محتاج نصيحه ياشباب ابي اخذ بروتين ولا ادري اي نوع ينفع لي

معلومات المتقدم بالاستفسار :
العمر : 23 , الجنس : ذكر

الطول :160 متر
الوزن : 45 كيلوجرام



و الاستفسار كالتالي :
انا طولي 160 ... وزني 45 ....
ابي اخذ بروتين ازيد وزني
ولا اعرف ايش النوع اللي ينفع لي ....... وابي طريقة استعماله .... وهذي اول مره لي ادخل نادي حديد ....


ياليت اللي عنده نصيحه لايبخلي علي فيها...

وعليكم السلام ورحمة الله وبركاته,,

حياك الله أخوي,

انت جديد باللعبه يعني لازم تاخذ لك شهرين الى ثلاث شهور تهتم بالتغذيه فقط وبعدها فكر بالمكملات لأنك مو محتاج أي مكمل الان بسبب قله المجهود وتوك تتعلم كيف تشيل البار وتطبيق التمارين صحيحه ..........الخ.

بعد شهرين ابدأ في مكمل ضخامه جميع مكملات الجينز للتضخيم وزيادة الوزن مع العلم لابد لابد تاكل كويس وتنظم لك نظامي غذائي صح وتمشي صح وتتمرن بتركيز كااامل واوزان ثقيله>لكن بتركيز شهيق وزفير.

المكملات للضخامه مثل السيرياس ماس والبروكمبلس جينز>افضل منتجين بروتين للتضخيم.,,,ولو حبيت تضيف مكملات مافي مشكله لنتائج افضل إن شاء الله.
طريقه الاستعمال ماتتعدى ثلاث مرات على حسب أكلك المهم ماتتعدى ثلاث مرات باليوم.اذا كان اكلك كويس مو لازم تاخذه ثلاث مرات تاخذه مرتين ....الخ وهكذا.....وأي سؤال انا حاظر>اذا كنت اعرفه

ماقصر الكابتن ، ركز بالنقاط اللي قالها لك وانا اايد كلامه ..

يسلمؤؤؤؤ يالغالي ....:)
بس في نقظه ابي اوضحها لك ...المدرب قال لازم تاخذ بروتين عشان الدهون :boggled:
وانا بصراحه اكلي على قدي يعني مو مره اكل وانا خايف اشتري من المدرب ويضحك علي قلت اسالكم واشتره انا بنفسي احسن ...

منتظر ردودكم حبايبي ...

اذا انت من السعوديه انصحك تاخذ من الشباب الي بالمنتدى في قسم البيع والشراء انا اشتري من الاخ ذا روك>بالانقلش طبعا.رجل امين والله العظيم واسعاره رخيصه جدا مقارنه بجي ان سي.
والافضل تاخذ بعد شهرين اذا بغيت تاخذ براحتك بس انا انصحك تاخذ بعد الشهرين مع العلم أن وزنك خفيف وتقدر تعطي جسمك حاجته من البروتين والكاربوهيدرات.
اضرب وزن بــ2 وراح يطلع لك نتيجه وهذي راح تكون احتياجك للبروتين اليوم وفيه كلام ثاني ناس تضرب الوزن بــ2,2 وفيه ناس يضربون الوزن بــ3.
بس انا اقول 2 الى 2,2 لا تتعداها لأن كثرت البروتين بتضر بجسمك.

وتبي الصراحه اغلب المدرب يقولك لازم بروتين ولازم ولازم ولاترا جسمك ماراح يطلع ............الخ.
الين ماتشتري منه>اهم ماعليه نفسه ومايهم إن طلع جسمك أو لا.
بالعربي الفصيح لا تشتري منه افضل لك لأنه من اول يوم عرض عليك انك تشتري منه شكله يبي فلوس وبس.......>ومعليش ع الاطاله اخوي.

يسلمؤؤؤؤؤ يالغالي ... ايوه انا من السعوديه
طيب اليوم واحد نصحني بالسيرياس ماس ..وش رايك :33:
وكم مره اخذه وكم المقدار ... وموضوع اضرب الوزن 2 وكذا مافهمت منه شي :boggled:
منتظر ردك يالغالي عشان اتوكل على الله واخذ بنصيحتك
وذا روك راح اتواصل معه بعد ماتفيدني انشاء الله
ومشكوووووووور يالغالي

السيرياس ماس ممتاز لزيادة الوزن وعن تجربه زادني حوالي 20 كيلو خلال 3 شهور
والافضل تشتري من الشباب اللي بالمنتدى مثل ذاروك والهاشمي2
اسعارهم حلوه ومنتجاتهم مضمونه

بس ضروري تاخذ كيسين من السيرياس ماس لان الكيس يخلص بسرعه

مشكووور اخوي ماقصرت انشاء الله بتواصل معهم
بس ياليت احد يقولي طريقة استعماله .. واذا في نصايح بالتغذيه يقدر يفيدني فيها
ومشكورررين اخواني ماقصرتووو

هلا أخوي السيرياس ماس في التوووب نااس كثير يمدحونه كثير واستفادوا منه وراح يعطيك ضخامه حلوة>مع العلم انك تاكل كويس جدا انتبه لهالنقطه,,

المهم ماتتعدى ثلاث مرات باليوم على حسب اكلك وانت تقول ما آكل كثير خلها باليوم ثلاث مرات مرة الصباح اول ماتصحى من النوم سكوب مع الحليب وبعدها بساعتين الى ثلاث ساعات تاخذ وجبه او العكس الوجبه وبعدها بساعتين تاخذ سكوب سيرياس ماس.

ومرة بعد التمرين بعشر دقائق الى ربع ساعه.>طبعا بعد التمرين مباشرة تاخذ ملعقه عسل او موز أو شيء فيه سكريات بسيطه او تمر او عصير عنب عاد انت اختر.>طبعا مع ماء عشان تكون العضله عطشانه وتبي بروتين ومع الماء يكون سريع الامتصاص أكثر وأكثر.

والمرة الاخيرة قبل النوم بساعه مع حليب.
>للمعلوميه لاتحسب البروتين سحر بيطلعك بشهر او شهرين اصبر واصبر وخلك عندك اصرار وعزيمه.
وأي سؤال لا يردك الا لسانك.

مشكووووور يالغالي ماقصرت ..
بالنسبه للاكل ..عندك نصايح باختيار الوجبات وكذا ويسلمؤؤؤؤؤؤؤؤ

وبالنسبه للغازات مثل الديو وكذا لاني اشربها يوميا
اتمنى تفيدني من ناحيت الوجبات والاشياء اللي ابتعد عنها
انا اخذت رقم ذا روك وبتواصل معه
لان المدرب والله مارتحت له ابد
يسلمؤؤؤؤ

المشروبات الغازية ابتعد عنها فيها مواد غير صحية للجسم سواء للرياضي ام غير الرياضي
كثر من : الدجاج ، البيض ، اللحم ، التونة ، الرز ، الخبز ، المعكرونة ، الحليب ، الموز ، زبدة الفول السوداني ، زيت الزيتون
الخضروات ، الفواكه ، البهارات الحارة

ابتعد عن : الدهون المشبعة بكل انواعها

كلام اخوي بويكا صح.

الدجاج ركز أكثر شيء على الصدور وهي اهم شيء بالنسبه لكمال اجسام والبيض والشوفان>شوربه رمضان تعرفها؟
فيه ناس كثير ياخذونها شوربه وانا منهم لكن فيه طريقه حلوة مدري الطعم يعجبك او لا شوفان بالحليب مع عسل.اووووف تفجير طبعا مع البيض>البياض كويس وممكن تاخذ الصفار بس لا تتعدى ثلاث.

تسلموووووووون على النصايح انشهد ماقصرتوووووو
وانشاء الله بمشي على نصايحكم
نسيت اسال عن شي استحملوني شوي بس اخر سؤال هههههه
ايش احسن وجبه قبل التمرين وبعده :33:

قبل التمرين بساعتين لابد تكون وجبه كلها كاربوهيدرات رز+صدر دجاج+موز+لبن.>إن شاء الله بتتمرن بكل تركيز وممكن تشرب قهوة قبل التمرين بساعة.
طبعا الرز كربوهيدرات. ولو تاخذه بدون زيت افضل وأفضل.
والصدر فيه بروتين.>لابد منه طبعا يبني العضلات.
والموز فيه كربوهيدرات وسكريات مهم للطاقه.

وبعد التمرين مباشرة لازم تاخذ شييء فيه سكريات او كارب بسيط مثل الموز او عصائر مثل عصير العنب او عسل او تمر.
وبعدها بعشر دقائق الى ربع ساعه تاخذ سكوب بروتين واذا كان مو موجود ممكن تاخذ حليب خالي الدسم 500 ملي او بياض بيض.
وبعدها بساعه اخذ وجبه دسمه كلها بروتين وكاربوهيدرات مثل:بطاطس+صدر دجاج+لبن+سلطه طبعا اذا كان الصدر كبير مو لازم لبن.
او علبه تونه كبيرة+خبز بر+سلطه.>وممكن عصير برتقال تنق نق عليه مع الخبز والتونه.

بالعربي الفصيح خلك وحش بالاكل>انا نفسك الان احاول قدر المستطاع اهتم بتغذيتي اكثر وأكثر لأن وزني ثابت له مده.

الاهم قبل التمرين كربوهيدرات مثل الرز او المعكرونه او الخبز والافضل خبز بر. والتوست كمان كويس.
فأنت إختار الي يعجبك ويكون طعمه حلو بالنسبه لك>ولو تغير بين هالاكلات يكون افضل.....وأي سؤال انا حاظر ولا تهتم عاادي جدا لا ازعاج ولا شيء انا كنت مثلك واسأل كثير والى الان اسأل بعد واحاول اكسب خبرة اكثر وأكثر.

نصيحه اخيرة ادخل كل يوم هنا وإقرأ المواضيع كثير وراح تصير محترف باللعبه>والمواضيع المميزة ادخل واقرأ.

يسلمؤؤؤؤؤؤؤ اخوي
انا اللي شجعني اكثر هذا المنتدى
وبصراحه ماقصرتوو..
اوك يالغالي بتابعها كلها واذا شي نقصني ماستغنى عنك
موفقين انشاء الله > الجميع

كم اضيف حليب للسكوب ؟؟
المواضيع المتميزه وين القاها
اخوك جديد بالمنتدى <<