تتكلمون عن اللعب على الشبكة على PS2 ... تعال احمسك شوي ..‍؟‍!

اهاا شباب حيكم الله بالموضوع المهم انا من فتره وانا قاعد احلم بباللعب على الشبكة على الPS2 ((بالسعوديه لكن ....)) المهم يعني تخيلو شباب نشتري كلنا المودم ونعرف نركبه ((لان الصراحه ما اخاف الا اني اشتريه وبعدها ما اعرف استعمله اتوقع اغلبكم يقول نفسي)) بعدها ناخذ مثلا وينج ايلفن (طبعا لعبه جديده تتوافق مع اللعب على الشبكة بعدها احنا بالمنتدى قهرني العضو مثلا مثلا عماد او خوباج اقوله التواعد باللعب وكل واحد يروح يشغل الPS2 حقه ويقوم اللعب (( لكن الصراحه مدري كيف احدده والعب معه يله كلها تخيلات)) وبعدها نتحمس ويجيب قول واجيب هدف من روبيرتو ااااااااااااااه يا اني بدمن عليه ....
او تصدر لعبه استراتيجيه ونسوي فرقه نتنافس بنفس ارض المعركة ونقدر نتواصل مع بعض عن طريق مثلا مثل الشات اتكلم معك واحنا نلعب اقهرك مثلا تهددني وانا اقول نتواجه بارض المعركة ونلعب ونجهز جيوش ونهجم على M7MOOD او على سنيــك ااااااااااااه شرايكم بالتخيلات والله احس انها مثل الحلم ... او نسوي تحدي جماعي ..........كل واحد يعطيني شعوره :أفكر:

والله اللعب علي الاون لاين غير مره

انا عندي لعبه علي PC العبها دايما ونتفق انا وربعي وونلعب


واللي تفكر بيه يا قيم سنتر مش تخيلات من السهل انك تحققه

مشألله عليك يا جيم سنتر .. نفس التفكير ... والله الفكرة حلوة .. وخصوصاً يعني لو نقدر نتبادل اللاعبين يعني أنت تشتري عني اللاعب الفلاني و أنا أطرد اللاعاب الفلاني من الفريق و بعد فترة ألقاه يلعب مه فريق آخر مع العضو العزيز جلاديتر يعني هذا اللاعب راجع للأنتقام .. و تخيل لعبة طيارت حربية بين فرق .. كل فريق مكون من 6 طيارت بحيث أننا نقدر نتحاور فما بينا عن طريق الهيدفون و كل واحد من هالفرق يغير على عدوة لتدميرة والوصول للنصر .. تخيل الحرب لو كانت بين فريق يهودي من أسرائيل ؟؟ .. شوف كأن السالفة حقيقية .. لكن كيف نقدر ندخل في لعبة وحدة مع بعض .. هذا يعتمد على الاشتراك و الكلمة السرية الخاصة بك .. مثل المسنجير تضيف أحد الاعضاء لتبدأ الحرب الحامية ... والله عندي أفكار كثيرة لكن ما أحب أطول عليك ولك مني السلاااااااااااااااااام يالحبيب:D :) ;)

تعجبني يا جيم سنتر وتخيلاتك الجميلة.......
;)

يا خوي بكم المودم ؟؟؟
تتوقع يصير سعره طيب ؟؟؟
حتى ولو
الانترنت عندنا سررررررررررررررررررررررررررررريع
ولا ؟؟؟

والله خيالك خصب يا دارك هدوكن ............ مع اني اسمع ان الناس يلعبون لكن احس اني مااااااافي امل يصير عندي ذي الميزه اخخخخخخخخخخخخخخ مصيرها توصلنا

اقتباس:

---

كتب العضو (تحت الصفر)
يا خوي بكم المودم ؟؟؟
تتوقع يصير سعره طيب ؟؟؟
حتى ولو
الانترنت عندنا سررررررررررررررررررررررررررررريع
ولا ؟؟؟

---

والله المودم مو غالي مره معقول لكن المهم هل نستفيد منه ولا خيال نفس موضوعي

من يوم سمعت بالمودم أنه بيطلع على البلاي ستيشن 2 فكرت في GT3 كل واحد معه سياره وخذ أنواع العقد والحوادث
والسلام:D :D :D

الصراحة اللعب على الشبكة يجيب للواحد ادمان على اللعبة

اكبر دليل فانتسي ستار على الدريم كاست

قد ما تلعبها على الانترنت مش ممكن تمل منها:D :D ":" ":"

لا.....بالاصرار...... وبالقوة...... والعزيمة....راح يتحقق الحلم...

وانتوا اجتهدوا..... اذا تبون لعب الاون لاين.........

وما راح يخيب ظنكم......

بس اللي عليكم انتظروا سنة او سنتين...لين ما تتعدل الشبكة(او يمكن 10 سنوات) :D

بس الصبر جميل هههه

الحين بتكلم جد:

شوفوا في طريق....و هي انك تشترك في الdsl

طبعا....لازم تكون.... بطران اول شيء....... يعني وانت صغير يعطونك لعبة من ذهب....

لان ال دي اس ال.... غالي مرة.....

يعني المودم... ب 3000 ريال

الاشتراك الشهري.... 400 ريال..

وهناك شيء بعد تدفعه كل شهر.......غير الاشتراك ب 300..

يعني مكلف :واو:

أخوي yousif الـDSL عندكم غالي في السعودية .. نحن في الامارات تدفع 250 شهرياً من دون رسوم الاشتراك إذا كنت مشترك سابقاٌ بالموديم العادي و إذا ما كنت مشترك فتكون رسوم الاشتراك 200 درهم ..
وهذي الخدمة متوفرة عندنا من سنتين تقريباً ... الله يعين ربعنا في السعودية .. :": :(

سلطان 2020 : تخيل انت مزود سيارتك على آخر تطوير و أنا مزود سيارتي .. وأقولك على المسنجر تعال بنشوف من بكسر رأس الثاني .. ياسلام بتكون الالعاب بعدين لها طعم ومتعه مالها مثيل .

OK ولو أن هذي اللعبة خاب أملنا أن نشوفها على الـPS2 لكن تخيلوا يا جماعة الخير لعبة ريزدنت إيفل
أون لاين .. يعني حوالي أربعة أشخاص يلعبون على النيت وتطور الاحداث بحيث أنهم ينقسمون لأستكشاف الاماكن و ينقطع الاتصال اللاسلكي في ما بينهم يعني ما تقدر تتكلم مع أي واحد من الجماعة لا بالهيدفون ولا المسنجر علشان الواقعية و تتطور الاحداث المرعبة يا سلاااااااااااااام .. يا جماعة عطونا أي فكرة لتخيلاتكم عن الالعاب على النيت ... سلااااااااااااااااااااااااااام :D :) ;)

آآآآآه من جد والله شوقتوني:": :":


وياريت الحلم يصبح حقيقة :( :(

كل هذا الشعور اللى تحلمون فيه موجود في لعبه وحده هي لعبهPSO .... فنحن في قسم الدريم كاست نلعب هذه اللعبه مع بعض ونتحدى ونلعب قدم وغيره ....

-عالم PSO فيه ملعب قدم للعب ويقدر يلعبه 22 لاعب في نفس الوفت
-في battle mode يعني ضرابه ضد بعض ب 8 انواع واماكن مختلفه مثل سباف الى يصل الى الكنز اول او كفريق اثنين ضد اثنين او كل لاعب بروحه ونتائج كله مسجله وتتخزن وبسوي دوري بين الاعضاء
- اللعب العادي مغامارات
- اللعب challnge بالوقت احسن وقت
-اداء المهمات المتجدده ومنها الاون لاين والاوف لاين و
-تجاره الاسلحه وغيره

كل هذا بالموديم العادي وسرعه التيلفون العاديه وبدون اي بطء في اللعبه ... وكل هذا في عالم PSO فقط

مرحبا ....

والله كلامك ياجيم سنتر حلو ...

وفعلاً لو نلعب ويننج إليفن أون لاين مع بعض وكل واحد في بيتهم . تخيل , والله ماتترك اللعبة أبد :)

لكن لو جينا للواقع , فالحقيقة إن هذي التقنية متوفرة حالياً على الدريم كاست والشباب شغالين لعب أون لاين على لعبة فانتسي ستار , لكن السؤال اللي يطرح نفسه هو ....

متى تتوفر هذي الخدمة على البلاي ستيشن 2 ..

إن شالله تكون متوفرة قريب جداً بس قولوا آمين ....


وتحياتي لك ....

اقتباس:

---

.. وخصوصاً يعني لو نقدر نتبادل اللاعبين يعني أنت تشتري عني اللاعب الفلاني و أنا أطرد اللاعاب الفلاني من الفريق و بعد فترة ألقاه يلعب مه فريق آخر مع العضو العزيز جلاديتر يعني هذا اللاعب راجع للأنتقام ..

---

وأنت ليش تطرده المسكين , تستاهل ....;)
أنت وينك معد صرنا نشوفك , والله لك وحشة :)

تحياتي لك ....

..........

في السعودية ما لو تلعب مع واحد اماراتي ويننج اليفن يدخل فيك 10 اهداف و انت لسى ما انتهى اللودنج :) ..
و الله احلام حلوة لكن ما اظن تتحقق في الواقع و اللي يبي يتاكد يروح للعبة البلياردو في الياهو و يشوف الفرق اذا لعب مع امريكي او واحد خارج السعودية ..
يضرب اكثر من ضربة و انت لسا المضرب عندك ما تحرك :) ..

انا عندي خبر ممتاز جدا لكم و راح يفرحكم....لا عندي اكثر من خبر واحد... :)

الاول الى ربعنا في السعوديه:)
الان ادخلت خدمة الدي اس ال DSL...وصارت متوفره....وسرعتها جدا خياليه...و الاسعار حتى الان غاليه نوعا ما و لكن راح ترخص اكثر...طيب كم السعر؟؟؟ :) انا اقول لكم
الاشتراك الشهري قيمته تقريبا 300 ريال...في الشهر...و 270 ريال للاتصالات...يعني المجموع تقريبا 570 ريال شهريا لسرعة 65كيلو بت...والسرعه هذي اسرع من الفاكس مودم باضعاف اضعاف السرعة...طبعا لازم تشتري مودم خاص بال DSL هذا اعتقد قيمته ما تزود عن ال700 ريال...لكن طبعا تشتريه مره وحده بس...

الخبر الثاني هو ان هذي الاسعار راح تنزل بشكل كبير...لكن متى الله اعلم...

الثالث لاصاحب البلي ستيشن 2....

فيه العاب نازله الان تدعم اون لاين ...مثل توني هوك برو سكيتينج 3 و فيه العاب ثانيه راح تنزل تدعم اللعب على الانترنت مثل تويستد ميتل بلاك ( راح ينزل سي دي تستعمله يخليك تشبك على الانترنت) و العاب ثانيه...
الخبر هو انك تقدر تشتري مودم يو اس بي USB و تشبكه على البلي ستيشن 2...وراح اعطيكم تفاصيل ادق المره الجايه عن الموضوع هذا...


اما انا ...كل املي ان تكن4 تدعم اللعب على النتنت...عشان اكسر خشم اي واحد يرفع راسه :)

دارك انجل تتحد في تكن اتحداك
لاعبي المفضل هيهاتشي

انت في القطيف....انا في الرياض...صعبه...و الا كان كسرت راسك :)

انا و من دون مبالغة العب بجميع شخصيات تكن تاج :) حتى كوما و ريكس

اذا ظهرت خدمة الانترنت نشوف
هيهاتشي وبس
دارك انجل شلون صرت مراقب؟مشاركاتك قليل

المشاركات عمرها ما راح تخليك تكون مراقب... :)
اشياء ثانيه....مثلاً...شوف متى تاريخ تسجيلي بالمنتدى :) ...انا ايضاً مراسل في موقع الالعاب ...و اسضل كاتب في الموقع لي كذا مقال ...:)

يا إخوان انا عندي الــــDSL ..... فكيف أشبكه على البلاي ستيشن 2 ؟
وهل اللعب يحتاج لسيديات أصليه ؟
وعطوني امثله على الالعاب اللي تنلعب أون لاين ؟

انا ولا مره لعبت على النت:D

ما اعرف ولاااااا شي في النت على الدريم كاست (دلخ صح)

يعني ما في اي فايده و واحد من ربعي قال اذا قعدت على النت

على اي جهاز زي الدريم و البلاي2 تكون كانها مكالمات دوليه !!!!!:o

بس ما فسرها لي و لا انا اصلا فاهمها

غبي صح؟؟؟؟:":

ههههههههه

اقتباس:

---

انت في القطيف....انا في الرياض...صعبه...و الا كان كسرت راسك

---

نزل تكن 4 ؟؟؟؟؟؟؟؟؟؟؟؟؟؟!!!!!!!!!!!!!!!?:

في تكن تاج انا اكسر راسك انت وياه":" ":"

انا اختار لي LEE ":" ":"

على ما أظن اللعب بيكون على النينت فما أظن أن المكالمة دولية ... على كل حال أنشالله بنشوف تيكن على النينت .. وبنشوف من بكسر رأس الثاني ... أحسن شخصيتين عندي في تيكن هيهاتشي مشيما و باول فينكس

تخيلوا لعبة سماك داون .. بس ما تقدر تلعب بالشخصيات الاساسية يعني مثل الروك أو الانديرتيكر .. تقدر تلعب بشخصية من تصميمك و يكون هناك جدول مباريات محدد الوقت والزمن طبعا من أتحاد المصارعة wwf
حتى أن الوحد منا يقدر يدخل ويخرب على شخص ثاني علشان تطور الاحداث لكن لو زودها في التخريب و الغش بيعطونه أيقاف لمدة ما تكون أقل من الاسبوع .. علشان يتأدب بس حلوة يعني عماد 18يصارع شخص متغطرس من أمريكا بعدين يدخل جيم سنتر ويثير الشغب بس من دون ما يشوفة الحكم وينفذ حركتة الخاصة و يطلع من الحلبة قبل ما يشوفة الحكم ويثبت عماد 18 خصمه و يفوز .. لكن السالفة ما أنتهت بعد السالفة بيومين تتحدد مصارعة بين عماد 18 و جيم سنتر على أساس وضعية جدول المباريات و تكون مصارعة عادلة في ما بين الاصحاب واللي يفوز يتأهل للمصارعة في الريسمينيا و في خلال أنشغالهم بالمصارعة يدخل الشخص الامريكي و يضرب عماد بسرعة من دون ما يشوفة الحكم ( الحبيب راجع ينتقم ) .. الحين فرصة جيم سنتر ويثبت ويتاهل للمصارعة في (الريسلمينيا) على حزام البطولة ينهض عماد من شدة الصدمة .. ويسأل جيم سنتر بغضب كيف تثبت وأنت تيدري انه السالفة كانت غش ويرد علية جيم سنتر ( الشغل شغل فليس لمصالح الشرف وجود ) عماد18 ما يقدر يتمالك نفسة ويبدأ بضرب جيم سنتر بلا رحمة ويرد علية جيم سنتر وتصير مشكلة ويدخلون الحكام لفض النزاع بعدين تدخل شخصية فينس مكمهون و هو يضحك بسخرية ويحدد في ما بينهم مصارعة خاصة في ( هيل أنذا سيل ) في مباريات ( كنج أوف ذا رينج) واللي يوفوز فيها يتاهل للمصارعة على الحزام في ( الرسلمينيا ) و تتعلى صيحات الجمهور .

صارت السالفة صدق:D ;) .. يا جماعة هذي كلها تخيلات .. والحلم رخيص ماله ثمن فأحلموا شو بتخسرون .. سلااااااااااااااااااااااااام :D :) ;)

بالنسبة لي ما راح تفرق كثير.
لاني لعبت على الدريم أون لاين من قبل,وعندي فكرة عنه.

اقتباس:

---

كتب العضو (DARK HDUKEN)
على ما أظن اللعب بيكون على النينت فما أظن أن المكالمة دولية ... على كل حال أنشالله بنشوف تيكن على النينت .. وبنشوف من بكسر رأس الثاني ... أحسن شخصيتين عندي في تيكن هيهاتشي مشيما و باول فينكس

تخيلوا لعبة سماك داون .. بس ما تقدر تلعب بالشخصيات الاساسية يعني مثل الروك أو الانديرتيكر .. تقدر تلعب بشخصية من تصميمك و يكون هناك جدول مباريات محدد الوقت والزمن طبعا من أتحاد المصارعة wwf
حتى أن الوحد منا يقدر يدخل ويخرب على شخص ثاني علشان تطور الاحداث لكن لو زودها في التخريب و الغش بيعطونه أيقاف لمدة ما تكون أقل من الاسبوع .. علشان يتأدب بس حلوة يعني عماد 18يصارع شخص متغطرس من أمريكا بعدين يدخل جيم سنتر ويثير الشغب بس من دون ما يشوفة الحكم وينفذ حركتة الخاصة و يطلع من الحلبة قبل ما يشوفة الحكم ويثبت عماد 18 خصمه و يفوز .. لكن السالفة ما أنتهت بعد السالفة بيومين تتحدد مصارعة بين عماد 18 و جيم سنتر على أساس وضعية جدول المباريات و تكون مصارعة عادلة في ما بين الاصحاب واللي يفوز يتأهل للمصارعة في الريسمينيا و في خلال أنشغالهم بالمصارعة يدخل الشخص الامريكي و يضرب عماد بسرعة من دون ما يشوفة الحكم ( الحبيب راجع ينتقم ) .. الحين فرصة جيم سنتر ويثبت ويتاهل للمصارعة في (الريسلمينيا) على حزام البطولة ينهض عماد من شدة الصدمة .. ويسأل جيم سنتر بغضب كيف تثبت وأنت تيدري انه السالفة كانت غش ويرد علية جيم سنتر ( الشغل شغل فليس لمصالح الشرف وجود ) عماد18 ما يقدر يتمالك نفسة ويبدأ بضرب جيم سنتر بلا رحمة ويرد علية جيم سنتر وتصير مشكلة ويدخلون الحكام لفض النزاع بعدين تدخل شخصية فينس مكمهون و هو يضحك بسخرية ويحدد في ما بينهم مصارعة خاصة في ( هيل أنذا سيل ) في مباريات ( كنج أوف ذا رينج) واللي يوفوز فيها يتاهل للمصارعة على الحزام في ( الرسلمينيا ) و تتعلى صيحات الجمهور .

صارت السالفة صدق:D ;) .. يا جماعة هذي كلها تخيلات .. والحلم رخيص ماله ثمن فأحلموا شو بتخسرون .. سلااااااااااااااااااااااااام :D :) ;)

---

هذا كابوس مو حلم :) ..

ما شالله عليك يا دارك ....... ما بقا الي تقول وتقاتلو حتى تطور جيم سنتر الي جيم سنتر الحديدي
وعماد 18 الي عماد 9000

الاعزاء عماد 18 / جيم سنتر .

هذي متعة اللعب على الانتير نيت أو الاونلاين .. فتخيلوا....... ياسلام بعدين المنتدى بتزيد مواضيعة اكثر من اللازم :D :D .. و انا آسف إذا قالت شي غلط ... سلاااااااااااااااااااااااااام :D :) ;)

اقتباس:

---

كتب العضو (DARK HDUKEN)
الاعزاء عماد 18 / جيم سنتر .

هذي متعة اللعب على الانتير نيت أو الاونلاين .. فتخيلوا....... ياسلام بعدين المنتدى بتزيد مواضيعة اكثر من اللازم :D :D .. و انا آسف إذا قالت شي غلط ... سلاااااااااااااااااااااااااام :D :) ;)

---

ولو دارك ........... اصلا السالفه مزح معليك محد زعل بالعكس...... طلعت حرتي انت ........ ;) ;)

لا اخوي دارك ما زعلنا ولا شي :) ..

اقتباس:

---

كتب العضو (جيم سنتر)


ولو دارك ........... اصلا السالفه مزح معليك محد زعل بالعكس...... طلعت حرتي انت ........ ;) ;)

---

اي حرة ؟؟
فزت بالغش ثم دبغتك دبغ :D يعني انا اللي طلعت حرتي ..

اقتباس:

---

كتب العضو (عماد 18)
في السعودية ما لو تلعب مع واحد اماراتي ويننج اليفن يدخل فيك 10 اهداف و انت لسى ما انتهى اللودنج :) ..
و الله احلام حلوة لكن ما اظن تتحقق في الواقع و اللي يبي يتاكد يروح للعبة البلياردو في الياهو و يشوف الفرق اذا لعب مع امريكي او واحد خارج السعودية ..
يضرب اكثر من ضربة و انت لسا المضرب عندك ما تحرك :) ..

---

على بالي الوحيد الي اعرفها :p

اقتباس:

---

كتب العضو (snorlax)


على بالي الوحيد الي اعرفها :p

---

":" كنت الوحيد ..

مب لازم تلعب PS ..... جرب ألعاب PC

والله يعجبك .... أنا جربت وااااايد ألعاب جماعية ... نتفق مع كم واحد ونتلاقى بالنت .. وإذا ودك تلعب جماعي جرب لعبة STAR CRAFT ..

و ونااااااااااسة اللعب عالنت .. ياما لعبت مع اخوي ( مسافر , هو باليابان وانا بامريكا ":")... يعني تقدر تدخل عشرة معاك بفريق واحد وطبعا في وسائل اتصال بينكم Chat ...... وتقدر تنقي لك من الموجودين اونلاين ....وتكونون فريق , امااللعبة اللي اقولك عنها روووووعة الصراحة ... وما تخليك تشعر بالملل .. تخيل مب مع واحد او 2 انت تتحدى 10 غيرك .... بقعد اوصف لك ؟؟ مافي فايده .. جربها


وليش تقولون عنها أحلام ؟؟ عادي بسيطة جدا :)

اقتباس:

---

كتب العضو (evilneverdie)
مب لازم تلعب PS ..... جرب ألعاب PC

والله يعجبك .... أنا جربت وااااايد ألعاب جماعية ... نتفق مع كم واحد ونتلاقى بالنت .. وإذا ودك تلعب جماعي جرب لعبة STAR CRAFT ..

و ونااااااااااسة اللعب عالنت .. ياما لعبت مع اخوي ( مسافر , هو باليابان وانا بامريكا ":")... يعني تقدر تدخل عشرة معاك بفريق واحد وطبعا في وسائل اتصال بينكم Chat ...... وتقدر تنقي لك من الموجودين اونلاين ....وتكونون فريق , امااللعبة اللي اقولك عنها روووووعة الصراحة ... وما تخليك تشعر بالملل .. تخيل مب مع واحد او 2 انت تتحدى 10 غيرك .... بقعد اوصف لك ؟؟ مافي فايده .. جربها


وليش تقولون عنها أحلام ؟؟ عادي بسيطة جدا :)

---

كلام حلو بس احنا نتكلم عن البلاي ستيشن2 لانه له طعمه الخاص واغلب الموجودين متعودين على العابه وطريق التحكم . . . .

وفكرتك حلوه لكن انا الصراحه ما استخدم الكمبيوتر الا علشان الانترنت فقط وبعض الاستعمالات الخفيفه جدا . . . . . . ;)

بالنسبة لكم في الامارات هالشي عادي :) ..
لكن في السعودية لاعبي الدريم كاست و البي سي يواجهون مشاكل في العاب الانترنت ..

شباب الموضوع مو حلم بعيد زي ما انتم متخيلين
أنا مثلا ألعب ألعاب البي سي الاستراتيجية على النت من فترة طويلة..وهي النوعية الوحيدة من الألعاب التي ممكن أن تلعبها في السعودية بسرعة مقبولة لأنك لا تحتاج الاستجابة اللحظية بمعنى انها ما راح تفرق لو استجابت الوحدات(الدبابات مثلا) بعد ثانية أو اثنين لكن باقي الألعاب مثل الFPS والقتال والكورة وغيرها ما راح تصير سرعتها مقبولة إلا بالدي اس ال على الأقل لأنها تحتاج استجابة فورية
يعني لازم نصبر الين تنزل أسعار الدي اس ال

ThErE's NoThInG lIkE kIcKiNg @$$ lol
http://www.montada.com/showthread.php?s=&threadid=46061