نتائج 5 سنوات متقطعه في كمال الاجسام.,., آرائكم للضروره يا اخوان

معلومات المتقدم بالاستفسار :
العمر : 26 , الجنس : ذكر

الطول :175 متر
الوزن : 86 كيلوجرام



و الاستفسار كالتالي :
السلام عليكم ورحمه الله وبركاته

شخباركم يا ابطال

حبيت اخذ ارائكم في النتائج اللي وصلت لها بعد 5 سنوات متقطعه في مجال كمال الاجسام

وتقريبا كنت كل سنه العب 5 او 6 شهور متواصله واريح الباقي لظروف اما للدراسه او عدم التفرق

وآخر فتره الحين كنت اتمرن من شهر 11 الماضي الى الآن

وطبعا استخدمت مكملات كثيرا وجداول تغذيه بسيطه وجداول تمارين كثيرا ايضا ودخلت كورس هرموني واحد قبل 5 اشهر مكون من داينابول واكيوبويز وتسترون بروبونات

والحمدلله على النتيجه وانه راضي عنها بس انا احب اسأل واستفسر عن اي شي عشان استفيد اكثر
وطريقتي هي اني اسأل قدر المستطاع واعمل باللذي اقتنع به

والسؤال هو

ماهي المناطق اللي احتاج اركز فيها اكثر وهل هناك جدول معين او طريقه تغذيه معينه بتفيدني اكثر مع العلم اني احاول اضخم اكثر واكثر :)


بإنتظار آرائكم يا شباب

وعليكم السلام ، وهلا بك بالمنتدى

جسمك ماشاء الله حلو فيك ضخامة الصدر الباي سيبس الكتف الترابس عندك حلوين بس الظهر ناقصه شوية تفصيل اكثر فحاول انك تنوع بالتمارين للظهر كذلك لاحظت عليك ضعف بالعضلة القطنية او انها غير بارزة كثر باقي العضلات بشكل عام ركز على كسب العضل الصافي وكثر من الكارديو واتكون امورك طيبة ان شاء الله ..

ما شاء الله .. جسمك حلو وضخامة قوية ما شاء الله عليك

كلامي مثل كلام الكبتن عيسى لكن اقولك زيادة لا تنسى الاكتاف ;)

الف شكر لك اخوي

وفعلا العضله القطنيه مال العب لها كثير واحس انها ضعيفه وان شاءالله ببتدي اهتم فيها كثر باقي العضلات

والف شكر لك على مرورك يالغالي

اشكرك اخوي راشد على مرورك الطيب

وانا العب اكتاف اربع تمارين في الاسبوع فقط اذا عندك نصائح وتمارين لبروز الاكتاف بطريقه اكثر اتمنى تخبرني يالغالي

وانه عن نفسي اطمح اني اوصل لمستوى اعلى وادخل بطولات <<< هذي امنيه حياتي

فاتمنى مساعدتكم يا اخوان ونصائحكم الغاليه لاهنتو

كم نسبة الدهون بجسمك اخوي

تبغي الصراحه اخوي ماعرف شلون اقيس نسبه الدهون في جسمي

بس عندي شوي دهون في المؤخره نسبه بسيطه جدا

ماشاء الله جسم جميل\\

تحتاج الى شوية تنشيف

ومن ثم ضخامة صافية وبعدين موديل :)

انا اشوف انك تنشف بس اذا هدفك جسم فرنسي مو ضخامه
وبالنسبة لقياس نسبة الدهون بعض الشباب يقولو في الصيدليات وبعضهم يقولو في المستوصفات
لكن انا قستها بسوق المرجان بتلقى رجال واقفين عند الاركان يعلمونك بكل شي الظغط والدهون والوزن والسمنه
تحياتي

ماشاء الله وحششش

بس عندك البطن ركززززززززززز عليه والتربيسسس

واستمررر يااوحششش:biggthump

اشكركم اخواني جزيل الشكر على مروركم الطيب

ومثل ماقلت في البدايه انه هدفي ضخامه X ضخامه لين اوصل المستوى المطلوب بعدين انشف باذن الله

واخوي كلاسيك باجوفلي طريقه اقيس فيها نسبه الدهون لانه هالشي ضروري :)
تحياتي لك ياالغالي

ما شاء الله ياوحش ,,, بس ركز على الظهر والاكتاف اربعه تمارين في الاسبوع اشوفها قليلة ازا ما يمداك حاول تلعبها اضافي // انشالله يكون الكلب للحراسه عشان ماتقع في المحظور اخوي مجرد نصيحة :) ,,,,,,,,,,,,,,,,,,,,,,,

اول اشكرك اخوي على مرورك وابداء رأيك الغالي

ولا تحاتي الكلب خذته للحراسه وبرع البيت في الحوش لانه منطقتنا شوي فيها اعمال شغب خبرك البحرين هالايام مشاكل وايد

اقتباس:

---

المشاركة الأصلية كتبت بواسطة Bu jamal

اول اشكرك اخوي على مرورك وابداء رأيك الغالي

ولا تحاتي الكلب خذته للحراسه وبرع البيت في الحوش لانه منطقتنا شوي فيها اعمال شغب خبرك البحرين هالايام مشاكل وايد

---

الله يحفظ البحرين واهل البحرين
اخوي ابغى اسألك كم كان وزنك قبل الحديد وايضا كم كان قبل الكورس الهرموني

آمين ان شاءالله اخوي

وزني الله يسلمك قبل الحديد سنه 2006 تقريبا 70 او زايد شوي ماتذكر بالضبط بس قبل الكورس الهرموني كان بين 79 و 81

وانه لاحضت انه بعد الكورس الهرموني تفصل جسمي اكثر

بس مثل ماقالو الشباب بحاول اركز الحين على الاكتاف والظهر اكثر

بإنتظار آراء باقي الاخوان ان شاءالله