هل يجوز استخدامbcaa مع امينو ؟ وكم سؤال يجزاكم الله خير

معلومات المتقدم بالاستفسار :
العمر : 22 , الجنس : ذكر

الطول :180 متر
الوزن : 85 كيلوجرام

نسبة الدهون : ***

و الاستفسار كالتالي :
السلام عليكم ورحمه الله وبركاته
شو الاخبار
ودي اسالكم يجزاكم الله كل خير .
هذا كورسي اللي ان شاء الله راح ادخل عليه .. وهذا مب اول مره اسال علي الكورس .. ولكني محتار
انا كورسي كان : ايزو 100+ كاسين بروتين + امينو انابوليك 10000 + كيرياتين
والحين انا افكر احذف الكيرياتين عشان موضوع شرب الميا كثير هذا تراني اعرف نفسي ما احب اشرب مياه كثير
فحبيت اضيف شي مكان الكيريايتن يتماشى مع الكورس
فهل اذا اضفت bcaa ولا يكون فيه تعارض عشا ن الامينو انابوليك .؟ وشو هو الافضل هل الامينو انابوليك 10000 وللا البي سي اي
ومحتار اضيف مكان الكيرياتين .. نو شوت قن .. وللا ارجنين بيور ..وللا جلوتامينmhp

نصايحكم جزاكم الله خيير ..

وعليكم السلام
لا يتعارض الامينو مع البي سي اي, ومن نضرتي الشخصية بما انك تضخم انصحك بالامينو لانه اشمل
وعن بدل الكرياتين اضف نو شوت قن, والقلوتامين ما يفيدك مره في التضخيم

ايش هدفك . . تنشيف ولا تضخيم . . . ؟
وعموما البكا والامينو شبيهين لانو البكا الاحماض الامينية الاساسية فقط . .اما الامينو الاحماض الامينية الاساسية والغير اساسية . .فالانابوليك كافي او اختر واحد منهم
.. .. .. اذا مكان هدفك تضخيم دخل منتج بمب زي الاكسبلود بيعطيك كرياتين وارجنين وبور . . بس لو كنت بتنشف دخل الجلوتامين

شاكر جدا لكم ..
انا ابغي عضل صافي .. يعني حجم عضلي خالي من الدهون الى حدا ما
وانا ابغي ارائكم .. بخصوص الكورس .. شو اللي يتماشى وياه .
هل النو شوت قن وللا جلوتامين ..؟
وانا ان شاء الله من ارائكم باخذ الانابوليك 10000 .. والنو شوت قن يعطي بامب للعضل وللا مجرد باور فقط
مع العلم اني جربت الاكسبلود وهو عندي حاليا ولكن مايعطي اي نتائج وياي .. الا قليل جدا ..
وشاكر جدا لكم ولمروروكم الكريم .. بارك الله في اعماركم ..

وهل البروكومبليكس افضل ام الامينو في التنشيف . ؟

وين ردود الوحوش ..؟

اللهم صلي على سيدنا محممد ..

ال بى سى اى اى امينو اسيد ايضا نفس الشى

شكرا اخويوانا كان عندي استفسار اخر كتبته في الرد وانتظر بقيت الردودوجزاك الهل خير مره ثانيه على مرورك ..

اخي الكريم مو شرط اذا حذفت شي من الكورس تضيف بديل له
تقدر تضيف مكمل باور على ماتحب مثل النو شت قن لكن برضوا الماء مطلوب يعني لاتهمل الماء بكرياتين او بغيره

والبروكمبلكس بروتين والامينو احماض امينية فرق بينهم وماتحتاج البرو دامك تاخذ ايزو وكاسين

شكرا جدا لك اخر الكريم بردان على الاجابه الوافيهولكن عندي استفسارين يجزاك الله خير اخيرين .عشان بس ماحب اسوي موضوع على حده اسال فيه .. عشان اعطي فرصه لاخواننا اللي في المنتدى الكريم ايضا يسالون ويستفيدون اكثراول شئ ..
انا واحد وياي في الصاله يقولي .. ان الامينو ماكس 8000 احسن من الانابوليك 1000 وانه افضل امينو للتضخيم ؟
فكيف يقول هالكلام وهذا اسمه 1000 انابوليك .. والثاني 80000؟ فهل كلامه صحيحالسؤال الثاني ايضا هو يقولي الايزو 100 نتايجه بطيئه جدا والبروكوبمليكس افضل ونتايجه اسرع ..
بس الصراحه انا مااعرف احد جرب الايزو عشان يفيدني ..اتمنى الاقي اجابه على اسالتي عشان اتوكل على الله اشتري المكملات اللازمه
والشكر لكل من رد على الاستفسار

ويين الوحوش يجاوبونني ..

اهلا اخي
بالنسبة للاحماض الامينية ماتفرق صدقني وحتى المسميات مجرد تسمية وارقام
تلقى مكمل اسمه 10000 وبالاخير 10 الاف على 12 حبة
وهكذا يعني بس مجرد لعب بالاسماء
فا خذ اي واحد فيهم

وبالنسبة للبروتين لو كنت تقدر تجمع بين البروكمبلكس والايزو 100 تمام

البروكمبلكس صباحا ومساءا
والايزو بعد التمرين فقط

ولو اخذت واحد منهم كلهم يعتبرون بروتينات ممتازة وصعبه تاخذ براي احد انت قرر بنفسك لانك بالمقابل تبي تلقا ناس لهم اراء ضد رأي خويك
فا جرب هذا شهر وهذا شهر وشف ايهم افضل او اجمعهم سوا

تسلم اخوي على النصيحه .. والله يجعله في ميزان حسناتك يارب
بس انتي اللي بتقولي عليه ان شاء الله انا بمشي عليه
انا ان شاء الله بجيب الايزو 100 اجربه ..
بس اهم شئ رايك انت في هذا المنتج
وانت قولي راي بعد اخيير بين هالثلاثه انواع من الامينو عشان اتوكل على الحي القيوم واشتريه
امينو ماكس 8000 _ انابوليك 10000 ..__ سوبر امينو 4800 من دايمتايز ..
واسف جدا جدا مره ثانيه لكثره اسئلتي ..

اخوي اسمحلي ما عندي اجوبه على اسئلتك .... لكن الامينو ما تفرق كثير ....
انا من خلال تجربتي وجدت ان 2222 هو الافضل
اما بخصوص bcaa اللي اعرفه وحسب ما قرأت يجب استشارة طبيب او احد مختص
لان الجرعه تختلف من شخص لـآخر

بالتوفيق

تسلم اخوي على ال رد وفي انتظار باقي الردود ..
وانا كنت اسوي سيرش على المكملات الامينيه ..
وحصلت مكمل اسمه bsn amino x

فهل هو جيد وللا انتظر ارائكم في اختيار الامينو اخواني ..

نصيحتي لا تجرب اشياء غريبه او غير معروفه ومب مشهوره
bsn هذا اسم الشركه
وهي نفس الشركه اللي تصنع ترو ماس ...
اظن امينو جيّد ... لكن امينو اكس ما عندي فكره
انا افضّل 2222 من اوبتيمم نتريشن مكتوب عالعلبه ( ON )


بالتوفيق

تسلم اخوي على افادتك ..



وهذا هو المنتج اللي اقصده ..
ملف مرفق 351368


هل هو احسن من اانواع الامينو اللي ذكرتها .. ولاا ..؟

نعم اخوي
الامينو اكس
افضل من الي قبل كلهم وبمراحل

الامينو اكس هو bcaa ببتركيز عالي مناسب جدا
بينما الي ذكرتهم قبل احماض امينية شاملة

يعني ان شاء الله بتوكل على الحي القيوم واجيبه ..
ولكن اجيب وياه البروكومبليكس وللا الايزو 100 ..؟

وذا فيه احد من الاخوان جزاهم الله كل خير .. جرب الايزو 100 والبروكومبليكس .. يقدر يفيديني اكثر .. في اختياري بينهم
وشكرا لكم وللاهتمامكم ..
ولاهتمامك الكريم يااخ بردان .. وافادتك

والله ياخوي مثلما قلت لك ما عندي فكره عن المكملات ^_^
بس انا اريد افهم سبب اصرارك على افضل امينو و احسن امينو ....... من أي ناحيه تقصد يكون احسن ؟

والله اخوي .. انا تراني جربت انواع امينو مثل البرولاب والامينو تك . ولكن ماني حسين ان فيهم نوع فرق وياي كثير ..
فلهذا السبب سالت على افضل نوع من تجربه الاشخاص ..
وهذا سبب اصراري على امينو يكون قوي .. ^_*

وان شاء الله خلاص من ردود الشباب والاخ بردان ..
لله الحمد استقريت على هذا الكورس .. امينو اكس (بعد تفضيل الاخ بردان لهذا النوع عن الانابوليك 1000) + كاسين بروتين + نو شوت قن
البروتين منتظر اعرف هل هو الايزو 100 وللا البروكومبليكس ..؟
وشاكر لك مره اخرى .. على محاوله افادتك لي اخوي ..
يجزاك الله خير وصحه دوم يارب العالمين ..

اقتباس:

---

المشاركة الأصلية كتبت بواسطة احساسي انا

والله اخوي .. انا تراني جربت انواع امينو مثل البرولاب والامينو تك . ولكن ماني حسين ان فيهم نوع فرق وياي كثير ..
فلهذا السبب سالت على افضل نوع من تجربه الاشخاص ..
وهذا سبب اصراري على امينو يكون قوي .. ^_*

وان شاء الله خلاص من ردود الشباب والاخ بردان ..
لله الحمد استقريت على هذا الكورس .. امينو اكس (بعد تفضيل الاخ بردان لهذا النوع عن الانابوليك 1000) + كاسين بروتين + نو شوت قن
البروتين منتظر اعرف هل هو الايزو 100 وللا البروكومبليكس ..؟
وشاكر لك مره اخرى .. على محاوله افادتك لي اخوي ..
يجزاك الله خير وصحه دوم يارب العالمين ..

---

وياك يا بطل .. بالتوفيق