عرض للطباعة
معلومات المتقدم بالاستفسار :
العمر : 20 , الجنس : ذكر
الطول :174 متر
الوزن : 73 كيلوجرام
و الاستفسار كالتالي :
السلام عليكم ورحمة الله وبركاته
انا ابغى ابدا برنامج تضخيم وابغى نصائحكم عن المكملات
انا الصراحة ابغى مكملات تكون مالها اي اضرار جانبية ولا تزود نسبة الدهون كثير
وارجو من يتفضل علي بنصيحة ان يدخل الموضوع مرة اخرى لإنه 99% راح يكون عندي استفسار
آخر على الرد لإن ما ودي استخدم اي شي إلا تكون عندي معلومات كاملة عنه من خبراء
والله يعطيكم العافية مقدما"
ممكن نعرف كم نسبه الدهون ومده اللعب؟
عشان نقدر نفيدك
اسف على التأخير
نسبة الدهون ما ادري كم لكن اتوقع من 20 الى 25
4 اشهر
لا ماعليك اخوي خذ راحتك
مم دامك تبا تضخم ونسبه دهونك فال20
اشوف افضل تنزل الدهون لين 17 او 15 وبعدها تاخذ المكملات^^
الله يعطيك العافية
انا كل الدهون الي بجسمي متجمعه على البطن
لو تشوف عضلات الباي والتراي والاكتاف والظهر الجلد على العضل وفيه تقسيم خصوصا" بعد ما استخدمت انيمال كات لكن حجم العضل صغير
اما الدهون فيه شوي على الصدر لكن عند البطن والله ان شكلها زي الكيس فيه مويه واحد عند منتصف البطن والثاني اسفل البطن
وانا جسمي نحيييييييييييف ضلوعي طالعه عشان كذا انا قررت اني ادخل نظام التضخيم
وماراح اهتم للبطن لكن راح امرنها مرتين بالاسبوع عشان متى ماراحت الكرش يكون فيه 6 باك مكانها
انا اسف على التأخر في الرد (بدت اختباراتي والصراحه وضعي منحاس):blackeye:
من موضوعك انت ماتبغي تزيد الدهون
خذ لك وي بروتين او آيزو بروتين لانه زيرو فات+خذ لك BCAA احماض امينيه+ملتي فيتامين
واذا حاب ممكن تضيف منتج باور مثل الجاك ثري دي او النو اكسبلود او السوبر شارج
وركز في اكلك وتمرينك وراحتك
اي استفسار لاتتردد
الله يعطيك العافية
وش الفرق بين الامينو BCAA و2222و10000
وش رائيك بالجلوماتين والكرياتين
معليش تعبتك معاي
ما قصر معاك الكابتن وبعد اذنه بجاوب على سؤالك
الفرق ان BCAA هي الاحماض الثلاث الاساسية التي لا ينتجها جسم الانسان
اما 2222و10000 فهي عبارة عن مجموعه كبيرة من الاحماض الامينية تحتوي على نسب بسيطة من BCAA
لذلك BCAA هو الافضل لانك تستطيع توفير باقي الاحماض من منتجات البروتين او الغذاء ولك حرية الاختيار
اما الجلوتامين فانت لا تحتاجة لتوفره في اغلب البروتينات وهو مناسب في فترة التنشيف اكثر من التضخيم
واذا اردت اخذ منتج شامل BCAA + جلوتامين انصحك بالاكستند
والكرياتين هو من اهم المكملات ومناسب جدا في وقت التضخيم وبتحديد كرياتين مونيهايدرات
موفق يابطل.
الله يعطيكم العافية زي ماقلتلكم انا في اختبارات ومضغوط للآخر عشان كذا مارديت بسرعة العذر والسموحة بنسبة bcaa هل هذا اسم الشركة او انه له انواع واذا كان له انواع وش افضل شي (يكون بدون اضرار او اعراض جانبية) وبالنسبة للكرياتين وش انواعه وش افضل شي انا سمعت فيه بودرة وفيه حبوب وش الافضل ياليت تعطوني نبذه عن الاكستند هل له اعراض او اضرار والله ادري اني كثرت اسئلة لكن مالنا إلا انتم وماشاء الله عليكم ماقصرتوا معنا الله يجزاكم خير ويجعله في موازين حسناتكم
bcaa هذا منتج ممكن تاخذ من شركه اوبتيمم او جاسبري مالها اعراض جانبيه ^^
الكيرياتين خذ لك كيرياتين مونهيدرات بودر من شركه اوبتييم اذا مب متوفر خذ من شركه جاسبري
الاكستند منتج ريكفري ممتاز وتاخذه وقت التمرين بين تمرين وتمرين تشرب شوي وماله اضرار
دام نسبه الدهون عندك فوق الـ 20%
خذ واي بروتين أو اب يور ماس أو ايزو 100 لو ما تريد تزيد نسبه الدهوون
الله يعطيك العافية
ياليت تعطيني طريفة الاستخدام للbcaa والكيرياتين
مشكووووور وماقصرت
bcaa مب متأكد من طريقته ماقدجربته بيفيدوك الشباب
الكيرياتين
اول 5 ايام فتره تحميل تاخذ 20 جرام
الصبح 5 جرام قبل التمرين 5 جرام بعد التمرين 5 جرام وقبل النوم 5 جرام
طبعا تاخذه بملعقه شاي وتخلطه مع ماء
وبعد ال5 ايام تاخذ بس 5 جرام بعد التمرين فقط
ولاتنسى تشرب ماي ع فترات متوزعه فاليوم عشان ماتضر كليتك
الله يعطيك العافية
هل يصلح اني اشرب البروتين ثم بعده الكيرياتين وبعده الامينو
(يعني هل يصلح اني اشرب اكثر من مكمل في نفس الوقت )
ممم بعد التمرين ممكن تخلط البروتين والكيرياتين >جرب لانه يمكن معدتك ماتستقبل هالشي ويمكن تستقبل
لكن لاتاخذ كل شي مرة وحده بعد التمرين اوك خذ الامينو وبعده البروتين
بس قبل التمرين كل وجبه فيها كارب وقبل التمرين ب25 دقيقه خذ الامينو وروح اتمرن
والله ماأدري كيف اشكرك
لكن الله يجزاك خير ويوفقك يحقق لك الي تبغى ويكثر من امثالك