مثل منت شايف ولا لا

ولله يوفقك يالغالي ومشكور

ما ابلشتن ولا شي ابد بالخدمة

ينفع للضخامة اكثر وانت استخدم علبة اذا شفت منه دهون وقفه
بس ع القليلة اهون من مكملات القينر : )

اخوي في عندك مشكلة اما بنظامك الغذائي او بتدريبك

انا ارشح النظام الغذائي الغي السيريس ماسس لانه بزيدك دهون

وغير نظام تدريبك وقم برفع الاوزان بشكل اكبر واقوى

يسلمك ربي من كل شر تسلم

اقتباس:

---

المشاركة الأصلية كتبت بواسطة m3az`

اخوي في عندك مشكلة اما بنظامك الغذائي او بتدريبك

انا ارشح النظام الغذائي الغي السيريس ماسس لانه بزيدك دهون

وغير نظام تدريبك وقم برفع الاوزان بشكل اكبر واقوى

---

ممكن يكون التغذيه بس جاري التعديل وباذن الله نشوف نتايج مرضيه

والسرياس سيتم ايقافه ... مشكور ع الملاحظه تسلم

قبل شوي رحت للنادي واخذت برنت

نسبه الدهون : 13.1

الوزن : 72.3

العضل :33.6


زدت عضل كيلو عن الشهر اللي راح
ودهون نص كيلو


طيب عمر الحين السرياس ماله حل يعني لو استخدم ربع الاسكوب ماينفع والا اوقفه تماماً


وفكرت بشغله وش رايكم فيها

يوم الاول بعد التمرين 20 دقيقه مشي

الثاني بطن

الثالث راحه

الرابع مشي

الخامس بطن

السادس مشي وبطن

شي طيب
وبالنسبة للسيريس ماس اذا انت حابه حيل وحاس انك فعلا مستفيد معه براحتك بس برايي جرب شي على الاقل ممكن تلقى نفس النتايج العضلية بس بمنتج اخر
لكن شي يرجعلك بالاول والاخير تقدر تستخدم السيريس بس تاكد انك بتزيد دهون ايضا اكثر من كذا خاصة وانك مانت بعيد عن نسبة الدهون المثالية

والجدول ممتازه فكرتك ممكن تبطقه

بالتوفيق وخبرنا عن النتايج

هلا عمر

لا ولله ماحبه بس متحسف عليه ههههههههههه باقي نصه

بس مو مشكله عندي علبه جديده واي بروتين بصير استخدمها الين تتسهل الامور واشتري مكمل ثاني

طيب فيه مشكله لو استخدمت سكوبين الصبح وبعد التمرين وقبل النوم من الواي بروتين ؟؟؟

اوكي بستمر ع الوضع والشهر الجاي بعطيك النتايج تسلم يالغالي

وش رايك بـ كرياتين يونيفارسال هل هو كويس والا الافضل ابو علبه خضرا مونهدرات

كمل نصف العلبة اجل لما تخلص برايي ماشاءالله جسمك مهو لهالدرجة مليان دهون لا ابدا بس قليلا
فيه ناس تستخدم مكملات قينر وهي 18 بالمية دهون
يعني ماعليك الوضع ان شااءالله سليم
كمل على الي عندك سكوب كامل صباحا بعد الافطار بساعتين
والواي بعد التمرين مع ماء + قبل النوم مع حليب وسكوب واحد كافي بكل مره

بالنسبة لكرياتين يونفرسال اشوفه هو المتواجد الان عند الاخوان واعتقد انه نفس الاخضر : ) كلهم مونهيدرات ميكرونايزد

واتوقع اقل من نص بعد

وهو كذالك مشكور يالغالي ولاهنت

ماشاء الله يابودلع
جسمك حلو .. الظهر تمام الله يزيدك ..والتغير كبير
.. الاخوان ماقصروا معك يابطل
واذا بغيت شي راسلن او اتصل
موفق

ماشاء الله

بطل يأخوى مشاري , والابطال ماقصروا

و حاول انك تبنى عضل صافي ..أفضل لكي ترتاح في مرحلة التنشيف .

بالتوفيق يااوحش .