انيمال ريج .. سوبر شارج .. سوبر ماكس بامب 250 . تجاربكم

معلومات المتقدم بالاستفسار :
العمر : 22 , الجنس : ذكر

الطول :180 متر
الوزن : 80 كيلوجرام

نسبة الدهون : ***

و الاستفسار كالتالي :
السلام عليكم ورحمه الله وبركاته ..
اهلا اخواني ..
حبيت استفسر عن منتجات الباور . صراحه محتار
وابغي احد يدلني يجزاكم الله خير ..
انا جربت الجاك .. والاكسبلود وحبيت اغير ..

ومحتار بين الثلاث اسماء ..
انا
ان شاء الله بدخل منتج الباور مع .. انيمال ام ستاك + واي بروتين

شباب كثر اتكلمت عن السوبر بامب ماكس 250 والسوبر شارج ...
فابغي تجاربكم ان شاء الله عشان اتوكل على الله ..

هلا اخوي

السوبر بمب ماكس استخدمه من اسبوع

حلو ويعطيك بور جميل ورايق .. بس الكافيين اللي فيه قليل مقارنة بالباقي وهذا ممكن يضايقك لو تحب انه يكون فيه كافيين

يعني سالفة السهر بالليل انساها . والاحماض الامينية اللي فيه جدا جميلة

الاوزان بصراحة فرقت معي الحمدلله .. واكثر شي اعجبني فيه مافيه دوخة بعد التمرين مثل باقي المنتجات

والعروق تبرز بشكل جميل جدا ..

الاشياء الثانية انا ماجربتها

بالتوفيق اخوي

شوف يابطل انا ارشح لك السوبر جارج بس على فكره بتتعب كثيررررررر مع النوم

موفق

ارشح الاكسبلود بقوة

ودامك جربته ومشه معاك لاتغيره

منتجات الباور خاصة

انصحك مثل ماقال حمد
اذا جربت شي ومشى معاك خله هو منتجك وخذه كل فترة وفترة طبعا


انا جربت السوبر تشارج بعد ماسمعت كلام انه من قوي
واستخدمه كأنننننننني اشرررررررررررب عصيييير
سكوب وسكوبين ومافيه اي تغيير

لكن فيه ناس تمدحه ومشى معاهم


اتمنى اكون افدتك

خل بالك الانمل ام ستاك فى كافيه كبسوله حمرا وهذى بحد ذاته يغنيك عن منتج البمب

شكرا اخواني على نصايحكم الجميله ..
ويجزاكم الله كل خير .
ولكن انا جربت الاكسبلود .. صراحه .. كان مثل العصير .. مثل ما يقول اخوي بردان .
جربت الجاك كان جيد ولله الحمد ..
جيبت منه مرتين .
فحبيت اغير .. الانيمال ريج بعد يمدحون فيه الشباب .. والنوشوت قن بعد ,
فانا محتار والله ^_*

** اقتراح

جرب الاسولت

وان شاء الله اخ بردان انا مع اقتراحك .
ولكن الاسولت وللا النو شوت جن ..؟

وايضا الاخوه اللي يشاهدو الموضوع اذا جرب الانيمال ريج .. خليه يقول تجربته
لان في منتدي البودي بيلدينج .. كثير يمدحون في المنتج

انا اقول الاسولت :biggthump صدقني ماراح تندم وبتدعيلي .. بس ابدا بربع سكوب :biggthump

خلاص .. ان شاء الله بجرب الاسولت .. والله يستر ..^___^

هلا اخوي

بنسبه للانيمل ريج بصراحه للحين ماجربته بس ناوي عليه والله


بنسبه لسوبر شارج روعه والله بس اخر الايام ماتحس بشي حتى لو زوت اسكوبين

حاليا نو اكس بلود وماي معاي للاسبوع الثالث بس تقريبا احس مفعووله بعد ساعه يختفي والله اعلم

المنتجين حلوووين ويختلف شغلهم من شخص لاخر

توكل ع الله وماراح تخسر ان شاء الله

تمام ..
ان شاء الله بجيب الاسولت مع الانيمال ام ستاك ..

بس عندي سؤالين يجزاكم الله كل خير ...

اول سؤال .. الانيمال ام ستاك يعطي باور .. اذا اخذته قبل التدريب ..بساعه .؟؟

النيتور تك افضل وللا الواي بروتين ..؟

الام ستاك فيه حبه لونها حمرا هي حبه الكافين اللي تعطيك الباور بس اذا بتستخدم منتج بور لازم تشيلها

بالنسبه للنيتور تك اشوفه كويس بس غالي وغير اقتصادي صراحه

موفق

برايي الام ستاك والاسولت ماينفع تاخذهم مع بعض

لان الاثنين بهم كافيين

ولو لغيت حبة الكافيين اللي بالام ستاك ماراح تستفيد منه الكثير لان المكمل مخصص بتركيبته ان يدمج مع كافيين بنسبة معينه
ولو لغيت هالنسبة راح تقلل من كفائته

فالافضل تفصل كل منتج عن الاخر وتاخذ واحد منهم فقط والثاني تأجله للكورس القادم

وبرايي تبدأ بالاسولت وبعد الانتهاء تبلش بالام ستاك

اقتباس:

---

المشاركة الأصلية كتبت بواسطة .hamad.

ولو لغيت حبة الكافيين اللي بالام ستاك ماراح تستفيد منه الكثير لان المكمل مخصص بتركيبته ان يدمج مع كافيين بنسبة معينه

---

طيب كابتن لنفترض شخص استخدم ام استاك ومنتج مثل ان اكسبلود مع الحبه الحمرا اتوقع تصير عليه مشكله او ضغط

او سهر لان نسبه الكافين عاليه

اقتباس:

---

فالافضل تفصل كل منتج عن الاخر وتاخذ واحد منهم فقط والثاني تأجله للكورس القادم

---

.......................................

اقتباس:

---

المشاركة الأصلية كتبت بواسطة .hamad.

برايي الام ستاك والاسولت ماينفع تاخذهم مع بعض

لان الاثنين بهم كافيين

ولو لغيت حبة الكافيين اللي بالام ستاك ماراح تستفيد منه الكثير لان المكمل مخصص بتركيبته ان يدمج مع كافيين بنسبة معينه
ولو لغيت هالنسبة راح تقلل من كفائته

فالافضل تفصل كل منتج عن الاخر وتاخذ واحد منهم فقط والثاني تأجله للكورس القادم

وبرايي تبدأ بالاسولت وبعد الانتهاء تبلش بالام ستاك

---

المعذرة كابتن حمد

انا راسلت الشركة عن هالموضوع بالذات وقالوا لي تقدر تستخدم الام ستاك مع الاسولت لما تشيل الحبة الحمراء من الام ستاك ..

الحبة الحمراء اللي بالام ستاك فيها 200g كافيين .. الاسولت نص السكوب فيه ١٥٠

وعلى كلامهم الحبة الحمراء مجرد تعطي طاقة والناس اللي مايحبون الكافيين يقدرون يستغنون عنها بدون مشاكل

اعتذر على التدخل

اقتباس:

---

المشاركة الأصلية كتبت بواسطة iMut3b

المعذرة كابتن حمد

انا راسلت الشركة عن هالموضوع بالذات وقالوا لي تقدر تستخدم الام ستاك مع الاسولت لما تشيل الحبة الحمراء من الام ستاك ..

الحبة الحمراء اللي بالام ستاك فيها 200g كافيين .. الاسولت نص السكوب فيه ١٥٠

وعلى كلامهم الحبة الحمراء مجرد تعطي طاقة والناس اللي مايحبون الكافيين يقدرون يستغنون عنها بدون مشاكل

اعتذر على التدخل

---

راي الشركة فالعادة يكون تسويقي اكثر من ماهو فايدة للشخص

عموماً هاذي وجهة نظري وان حبيت تمشي معاهم الله يوفقك وان شاء الله تستفيد من الكورس

شباب ممكن اعرف كم نسبة الكافيين في السكوب حق نو اكسبلود؟

الف شكر

اقتباس:

---

المشاركة الأصلية كتبت بواسطة الحرية والعدالة

شباب ممكن اعرف كم نسبة الكافيين في السكوب حق نو اكسبلود؟

الف شكر

---

ممكن

افتح موضوع خاص فيك

شكرا يا الغاليين عالنصيحه وان شاء الله راح اجرب الاسولت واقول تجربتي ويا المنتج ..

ولكن استفسار اخير يجزاكم الله كل خير ..
اختياري للام ستاك افضل وللا الاستاك .. بخصوص بياناتي

اقتباس:

---

المشاركة الأصلية كتبت بواسطة احساسي انا

شكرا يا الغاليين عالنصيحه وان شاء الله راح اجرب الاسولت واقول تجربتي ويا المنتج ..

ولكن استفسار اخير يجزاكم الله كل خير ..
اختياري للام ستاك افضل وللا الاستاك .. بخصوص بياناتي

---

دامك بتاخذ منتج طاقة فدخل معاه محفز مثل اللستاك افضل