شرح برنامجي اليومي ( ابغا كورس جديد مناسب لجسمي بعد قرب الانتهاء من الكورس القديم )

معلومات المتقدم بالاستفسار :
العمر : 23 , الجنس : ذكر

الطول :176 متر
الوزن : 60 كيلوجرام

نسبة الدهون : 9

و الاستفسار كالتالي :
السلام عليكم ورحمة الله وبركاته

اسعد الله اوقاتكم بكل خير
عساكم بافضل حال وبأتم صحه وعافيه يارب

يعلم الله اني استفدت كثير من هالقسم ومواضيع الاعضاء وردود المشرفين والخبراء الموجودين
الله يجزاكم خير ويكثر من امثالكم .


----------------------

كتبت هالموضوع ابغا استفيد من الاخوان الموجودين لاني راح اشرح برنامجي اليومي بشكل كامل تقريبا
صار لي العب في حدود الشهر واسبوع والحمدلله فضل من ربي حاضر في جميع ايام التمرين ولا عندي غياب واحد
الهدف موجود وراح اوصله باذن الله ولاني مستعجل عليه لاني بديت احس بمتعه في النادي واستنى وقت التمرين يجي باسرع وقت
بديت كان وزني تقريبا 54 او 55 والان زدت 5 كيلو

الجميع لاحظ تغيير كبير في جسمي وفي بروز العضلات ولكن من قرب انتهاء الكورس قلت انزل موضوع اشاور فيه الاخوان الموجودين لتحقيق اكبر قدر من الاستفاده في الايام الجايه


اولا مكملاتي الي استخدمها

نيتروتك الجديد = 24 غرام بروتين ( استخدامه بعد التمرين سكوب مع حليب + قبل النوم سكوب مع حليب )
امينو 3000 ( استخدامه قبل التمرين 3 حبات وبعد التمرين 3 وقبل النوم 3 )
قبل اسبوع تقريبا اضفت opti-men ( حبه وحده يوميا بعد العشا )
كنت جايب جلوتامين لكن خبروني الاخوان انه فيه مشتق خنزيري اكرمكم الله واستغنيت عنه


ثانيا نظام الاكل

الفطور : 4 بيضات مسلوقه + علبة تونه مطبوخه + 2 تست اسمر + طماطم وخيار
الغداء : منوع لكن بشكل عام دايم يتواجد فيه صدر الدجاج والرز والسلطه الخضرا مع ملعقة زيت زيتون + حليب
قبل التمرين بساعه : حبتين موز عليها رشة شوفان + كوبين حليب مراعي فيتال
بعد التمرين مباشره : عصير كوكتيل وانا رايح البيت واذا وصلت اخذ حبتين موز + ملعقة عسل + كوب حليب
بعد التمرين بساعه ونص : صدر دجاج + سلطه خضرا + عصير فواكه
قبل النوم بكم ساعه : 3 حبات تست اسمر محشيه بعلبة تونه كبيره + عصير فواكه



ثالثا برنامج التدريب

السبت : صدر
الاحد : ظهر
الاثنين : راحه ( احيانا اروح اتمرن بطن )
الثلاثاء : باي + تراي + سواعد
الاربعاء : اكتاف + مثلثات
الخميس : راحه
الجمعه : ارجل + بطن



--------------------------------------


هذا برنامجي تقريبا في التدريب والاكل والمكملات

اطلب منكم يااخوان التعديلات والامور اللي لازم اتخذها في برنامجي وخاصة في برنامج التدريب هل هو مناسب للتضخيم وكافي ؟

والاهم اني احتاج كورس جديد كامل من جميع النواحي ومناسب لجسمي ووضعي

واعتذر على الاطاله في الموضوع

بالتوفيق للجميع يارب

وعليكم السلام

اولاً :- اهنيك على هذين المستويين ( نتيجتاً واهتماماً ) . رغم انه كان من المفترض ان تؤجل موضوع المكملات كمان شهرين قدام ، ولكن بالعافيه عليك يارجال . بس عاد لازم تغيب عن النادي :);) عشان تعطي جسمك فرصه للراحه والاستشفاء العضلي ، فبالتالي نتائج افضل .

ثانياً :- بناءً على معلوماتك فانت تحتاج تدخل كورس تضخيم محترم .

س/ هل ترغب بالتعديل فقط على الموجودات والبرنامج الغذائي والرياضي كما هو ، ام لاتمانع من اضافه اوحذف او حتى تبديل وتغيير ؟

اقتباس:

---

المشاركة الأصلية كتبت بواسطة alleewan

معلومات المتقدم بالاستفسار :
العمر : 23 , الجنس : ذكر

الطول :176 متر
الوزن : 60 كيلوجرام

نسبة الدهون : 9

و الاستفسار كالتالي :
السلام عليكم ورحمة الله وبركاته

اسعد الله اوقاتكم بكل خير
عساكم بافضل حال وبأتم صحه وعافيه يارب

يعلم الله اني استفدت كثير من هالقسم ومواضيع الاعضاء وردود المشرفين والخبراء الموجودين
الله يجزاكم خير ويكثر من امثالكم .


----------------------

كتبت هالموضوع ابغا استفيد من الاخوان الموجودين لاني راح اشرح برنامجي اليومي بشكل كامل تقريبا
صار لي العب في حدود الشهر واسبوع والحمدلله فضل من ربي حاضر في جميع ايام التمرين ولا عندي غياب واحد
الهدف موجود وراح اوصله باذن الله ولاني مستعجل عليه لاني بديت احس بمتعه في النادي واستنى وقت التمرين يجي باسرع وقت
بديت كان وزني تقريبا 54 او 55 والان زدت 5 كيلو

الجميع لاحظ تغيير كبير في جسمي وفي بروز العضلات ولكن من قرب انتهاء الكورس قلت انزل موضوع اشاور فيه الاخوان الموجودين لتحقيق اكبر قدر من الاستفاده في الايام الجايه


اولا مكملاتي الي استخدمها

نيتروتك الجديد = 24 غرام بروتين ( استخدامه بعد التمرين سكوب مع حليب + قبل النوم سكوب مع حليب )
النايتروتك منتج غالي على الفاضي يعني عندك الواي جولد افضل وارخص بكثير وافضل والطريقة السليمة لتناول البروتين كالتالي
سكوب مع الماء في الصباح عند الاستيقاظ من النوم - سكوب مع الماء (الحليب يبطأ الامتصاص ولذلك الماء افضل ) بعد الانتهاء من التمرين مباشرة - سكوب قبل النوم مع الحليب ليبطأ الامتصاص ويغذي الجسم طوال فترة النوم
امينو 3000 ( استخدامه قبل التمرين 3 حبات وبعد التمرين 3 وقبل النوم 3 )
امينو 3000 مو قد كذا جرب الاكستند افضل لك (bcaa + جلوتامين ) طبعا بودرة للكن اذا تبغى تابلت خذ امينو 4800
قبل اسبوع تقريبا اضفت opti-men ( حبه وحده يوميا بعد العشا )
منتج ممتاز ولكن اعتقد انه طريقة الاستخدام ليست حبة واحدة ( يفيدونك الاعضاء انشالله )
كنت جايب جلوتامين لكن خبروني الاخوان انه فيه مشتق خنزيري اكرمكم الله واستغنيت عنه
اذا اخذت الاكستند راح يغنيك عن الجلوتامين انشالله


ثانيا نظام الاكل

الفطور : 4 بيضات مسلوقه + علبة تونه مطبوخه + 2 تست اسمر + طماطم وخيار
الغداء : منوع لكن بشكل عام دايم يتواجد فيه صدر الدجاج والرز والسلطه الخضرا مع ملعقة زيت زيتون + حليب
قبل التمرين بساعه : حبتين موز عليها رشة شوفان + كوبين حليب مراعي فيتال
بعد التمرين مباشره : عصير كوكتيل وانا رايح البيت واذا وصلت اخذ حبتين موز + ملعقة عسل + كوب حليب
بعد التمرين بساعه ونص : صدر دجاج + سلطه خضرا + عصير فواكه
قبل النوم بكم ساعه : 3 حبات تست اسمر محشيه بعلبة تونه كبيره + عصير فواكه



ثالثا برنامج التدريب

السبت : صدر
الاحد : ظهر
الاثنين : راحه ( احيانا اروح اتمرن بطن )
الثلاثاء : باي + تراي + سواعد
الاربعاء : اكتاف + مثلثات
الخميس : راحه
الجمعه : ارجل + بطن



--------------------------------------


هذا برنامجي تقريبا في التدريب والاكل والمكملات

اطلب منكم يااخوان التعديلات والامور اللي لازم اتخذها في برنامجي وخاصة في برنامج التدريب هل هو مناسب للتضخيم وكافي ؟

والاهم اني احتاج كورس جديد كامل من جميع النواحي ومناسب لجسمي ووضعي

واعتذر على الاطاله في الموضوع

بالتوفيق للجميع يارب

---

اترك النظام الغذائي لباقي الاعضاء
تحياتي لك

الاخ نجر العتيبي
اشكرك على تواجدك في موضوعي وعلى دعمك الطيب

والله ياخوي انا نزلت هالموضوع وشرحت برنامجي بشكل كامل عشان تشوفون الانسب لي
ولا عندي مشكله نهائيا في حذف او تعديل او تبديل ...الخ
اطرح البرنامج الرياضي والغذائي المناسب واسمح لي اناقشك فيه للفائده.

------------------

الاخ كلاسيك
اشكرك على تواجدك في موضوعي وتوضيحك لبعض الامور


فيكم الخير والبركه

الله يوفقك ننتظر رد الكباتن

اخوي فيصل جزاك الله خير على رفع الموضوع وتذكيري . ان شاء الله لي عوده في الغد ، والى ذلك الموعد في امان المولى .

اقتباس:

---

المشاركة الأصلية كتبت بواسطة alleewan

السلام عليكم ورحمة الله وبركاته
وعليكم السلام ورحمة الله وبركاته
اولا مكملاتي الي استخدمها

نيتروتك الجديد = 24 غرام بروتين ( استخدامه بعد التمرين مباشرةً سكوب مع حليب خليه بدل الحليب مع 400 مل ماء بارد مسبوقاً قبل نهاية التمرين ب 25 دقيقه ب ( عسل او تمر او موز ) + سكوب في الصباح بنفس الطريقه اعلاه تماماً + قبل النوم سكوب مع حليب )

* ملاحظه / اذا ماخذته الى الان خذ بداله الوي القولد ستاندرد واذا اخذته كمل عليه والافضل الوي قولد .

امينو 3000 ( استخدامه قبل التمرين 3 حبات وبعد التمرين 3 وقبل النوم 3 )

طريقه معمول بها ولكن ليست دائمه وثابته ، وذلك بناءً على الوجبات القبليه والبعديه للتمرين وعند النوم التي تكون قاعدتها هي استيفاء واستهلاك الجرعه البروتينيه في هذه الوجبات من مصدر غذائي ( غير مكمل ) والا كان لابد على اللاعب استيفائها من المكمل الغذائي .

قبل اسبوع تقريبا اضفت opti-men ( حبه وحده يوميا بعد العشا خليها صباحاً + حبه - في برامج التنشيف فقط -)

مكملات اخرى /
1- اكستند -------> سكوبين في اليوم ( 1 مع سكوب البروتيني الصباحي والاخر مع مابعد التمرين )
2- فيش اويل -----> من عند GNC حبتين في اليوم واكتفي بحبه في اليوم الذي يحتوي على غذاء من مصدر سمكي .
3- اون اكسبلود -------> سكوب قبل التمرين ب 30 دقيقه على ان تكون بعد وجبة ماقبل التمرين ب 90 دقيقه على معده خاويه .

ثانيا نظام الاكل
تبداء بشرب الماء اولا ً ومن ثم 7 تمرات او عسل بمقدار فنجال قهوه ومن ثم يليها سكوب البروتين مع الماء ب 25 دقيقه .

الفطور : 4 بيضات مسلوقه وحده بصفارها فقط + علبة تونه مطبوخه ( صغيره بزيت الكانولا ) + 2 تست اسمر + طماطم وخيار

الغداء : منوع لكن بشكل عام دايم يتواجد فيه صدر الدجاج والرز البني والسلطه الخضرا مع ملعقة زيت زيتون + حليب

قبل التمرين بساعه : حبتين موز عليها رشة شوفان + كوبين حليب مراعي فيتال + 5 امينو 3000 .

الوحبه السابقه قد لاتسمح بمفعول جيد لاي منتج بور اذا تم دمجه في الكورس نظراً للتقارب الزمني بين الوجبه وفترة الامرين الاي تتطلب فاصل زمني لايقل عن 30 ساعه قبل الامرين شريطة ان تكون ايضاً بعد اخر وجبه ب 90 دقيقه .

بعد التمرين مباشره : عصير كوكتيل بالبروتين + الاكستند ويفضل ان تبدل الى عصير طبيعي خالي من السكر مسبوقةً ب تمر او عسل او موز قبل نهاية التمرين ب 25 دقيقه . ( وانا رايح البيت واذا وصلت اخذ حبتين موز + ملعقة عسل + كوب حليب ) ------- > الغيها .

بعد التمرين بساعه ونص : صدر دجاج + سلطه خضرا + ارز بني ( عصير فواكه ) -------> الغيه .
قبل النوم بكم ساعه : ( 3 حبات تست اسمر محشيه بعلبة تونه كبيره ) --------> الغيها وحط بدالها صحن سلطه + حبه تست اسمر + جبن قريش + 5 امينو 3000 + عصير فواكه خالي السكر

بالنسبه للامينو ( كارقام ، ليش شرطاً ان يكون ثابتاً ولكن تعامل معه على حسب احتياجك للبروتين في وجبة ما تشعر انها لم تستوفي كميتها البروتينيه فتعوض على ضوء هذا النقص بقدر الحاجه )

ثالثا برنامج التدريب

السبت : صدر
الاحد : ظهر
الاثنين : راحه ( احيانا اروح اتمرن بطن )
الثلاثاء : باي + تراي + سواعد
الاربعاء : اكتاف + مثلثات
الخميس : راحه
الجمعه : ارجل + بطن

حط الاربعاء مكان الثلاثاء والعكس .

---

اي استفسارات اخرى فهي مرحب بها .

الاخ نجر
والله ماادري وش اقولك على هالتجاوب والتفاعل في الموضوع
جزاك الله خير وكثر الله من امثالك


اسمح لي استفسر منك في بعض الامور لانه تلخبط علي الموضوع صرت اقراه اكثر من مره وتوهقت

بالنسبه للمكملات

النيتروتك او الواي قولد ستاندر
امينو 3000
اكستند
فيش اويل
اون اكسبلود
اوبتي مين << ماعرف طريقة استخدامه على شرحك اخذ حبه وحده او حبتين ؟

هذي بالنسبه للمكملات فيها تعارض بهالشكل ؟
لاني قريت في بعض الاستفسارات انه الاكستند يغني عن الامينو او التقليل من حبات الامينو في حالة استخدام الاكستند

بالنسبه لمنتج الباور ماادري هل اللي ذكرته هو انسب شي بالنسبه لي لاني فكرت اخذ انيمال ام استاك؟

----------------

اقتباس:

---

المشاركة الأصلية كتبت بواسطة alleewan

اوبتي مين << ماعرف طريقة استخدامه على شرحك اخذ حبه وحده او حبتين ؟

في برامج التضخيم الغذائيه اكتفي بحبه واثناء برامج انزال نسبة الدهون زيدها الى حبتين .

هذي بالنسبه للمكملات فيها تعارض بهالشكل ؟
لاني قريت في بعض الاستفسارات انه الاكستند يغني عن الامينو او التقليل من حبات الامينو في حالة استخدام الاكستند

الوي والامينو = بروتين مهضوم يشتمل على طيف واسع من الاحماض الامينيه المهمه والغير مهمه ، والاكستند نفسه تماماً الا انه فقط يشتمل على اهم ٣ احماض امينيه مهمه في عملية البناء بتركيزات عاليه بالاضافه الى القلوتامين المهم في عملية استشفاء العضله .

بالنسبه لمنتج الباور ماادري هل اللي ذكرته هو انسب شي بالنسبه لي لاني فكرت اخذ انيمال ام استاك؟

هناك فرق بين الاكسبلود والانيمال ستاك ، فالاول منتج طاقه والثاني منتج يحفز هرمون التيست الطبيعي . وبما انك ماجربت منتج طاقه من قبل ارشحلك الاكسبلود فهو منتج جبار وعن تجربه .
----------------

---

اي استفسارات اخرى فهي مرحب بها .

طيب ياكابتن نجر
الامينو قرب يخلص عندي هل اخذ نفس النوع 3000 او اغيره
او اكتفي بالاكستند ؟


وبالنسبه لمنتج الطاقه هل يحتوي على كرياتين ؟

اقتباس:

---

المشاركة الأصلية كتبت بواسطة alleewan

طيب ياكابتن نجر
الامينو قرب يخلص عندي هل اخذ نفس النوع 3000 او اغيره
او اكتفي بالاكستند ؟

انا اشوف تكتفي بالوي + الاكستند لانه في النهايه بروتين مهضوم .

وبالنسبه لمنتج الطاقه هل يحتوي على كرياتين ؟

نعم ولكن بنسب قليله وتقدر تاخذ بدله كرياتين مايكرونايزد من شركة دايماتايز .

---

في الحقيقه نسيت موضوع الكرياتين ، وحالياً افضل لك ان تبداء به بدل الاون اكسبلود .
واي استفسارات اخرى فهي مرحب بها .

كابتن نجر
بالنسبه للكرياتين مكتوب انه النيتروتك فيه نسبه منه واعتقد ماينفع استخدمه في الشهر الثاني
ينفع استعمل الاون اكسبلود؟


وعندي استفسار الله لايهينك
بالنسبه لموضوع البروتين
ابغا رايك تتوقع لمثل حالتي ينفع لو استخدم فيها بروتين فيه فات مثل البروكمبلكس قينر ؟

والاستفسار الثاني ليش فضلت الواي قولد عن النيتروتك ؟

وشكرا لك

السلام عليكم

اخوي نجر استفسار ثاني !

بالنسبه للاون اكسبلود هذي صورة المنتج ؟


وبالنسبه للفيش اويل هذي صورة المنتج ؟

اعتقد ان الاخ نجر غايب واتمنى يكون بخير !

اذا فيه احد يقدر يساعدني في هالموضوع اكون شاكر له

بالنسبه للان اكسبلود نعم هذي صوورته والاستخدام على معده شبه فاضيه قبل التمرين بنص ساعه سكوب

الله يعافيك ياخوي

----------------------

بالنسبه للاكستند ماحصلته عند صابر في جده
وبرضوا محلات ارمال كلها مقفله من الحكومه مدري وش السبب
ياليت اذا احد عنده بديل للاكستند ويكون مناسب يخبرني وان شاءالله احصله


-----------

وبالنسبه لمنتج البروتين

انا فكرت اخذ البروكمبلكس جينر ودورت عليه مالقيته
قلت باخذ العادي واستخدمه بعد التمرين مباشره

واشوف لي منتج قينر استخدمه قبل النوم وبعد الفطور
وابغا استفسر عن افضل منتج قينر !!


وشكرا لكم

الله يعافيك

بالنسبه للبديل الاكستند لي انا اخذ اما امينو 2222 والا افضل امينو تك

بخصوص البرو قنر ماراح تحصله انا لي سنه ادور مالقيت

انصحك بالسرياس ماس للصباح وقبل النوم

والواي بروتين بعد التمرين


موفق

الله يجزاك خير يامشاري على هالردود الطيبه

انا استخدمت امينو 3000
اغيره للـ 2222 افضل منه ؟

انا بغيت الاكستند عشان البـ bcca


وبالنسبه لمنتجيات القينر انا لقيت التروماس
وقلت اخذ معاه البروكمبليكس العادي واستخدمه بعد التمرين مباشره لانه برضوا سريع امتصاص زي الواي صح ولا لا ؟

حياك ربي

اذا شريته استمر عليه اذا لا حاول تشتري الاكستند ومثل ماعرفت انك مالقيت

امينو 2222 ممتاز <<< بس عيبه الحبه كبيره جداً :cray: لابد من التكسير وبعضض الناس تاكلها عادي

الترماس ممتاز بس الافضل السرياس

والواي << اسرع وافضل بعد التمرين من البرو كمبلكس << نعم سريع امتصاص بس اتوقع الاسرع الواي

موفق

يااخوان انا اخذت البروكمبليكس العادي + امينو 3000
ابغا اعرف هل فيه تعارض بينهم ؟

وينفع استخدم الاوبتي مين معاهم ؟

غير كذا ياجماعة الخير لو اضيف مع الكورس كرياتين فيه مشكله ولا لا ؟

هلا اخوي
لا مافي تعارض, وينفع تستخدم الاوبتي وينفع تدخل الكرياتين وياهم

الله يعطيك عافيه ويجزاك الف خير

ننتظر باقي الاخوان ونشوف الافضل في هالكورس