استفسار عن بروتين بديل iso100 بالبروتين Russian Zero iso-Whey

معلومات المتقدم بالاستفسار :
العمر : 18 , الجنس : ذكر

الطول :170 متر
الوزن : 73 كيلوجرام



و الاستفسار كالتالي :
السلام عليكم


اخواني انا لفيت المحلات محل محل , اكثر من 6 محلات !


تعبت وانا ادور iso100 كلهم يقولون ان في مشاكل صارت مع الشركه ويمكن ينزل بعد شهرين او 3 ! ومو اكيد !


فَ حصلت البعض من المحلات يبيعون هالبروتين ( Russian Zero iso-Whey )

صورته :

http://www.sporter.com/media/catalog...o_large_21.jpg



وهذي مواصفاته فَ الخلف :

http://powermagicnutrition.com/store.../s/isowhey.jpg



0 سكر 0 كارب 0 فات ! 31 جرام من البروتين على كل سكوب


انا شايف انه تمام , بس المشكله ان يعني اول مره اسمع فيه واخاف ان له اضرار او انه مايجيب نتايج حلوه !


بإنتظار اهل الخبره والتجربه , يفيدوني بخبرتهم عن هذا المنتج لان مافي غيره هو وايسوليت مارتكس !

فمااعرف شو اختار !


بإنتظاركم يااهبل الخبره والتجربه في اسرع وقت الله يخليكم ,

وعليكم السلام .. ما عندي معلومات عن المنتج الي ارفقته ..

بس ليش تجبر نفسك على هالمحلات الي يذمون في البضاعه الي مب متوفره عندهم علشان تاخذ من الي عندهم !! ..

روح موقع بدي بلدينج واطلب الي تبيه وبيجيك لين عندك بأقل من اسبوع :) .

انا قبل العيد طلبت 2 ايزو بحجم 5 lb من الموقع والحمد لله وصلوا مباشرة وارخص واضمن واجدد من البضاعة البايته الي تنباع بمحلاتنا .

المشكله ماعندي فيزا وبيني وبينك انا ماابغى افتح لي حساب واطلع فيزا !



وتسلم على ردك , هذا شرف لي


واتمنى من الاخوان الي يعرفون يردون علينا :)

اخي الكريم اتوقع راح تلاقيطلبك في دبي عند شركة نيوتريشن فتنس...الطلب يوصلك لغاية البيت اذا تحب ممكن اطرش لك الرقم...بس مادري هل مسموح اكتب الرقم هنا؟؟ط

اخوي الرقم على الخاص لو ممكن + اسعارهم طيبه ؟



+ اهم شي يالغاليين ابغى استفسر عن البروتين الي كتبته فوق لان نسبه البروتين فيه 31 جرام اكثر من الايزو وغيره ! والفات والسكر والكارب 0 !


بإنتظاركم يااهل الخبره !

اقتباس:

---

المشاركة الأصلية كتبت بواسطة جنون ابوظبي

المشكله ماعندي فيزا وبيني وبينك انا ماابغى افتح لي حساب واطلع فيزا !



وتسلم على ردك , هذا شرف لي


واتمنى من الاخوان الي يعرفون يردون علينا :)

---

الله يوفقك وتحصل الي يساعدك .. وان شاء الله رد الاخ "الحرية والعدالة" يفيدك ..

بس للعلم انا ما استخدم فيزتي الخاصه للشراء .. ولكن استخدم فيزا ثانية بنظام التعبئة وما تحتاج حساب بالبنك ..

مجرد فيزا تطلبها وتحط فيها فلوس متى ما تبي وتستخدمها بالنت على كيفك .. ومتى ما بغيت تقدر تمليها ورسومها 10 ريال للاصدار و 10 ريال لكل تعبئة .

وانا جربتها وانا مسافر وجربتها بالنت بمواقع كثيرة وتشتغل :] .. ومتوفره بالكثير من البنوك وما تحتاج تفتح حساب علشان يوفرونها لك ..

بالتوفيق وان شاء الله تلقى احد يفيدك بخصوص المكمل الي ذكرته .

الحين شفت اسعارهم , اذا السعر عندهم بـ 200 مع التنزيلات طبعا , المحل الي اتعامل معه بـ 210 !


وهو ارخص محل بين المحلات الي اتعامل معها , مافي نفسه بالاسعار !




والسموحه لاني طلعت عن ايطار الموضووع !



وللحين ماوصلتني الاجابه ! :(

مشاركتي قليل للاسف ماقدر ارسل خاص :12:ر

خلاص اخوي عادي ,

فقط حاب استفسر عن البروتين وانتظر الاجابه من اهل الخبره يالغاليين !!

مرحبا الغالي

بروتين الدب الروسي زيرا استخدمته وللأسف كانت تجربه جداً سيئه يسبب غازات بشكل موطبيعي ونفخه في البطن وطبعاً هذي المشكله اكثر من لاعب صادته بسبب هذا البروتين والمنتج الي استخدمته اصلي 100%

نصيحه لاتستخدمه راح تكره نفسك بسبب الغازات والنفخه الي بالبطن

طعم المنتج لايقاوم صراحه استخدمة الفانيلا وطعمه اكثر من رائع

يعني ماتنصحوني فيه ؟

اقتباس:

---

المشاركة الأصلية كتبت بواسطة جنون ابوظبي

يعني ماتنصحوني فيه ؟

---

انا انشالله راح اجربه في المستقبل
وانت جربه يمكن يعطيك نتيجه حلوه
وفي الاخر هو بروتين يعني مافيه اي ضرر انشالله

ماله اضرار طال عمرك ونتايجه حلوه

بس عيبه الغازات وانتفاخ البطن

يعني اخواني ماتنصحوني فيه ؟

وينفخ الكرش اكيد ؟!!!!! :boggled:

لاني بعد سمعت ان الدب الروسي الشركه المصنعه اصلا توقفت من صنعه وهذا كله مضروب !

هالكلام صحيح ؟

هلا اخوي.. شحاالك؟؟

اذا انت من بوظبي شي محل في مدينة زايد (السوق) اسمه وورلد نيوترشن هذا المحل انا اتعامل معاه دوم و اغرااضه حلوه و اسعاره احلى و كل الشركات موجودة عنده تقريبا
احسن من لايف ستايل نيوترشن ...

رقم المحل


026322096


ليش ما تتطلب من الموقع اللي يبت منه صورة الرشن بير؟؟؟

تحيااتي لك

اخوي سرت المحلين الي في مدينه زايد مافيهم iso100 يقولون مخلص من الاستور !

وبخصوص المواقع انا ماعندي فيزا ولا افكر اني اطلع فيزا !

هلا استاذي الموقع بدون فيزا فيه انه الدفع يوم يتم التوصيل
Cash on Delivery

جرب ISO PURE او اي منتج ثاني يكون 0 فات

في حل ثاني انك تزور افرع لايف ستايل الموجودة في بوظبي

الوحدة مول .. الخالدية مول .. المشرف مول .. >> في محل بمزيد مول ربيعي خبرني عنه واشترى منه الرشن بير 0 فات ...

و السمووحة على الاطالة

قصدك اطلب الدب الروسي ولا iso100 ؟

اقتباس:

---

المشاركة الأصلية كتبت بواسطة جنون ابوظبي

قصدك اطلب الدب الروسي ولا iso100 ؟

---

لا اطلب Iso 100
انت متى شيكت المحل بخصوص الايزو؟؟

الرقم موجود شوف اتصله و اذا موجود خذ من عندهم !!!!

والله انا رحت امس وقبل اسبوع بعد , مريت على المحلين الي في مدينه زايد ومريت على المحل الي في حمدان سنتر


كلهم يقولون مخلص فالاستور نفسه , يتصلون بالشركه يقولون ماعندنا فالاستور !!


والله تعبت وانا ادوره واخاف ان الدب الروسي مايفيدني !

هلا اخوي
........

اذا انت مصر على 0 فات حول لاي منتج ثاني

Dymatize: Elite Whey Protein Isolate


سعره شوي غالي

Nature's Best: Zero Carb Isopure

طيب يا اخوي انت ليه ما تاخذ الدب الروسي زيرو الناس تقول انه جيد ولكن عيبه ينفخ بطنك غازات وما اعتقد انها المشكله الخطيره كلها غازات وبتطلع
وانت ما تدري يمكن يناسب جسمك وترا اتذكر اني قريت قبل كذا ان فيه محفز لهرمون القروث وهذا شي ممتاز

كنت استخدم الرشن بير زيرو فات زيروا كارب وبصراحة يبني لك عضل صافي حقيقي وغير هذا غير جسمي بشكل فعلي لانه فيه محفز لهرمون النمو جروث

وحولت للايزو 100 والبروتين رائع بعد وفيه نسب من الاحماض الامينية بس بسيطة بالملي غرامات لكن مو مثل اجمل بروتين جربته في حياتي وهو نكتار بروتين