شباب وزني ثبت مرة مايطلع فوق وش الحل ؟

معلومات المتقدم بالاستفسار :
العمر : 21 , الجنس : ذكر

الطول :170 متر
الوزن : 61 كيلوجرام

نسبة الدهون : مدري

و الاستفسار كالتالي :
السلام عليكم

زمان اول ما دخلت النادي كنت اغلط بالتمارين واقطع يوم يومين
وكان عندي بروتين اب يور ماس والتغذية يعني ومع ذلك ماشاء الله طلعت من 50 إلى 54

بعدين اشتريت سيرياس ماس وطلعت من 54 إلى 61

الحين مواظب بالنادي واكل زين وتمارين صح وخلصت علبة سيرياس ماس ولا زدت ولا واحد كيلو ؟؟؟
نفس ما انا 61 ؟؟؟؟

الحين بديت بـ علبة البرو كومبلكس جينر
يمكن للان استخدمت منه اقل من 10 سكوبات ومجتهد مع التغذية والتمرين وزني زي ماهو ياجماعة 61 ؟؟؟

اخاف علبة البرو كومبلكس جينر تخلص وانا ووزني مازاد :"(
اول على بالي بالكورس الي عندي اني اطلع لـ وزن 70 كيلو بس تحطمت ثابت وزني :"(

بقولكم وش اكل

قبل الفطور سلطة : خيار + بندورة + فلفل حلو احمر واصفر + بصل
بعدها 4 بيضات 3 بياض البيض والاخيرة كاملة وكاسة حليب
بعدها بطاطا حلوة + موزة
بعدها التمرين
بعد التمرين البرو كومبلكس جينر
بعده الغداء رز وسمك او رز ولحم او رز وصدر دجاج
بعدها سلطة خضراء
بعدها خبز وزبدة الفول السوداني وعسل وجبنة بيضاء ولبن زبادي
بعدها موزة
بعدها برو كومبلكس جينر مع حليب ونومة
( وسويت بسكوت البار حق ذا كيست ) اخذه بين فترات اليوم

واخذ فيتامينات زي ملتي فايتمن وغيره يعني متهم
مع ذلك ياجماعة وزني ثابت ؟؟؟؟؟

الوالدة الله يحفظها قالت كلمة ممكن تكون صح
تقولي انت اكلك زي الي بيخس كله فواكه وسلطة !!

اذكر زمان ايام ما اخذ الاب يور ماس اول ايامي بالنادي يوم زدت عشرة كيلو
ما اكل لا فواكه ولا سلطة

بس الحين اكلها عشان الفيتامينات طبعاً والمعادن

تظنون انها هي السبب ؟

تكفون الحل والله خسارة علبة البرو كومبلكس يخلص زي السيرياس ولا ازيد :"(

يا هلا فيك أخوي متعطش..

الجواب لهذي المشكلة بسيط جدا...و مافيه اي تعقيد..

على قد ما تاكل الآن...كل أكثر
حاول تدبل بعض الكميات الموجودة في جدولك الغذائي...كبداية اقترح عليك
الموز خله بدال الموزة موزتين
و صدر الدجاج..بدال ما يكون واحد خله اثنين..
بكذا تكون زدت حوالي 350 سعرة على جدولك الغذائي الحالي
و بعدها استمر على هذا الحال وشوف ايش النتيجة..
شوف اذا وزنك بدأ يزيد ولا لأ...و هل هذي الزيادة دهون ولا عضل..؟!

بالنسبة لكلامك انك في البداية زاد وزنك بسرعة و الآن توقف..هذا شي طبيعي في لعبة كمال الأجسام..
في البداية تكون الزيادة سهلة..لكن بعدين تصير أبطأ بكثير..

سؤال: هل أوزانك أو تكراراتك كانت تزيد خلال الفترة اللي ما زاد فيها وزنك..؟

وعليكم السلام ورحمة الله وبركاته,

شيل وجبه او وحبتين وزيد الكميه بالوجبات الثانيه وعلى كذا الايض راح يكون كويس معك لأنك بكميه الوجبات هذي تزيد من حرق الجسم للسعرات وانت الان محتاج لها للتضخيم,
وسالفه إنك بين الوجبات تاخذ بسكويت لا تاخذها لأنك قاعد تزيد الحرق بصورة أكبر,ضعها مع الوجبات احسن لك,
إنتظر المحترفين وراح يفيدونك من ناحيه النظام موفق أخوي

الاكل اذا كان اكثر من حاجة الجسم = خروج .. خصوصا للاشخاص اللي عندهم الهضم قوي
لذا حاول تستفيد اكثر بالتمرين من خلال رفع اوزان اكبر واكبر ، كل اسبوع لازم ترفع وزن اكثر من اللي قبل

والعلم الاكيد عند الكباتن

الله يعطيكم العافية ،

فارس الأوزان للأسف زي ماهي مافي تغير

السلطان يقولك لا خلطت الأكلات مع بعض زي مثلاً السلطة أو الفواكه مع الأكل يسبب عسر في الهضم
حتى البسكوت البار نفس الشي لازم تاكل أي شي لحاله عشان تستفيد منه مو يتراكم بطنك وتطلع لك كرش

وبانتظار الكباتن ..

ياكباتن بالله مساعدة شوي
انا لازم اوصل لـ 70 كيلو لازم

الله يعين ي شباب والله هذا الي مايخليني اخش المنتدى كثير
مافيه تفاعل واحس فقط مواضيعي مافيها تفاعل
مدري صدق ولا يتهيأ لي لكن عموماً مشكورين والواحد يشتغل على نفسه ولا يحتاج الناس اصرف والله

وعليكم السلام
اخوي انت نفس وضعي سابقا بالزبط طولي تقريبا نفس طولك ووزني كان مثلك لكن الحين ولله الحمد 69.5 ك
في فترة من الفترات توقف وزني عن الزيادة عند وزن 62 ك واخذت فترة احاول مافيه فايده الين كرهت الحديد والنفسية صارت زفت وفي النهاية توصلت للحل
راح افيدك بس ابي اعرف كم صارلك تتمرن وشلون اداءك في التمارين يعني اوزنك بتزيدها كل فتره والا ثابته
لي رجعه ان شاء الله

اتفق مع الاخ السلطان
قلل وجباتك
وعسر الهظم هذي عاد مشكلة مادري كيف حلها ان شاءالله يفيدك احد اذا عنده حل له لكن بالنسبة لي الحمدلله تمام
وممكن مع الوقت تعود

بالتوفيق

اقتباس:

---

المشاركة الأصلية كتبت بواسطة no pain no gain

وعليكم السلام
اخوي انت نفس وضعي سابقا بالزبط طولي تقريبا نفس طولك ووزني كان مثلك لكن الحين ولله الحمد 69.5 ك
في فترة من الفترات توقف وزني عن الزيادة عند وزن 62 ك واخذت فترة احاول مافيه فايده الين كرهت الحديد والنفسية صارت زفت وفي النهاية توصلت للحل
راح افيدك بس ابي اعرف كم صارلك تتمرن وشلون اداءك في التمارين يعني اوزنك بتزيدها كل فتره والا ثابته
لي رجعه ان شاء الله

---

شكلك مثلي بالضبط
حتى ثبات الوزن عندك مثلي
والله صارلي للحين 7 اشهر فيها تقطيع بالايام وحده شهرين ونص
وادائي بالتمارين دايم اقعد بالنادي بما لا يقل عن 45 دقيقة ولا أكثر من ساعة
الاوزان والله ثابته ماتغيرت احاول بكل مرة ازيد ماقدر
واروح لك النادي وانا ماكل زين ونشيط وكذا بس مرة مافي فايدة بزيادة الوزن
بس انا سمعت ان ثقل الحديدة الي تشيلها مالها شغل هي صح لها دور بس برضو حتى الوزن الخفيف له دور بالبناء
انا احس المشكلة في الاكل
وياليت تقولي تجربتك كيف كسرت ثبات الوزن ؟

انا مثلك
لي شهر ونصف وزني ما تغير
ومو شرط من الاكل او التمرين او الراحه
احيانا النفسيه ما تخليك تزيد ، تمر عليك اوقات نفسيتك مو مرتاحه او دايم تفكر في اشياء ووووالخ
اشياء كثيره احيانا ما تعرف سببها
بس لا تخاف وقوف الوزن في فتره اشوفها طبيعيه لان اكيد فيها سبب طارئ خلى وزنك يتوقف ، > يعني لو انك من البدايه تلعب ولك شهور وما تغير وزنك هنا نوقف ونفكر وش السبب !!

* بالنسبه للاوزان حاول تتدرج في حمل الاوزان > لان العضله اذا فاجئتها بوزن ثقيل من اول جلسه راح تتعب وماراح تشيل وزن اعلى ، وراح تثبت على الوزن في الايام الاخرى

........... ممقن النفسية ممقن لا

السلام عليكم
اخوي عشان الوزن يزيد النفسية النفسية النفسية لازم ترتاح , لاتخلي التفكير في زيادة الوزن شغلك الشاغل , أعتقد والله اعلم انت من الناس اللي توزن صبح وليل , انصحك توزن اسبوعيا و إذا حصلت زيادة في الوزن ولو 100 جم اعتبره انجاز وشي ايجابي , و إذا ما زاد قول الحمدلله احسن من غيري , يعني قدر المستطاع حاول ترتاح نفسيا .

الشي الثاني / انصحك بتنويع التمارين اسبوعيا , مثال الصدر بنش اسبوع بار واسبوع دنابل والاوزان اسبوع ثقيل جدا واسبوع متوسط وهكذا.

الشي الثالث / التغذية . ركز على التالي ارز مكرونه تونه قشطه جبنه لحم صدور دجاج بيض مسلوق بطاطا مسلوقه فواكه ورقيات ( جرجير , خس , بصل , بقدونس ....)

الشي الثالث / المكملات الغذائية - بروتين - منتج بمب او كرياتين - جلوتامين - ملتي فيتامين

واخيرا النوم ليلا لابد منه . ابتعد عن السهر قدر المستطاع

اتمنى ان اكون افدتك

لي رجعه ان شاء الله

واستنى رجعتتتتتك .. حبذا تذكر تجربتك ياوحش كيف كسرت ثبات وزنك
خذ راحتك بالكتابة لو تبي تكتب اكثر من رد المهم عيشني اللحظة عيشني الجو وخليني استفيد من تجربتك

جتني نفس الحكايه
طولي 180 سم
وزني قبل شهر ونص تقريبا ثبت على 68 وضيعت فلوسي على كيسين سيرياس ماس والوزن نفسه ماتغير
ولما زودت جرعة السيرياس ماس الى 400 جرام زاد وزني الى 75
بس ايش الفائده كل الزياده راحت للكرش
لذلك ماانصحك بالزياد السريعه لانها تتركز بالارداف والكرش وكل من شافني بالصاله
قال انتبه من الكرشه تراها باينه هههه
و ثبات الوزن احس انه كان تحذير من الكرشه هههه
وحاليا قطعت السيرياس ماس

ومعتمد فقط الواي بروتين وبروكمبلكس العادي ويازين العضل الصافي
اما الدهون ماتفيدك بشيء

ما أتفق معك يا هومكس لأن عضل لابد من الدهون عشان تكسب عضل وانا من المجربين زييد وزنك عضل مع دهون وبعدين اذا خشيت تنشيف راح تعرف فائده الدهون بالضخامه شنو تسوي.

أنصحك يامتعطش تزيد وزنك عضل مع دهون ولا تاخذ هم الدهون بالتنشيف راح تروح إن شاء الله.

اصلا العضلات كيف تطلع ؟ من الدهون تتغذى منهم ... عليك توقيع يا السلطان اهنييك

أنا قلت لك يا متعطش...لازم تزيد الأكل في نظامك الغذائي لين ما تبدأ تشوف وزنك يتحرك..
زيد في اكلك حبة حبة..و ابحث عن الأكلات الأعلى سعرات...
عليك بالفول السوداني..افضل بروتين نباتي و من افضل مصادر الدهون الصحية و فيه كاربوهيدرات معقدة..و فيه فيتامينات
ملعقتين طعام فيها 200 سعرة تقدر تدخلها بين وجباتك و تاكلها اكثر من مرة في اليوم..
ممكن تاخذ ملعقتين على الريق قبل الفطور و ملعقتين في وقت آخر
لو تروح لأي أخصائي تغذية و قلت له ابي ازيد وزني..نصحك بالفول السوداني

للمعلومية..ملعقة الطعام هي مقياس عالمي = 15ملل
و تحصل هذا المقياس في بندة..و اسم الوحدة بالانجلش 1tbsp
تحصلة على شكل سكوب..و فيه اكثر من وحدة قياس..مثل: ملعقة طعام, نصف ملعقة طعام,ملعقة شاي,نصف ملعقة شاي.
ملف مرفق 350353

انا كنت نفس حالتك كنت اتبع نظام غذائي و بعد فترة وقف وزني عن الزيادة..
بعدها زدت نظامي الغذائي ملعقتين فول سوداني و ملعقة عسل..بعدها بدأ يتحرك..يزيد تقريبا في الشهر كيلو..و الزيادة تكون عضل صافي..من دون ملاحظة اي زيادة في الدهون..
استمريت على هذا الحال ثلاث شهور..لين الشهر الرابع بدأت تقل الزيادة و صرت ازيد في الشهر حوالي نص كيلو..و أفكر أزيد نظامي الغذائي مرة أخرى بموزتين..

للمعلومية..أول شهر لي في محاولة زيادة نظامي الغذائي..أضفت ملعقتين فول سوداني و ملعقتين نوتيلا و ملعقة عسل و موزة..و لقيت زيادة الدهون اكثر من العضل
لذلك انصحك تزيد نظامك الغذائي ببطء عشان تتجنب كثرة الدهون.

[COLOR=#fafafa !important]

[/COLOR]

http://www.google.com/uds/css/small-logo.png

السلام عليكم
الاخ متعطش
انا مريت بنفس مشكلتك والحل بسيط بأذن الله
بأختصار ريح لمدة اسبوع او عشرة ايام وبعدها ارجع اتمرن وراح تشوف نتائج تعجبك بأذن الله
وشكرا

اخوي فارس
والله فكرة حلوة اني اكل الاكلة اكثر من مرة تصدق انا لا مشيت على نظام غذائي
مثلا نقول 6 وجبات لازم تكون منوعة يعني ما اكرر الاكلة مرة ثانية :/
بجرب طريقتك واعطيك خبر ..

جميل بجرب اريح واشوف ...

مشكورين ياشباب

اقتباس:

---

المشاركة الأصلية كتبت بواسطة متعطش

اصلا العضلات كيف تطلع ؟ من الدهون تتغذى منهم ... عليك توقيع يا السلطان اهنييك

---

ترا مو انا الي بالصورة هههه

ادري من جدك انت ؟ مافيه عربي جسمه كذا < تحطيم ههههههه

^ ^
بالعكس يالغالي عندنا بالبحرين أبطال لهم صيتهم وأجسامهم خيالية ، يكفي أن بطل أسيا بحريني سامي الحداد ..:أفكر:
واللي بالصورة هذا السلطان بس مو حاب يعترف .. علشان ماتجيه العين :D

اخوي متعطش اول شي ابيك تسويه تعطي نفسك إجازة لمدة اسبوع ولا تجيب طاري النادي و التمارين و و و و انسى كل شي وريح راسك

- زيد الحليب والزبيب مع وجباتك ( الحليب في الصباح و المساء )

- بصراحة البروكمبلكس جربته وماحرك ساكن ( لكن بعد ماريحت اسبوع جربت التروماس و زادني 2 كيلو - ماتدري قد ايش فرحت وحسيت كأن الأمل رجع من جديد وراتاحت نفسيتي كثير - وبعده اخذت الواي جولد ستاندر + كرياتين + اوبتي مان + جلوتامين) وبدا الوزن في صعود ولو انه بطي شوي ( خلال خمس شهور وصلت الى 68


- خليك شره في الأكل ( كل قد ماتقدر بس مو شرط تشبع بزيادة في الوجبه الواحده -يعني خلي اكلك قليل متواصل )


- نوع وشكل في تمارينك زي ماقلتلك اول .

- وقبل هذا كله ادع الله في صلاتك اخر الليل ان يرزقك جسم المؤمن القوي ( واعلم ان ما تحصل عليه بتوفيق الله )


اتمنى اكون افدتك ولو بالقليل


موفق بأذن الله

-

اخوي متعطش اول شي ابيك تسويه تعطي نفسك إجازة لمدة اسبوع ولا تجيب طاري النادي و التمارين و و و و&nbsp;&nbsp; انسى كل شي وريح راسك<BR><BR>- زيد الحليب والزبيب مع وجباتك ( الحليب في الصباح&nbsp; و المساء )<BR><BR>- بصراحة البروكمبلكس جربته&nbsp; وماحرك ساكن ( لكن بعد ماريحت اسبوع جربت التروماس و زادني 2 كيلو - ماتدري قد ايش فرحت وحسيت كأن الأمل رجع من جديد وراتاحت نفسيتي كثير -&nbsp; وبعده اخذت الواي جولد ستاندر&nbsp; + كرياتين&nbsp; +&nbsp; اوبتي مان + جلوتامين) وبدا الوزن في صعود ولو انه بطي شوي ( خلال&nbsp; خمس شهور وصلت الى 68<BR><BR><BR>- خليك شره في الأكل ( كل قد ماتقدر بس مو شرط تشبع بزيادة في الوجبه الواحده -يعني خلي اكلك قليل متواصل )<BR><BR><BR>- نوع وشكل في تمارينك زي ماقلتلك اول&nbsp;.&nbsp;<BR><BR>- وقبل هذا كله ادع الله في صلاتك اخر الليل ان يرزقك جسم المؤمن القوي ( واعلم ان ما تحصل عليه بتوفيق الله )<BR><BR><BR>اتمنى اكون افدتك ولو بالقليل<BR><BR><BR>موفق بأذن الله&nbsp;<BR><BR>-