عرض للطباعة
معلومات المتقدم بالاستفسار :
العمر : 21 , الجنس : ذكر
الطول :181 متر
الوزن : 115 كيلوجرام
و الاستفسار كالتالي :
السلام عليكم ورحمة الله وبركاته
ياجماعه انا اعاني من الوزن الزائد
وعندي خلل في حجم الصدر ( اذا رفعتلكم الصوره تقدرون تحددون العله ؟ يعني جينو او دهون ؟ )
اباكم تنصحوني لو ماعليكم امر لأني محبط
ابا اضعف شو اسوي ؟
وعليك السلام ياخوي ونورت المنتدى
بسيطه وانا اخوك
ان حبيت بنبدأ بنظام غذائي معاك الى ان توصل لهدفك
بس سؤال . هل تمارس اي نوع من الرياضات وماهو نشاطك اليومي ؟؟
اما بالنسبة للصدر فالافضل ترفق صورة
اقتباس:
المشاركة الأصلية كتبت بواسطة .hamad.
مرحبا اخوي
لا والله بس من البيت للداوم ومن الدوام للبيت !
دقايق وارفعلك الصوره ياخوي
وياليت لو تعطيني نظام غذائي
على خير اخوياقتباس:
المشاركة الأصلية كتبت بواسطة JumaaAltamimi
وفالك التوفيق
الشكل مب واضح بسبب زيادة الوزن
خلنا نبدأ بالدايت وتنزل نسبة الدهون الى 25% ع الاقل وبعدها بتوضح الصورة اكثر ان كان جينو او فات عادي
بس اغلب ضني ان فات عادي بسبب عدم بروز الحلمة وهي ضاهرة فقط من الدهون ولكنها غير بارزة
بكرة ان شاء الله برتب لك نظام غذائي مبدئي يعني بيكون مؤقت وبعدها في انظمة ثانية الى ان نوصل للوزن المثالي
اقتباس:
المشاركة الأصلية كتبت بواسطة .hamad.
ان شاء الله تكون دهون
تسلم اخوي ماتقصر وانا بتابع معاك ان شاء الله
يعطيك العافيه
دى دهون عاديه ومش جينو وكمان ده مش شكل الجينو بس يا حبيبى انتا وزنك كده بالنسبه لواحد صحبى انتا فى رحمه بس هو عندو اراده وكان بيجرى فى اليوم سعاتين لحد ما وزنه نزل من 140 الى 80 لزم يكون عندك ارده ومتفكرش فى حديد دلوقتى اهتم بتمرين الكارديو واجرى لزم تتبع نظام غذائى خالى الدهون السكريات تبعد عن المياه الغازيه نوم بموعيد جرى بموعيد اكل بموعيد لو مستعد وعندك الاراده قول واحنا تحت امرك بس بشرط تخبرنه النتائج اول باول
ما أعتقد انه اللي عندك جينو ، لان مثل ماقال الكابتن عدم بروز الحلمات ..
أعتقد انه اللي حاصل عندك بسبب زيادة الوزن ونسبة الدهون العالية
لو نزلت من وزنك وقلت نسبة دهونك جسمك راح يتغير من هذه المناطق
كارديو+ دايت قوي = جسم سليم
ولكن السؤال ..
المسألة يبالها همة و عزيمة وإصرار وصبر ، هل تتوافر فيك هذه المقومات
برهن لي هذا الشيئ ونزل صورك بعد 5 شهور وتكون قللت وزنك اقل شيئ 25 كيلو تقدر تعملها .. !!
حبيبي اول شيء تحتاج اراده قووويه
ثاني شيء اقطع اي شيء اسمه دهوووون ووجبات سريعه وكبسات ومشروبات غازيه وشوكلاته اويسكريم والخرابيط هذي
ثالث شيء تمرن يومياً لمده شهر والشهر الي بعده تمرن 6 ايام في الاسبوع والشهر الثالث 5 ايام في الاسبوع
طريقه تمرينك عباره عن
اول اسبوع وتحدياً اول يوم 30 دقيقه سير فقط مشي وتحاول تزود سرعه في 10 دقايق الاخيره طبعاً مشي
من ثاني يوم الى اليوم 6 30 دقيقه سير مشي وبعدها 15 ساعه اوبتكال او دراجه
الاسبوع الثاني تدخل حصه للياقه مع المدرب كامله وقبلها 10 دقايق تسخين بجهاز السير
الاسبوع الثالث 10 دقايق سير قبل حصه اللياقه + حصه للياقه مع المدرب + 10 دقايق بعد حصه اللياقه اوبتكال او دراجه
الاسبوع الرابع 15 ساعه تسخين قبل حصه اللياقه + حصه للياقه مع المدرب كامله + 20 دقيقه 10 دقايق اوبتكال 10 دقايق دراجه
الاسبوع الخامس 20 دقيقه سير + حصه للياقه + 30 دراجه عشر دقايق سير 10 دقايق اوبتكال عشر دقايق
اذا سويت الجدول هذا وانتظمت في الاكل الصحي الخالي من الدهوون اضمن لك راح ينقص وزنك كل اسبوع 4 كيلوووو
الآكل يكون عباره عن صدور دجاج مسلوقه بياض البيض لبن وجبن خالي الدسم مع خبز نخاله او بر يكوون الصباح فقط الخبز والظهر قبل تروح التمرين يفضل تاكل 5 ملاعق رز مسلووق بني او ابيض مع حبه صدور دجاج مسلوقه او مشويه مع عصير برتقال
تحياتي لك واتمنى تدعي لي
اقتباس:
المشاركة الأصلية كتبت بواسطة ديزل ديزل
ان شاء الله دهون عاديه
اخوي شو هي تمارين الكارديو ؟
وانا ان شاء الله مستعد
اقتباس:
المشاركة الأصلية كتبت بواسطة Booyaka
ان شاء الله بمساعدتكم
اقتباس:
المشاركة الأصلية كتبت بواسطة مشتاق للرياض
اخوي المشكله عدم توافر صالات الرياضه في المنطقه اللي انا فيها
وانا مستعد اشتري الاجهزه الضروريه
بس ماعتقد اني بحتاج لجهاز المشي دامني بمارس المشي والجري برع !
ليش اجهزه ورياضيه ماتحتاج نادي حاليا علما بان النادي شي " مفضلّ " وليس شي اجباري بحاله واحد يبي ينزل دهونه ,
عدل اكلك وامش بالهواء الطلق واركض
وابحث بالمواضيع المميزه عن نظام hiit لمضاعفه النتائج
والله يوفقك يارب ويحقق مبتغاك
ررررررررررررررفع
تنصحوني ب هالمنتج ؟
http://www.nutrex.com/nutrex/Images/...PO6XBottle.jpg
اخوي بسألك سؤال رد علي بكل امانه وصدق لانه اولا واخيرا راح نعرف المشكله
- هل جربت ان تمشي على برنامج غذائى لتنزيل الوزن لمده ( شهر واحد فقط ) من غير خربطه يعني التزمت بدايت؟
اقتباس:
المشاركة الأصلية كتبت بواسطة daughtry
هههه اكيد برد عليك بصدق ياخوي !!!!
لا والله ماقد جربت
هههه الله يسعدك
انا مو قصدي تجذب علي
ولكن في ناس تقول لا وما ادري شنو يبون يدخلون بكورس " مكملات غصب " وهاملين التغذيه ولا قد جربو يمشون شهر ببرنامج تغذيه معين
, دام اجابتك كانت لا , لازم تشوفلك برنامج غذائى وانا اقترح عليك هالبرنامج لو حبيـت
- الافطار : 5 بياض البيض وحده منهم كامله " اي بالصفار " مع كوب حليب قليل الدسم وحبتين توست اسمر
الغداء : صدر دجاجه 10 ملاعقر ز مع روب قليل الدسم + سلطه او معكرونه واذا عندكم قريب سابوي اطلب وجبه صدر دجاج مع خبز اسمر (6 انش اي النص فقط ) وتقدر تستخدمها في العشاء ايضا
العشاء : علبه تونا , او شرائح الديك الرومي عدد " 3 الى 4 " او مشويات
-- اذا مريت بحاله جوع تقدر تستخدم تفاحه خضراء , علبه روب , سلطات , خياره , موزه ,
*ضروري تكثر ماي
*ابتعد عن المطاعم السريعه نهائيا
*ابتعد عن الغازيات حتى الدايت منها " بيبسي دايت , إلخ .. "
---------------
امش على هالبرنامج اسبوعين الى شهر مع مشي وهروله وركض من 4 ايام الى 6 ايام بالاسبوع , وبلغنا بالنتائج وان كنت مشترك بنادي عندك الالعاب الهوائيه مثل المشي والدراجه والغزاله والسباحه ,
بس قبل لا ترد علي ابيك تقول خلاص انا عندي الاراده اني اضعف واطبق البرنامج
اقتباس:
المشاركة الأصلية كتبت بواسطة daughtry
آمين ويسعد الجميع ^^
ماعليك اخوي فاهم عليك هههه
انا مستعد اني ابدا بالنظام ان شاء الله من يوم الاحد الجاي عشان اضبط اموري واشتري الاشيا المطلوبه ...
بس عندي سؤال عن التوست الاسمر .. مايصير اغيره بشي ثاني ؟
لأن انا ساكن في منطقه نائيه ومب كل الاكلات متوفره عندنا
وماعندنا نادي يوفر اللي ذكرته ..
وانا الحمدلله ماحب اكل المطاعم وما اشرب غازات
خلاص انا عندي الاراده اني اضعف واطبق البرنامج :D
انتظر ردك ياخوي ويعطيك العافيه
تقدر تستدبله بخبز بر تسمونه او خبز اسمر
طبق البرنامج وارفع الموضوع او راسلني بالاحداث الى تصير وياك
اهم شي الاراده
فلان الى وصل مو احسن منك
السلام عليكم
اخوي انا البارحه لفيت السوق مالقيت ديك رومي :31:
شو البديل ؟
والتونه لقيت نوعين نوع بزيت دوار الشمس والنوع الثاني بماء مملح
وشو رايك بالمرتديلا و كورن فلكس خاص بالرجيم ؟
ان شاء الله من باجر ببدا
انا ان شاء الله ببدا امشي بعد صلاة الفجر
يعني الساعه 5
هل افطر قبل الرياضه ولا بعد ؟
اذا كان مشى عادي قبل الافطار واذا كان رياضه يعني مشي وهروله وهكذا
خله بعد وجبه الغداء بساعتين الى ثلاث او قبل وجبه العشاء بساعتين
والتونه استخدم الماء ولكن اغسلها جيدا
بدائل الديك الرومي تقدر تستخدم بياض البيض / مرتدلا قليله الدسم / زبده الفول السوداني ( ملعقه كبيره ) فقط , صدر دجاج ,
وكورن فليكس فيتنس رائع ولكن اجعله وجبه افطار
السلام عليكم
انا البارحه وقفت ع الميزان لقيت وزني نزل ل 112 ..
اخوي عندي بعض الاستفسارات
انت نصحتني بالموز
وانا قريت فمنتدى ثاني انه لازم نبتعد عن الموز !! شو رايك ؟
نعم انا نصحتك بهدف ادخاله كيّكون وجبه مكمله
لكن الممنوع من اصحاب التنشيف ان ماياخذون موز
موزه باليوم ما تضرك ان شاء الله
توكل على الله 3 كيلو نتيجه ممتازه ولله الحمد في هذى الفتره
خلك على هالنمط من البرنامج لا تغير شي
واستمر
* لا تنسى تقيس الوزن صباحا على معده فاضيه
السلام عليكم
مرحبا اخوي شحالك ؟
انا اليوم الصبح قست وزني وكان 111 او 111.3 تقريبا ، طبعا وانا لابس الكندورة والغتره
..
اخوي عندي سؤال
بعد ما اضعف ان شاء الله
هل بيشتد جسمي بنفسه ولا بتصيرلي ترهلات ؟!
وشو لازم اسوي عشان اتجنب الترهلات ؟
وهل تنصحني اشتري جهاز تمارين البطن او اي جهاز آخر ؟
قريت فالنت عن تمارين الاحماء قبل المشي .. شو هي لأني دورت ومالقيت !
دام ماشي على هالنمط لا ان شاء الله ماتجيك الترهلات ,
اهم شي الرياضه مع الأكل الصحي " الدايت "
هالترهلات تطلع لمن واحد يمشي بنظام غذائى " غبي " وبدون رياضه
تمارين البطن خلها بعدين مو الحين لمن ننزل وزن اكثر
وانت ما شاء الله بالطريق السليم
* الاحماء قبل المشي , يكون مشي عادي
امش 5 دقايق الى 10 وبعدها هرول دقيقه وارجع امش وارجع دقيقه وامش ,
استمر على هالوضع وبلغنا بالنتائج طال عمرك
اقتباس:
المشاركة الأصلية كتبت بواسطة daughtry
تم .. :biggrin2:
تصدق قبل لا ابدا بالتمارين كنت اقيس نسبة السكر فالدم من جهاز الوالده الله يحفظها
والنسبه تكون من 98 لين 106
اليوم الصبح قسته وكان بعد الاكل !!
وطلعت النسبه 88 :biggrin2: الحمدلله
الحمدالله رب العالمين وتعجبني ,
استمر على هالنمط
لا توسوس ابدا سكر ما سكر ,
ان شاء الله مافيك شي ولا تشيل هم
تذكر شي واحد
" فلان وفلان مو احسن منك "
خل هذا دافع لك
والى كان يضحك راح انت تضحك عليه
كل هذا مجرد حافز ,
استمر يا رجل
السلام عليكم
صباح الخير
اخوي عادي احط بهارات فالاكل ولا؟
لا يمنع بهارات خفيفه والفلفل الاسود
بس لا تكثر
اخوي اليوم ع الغدا كلت هامور مشوي كامل مع سلطه وزهره
شو رايك باللي سويته .. خربت على عمري ولا عادي ؟
والرياضه لازم كل يوم فوقت معين ولا اسويها في اي وقت ؟
تقريبا بحجم هذا بس ع الفحم
http://uaesm.maktoob.com/up/uploads/565ebe7250.jpg
السلام عليكمـ
الحمدلله أن ربي سخرلكـ واحد مثل الكابتن منصور ..
بما انه أبطى عليك خلني اتلقف وأقولكـ عادي
أنت خلك مع الكابتن وبتشوف نتائج حلوه وما شاء الله عليكـ نازل وزن حلو إلى الأن
ومثل ما قالك الكابتن اذا فلان قدر أنت تقدر تسوي أحسن
أنا بقولك أنا طولي 162 سم
ونزلت من 92 إلى 65 كيلو خلال سنه و 3 شهور " صحيح كثيره لكن ممتعه "
أنت تقدر تسوي أحسن مني ،، شد حيلك وخل غزيمتكـ قوية ،، وتوكل على الله
صدقني مو صعبه
الله يوفقكـ ويحقق مرادكـ
السلام عليكم ورحمة الله وبركاته
^^
شحالكم يالربع ؟
ابشركم حاليا وزني 100
طبعا وايد خربت فالاكل ومرات اوقف الرياضه لمدة كم يوم !!
المهم يالربع عندي ترهل فالزنود !!
.....
طبعا لاحظت ان صدري صغر حجمه =)
والخصر بعد
وعدة اماكن من جسمي والحمدلله
..
هل اقدر امارس تمارين غير المشي والركض ؟
وكيف بيكون جدولي في رمضان ؟
عندي مشكله في مفصل الكف اليسار اظن اسمه الرسغ او المعصم طبعا هالمشكله قديمه صارلها اكثر من 7 سنين
يعني مثلا اذا سويت ضغط احس بالم !
جرب تزيد تمارين الضغط واذا قدرت بعد زيد تمارين العقلة
اقتباس:
المشاركة الأصلية كتبت بواسطة Rashed.S
مرحبا اخوي راشد شحالك ؟
الغالي كيف تباني ازيد الضغط وانا عندي الم فالمفصل !!!!
وشو هي تمارين العقلة ؟
اكتب باليوتيوب p90x
وشوف كيف النتايج الحلوه من هذا البرنامج