Mists of Pandaria talent tree تغييرات جذرية لكل الكلاسات! ( الإكسبانشن الجديد )

السلام عليكم ورحمة الله وبركاته

هذي آلتغييرات آلي بتصير بالـ Patch آلجآي Mists of Pandaria من نآحية الـ Talent Tree

طبعاً هذي التغييرات يمكن ما تكون أكيدة 100% لكنها الأخيرة لحد الآن
وآذآ كآنوا بغيرونها رآح تتغير بنسبة بسيطة جداً يعني قوة الحركآت فقط
أمّا الشكل العام يقولون هذآ هو جذي ومآرآح يتغير ،،

هذي صفحة الـ Talents Tree
http://us.battle.net/wow/en/game/mis...ent-calculator

آخر كلاس على اليسآر آسمه آهو آلكلاس الجديد آسمه Monk مآتقدر تشوف الـ Talent حقه
شكله بخرب اللعبة هالكلاس، بروحنآ لي آلحين مبتلشين بالديثنايت من يوم حطوه!

آلمهم

آتوقع طريقة الـ Talent:
اذا وصلت لفلت 10 تختار التخصص مثلاً آنت Mage، تختار Fire أو Frost أو Arcane
خلنآ نقول أخذت Frost ..
روح على صفحة الـ Mage وآختآر Frost تلقى مكتوب تحت كلمة Frost
Spells: All | Class | Spec
كلمة Spec عليها نجمة *

اذا طقيت على كلمة Class تشوف سبلات الميج الرئيسية الي تكون معاك بكل التلنتات
اذا طقيت على كلمة Spec* تشوف سبلات الميج الخاصة بالـ Talent مثل Frostbolt - Water Elemental

هذي الأشياء الرئيسية أمّا الأشياء الي أنت تغيرها تبدا معاك من لفل 15
آذآ وصلت لفل 15 تفتح الـ Talent تلقى 3 حركات تختار وحدة فيهم ( مآتفرق آنت Frost ولا أي تالنت .. أغلب الحركات تصلح لكل التلنتات )
( قلنا مثلاَ انت ميج )

تختار إمّا Presence of Mind ( تخلي السبل انستانت الي حالياً بتالنت الـ Arcane )
أو Scorch وآنت تتحرك
أو حركة جديدة اسمها Ice Flows تخليك تسوي 2 Spells وانت تتحرك .. يعني تطق Frostbolt مرتين وانت تركض.

تختار حركة وحدة فقط ومآتفرق آنت أي تالانت.
كل 15 لفل تختار تطلع لك حركات جديدة وتختار وحدة فيهم إلى لفل 90
15 - 30 - 45 - 60 - 75 - 90

كل آلشخصيات صآرت قوية بشكل خيآلي آلحين
أحلى شيء بالميج تقدر تخلي Evocation ( آلحركة الي يشحنها وتعطيه مانا وهلث ) تقدر تخليها بدون كول داون لكن ماتزيد لك مانا .. وبعد مآتخلص منها تعطيك 20% سبل بور لمدة 30 ثانية
يعني كل شوي زآيد هيلثك ومعاك 20% سبل بور
والميج تقريباً صآر عنده Vanish مثل الروق :09:
واذا مثلاً طلعلي روق وقعد يبطئني تجيني حركة تشيل تبطيئ السرعة وتعطيني سرعة 150%
وبعد في shield immune أعتقد .. أو اني مآعرفت أقرآها

وفيه حركآت جديدة قوية لكن مآيكفي آلوقت عشآن آذكرها كلهآ

هذا فقط التغيير بالـ Talent Tree ..
ان شاء الله بعدين بحاول أحط التغيير بالـ Expansion بشكل عآم
وآلتغييرآت بتكون روووعة وغير عن كل مرة :biggthump

إذا ـأ

ع ـجبك الموضوع لاهنت اضغط على علامه الشكر .. ~ [ http://i667.photobucket.com/albums/v...you_button.png ].

~

شنو بما ان القسم ميت

انت تدور المشاكل ضروري

يعني تقول ان التغييرات مو 100% اكيده

ولكن انا اقولك ان انت 100% مو تارسين عينك الشباب و اولهم المراقب ليش

لأن اهو المسؤول الاول عن القسم , او انا ؟ انا مسؤول او المراقب ؟ اهو طبعا

لذلك انت تلمح ان اذا كان رب البيت بالدف ضاربا فشيمه اهل البيت شنو ؟ اللعب ؟ الاكل ؟ الشرب ؟ الرقص يا روح بابا يا مربرب يا ولد المدرسه الانجليزيه , مو جذي تدخل وتاخذنا بشراع ومجداف وتقول قسم ميت

صارلنا 10 سنوات نتكلم ونخلص وبعدين ننتظر الجديد , ولكن بما اني تركت القسم قل الزوار والدليل روح شوف قسم ستار وورز تشوف عدد المشاهده يفوق اللي تتخيله , يعني لو كلهم عطوني اصواتهم في انتخابات مجلس الامه كان نجحت مع مرتبته الشرف


انا من هذا القسم اوجه نداء , للملايين واولهم المراقب , انه يشطب الجمله الاولى ويخلي الباقي , يشطب القسم ميت وكل كلمه تشمت فيها بالقسم والمراقب والزوار الافاضل

يكون في علمك لاتفكر ان لازم الناس تشارك عشان يصير حركه وانا والشباب حتى الشبيحه شبيحه الملك لما نكتب موضوع ماننتظر احد يشارك ويقول مشكورين لأننا سخرنا وقتنا لخدمه اللاعب العربي ولا شي سوى اللاعب العربي

واغلب اللاعبين مايشتركون يعني يدخل من جوجل على طول القسم يشوف ويمشي

لذلك انا اطالب المراقب بحذف الكلام المسيئ هذا اولا

ثانيا يعذر هذا المدعو ديروفر عن الكلام لكل الاعضاء

ثالثا يتم توقيفه اسبوع , وبعد الاسبوع يعتذر للناس واذا ما اعتذر توقيف مدى الحياه

شكرا

أنت شتقول؟

الله يسامحك

كبرت وخرفت يا كرزان :(

تخاويني شارع المطاعم

قبل مايحكونك توقيف لأن انا كلمتي مسموعه هني

والدليل قلت شيلوا المراقب فلان من نفس الدقيقه شالوه

خاوني شارع المطاعم نروح قصر الشموع ونصف بالقري ونفتح الدبه مالت التاهو ونشتري 20 صمونه بطاط وفلافل عشان رخيص ونشبع ونقعد نشوف اللي رايح واللي راد

شالوه و كنسلوا حسابه بعد , ادخل اخذ اسمه عشان تصير مشهور

انا كلمت رفيجي توه عشان يخاويني بس طردني قالي مو فاضيلك و راح يحوشك تسمم منهم , قلت لا انا كل يوم اكل وعادي وباخذ دارفور يروح معاي

المهم قالي ان الباندا اهو اخر شي بلعبه ووركرافت سيئه السمعه , يقول بعد ماينزل الباندا بعد سنه , يعني من الحين الى بعد سنه راح ينزلون بوسات حشو

اي كلام عشان الناس تلهى معاهم وبعد ماينزل الباندا خلاص راح الناس تقعد على هالباندا لين تطفش

الحين بليزرد تعطيك امتيازات عشان تلعب , دز دعوه لصاحبك قطع اللعبه يعطونه مميزات

يعطونه مونت شفاف ويعطونه اي شخصيه يلفلها الى 80 بنفس الوقت ويعطونه اسبوع مجاني ويعطونه نقل الشخصيه والفاكشن مجاني

يعني مثلا عندك درود نايت الف لفل 30 , وانت مليت منه تبي تاورن هورد طبعا وتبي تروح سيرفر ستورم سكال عشان تكون قريب من الملك وتكون معاه بنفس السيرفر عشان تكشخ عند عيال اختك الصغار تقولهم الملك اعرفه رفيجي ومعاي بنفس السيرفر , يعني تتلزق فيه

وانت الدرود مالك في سيرفر هايجال , لما يرسلك دعوه تدخل بالدرود وتوصله لفل 80 وانت في مكانك وتنقله ستورم سكال و تغير الفاكشن

طبعا لازم تدخل الباتل نت وتختار الشخصيه اللي تبي تسوي فيها كل هذا , واذا ماتبي ولا وحده فيهم , ادخل اللعبه والسيرفر اللي تبيه و سولك شخصيه جديده لفل 1 وبعدين ادخل الباتل نت تشوفها موجوده و دز لها الميزه هذي و بعدين ادخل لفلها 80

يعني كل هالامور عشان تقولكم بليزرد واهي في خضوع تكفون العبوا , تكفون لا تتركوني

خصوصا ان الناس الحين اكشفت حقيقه بليزرد وانها تقدم اكثر من 200 مليون لليهود عشان جذي حتى الاوربيين اتركوها

اللهم يخلي جيلد وور اللي تقولك اشترني والعب ابلاش عشان ماتقول نعطي اليهود واللوبي اليهودي الخمس

آلحمدلله توني متعشي مآدري متريق
آلتوقيت مخربط عندي

وبعدين شآرع آلمطآعم بعيد ومآتسوى آلروحة له
وكلّه دوريات هالحزة يتمشون لآ شغل ولآ مشغلة
أي وآحد يمشي يوقفه بقزرهآ عليه، تلقاه زهقان ويدور سوآلف

آنآ عندي لك مطعم مآتلقى مثله بآلكويت
مطعم هندي بجآبر العلي قطعة 2
آلمطعم هذآ عليه طق وهوآش فوق مآ تتخيل
لدرجة آن قبل مآ يفتح آلمطعم تلقى 3-4 سيارات صآفطين برّا ينطرون

آسمع آذآ دخلته، تلقى هندي يشتغل آسمه أنس
قوله أنس شلونك، يقولك تيقا ويهز رآسه
قوله عطني وآحد رآشد و وآحد آمبرآطور وعصير سآنكست، طبعاً ع بآلك وآحد رآشد يعني يطلع لك من مخباته ولد آسمه رآشد ويعطيك اياه هاها .. لآ يآحبيبي
رآشد هذآ آسم الشخص الي آخترع هذه الأكلة .. آلمطعم هذآ يحفظ حقوق الاخترآع لكل الموآطنين آلشرفآء
رآشد = جبآتي بطاط خس جبن مايونيز تشكن شطة
آمبرآطور = جبآتي بيض طماط بطاط خس
سآنكست تعرفه آكيد

وفي طبعاً أكلات كثيرة وبآسمآء متنوعة مثل .. "فهد علي" هذا حط آسم ابوه كتأكيد لحقوق الطلب
وهي برقر + بيض + معبوج ومآدري شنو بعد .. لكن لآ تآخذهآ مآ آنصحك
يبيلهآ وآحد جبده جبد عنز يتقبل أي شيء.

وأشيآء كثيرة ومتنوعة .. وطبعاً كله رخيص
تدخل بدينآر تقدر آتعشى آنت وربعك وأهلك وفريجكم .. يكفي للكل.

تعآل مو جنّك خربت موضوعي :blackeye:

روح آلقهوة تكفه بس لآ تخرب آلموضوع
من آوّل مآدخلت آلمنتدى وآنآ مآحطيت موضوع نفس آلنآس كله مشآركآت لآ وبعد مآ منهآ فآيدة
هذآ أوّل موضوع لي يررحم وآلديك لآ تخربه
انا مآ صدقّت أصلاً لقيت شيء مفيد أكتبه

مآتدري يمكن تجيني ترقية أصير سكرتير المرآقب ولآ آي شيء
الرزق ان شاء الله جآيني بس آنت خلّك بعيد وانا بخير

بعدين آنت مآعندك شغل جآينآ هني؟ روح قسمك آلجديد يآ خآين يآ عميل
خنت القسم الي عطآك كل شيء وخلّى اسمك معروف بين الناس؟
خنت القسم الي علمك تلبس القير صح من بعد مآكنت تلبس Leather فيه انتلكت وانت روق؟
خنت القسم الي عطف عليك وضمك لصدره، طعنته في ظهره في يوم أسود.

يجيلك يوم وترجع تتأسف تطلبنآ نسآمحك لكن هيهات :28:

والله انا نسايبي في جابر العلي قطعه 6 و مااعرف الا هالقطعه , قطعه 2 بيوت حكومه ؟ اكيد لأن هالسوالف ماتحصلها الا بالمنطقه اللي بيوتهم حكومه

بس انا بسلوى بعيد عني جابر العلي فشارع المطاعم اقرب

وانت ليش خايف من الدوريات ؟ لهدرجه انت مجرم و مطلوب للعداله ؟ اذا مو مجرم ولا مطلوب فليش تخاف ؟ انت مو في الدوله الفلانيه عشان تخاف انت حبيبي كويتي بالكويت وفوق هذا طرحك جميل فلابد من صوتك يوصل

انت لازم تعرف حقوقك , انت شنو ماتعرف اي شي عن القانون و حقوق المواطن ؟ شكلك ان شربت زقاره ما ترفض الشرطي

لا يبا انت كويتي لك حقوقك كامله , والشرطي مهما كانت رتبته اذا ماكان في رأس عمله ماله حق يوقفك او يطلب رخصتك , راح تقول لابس البدله شلون بعرف بدوامه او لأ

تعرف الله يسلمك اذا شفته بسياره مدنيه , اما اذا شفته على دوريه وطلب انك توقف اوقف على طول ويطلب منك الاجازه والدفتر , عطه

يطالع ويقولك توكل على الله , مصخها معاك وقعد يماطل قوله لو سمحت شفت اجازتي والدفتر ماعلي شي ولا مخالف عطني خلني اشوف مصلحتي

قعد يستعبط احفظ اسمه اللي تشوفه على صدره و احفظ رقم الدوريه لأن كل دوريه عليها رقم , احفظه اتصل على 112 او مادري كم صار الحين بس اللي كان قبل 777 وقولهم في شرطي يستخف دمه ويستخدم التعسف بالسلطه الممنوحه له وانا ابي ارفع شكوى عليه اسمه فلان الفلاني ورقم الدوريه كذا وكذا

طبعا خله يسمعك عشان يقولك يامعود تكفى خلاص

وبعد ماتخلص قولهم حولوا الشكوى لمخفر جابر العلي لأنها منطقتك وروح هناك ارفع عليه قضيه

اول مايسجلون القضيه وتدخل المحضر قولهم ابي رقم القضيه عشان بتابعها , يعطونك الرقم , اول ماتدخل القضيه بالكمبيوتر خلاص اعتبر معاش الشرطي توقف الى ان يصدر الحكم , طبعا يصدر بعد شهرين او 3 او سنه انت اقعد ماطل فيه لين يجيك يقولك اسحب الدعوى ويعطيك 1000 دينار تشتري بقي فيهم

لأن مثل ماانت عارف الشرطي اللي استخف دمه معاك هذا اكيد انه معاشه يحتاجه عشان يسدد القرض ويدفع اقساط السياره وهالامور اللي انت عارفها

تخيل يتوقف معاشه سنه شنو راح يصير فيه ؟ انت قول

لايكون انت شرطي بعد وانا مادري , لا صح انت بمعهد تقول

المهم القانون معاك بكل الاحوال والشرطي اللي تشوفهم بالشارع هذوله شرطه مرور يعني يطلب منك اجازه ودفتر حده

يمصخها احفظ اسمه او رقم الدوريه و الوقت وروح اقرب مخفر اشتك عليه وسجل قضيه ولا اكبر راس راح يمنعك ويمكن يطلعلك واحد من اللي بالمخفر يكون يعرف الشرطي اللي تبي تشتكي عليه , ويقعد يسوي روحه بطل ويبي يخرعك ويقولك تسجل قضيه تنقلب ضدك و راح نغثك بعدين وهالامور

احفظ اسمه اهو الاخر وحطه بالدعوى بعد وقول انه هددني عشان مااسجل قضيه على الشرطي الاول , يروحون فيها

الحديث يطول ولكن الشرطي حده يقولك عطني اجازتك , واذا انت مخالف مثلا مركب هدرز تايلندي ابو طزه او مغيم الجامات او حاط استيكر علم تايلند راح يعطيك مخالفه و يعطيك اجازتك وتمشي , غير هذا مايسوي شي

و اي شي انا حاضر

ولد عمي رقيب و نسيبي اظن رقيب بعد وانا سجلت سنه 99 بالشرطه بس رفضوني و ربعي بالدوانيه 5 محاميين و 3 قضاه وانا الوحيد الفاشل من ربعي لأني اماشي ملك اللعبه اللي عروقه بالماي و صرت خريج سجون قصدي خريج تطبيقي اللي بالضاحيه

انا قاط وجهي عندكم لأن موعد توزيع الاوسمه قريب

حرام تعبي يروح هدر السنين اللي طافت ويقولون ماراح نعطيك شي لأنك من شهرين ماتشارك ورحت قسم ثاني

عشان جذي دخلت اشارك عشان اخذ حقي و حق تعبي وارجع اشوف حقوقي بقسم الكمبيوتر

وماراح اجيكم الا بتوزيع الاوسمه القادمه بأذن الله

السيستاني يقول عطوا كل ذي حق حقه

وانا جيت ابي حقي يااخي , ابي وسام الابداع والنشاط والثالث نسيته شنو و ابي نقاط تقييم وخلاص ماتشوفون رقعه وجهي

أي حق بعد؟ حبيبي مآلك حق عندنآ
آنت آلحين اذا دخلت قلد وجمعت ريبيتيشن وصرت أقزالتد وطلعت من القلد ودخلته مرة ثانية يرجعلك الريبيتيشن؟
طبعاً لآ

آلقسم قسم واو وقآعدين نطبق القوآنين بحذآفيرهآ لآن آحنآ نآس نعطي كل ذي حق حقّه على قولة رفيجك السيستاني
روح سو كويستات قصدي شآرك بمواضيع بقسم الكمبيوتر يمكن يعطونك نقآط تقييم ولآ وسام.

لحظه اسأل السيستاني دام ظله الوافر

السؤال:
	هل يجوز إخافة الحيوان او ضربه إذا هاجم الممتلكات ( مثال : قط هاجم دجاج مزرعة ) ؟
	الفتوى:
	يجوز .

يعني مالك حق تمنعني اخذ اوسمه من القسم هذا

شنو انا قطو هاجم على مزرعه دجاجكم

جاي اخذ حقي وامشي

شنو هذآ؟ فتوى ع السريع؟
يجوز وخلآص

وبعدين محد قآل آنك قطو
آنت طلعت من القسم خسرت الريبيتيشن الي كنت مجمعه
شلون تبي نعطيك نقاط تقييم و أوسمة؟

هذي مآ يآخذهآ إلّا الأعضاء الأوفياء مثلي انا ويوشي والشباب الله يخليهم ذخر للقسم
أمّا الخآين العميل للألعآب الأخرى مآله شيء عندنآ

ولو عطينآك نقآط تقييم ودخل عضو جديد وقآل شلون تعطون عضو نقاط تقييم وآهو مآيشآرك؟
شنقوله؟ هآ؟ مآتررد؟ وينك؟ ليش سكت؟

تعوذوا من إبليس يجماعه........ فهد إذا لك وسام تستحقه ولا جاك ....... تعلم مني أنا إذا مريت بموقف زي كذا أقول... إذا لي شي ولا أخذته , بأخذه بالقبر...... بصراحه على موضوع الباندا مأدري من وين بيحفرون ويطلعون بوسات....... دارفور أنا بعطيك إسم بوس منهم وأنت وشطارتك دور الباقي....... أونكسيا لفل 90 بدون قرون....... أنا وعدت نفسي أتفاهم مع أبوها ديث وينق وأمشي حرام دافع على التوسعه وأطلع قبل...... الماين شادو بريست وكان التعديلات الأخيرة إلي مابقى سبيل ماحذفوه ومابقى سبيل ماصار حصري..... مابقى لي شي أسوي فيه دمج لدرجه إني قاعد افكر أضيف الواند للروتيشن... صار عندنا كاشدو بريست 1و2و3 صرنا بلادين ريتري في بدايه ال80 ..... راحت إيام الDual عند بوابة سترومويند وأورقيمر ..... الحين تخيل نفسك دارفور واقف عند أورقيمر وتنتظر ملك اللعبه علشان يباريك بي بوكيموناته.... وين المرجله.... المطورين أنسحبوا علشان اللعبه الجديدة... من زمان.. تدخل LFR و تلقى إلي معاك بقير أخضر ..... دارفور بطل واو واروح قسم كمال الأجسام ودش صاله زي يوشي....... صرنا كأننا في مسرحيه ---- الخروج عن النص ------ إلي أقدر أقوله فقدنا شخص عزيز بالقسم... ( بوحـــــــــــــــا )


رافع لك دارفور صورة لأحلى بوس Soa

متى ينزل الباتش هذا وليش بليزرد مستعجله بسم الله تونا ب لفل 85

اقتباس:

---

ربعي بالدوانيه 5 محاميين و 3 قضاه وانا الوحيد الفاشل من ربعي لأني اماشي ملك اللعبه اللي عروقه بالماي و صرت خريج سجون قصدي خريج تطبيقي اللي بالضاحيه

---

غريبه ربعك اللى بالديوانيه كلهم واسطات وناس واصله ... ماكنت تقول من قبل انهم ساكنين في باب جاخور
لاتقولي الحين بندر المصبنجي صار محامي !!! اعذرني على هالكلام لاكن انت بنفسك قايل انه مصبنجي .. الله يهديكم بس وتهتدون

دريفور تبي نعطي ولد بطونها باند ؟ انت بس تامر امر .. انت الوحيد اللى ماخنت القسم ومستمر بالعطاء
مو هذا راح فتح موضوع ستار وورز وجمع الشبيحه والبلطجيه هناك ! لل هدرك يادريفور

تحيه لعيونك

http://im3.gulfup.com/2011-05-27/1306450057183.jpg


ولد بطونها كارازاهن ملك البحار والقفار ملك العود والألحان

قدامي برا القسم يالله !!

http://t3.gstatic.com/images?q=tbn:A...VQ3v-KTQ1F6GA6

إذا جبت revared معنى تعال .. او اقل شي frindly ....

دريفور إذا تبي احذف المشاركات الموجوده الغير داخله في الموضوع ع ـلمني بس ,, < علم نفسك :P

Jeremie
آلبوسآت سهل يطلعونهم يزيدون على الأحداث القديمة وخلاص
وبعدين منو يهتم شلون يطلع البوس ومن وين يجيبونه؟
حتى لو صآر Hogger بوس مآتفرق .. أهم شيء عنده لوت طيب وغيره مو مهم
وشنو هذي Soa ؟ وشفيه شكله معوق جذي؟ مآدآم شكله قبيح جذي أتوقع هذآ بوس بلعبة ستار وآرز



h0rde
آي صح صح آنت ذكرتني الله يذكرك بالشهادة
هذآ مو بآتش، هذآ آكسبآنشن
يوشي آتمنى لو تعدل آلموضوع وتكتب آكسبانشن بدآل باتش
وطآل عمرك هذآ ينزل بعد 3-5 أشهر على كلآم وآحد يقول سائل الـ GM
و الله اعلم



يوشي
لآ مآ يحتآج نعطيه بآند، آحنآ نآس مآنظلم آحد
وعلى قولة رفيجه السيستاني اعطي كل ذي حق حقه
لكن نطبق القآنون عليه بأن يخسر الريبيتشن كلّه هاها
وأمّا الردود كيفك والله اذا بتخليها أو تمسحهآ
أهم شيء النآس تستفيد من آلموضوع و "تضغط كلمة الشكر تحت يمين الموضوع" قبل لآ تطلع ههههه

هاهاها

ياجماعه ترى اتغشمر معاكم ههااهاها

الظاهر كلمتي صارت مو مسموعه هني وله يهددوني بالباند

والله قهر

ديروفر اتشغمر معاك ترى , لا ماتوصل انت والمراقب تقولون توقيف و حذف وهالامور ترى ماتسوي السالفه خصوصا خصوصا واني اتغشمر

بخصوص ربعي , انا عندي نوعين , عندي ربع يقعدون في دوانيه بيتنا لأن اخوي فاتح دوانيه ويتجمعون ربعه وكلهم شطار و شهادات عاليه وهذوله اطلق عليهم ربعي الطيبيين

وعندي ربع في دوانيه ثانيه كلهم فشله منهم الملك و بندر وغيرهم الكثيرين واطلق عليهم ربعي الاشرار , كلهم فشله والشاطر عنده دوره معهد بعد المتوسطه نفس ديروفر بالضبط

وانا ربعي واجد ولله الحمد كل مناطق الكويت اعرف , يعني ما اموت من الجوع , اذا جعت ادق على مليون واحد ويقولي تعال الدوانيه اجيبلك غدا . وانا ما ارضى الا اللي اهله مسوين سمج يعني باللهجه السعوديه سمك

ف من هذا المنطلق انا اتغشمر معاك يا ديروفر و ابيك تضيفوني بالجيلد عشان ارجع العلاقه واخذ اوسمه

لأن اللي اعرفه وكل الناس تعرفه ان اذا خسرت العلاقه ورجعت مره ثانيه للقسم ترجعلك العلاقه كامله واذا غيرت القسم تروح عليك

انا ماغيرت انا مازلت مع ووركرافت وانتوا تشوفون اني كل يوم ادخل واشارك

و جيرمي بوحا موجود معانا , بس يستحي يتكلم

والله اقسم بالله انه موجود معانا ويدخل بس مايتكلم بس متابع للأحداث

:)

لحظه بغير توقيعي

كلهم فشلة وأشطر واحد فيهم نفس ديروفر :33:

اناا اقول ردد
اديني الحقنة بسرعة
ارجوك محتاجة الجرعة

شباب يقولون في شيء اسمه لآيك بنهاية الموضوع شرآيكم تطقون عليه وأكون شآكرلكم :o

انا قلتلك لايك باليوتيوب مو هني

هني بس المراقب يعطيك لايك كولا

شرايك بتوقيعي الجديد

مو راضي يضبط التوقيع

مو انا سرقت القلوب من يوشي وحطيتهم بتوقيعي

الحين شفت توقيع الاخ هورد

ملف مرفق 350436

قلت ابسرقه لأن انا احب اسرق تعب الاخرين عرفت

خصوصا وانه اهو قال انه سارقه بعد وهذا اللي شجعني اني اسرقه

بس المشكله كل مااحطه بالتوقيع يقولون ممنوع تحط صور متحركه

جرحوني

شلون مايصير واهو حاطه

شكله واسطه قويه عنده

عآد آنآ آكره التوقيعآت آلي جذي طقة ون بيس ولوفي
مآآ آحب سوآلف اليابانيين في الرسوم المتحركة

لآ يكون صرت من شلة ون بيس؟
آذآ تبي توقيع حلو ..

خلّك مثل يوشي
أحلى توقيع بالمنتدى
صج آنه مو حآط شيء لكنه أحلى توقيع بالمنتدى
آنآ يعجبني يوشي بآختيآره وذوقه

صرآحة المرآقب هذآ مآفي مثله

يوشي صديقي العزيز في شغلآت أخطأت فيهآ بالموضوع ممكن تعدلهآ لو مآعليك أمر

انا كآتب الباتش .. اهو مو باتش، هذا اكسبانش .. توسعة جديدة
ممكن تعدلها آذآ ممكن ..

وبالمرة بعد تكتب آخر الموضوع

اقتباس:

---

المشاركة الأصلية كتبت بواسطة Yoshimetsu

إذا ـأ

ع ـجبك الموضوع لاهنت اضغط على علامه الشكر .. ~ [ http://i667.photobucket.com/albums/v...you_button.png ].

~

---

يعني اذا ممكن بس :09:

تدري بعد أكثر الناس أعجبها الموضوع لكن نست لآ تضغط علامة الشكر ولآزم نذكرهم فإن الذكرى تنفع المؤمنين.

ياولد بسك مصلحه

صكيت على المصلحجيه كلهم

و اموت قهر لما اشبك باجر اشوفه معطيك 13 وسام و 200 نقطه تقييم اقدم استقاله على طول

انا قاعد اقول كلمة حق مآفيهآ مصلحة ولا شيء
أصلاً يوشي معروف انه من آعدل مرآقبين آلمنتدى
يعني لآ تخآف حقّك مآرآح يضيع


حتى يقول الشآعر عن يوشي

قبل آشوفك من وصوفك غير ذكرك مآفتنّي 000 وبوجودك مثل جودك لآسمعت ولآ رأيت
كن الأرض تقول يوم آقدآم خلق الله وطنّي 000 بعد رسله والصحآبه آنت خير الي وطيت

انا بطلت كنتاكي من صار الحجب على المنتدى ...... صار المنتدى كأنه سيرفرنا بستاروارز تلقى ناس ولا فيهم أحد يتكلم .. ..... قسم واو طفى ومعظم المواضيع خارجيه هنا وعندنا بقسم ستاروارز ............ وأنا طلعت من القوقعه بعد ماكنت مستمع من سنة...... الظاهرة أعلاه بالشاشة...... مافيه أمل بفك الحجب..

اقتباس:

---

حتى يقول الشآعر عن يوشي

قبل آشوفك من وصوفك غير ذكرك مآفتنّي 000 وبوجودك مثل جودك لآسمعت ولآ رأيت
كن الأرض تقول يوم آقدآم خلق الله وطنّي 000 بعد رسله والصحآبه آنت خير الي وطيت

---

http://1.bp.blogspot.com/_OYBqD8aMYK...d-Syphrett.png

لله دركـ لله دركـ ..

كل هذا فيني ! http://www.riyadhmoon.com/vb/images/...smilies/60.gif

لا ماقدر اتحمل الموقف بصراحه http://www.riyadhmoon.com/vb/images/...smilies/60.gif

http://media.tumblr.com/tumblr_li15akooQs1qasor6.gif

--> ع ـايش الموقف ههههههه

السلام عليكم ورحمه الله وبركاته


والله مدري يمكن شهر 5 او السنه الجايه

لكن حسب كلام شخص عروقه بالماي

غير رفيجي , صاروا 2 الحين

هذا يعرف انجليزي و دايم مواقع انجليزي وهالسوالف

المهم يقول ان احتمال الاكسبانشن هذا السنه الجايه

فلان وفلان قالوا ليش

حلو تعجبوني سؤالك يفتح افاق جديده

انا قلتله ليش بعد مو بس انتوا

قالي قرأت من شباب مهتمين باللعبه عروقهم بالماي , يعني انجليز عروقهم بالماي ويعرفون اللعبه و اخبارها

يقولون ان بليزرد راح تحط بوسات حشو

يعني راح تمد بأجل اللعبه لأقصى حد

واعلنوا ان هالاكسبانشن اهو اخر شي , يعني ماكو شي بعده خلاص , كل واحد يخلص الباندا ويشوف الجديد وخلاص يروح بيتهم لأن ماكو بعد اكسبانشنات وبوسات جديده معروفه

قالوا في بوسات بس حشو , الى ان ينزل الاكسبانشن

هالبوسات راح يكونون نفس نظام zul gurub و zul aman شفتوا شلون مكان بزاويه وحاطين فيه بوسات

راح يصير الوضع جذي

قبل عده سنوات ايام لفل 80 وكلكم تذكرون لفل 80 والاغلبيه كانوا موجودين بالوقت هذا او تعرفوا عاللعبه بالوقت هذا

يعني ما لحقوا على ناكس ايام لفل 60 ولا كارازان لفل 70

ناكس شافوها لفل 80 , قالوا ان راح ينزلون كارازان في لفل 80 وتكون ل5 لاعبين فقط , بعد ما كانت 10 لفل 70

و انتشر الخبر , ولكن بعدين نزل لفل 80 و شارف على النهايه وماكو شي

لفل 85 قالوا راح ينزل باتش كارازان , وايضا قالوا لفل 85 ل5 لاعبين و يتكون الدنجن من 3 ادوار فوق بعض الى ان تصل الى اخر بوس

واللي زاد شك الناس لما نزل zul aman and gurb في لفل 85 ل5 لاعبين

هني الناس قالوا اكيد الاشاعه صحيحه بخصوص كرزان

انا رحت اركض لرفيجي ملك اللعبه ولما وصلت قلتله هل هالكلام صحيح ؟ قال والله ماكو شي اكيد لكن الاشاعات تقول جذي خصوصا لما قالوا ان اخر اكسبانشن اهو الباندا وبعده ماكو شي فأكيد بليزرد راح يسوون شي يشغلون الناس فيه

يعني حاليا وين وصلوا الناس . وصلوا الى دراجون سول , و ديث ونق , رجعوا الناس الاف السنين ورى عشان يذبحون ديث ونق واهو اصلا ميت من زمان , يعني الناس على بالها ديث ونق حي و منخش و توه يطلع , لا يااخوان ديث ونق ميت من زمان وهذا اللي تشوفونه اهو ديث ونق لكن انتوا عبرتوا الزمن الى الوراء و رحتوا

حتى في دنجن الجديد لما تدخلون تشوفون انكم في دراجون لايت و تشوفون ديث ونق ميت على اعلى البرج والدنيا لونها احمر

اهو ميت من زمان

المهم الموضوع مو موضوعنا

نرجع للباتش و الاكسبانشن , حسب شهاده الشهود وبعد المداولات اتضح ان اكسبانشن الباندا بعد سنه واهو اخر اكسبانشن

هني راح يسأل اللاعب العربي , من دراجون سول الى بعد سنه شنو اسوي ؟

يعني يقعد سنه يلعب اللعبه بدون شي جديد ؟ مو معقوله عدل

لازم في شي جديد يخلي الناس تقعد , حسب ماقالي الملك دام ظله ان بليزرد تبي 10 سنوات وتقفل اللعبه وبعدها تنزل لعبتها الجديده

يعني مو معقوله باجر تقولك بليزرد ياجماعه نبي نسكر اللعبه خلاص اطلعوا , نزلوا العاب قويه صكوا علينا واحنا مانبي نتعب روحنا وننزل الباندا واهو راح يفشل لأن الناس اتركوا لعبتنا , لا مو جذي

بليزرد تمشي على جدول زمني , وخلال سنه لازم ولازم ولازم في اقل شي 3 الى 5 باتشات فيها تغيرات او اضافات

لازم هذا مو طيب غصب

عشان جذي لو نرجع للأشاعه مالت كارازان , ونضربها بعدد الرايدات اللي تحولوا دنجنات و نجمع زل قرب و زل امان راح نعرف ان الاشاعه هذي احتمال كبير تصبح حقيقه

خصوصا وان بليزرد عدلت بالخريطه والحين جددوا خريطه AQ 20 and 40 واحتمال ترجعهم وهذا شي كل الناس يمكن تدري عنه

ترى فتره سنه مو شويه , فتوقعوا كل شي يرجع

فوق هذا لو نزل اكسبانشن الباندا

وكل الكلام عن الكلاس هذا , انا قطعت عن اللعبه فما ادري عن اخبارها ولكن حتى هني ماسمعت احد قال في بوس جديد واهو اقوى واحد

او واحد قال راح يطلع فلان وراح يكون اهو البوس الاخير بأكسبانشن اللعبه

انا الحين ماادري والله منو اللي راح يكون البوس , الناس كلها تتكلم عن كلاس الباندا بس , محد جاب طاري رايد او دنجن , مجرد تغييرات بالتالنت والحركات وبعض الامور

هذا يمكن يخلينا نشك ان الرايدات القديمه راح ترجع , مو بس كارازان وانما حتى بلاك تمبل وغيرهم من رايدات لفل 70

لأنهم مااخذوا من لفل 70 زل امان واللي كان اساسا حشو , لكن لو ترجع لرايدات لفل 60 تشوف انهم اخذوا زل قرب و ناكس و بلاك ونق و اونكسيا

اما رايدات لفل 70 الاساسيه مااخذوا منها شي

فأحتمال يكون نصيبهم بالاكسبانشن الجديد , هذا اذا ما اخذوهم بالفتره هذي وحطوهم كحشو الى نزول الاكسبانشن الجديد وهناك يرجعون aq 20 and 40 وبعض الدنجنات والرايدات في لفل 70 لأنهم منو اقوى واجمل الدنجنات كانوا من ناحيه التصميم والرسم والافكار

يعني يمكن ينزلوا كارازان وبعض الدنجنات و في اكسبانشن الباندا ينزلون بلاك تمبل و the eye وباقي الدنجنات و يقولولكم ياجماعه الوجه من الوجه ابيض

هذا اخر شي عندنا ولما نكمل 10 سنوات راح ننزل لعبتنا الجديده تيتانيك

اذا عجبكم كلامي اتمنى تضغطون شكرا لصاحب الموضوع

والسلام عليكم ورحمه الله وبركاته

شوف على كلامهم الإكسبانشن الجاي بياخذ 5-3 أشهر على ما ينزل

وحالياً الكل قاعد يتكلم عن الإكسبانشن وكل يوم تنزل أشياء جديدة من الـ Blue Posts وعلى MMo-Champoin

والـ Talent Tree خلصوا منها حقت لفل 90

فالإهتمام الكلي حالياً على الإكسبانشن الجديد

وبالنسبة للرآيدات انا اشوف ان هالإكسبانشن ( Cataclysm ) ما أخذ حقّه بالرايدات مقارنة بالإكسبانشنز الي قبل

عندك الـ Wotlk فيه 9 رايدات و الـ TBC كان فيه 9 ( Zul'aman ) حالياً 8 لأن Zul'aman صآر لفل 85

أمّا الـ Cataclysm مآفيه غير 6 فـ احتمآل يزيدون رآيدين ويمددون الإكسبانشن

بس الأفضل ينزلون الإكسبانشن لأن الـ Cataclysm صار ممل وأشوف ناس وآجد سوّت Quit للعبة

حالياً اللعبة مكررة ماضافوا أشياء جديدة تستاهل تخلي الناس تلعب

وسالفة كرزان 5 مآن سمعت فيها والمفروض يسوونها

ومعليش آلشركة بدت تفلس من الأفكار ومآعندهآ شيء الحين

مآكوآ إلّا يعجلون بالإكسبانشن واللعبة الجديدة

لعبة من 2004 إلى 2012 نفس النظام نفس الرسمات؟ wtf

غيروا خلوّا الناس مآ تمل من لعبتكم

شكلهم نآويين يصملون لين 2014 .. إلى ان يبقى لآعب واحد

لآزم يحللون اللعبة صح

وشكراً على السطر الي قبل الأخير :09:

أحس اني كسرت خآطرك

المشكله مو متى ينزل او الكاتا مااخذ حقه بالرايدات وانهم 6 بدل 9

لكن سؤال يضرب نفسه

من هم الرؤساء بالرايدات اللي راح يسوونها

يعني لو قلنا راح ينزلون 3 رايدات عشان يصير حال الكاتا نفس حال الاكسبانشات القديمه , منو راح يكون الرئيس لكل رايد و شنو تاريخه

اذا بليزرد تبي تخربها لازم يخربونها بالاكسبانشن الاخير , لما ينزل الباندا هني يخربونها ويسوون رايدات لكل بو من بوسات الفاكشنات , يعني هلز كريم يصير بوس ويروح رايد و سلفانس بعد والبقر

لأن كريم علاقته خربانه مع الهورد وماكو احد ما سبه

يمكن يرجع ثرال وياخذ مكانه بين الهورد مره ثانيه و كريم يزعل ويروح يسوي جيش ويطلق عليهم جيش المهدي ويقتلون الهورد والالاينس على الهويه

هذا حل

او حل ثاني ان لما ينزل الباندا يصير صلح بين الهورد واللايسن ويكونون ربع ويحاربون مع بعض

يعني تدخل LFR تشوف معاك بالرايد هورد واللاينس , لأن الحين كل شوي قاعدين يقربون بينهم وقاعدين يقربون بين السيرفرات , رفيجك بسيرفر تسويله دعوه وتروح معاك كل مكان

و اما رايد دراجون سول اهو الرايد الوحيد بتاريخ بليزرد اللي اخذ حقه باللعبه , ماكو احد يوصل 85 الا ودخل , عكس باقي الرايدات اللي انا شخصيا مادخلت اغلبهم اصلا ولا رايد لفل 85 دخلته الا دراجون سول

فأنا اقول انهم راح يوسعون بالLFRويخلونها تشمل كل الرايدات ويجمعون شمل الهورد والاينس ويروحون مع بعض , ويرجعون بعض الرايدات القديمه مثل كارازان , اما يخلونهم 5 لاعبين او 10

ويرجعون aq 20 و 40 وبعدين الناس تلعب لين تطفش واذا طفشت تشوف ان موعد صدور لعبه تيتانك باقيلها 6 شهور او سنه , يعني بشكل رسمي , هني يقولون خلنا نقزرها ووركرافت لين تنزل

بليزرد تربح 6 شهور او سنه قبل ما يتركون الناس اللعبه ويروحون غيرها وينطرون تيتانك




البسطويسي رجع وقاعد يهوش للناس كل يوم يكتب مشاركه , هذا للمشككين بكلامي يوم قالوا يمكن اعتزل او مايدري عن هوى دارك

مادري يمكن عنده شي يحب يضيفه بخصوص اللعبه , سمعت انهم يدرسون مشروع يصير اهو بوس


عموما كل الاحتمالات وارده , ولا تفكر ان بليزرد غبيه و مو حاسبه حسابها , هذا مشروع ضخم يدر على اليهود الاموال الطائله , ماتبيهم يسخرون وقتهم عشان يصنعون اشياء تقعد الناس , اهملوا الامور تدري ليش

لأن يمكن يبون الافكار الجديده للعبتهم الجديده , مايبون يضيعون افكارهم على لعبه عفى عنها الزمن و قاعده تطلع العاب تنافسها , حرام يضيفون عليها شي واهي مابقى لها غير سنتين او اقل وتنتهي


لذلك انا بأعتقادي لو الحكومه تزيد المواطن 100 دينار بدل ال50 وتساويه مع الوافد , وبدل اجار 300 بدل ال150 و الاولاد 100 بدل ال50 و الزوجيه 150 بدل 70 والبيت 5 سنوات بدل 15 سنه والتقاعد 25 سنه بدل 35

جذي احنا نرتاح والحكومه ترتاح

يعني لو اجمع البدلات هذي بعد ليش اتوظف

اخر بدل اجار وزوجيه واطفال واقعد بالبيت

عموما انا بروح كنكاتي السالميه وين دوار الشيوخ وين شركه زين هناك

اللي يحب الملك ومندوب الملك والقاعد الاعلى لجيش المسردب يعطي صاحب الموضوع لايك

قصدي شكر

الباندا مجود بالLore من زمان وفيه رايس ثاني بعد وكان المفروض بإن الباندا يكون إلينس فقد .. بس الظاهر ماقدرو يسوون Female من الريس الثاني...

ابي اللي كان باللور كنكاتي او الباندا ؟


الموضوع ان لما ينزل الباندا

الحين نزل ديث نايت , شنو صار ؟ صار في فاكشن جديد واللي هم طلعوا في باتش وراث اوف ذ لج كنج <-----< قولها 10 مرات بسرعه

قول

وراث اوف ذ لج كنج وراث اوف ذ لج كنج وراث اوف ذ لج كنج وراث اوف ذ لج كنج وراث اوف ذ لج كنج وراث اوف ذ لج كنج وراث اوف ذ لج كنج وراث اوف ذ لج كنج وراث اوف ذ لج كنج وراث اوف ذ لج كنج وراث اوف ذ لج كنج وراث اوف ذ لج كنج وراث اوف ذ لج كنج
وراث اوف ذ لج كنج وراث اوف ذ لج كنج وراث اوف ذ لج كنج وراث اوف ذ لج كنج وراث اوف ذ لج كنج وراث اوف ذ لج كنجوراث اوف ذ لج كنج وراث اوف ذ لج كنج وراث اوف ذ لج كنج وراث اوف ذ لج كنج وراث اوف ذ لج كنج وراث اوف ذ لج كنج وراث اوف ذ لج كنج

زين لما نزل طلعوا فاكشنين بعد لكن فاكشن للديث نايت واللي اهو ايبون بليد , وطلعوا رايد اللي في دراجون لايت وطلعوا الدووار وطلعت الرايدات الباقيه في لفل 80

هني نقول ان في حركه مو مجرد ريس جديد , يعني طلع بوقت مازال هناك رؤساء مازالوا مهمين مثل خold god اللي في ulduar واللي مشهورين ومعروفين مثل c thun واللي كان قابل للقتل , يعني في قصه قديمه له

و بوسات toc واخر بوس العنكبوت واللي اهو له علاقه قويه مع ارثس واللي بدوره دخل ارثس سراديب نورثرند وضبطه و هالامور , وبعدين ارثس علاقته قويه مع ناكس و بوسات ناكس كلهم لذلك قالوا نرجع ناكس في لفل 80 عشان تكمل القصه وعشان اغلب العالم ما لحقوا عليها ايام لفل 60 الا الملك والتلاميذ و كم شخص واغلب الناس

اعتزلوا اللعبه الحين والغالبيه العظمى دخلوا اللعبه بين لفل 70 و 80

عشان جذي قالوا نرجع ناكس 10 و 25 مع بعض الامور الحلوه , لأن ناكس مرتبطه في ارثس و التنين ماليجوس , عشان جذي لازم يرجعونها

يعني لو تحسب لفل 80 تشوف في طفره رايدات

اما اذا نزل الباندا منو او وين الرايدات ؟

يعني مجرد ينزلون باتش كامل عشان كلاس جديد ؟

انا بصراحه ماادري ولا بحثت بالموضوع هذا لأني تركت اللعبه , لكن اذا في شخص مطلع ياليت لو يقولي منو راح يكونون الرؤساء ووين راح تكون اماكنهم , يعني هل في مدن جديده راح تطلع وفيها الرايدات او اماكن قديمه راح تتطور

اذا مجرد اماكن قديمه راح تتطور نفس كارازان و هالطقه معناها راح يفشل الباتش لأن لازم يحطون اشياء جديده , مو 1 او 2 او 3 , لازم في عالاقل 5 رايدات عشان يعيش الباتش سنه , لذلك انا ادعو كل التلاميذ اللي عندهم خبر ينوروني بالسالفه هذي

مابي تقولي الباندا راح يكون كلاس جديد , اترك الباندا عنك الحين وقولي عن الامور المهمه بالباتش , منو باقي من الرؤساء و شنو الرايد اللي راح يكون

دنجنات هذي موضوعها سهل لأن الدنجن اهو حشو اللعبه ويقدرون يسوون مليون دنجن , لكن الرايد لازم له قصه خاصه واللي فيه ناس معروفين زي ابو شنب الله يحفظو و مندوبه الموقر

انا ادري ان في ناس مشهورين مازالوا مو مبينين او مالهم حس باللعبه

لكن هالناس مايصلحون يكونون بوسات بالرايد ولا لهم شغل بالمشاكل , اللي تحجب وقعد في بيته واللي اختفى اهو مع البت ماله واللي نحش لأن الوضع مو عاجبه

ابي بوسات مشهورين بالاجرام نفس ارثس و ديث ونق و كرزان والaq وغيرهم , ماكو الا يرجعونهم بعد شنو

حبيبي شوف , طلعت دعايه عندنا تاريخ 2003 تقول الدعايه الكويت تناديك تبرع بدمك

الناس راحوا يتبرعون عشان الكويت تناديهم

انا قلت ياجماعه لا تتبرعون هذا ضحك عالذقون , هذوله جذابين وقاعدين يستغلونكم

وانا واهل بيتي ماتبرعنا وربعي ماتبرعوا و الحمدلله محد تبرع وبعدين قلت اللي يبي يتبرع يروح

لازم تحسب حساب كل شي لازم تعرف الخفايا و نوايا الناس

عشان جذي بليزرد تقول باندا وباندا ليش , ليش باتش كامل و لفل 90 ومافيه الا باندا ؟ معقوله

يااهل بنغازي من انتم

لا لازم تفكرون ليش بليزرد قالت جذي , لفل 70 قالوا نورثرند و لج كنغ ولفل 80 وقبل لج كنغ طلعوا في رايدات لين زهقوا الناس وبالنهايه نزلوا ايس كراون

لفل 85 قالوا نفس الكلام

ليش لفل 90 ماعندهم غير الباندا

فكروا شوي مو كله انا افكر

تراكم زهقتوني قاطين كل شي براصي

انا لو مشغل مخي و مكمل دراسه ومخلص الثانويه مو ابرك

انتوا الحين فكروا وقولولي ليش , ومره وحده ابحثوا عن رايدات و بوسات راح تطلع مع الباندا

واخر دعوانا ان الحمد لله رب العالمين

أنا قايل أونكسيا 90 بدون قرون...... أنا رايد TOC مأدري من وين طلع... ... رايد Ulduar يعتبر أفضل رايد لسبب واحد في تغير شويه .. أول بوس كان يكفي ..... فهد أنت ماجربت رايدات ستار .. غريبه ....Soa لحاله أزمه بالطور الصعب..

انا بطلت العب كل الالعاب

بيني وبينك كرهت العاب البي سي والاونلاين

تبي اقولك قصتي وشلون كرهت الالعاب والكمبيوتر ؟

طويله القصه و وراي غدا وبروح اجيب عيالي من بيت امهم يعني ماكو وقت

لكن انا كنت العب بلي ستيشن , يوم كنت زغير يعني ابو 17 سنه , يوم اغلب الشباب هني اعمارهم على سنه و سنتين يعني لما الحين ما انفطموا

المهم قبل فتره يعني بعد مالعبت ستار وورز , تذكرت لعبه لعبتها اسمها انفيرنو نفس نظام جاد اوف وور

طبعا ماادري بس اظن تعرفونها لأنها لعبه تتكلم عن شخص كان بزمن صلاح الدين وبعدين مات مقتول من المسلمين وعاش بعد الموت و راح جهنم , قال ليش جهنم وانا مسيحي و احب الكنيسه ؟ قاله ملك الموت انت دينك باطل المسيحيه دين باطل

طبعا انا ناسي القصه وماادري اذا حرفت لكن اذكر ان كان باللعبه ان الدين المسيحي باطل كأنهم يلمحون ان الدين الاسلامي اهو الحق

لذلك اللعبه قويه و100% لكن حصلت على تقييم فاشل و حاربوها , والسبب اكيد انهم طبوا بالمسيحيه وقالوا دين فاشل

المهم اللعبه هذي قويه وانا اندمج معاها و طبعا لعبت جاد اوف وور ولعبت دارك سايدر

لما شفت جذي العاب اشتقت للسوني مع انها طايحها عندي من ايام نزل انفيرنو , لعبت اللعبه وخلصتها و تركت السوني , الحين وانا اكتب كلماتي المعبره هذي قاعد ابجي

شنو غداكم ؟

وبعدين قلت انا لي متى العب كمبيوتر ؟ رفيجي ملك اللعبه ترك العاب الكمبيوتر وكله سوني , اهو طايح على حركه ينزل تورنت او مادري شنو وينزل العاب ويلعب مجاني , بس يقول مافي اونلاين بالالعاب هذي

انا قلت شلون العب كول اوف ديوتي و ميدل اوف هنر لازم اونلاين , يعني لعبه اصليه , قالي عندي الاصليات لاتبجي راح اعطيك اذا تبي , اما الالعاب الثانيه واللي ماتحتاج اونلاين العبهم كوبي

انا الحين مادري شسوي , زهقت من العاب الاونلاين الام ام او وابي العب سوني , بس المشكله ان تلفزيون الصاله ماعندي غيره واهو اللي كنت العب فيه , واذا لعبت سوني راح احرم الاهل من التلفزيون خصوصا العيال و mbc3

فما ادري هل تقطون قطيه واشتري تلفزيون جديد او شنو بالضبط

المهم انا اخليكم هسه وبروح اشوف شنو الغدا , شكلهم مو مسوين غدا اليوم بعد


ترى ملك اللعبه داق علي قبل شوي يقولي بمرك نروح حولي مجمع النكره الشمالي "النقره" اذا في معجبين او شي يبون صوره او توقيع يتجمعون هناك الساعه 7

وعشان نعرفوني من الملك اهو لابس نظارات شمسيه و لابس t-shirt عليها صوره شمبانزي داخل مكوك فضائي , مادري شنو الهدف من الصوره , ولكن اهو الحين مهتم بحقوق الحيوان ويدخل منتديات حقوق الحيوان , ضميره صحى من بعد ماكان يحط القطو بالقرقور ويقطه بحر

المهم انا بروح باي

لا تخاف أبو عجره كنت بالمدرسة لما جت حرب الخليج...... المهم أنا بطلت ألعاب السوني والأكس لأني أحب الجمعه باللعب وأحب كل شي يتغير دائما.. أمل من اللعبة إذا قعدت أسوي نفس الشي كل مرة... كل ربعي بالكويت بطرش لهم مسج بتويتر علشان يجونك وياخذون لي توقيع..

ولد بطنها
تصدق رجعت العب PS3 خخخخ الحين داج في لعبة انفاموس 2
اللعبه حلوه وحماس وقد لعبت الجزء الأول وختمته

جاد اوف وار
ودارك سايدر
العاب قمة في المتعه والمستوى

انا ختمت الجزء الثالث من جاد اوف وار
وبإنتظار الجزء الثاني من دارك سايدر على أحر من الجمر

للأسف لعبة انفرينو مانزلت لا على الPS3 ولا البي سي لأنها حصريه على الاكس بوكس 360 واللعبه هذه شفت فلم الأنمي لها مجرم وخطير

أحيانا اطفش من الألعاب الجماعية في الأون لاين لأنها تعتمد على غيرك في اللعبه وتتوهق كثير
انا ماقول اني بطلت لكن الوقت اللي تاخذه عشان التلفيل وبعدين عشان الجير يخليك متوهق ومرتبط باللعبه والمشكله طبعا اختلاف تواقيت الدخول للشباب وظروفهم فما فيه مجال انك تاخذ راحتك
انا مثلا اخش الليل مالقى الا 2 اونلاين ونقعد نص ساعه تقريبا دور تانك واذا خشينا الدنجن نقعد ساعه او اكثر والوقت يروح بسرعه واخرتها تبي تنام والا وراك دوام وتطلع حصيلة اليوم كله دنجن واحد ولا تستفيد
لانه بالكثير تحتاج 3 او 4 دناجن عشان تجير بسرعه والا بتصير متأخر وفوق كذا تمل من كثرة الدخول لنفس الدنجن ونفس الروتين ونفس الأماكن
هذه الحاجات اللي خلتني اكره PVE وافضل PVP على الاقل تواجه ناس مختلفه كل مره وتكتيك مختلف مع انه الpvp ماعجبني فيه حيل مثل واو
يعني اوقات واو كنت مستمع بال PVP بالرغم من عدم وجود البالانس ومصخرة الكلاسات الاوفر باور و بدون اي اصحاب معي الا فيما ندر وكنت بس محتاج احد في الارينا معي وصدقني ماراح يصمل معك الا اللي يحبك خخخخخخخخخ

نشوفك مع الشباب في جيلد وار 2
اتوقع اللعبه هذه بتسحبني سحب وتخليني انسى ايام واو وستاروارز

شوف انت اخذ السوني وروح لشخص ينزلك البلاوي مادري شنو , ويحطهم بالهاردسك الخارجي يعني عندك هااردسك تحط فيه العاب , واهو الشخص هذا يضبطك ويحطلك العاب

انت لو ساكن بالكويت كان ضبطتك , كل العاب انزلهم لك بهاردسك واضبط السوني لك على تطويره معينه وتلعب الالعاب واذا ختمتهم امسحهم من الهاردسك و نزل غيرهم

طبعا مو انا لكن عندي واحد ملك السوني و لو اروح قسم السوني اصير مندوب له عادي من خبرته فيها و في الاكس بوكس

طبعا انت تقول مانزلت انفيرنو على البليستشن لكن انا لعبتها عليها , شلون مدري , يمكن من الهاردسك و هالسوالف تلعبها عادي , او انها نازله على البلي ستيشن بس انت مضيع

لأني متأكد لاعبها على السوني , ماعندي اكس بوكس عشان اشك بالموضوع

المهم شوف واحد يضبطك بسوالف الكوبي مثل لوعه الفرقا ترى خطير بس مايقول عشان ماله خلق يشتغل

او روح قسم السوني يمكن الشباب يعرفون هالسوالف

وارشيف أنا ألعب الحين PVP مع ياسر لين تشبك من يومين ماسوينا شي لإنك أوفلاين نخاف نصير Save وبعدين تشبك ما نقدر على زعلك..... مشكلة ال PVP الكومندوز واحد بس بغى يجيبنا ثلاثتنا لحاله .......

والله الخميس كنت بشبك بس جاني ضيف وماقدرت اخش اللعبه
والضيف هذا جاب معاه لعبة انفاموس 2
عاد انا الجمعه قلت بلعب شوي واخش ستارورز
ماشفت نفسي الا الساعه 12 بالليل وانا العب فيها خخخخخخخ
عاد حلني رحت نمت من التعب

بس اليوم اذا ماأغراني الشيطان في انفاموس راح اخش

الكومنادوز بغى يشيلكم اكيد لابسين جير البي في إي وهو مدرعم بجير البي في بي
بس نشوف اليوم ان شاء الله

ولد بطنها
السوني 3 تهكر فتره وقفلوه ماعاد فيه سوالف الهاردسكات
المشكله لازم تكون على فريم وير معين اذا محدثه ماتقدر تسوي داون جريد حسب علمي

والا انا اصلا بغيت اخليه كوبي ولما جيت وقتها طلع اللي مسوي الجيل بريك للسوني 3 موقف في قسم منفوحه وطيروه للحاير وانتهت سالفة الكوبي

هل تعلم وارشيف بسبب السوني 3 انا موجود معاكم وإلى الأن ماشريته....

كنت توني مستلم الراتب وكان معاي الإكس بوكس 360 على أيام مستورد قبل مايجي السعودية.... عندي حاله لما أستلم الراتب أحب أشتري شي غالي وكان الشي إلي في بالي PS3 أنا مأبيه بس أبي أشتري شي... رحت لمحل النسر إلي بالدوسري وكان عندهم موجود بس إلي يبيع قعد على التلفون فوق ال10 دقائق ولا راضي يعطيني وجه.. رحت أتفرج بالألعاب ولقيت واو قدامي وانا قبل كم يوم قريت عنها وأناه وصلت فوق ال5 ملاين مستخدم .... رجعت البيت وهي معاي.... وقعدت معظم ال70 أمسح ولفل ...

انصحكـ وارشيف في انفيموس 2 انا ختمتها .. وقسم بالله ان اللعبه خيال اقول خلصت جميع المهمات الجانبيه + الأساسيه + جمعت كل الشارد + كل البوينت

مابقيت في اللعبه شي حللتها تحليل XD

ع ـموما في المهمات المتقدمه راح يخيرونكـ .. ان تكوت قواكـ ثلج او نار .. انا كنت ثلج مثل سب زيرو ! لول
بس ماعجبني مرهـ انصحـ تختار المهمات الناريه روح شوفها باليوتيوب تقدر تسوي بلاوي !
وبالتوفيق لك ,

وبعدين الأخ ولد بطونها
وش القصه ؟؟ تصدق حسبتك جوست كراولر !

يارجل خف ولا تجلس تطلع إشاعات عن الباندا

انت عميل مندس لستار وورز رجاء لاتدخل في الألعاب الثانيه بعد مادمت الربتيشن حقكـ تحاول ترجع
لالا .. يقول الشاعر ( يازين خلاص من حبكـ عزلنا )

اقتباس:

---

لكن انا كنت العب بلي ستيشن , يوم كنت زغير يعني ابو 17 سنه

---

يارجل عليك الله ماتفهمني غلط أأأأأأأأأأأي !

اقتباس:

---

المهم انا اخليكم هسه وبروح اشوف شنو الغدا

---

سؤال فاقع مرارتي .. وابي له جواب
مرهـ تصير امريكي ومره تصير كويتي ومره مصري ومره سعودي ومره اردني ومرهـ سيرلانكي ومره بنقالي ومره زول ..
مافهمنا ع ـليك من اي ديار انت يا ولد معدتها ؟

اتمنى من كل قلبي انك تكون نفس الشرطي الشريف اللي صفط الدوريه ودخل مكان ولما طلع شاف نفسه صافط بالغلط كان يعطي نفسه مخالفه

انا اتمنى تكون بطل وتصك نفسك توقيف اسبوع مع نقاط تقييم سلبيه

لانك تتكلم عن لعبه بلي ستيشن وانت في عقر دار ووركرافت , ودخلت موضوع يتكلم عن اكسبانشن جديد , يعني الناس قاعده تدور معلومات جديده عن الباتش وانت تسوي دعايه حق العاب سوني

فمن هنا كلنا نترقب التوقيف اللي راح تعطي نفسك , وهذا مو عيب لما الواحد يحس انه عمل شي غلط و عطى نفسه توقيف بالعكس هذي شجاعه ويمكن انت اول مراقب يصك نفسه توقيف ويمكن تدخل التاريخ وتكون الاول عالعالم


انا قاعد اراقب اسمك وكل شوي بسوي ريفرش بشوف مراقب موقوف تحت اسمك

في غابات ليلى .. في أرنب صغير...
عندنا 2 أكس بوكس بالبيت وفاينل فانتسي 13 ليين الحين موقف عند بوس ..... المشكلة إني مأقدر أمسك اليد وألعب ألقى الكل حولي ويطالعون فيني حس قم أنقلع للعبتك.... الجهازين انا إلي شاريهم ومع ذاللك متعود أنورث حي.... اللعبه الشغاله 24 ساعه BF3 . طلعت مقصة بالبيت. حتى بايونيتا موقف فيها والكثير من الألعاب.


إذا ما عندي شي أروح العب LOL من جد اللعبه جبارة لإنه كل أسبوعين شي جديد والناس دائما تتغير ولا تشتكي تبي تفرم .. نينجا... LFM tank & DPs ..... وبلاش....

لحظه يوشي قبل تصك نفسك

صك جيرمي اول وبعدين توكل على الله وصك نفسك

موفقين جميعا نشوفكم بعد اسبوع

راح نشتاقلكم

بعد أسبوع وين رايح..هه ..... بتسافر ولا تقول لوارشيف تعال حياك على حسابي بوديك ماليزيا....

يوشي فهد
اخذت الثلج ياخي ندمت
بس قلت خلها بختمها خير ثلجي
وبعدها بعيدها شر ناري خخخخ

لو شفت ردك أمس قبل العشا كان ممكن اكون محول على النار
بس الله كريم

جيرمي
انا شريت السوني 3 من اول مانزل 2500 ريال من عالم سوني مع لعبه وحيده ريسستانس
كانت ايام الاونلاين فيها وناسه بقوه بس مشكلة السرفرات وقتها قتلت اللعبه وخربتها
ورجعت لواو وبعدها صرت مالعب على السوني الا نادرا حتى صار مغبر خخخخخ