كيفيه الحصول على fly mount الجديد من الباندا

السلام عليكم


هذا الموضوع كتبته مخصوص للاعبين اللي يبحثون عن مونت من المونتات الجديده في الباندا واللي يكون شكله على تنين


ملف مرفق 357688

في الحقيقه يااخواني واخواتي هذا السؤال سألني احد الاخوان من خارج المنتدى وقالي شلون انت جديد في لفل 90 وحصلت عليه , وانا تعبت ابي واحد ولا قادر

ومازلت استخدم المونت القديم


ملف مرفق 357689

قلتله الموضوع سهل جدا , لكن يحتاج من فقط يوم واحد , يوم واحد بس تخلي علاقتك مع The August Celestials تكون exalted و منهم تاخذ اول مونت من هذا النوع مجانا واللي يكون بهذا الشكل


ملف مرفق 357690
لكن ياجماعه لازم تسوون شي عشان تقدرون تستخدمون المونت هذا , يعني حتى لو حصلت عليه بعد ماتصير اكزالتد و رحت للبائع و دفعت 2100 جولد واشتريت واحد ماتقدر تطير فيه

لأن في شي لازم تسويه , وبعد ماتسوي الكويست هذا راح يعطونك المونت اللي بالصوره فوق و يعطونك تعليم لأستخدام هذا النوع من المونتات

وهذا اهو الكويست


ملف مرفق 357691
تلاحظون ان بعد انهاء الكويست راح يعطونك مونت مجانا و تحت تتعلم التدريب الخاص عشان تستخدم هذا النوع من المونتات و المونت هذا شكله نفس اللي فوق الذهبي

و شلون تخلص الكويست هذا ؟

بعد ما توصل exalted معاهم و يمكن ناس يقولون وين مكانهم بالضبط بالعالم , راح احط صوره للمكان بالضبط

المهم بعد ماتوصل اكزالتد معاهم تروح للبنت هذي اللي واقفه بالمضمار


ملف مرفق 357692
تاخذ منها كويست عباره عن سباق , تركب مونت من مونتاتهم و تطير عبر دوائر معلقه بالسماء مثل الغيوم و الكويست الثاني نفسه ولكن تاخذ الاعلام من المناطيد , 10 اعلام و ترجع تسلم الكويست

بعد ماتسلم الكويست لها تشوف كويست جديد طلع من البنت اللي حطيت صورتها فوق واللي تعطيك مونت و تدريب , يعني اذا تبون الترتيب الصوره اللي فوق للبنت بالمضمار اول بعدين الصوره اللي فوقها مالت الكويست للمونت والتدريب

كويست المونت والتدريب عباره عن حفله , مايطلبون منك تسوي شي الا انك تشوف المقطع القصير اللي يسلمونك فيه المونت اللي اهو هذا


ملف مرفق 357693

عرفتوا شلون ؟ يعني انت مو بحاجه انك تشتري منهم الا اذا تبي تغير اللون , اللي تاخذه ذهبي , عندهم اخضر و احمر اعتقد , ادخل بالواو هيد وشوف شنو يعطونك الوان

فوق هذا يعطون تعليم للجواهرجي شلون يسوي المونتات التايجر , اللي يكونون الوان , ايضا لو كنت جواهرجي راح تستفيد من التعليم هذا ان صرت اكزالتد

---

الحين يااخوان طريقه الحصول على العلاقه معاهم بسرعه , وللأمانه انا اصير معاهم اكزالتد بأقل من يوم , لأن من سيرفر الى سيرفر يختلف

في سيرفري الساعه 3 الفجر بدأت وانتهيت الساعه 12 الظهر اكزالتد وزياده بعد 10 الاف من العلاقه , يعني العلاقه اول شي 6 الاف للانر و بعدين 21 الف للريفر وبعدين اكزالتد 1000 , انا عديت الرقم هذا ب10 الاف

فقط من 3 الفجر الى 12 الظهر

الطريقه

طبعا فيكم اللي يعرفها لكن انا اقولها للي مايعرفونها ويبون مونت من المونتات الجديده

تذكرون كلهم وبالاخص لاعبين ووركرافت ايام لفل 70 في مونت من netherwing واللي يكون شكله هذا


ملف مرفق 357694

كانوا الناس يسوون كويستات دايلي ولما يخلصون يبحثون عن البيض اللي بالشكل هذا



ملف مرفق 357695

وهذي



ملف مرفق 357696

الحين بليزرد حاطه بيض نفس هذا مع الفاكشن الجديد , لكن استغربت ان اكثريه من الناس مايدرون عن هالشي , ولما اقول لأي شخص يسألني عن كيفيه الحصول على مونت تنين واقوله جمع بيض يقولي مجنون انت ؟ احنا لفل 90 مو 70 عشان اجمع بيض

لأن تجميع البيض كان مشهور وقت لفل 70 لأن المونت هذا كان افضل مونت وقتها وما كان في مونتات الا من شاتار و هذا يمكن

وكان و مازال افضل مونت عندي

المهم ان في العلاقه الجديده تقدر تجمع بيض و تروح تسلمه للبنت اللي حطيت صورتها فوق تعطيني المونت والتدريب , طبعا اهي ما تطلب منك تجمع بيض لكن من تاخذ اول بيضه تشوف ان صار فوق راسها علامه و تروح لها تشوفها تقولك عطني البيضه , من تعطيها وتخلص البيض تروح العلامه من فوق راسها

طبعا البيضه الوحده تعطيك 550 علاقه معاهم للأنديد , زيد 10% للهيومن

طبعا كلكم علاقتكم مع الفاكشن هذا friendly او اعلى واذا ماشفت علاقتهم عندك روح لمكانهم وكلم اي واحد منهم تصير فرندلي

هذا مكانهم اقصى اليمين بالدائره السوده


ملف مرفق 357697
هذا مكانه اقرب


ملف مرفق 357698

رقم 1 اهو مكانهم ومدينتهم , ومن هالمكان تاخذ الكويستات و تسلم البيض

رقم 2 اهو مكان اغلب الكويستات و اهو مكان البيض بعد

هذا شكل البيضه


ملف مرفق 357699
البيض سهل تجميعه وبسرعه , يعني مثل ماقلتلكم في فتره وجيزه صرت اكزالتد معاهم وانت عزيزي اللاعب تقدر تصير مثلي اذا حطيت جزء من وقتك بتجميع البيض و كملت بكره واللي بعده و خلال يوم او يومين تصير اكزالتد اذا ماكنت فاضي يعني

واذا فاضي خلال نص يوم واقل حسب السيرفر , لأن يمكن في سيرفرك ناس كثيرين يعرفون هالشي و تشوفهم معاك يبحثون عن هذا البيض

او انك تشوف شخصيه لفل 90 من شخصياتك في سيرفر فاضي و تجمع هالبيض لأن مثل ماانت عارف المونتات الحين تتشارك فيهم بين شخصياتك كلهم

يعني موضوع سهل لو بس شخصيه من شخصياتك تحاول الحصول على المونت راح يستفيدون كل شخصياتك منه

المهم البيض يتواجد فقط بالجزيره المشار عليها بالدائره رقم 2 , و اغلب البيض تحصلونه اعلى الجبال , في جبال بالجزيره مثل الابراج راح تحصلون البيض بالقمه


ملف مرفق 357700

هذي الصوره من فوق مكان الكويستات او الجزيره اللي عليها دائره برقم 2 , تلاحظون النقاط الحمراء اهي اماكن البيض , يعني انت ماعليك الا تطير فوق كل قمه وتشوف في شي او لأ

انزل على منتصف الجبل ان شفت في زرع لأن ايضا يتواجد فيه البيض

---

الحين انتوا عرفتوا المكان و عرفتوا التواجد

تبون تشوفون نظري ؟

هذا المقطع يوضح اكثر للموضوع واماكن البيض

واذا انت تبي تشوف مقاطع اكثر ماعليك الا تكتب onyx eggs لأن اسم البيض هذا وتشوف المقاطع والافلام


ملاحظه : المقطع فيه مويسقى


http://www.youtube.com/watch?v=_b-CRRXgYmg

---

هذا ما لدينا بخصوص هذا الموضوع واتمنى الكل يركب التنين نفس رفيجي اللي حصل عليه و حده مستانس يقول يبي يصور نفسه واهو راكب عليه ويروح مصور يسويله ستيكر يعلقه جنب صوره الملك بغرفه نومه على الباب

والسلام عليكم ورحمه الله وبركاته

بعض الملاحظات البسيطه

اذا كنت ماتملك علاقه مع هذا الفاكشن ماعليك الا انك تروح لمكانهم و تكلم البنت اللي واقفه عند الباب و اهي الوحيده بالمكان اللي تعطيك كويست

ماتقدر تجمع البيض على طول , يعني مو تروح للمكان على طول وتبحث عن البيض الا اذا كنت عامل كويستات دايلي معاهم وعلاقتك انر وفوق

اذا كنت بلا علاقه او فرندلي معاهم وتوك بدأت , شوف البنت اللي تعطيك كويست , اخذ الكويست واللي اهو يقولك روح الجزيره و كلم رجل هناك , بعد ما تروح وتكلمه يعطيك 3 كويستات

الكويست الاول يطلب منك قتل 8 من المهاجمين اللي يحاولون قتل التنانين , الكويست الثاني يقولك جمع 6 تنانين صغار و بالشنطه راح تشوف شغله اخذتها منه واهي اللي تمسك التنانين الصغيره فيها و يتبعونك , تاخذهم لماكن البيض "غير البيض اللي تجمعه"

و هذا مثل عش للبيض , تجمع 6 تنانين وتاخذهم للمكان و تخلص الكويست , الكويست الثالث تروح للجهه الخلفيه من الجزيره و تجمع بيض ملون , ازرق و احمر واخضر , مو شرط الوان معينه المهم تجمع يمكن 8 بيضات و تخلص الكويست , وايضا البيض هذا ماله علاقه بالبيض اللي نتكلم عنه

بعد ماتخلص الكويستات هذي ترجع للرجل واهو يعطيك كويست ويعطيك بيضه , تختار لون معين واعتقد ان من اختيارك للون اهو يحدد لون التنين اللي راح تاخذه مجانا لما توصل اكزالتد , لأني اخترت البيضه باللون الاصفر وبالنهايه عطوني مونت الاصفر او الذهبي

المهم بعد ما تاخذ منه الكويست والبيضه ترجع للمدينه مالتهم تسلم الكويست والبيضه و تشوف ديمو صغير وبعد ما ينتهي تشوف الناس بدأت تعطيك كويستات الدايلي و تشوف علاقتك اصبحت honored معاهم من خلال الكويستات ال5 هذي

من بعد هذا تقدر الحين تروح تبحث عن البيض و تقدر تجمعهم

الملاحظه الثانيه , يمكن قوه الجرافيك تخليك ماتشوف البيض لأن كل ما قل الرسم كل ما اختفى الزرع او بعض التفاصيل باللعبه , يعني لو تزيد قوه الرسم راح تشوف الزرع طلع و تفاصيل حتى صغيره كانت غير موجوده سابقا

ولما تقلل قوه الرسم تختفي هالمزروعات وتقول انك بالربع الخالي

يمكن ان هذا الشي راح يخفي عنك بعض البيض اللي يكون بين الزرع وماتشوفه , لأن فوق رؤوس الجبال يكون فيه زرع حجمه اكبر شوي من حجم البيضه و تختفي وماتشوفها , فأنا انصح اذا انت شفت هالمشكله عندك ان تقلل قوه الرسم وتخفي المزروعات اذا تقدر عشان تشوف كل بيضه واضحه


بالتوفيق

تقليل وضوح الشاشه يحصل هذا الشي

ملف مرفق 357701

تلاحظون ان البيضه بروحها بالمكان , لكن من تقرب لها يبدأ الزرع بالظهور , لذلك انصح الناس بتقليل الوضوح عالاقل في تجميع البيض فقط عشان من بعيد تشوفها بدون مشاكل مثل الصوره

والزرع تشوفونه صوب الخريطه شلون حجمه كبير شوي بحيث انه يغطي البيضه وماتشوفها , هذا لأني قريب قعد الزرع يظهر




ملف مرفق 357702


هذي الصوره مالها شغل بالبيض لكن لو تلاحظون ان حاليا المايننق يقدر يجمع من اي مكان

حاليا مشغل اللعبه بالسيرفرات الامريكيه عشان اجمع بيض واحصل على المونت , لكن وانا افتر شفت الماينق هذا و رحت بجرب اخاف غلطانين و يوم جربت طلع صحيح اني اقدر اجمع ماينقق وانا السكيل عندي 36 بس

انا اسف غلطت بالحسبه

الفرندلي 6000

الانرد 12000

الريفرد 21000

اكزالتد 1000 لكن دائما تكون 999

هذي الحسبه الصح , انا ذكرت ان الانرد 6000 و الريفرد 12000 الف

لذا اقتضى التنويه


كم بيضه تحتاج ؟

كل 10 بيضات يعطونك 5500 علاقه معاهم , الهيومن زيدوا 10%

يعني كحسبه سريعه 24 بيضه توصلك من انرد الى ريفرد , 24 بيضه من 550 = 13200 وانت تحتاج 12000 بس

من ريفرد الى اكزالتد 21000 الف يعني تحتاج 39 بيضه عشان تحصل 21400

من تخلص خلاص مايحتاج ترفع الاكزالتد , طبعا غير الكويستات السهله او القريبه تخلصها و توفر على نفسك بعض الوقت من البحث عن البيض

يعني المجموع الله يسلمك 63 بيضه , طبعا لو تحسب الكسور يمكن تطلع 62 بيضه , مع كم كويست عالسريع 60 بيضه واقل


الحين خلصت من شرح الموضوع كله

ونبحث عن مواضيع اخرى

بالتوفيق جميعا

في ناس واجد ما يدرون كيف يجيبون ها الماونتات
مجهود كبير تستاهل الشكر عليه يا كرازهان
بس ليه تتعب نفسك و تفرم أنت؟ خل البوت يسويه عنك
البوت وصل من neutral الى exalted في يوم واحد عندي

اشكرك واشكر عواطفك النبيله

البوت يوفر عليك الجهد والوقت , انا نمت وشغلت البوت وقعدت لقيت عندي البيض اللي وصلني اكزالتد و بقى منه ستوكين من 20 بيضه زياده

هذا بس لما نمت وقعدت يعني بالوقت اللي مااكون مجابل اللعبه

لكن الناس هني تخاف تستخدم البوت و يفضلون الشغل اليدوي

نفس ما قال رفيجي ولد بطنها روحي له الفداء "حلاة البر بعشبه"


شكرا ارلوند وتقبل تحياتي وتحيات الملك وقبلاته الحاره

الله يجزاك خير حبيبنا .. بس تقدر تعطينا افادة اكثر بالنسبة للمونتات العادية .. اللي نقدر نحصلها في لفل 70 واكون شاكر لك جدا ..

اي مونتات عاديه بالضبط

في لفل 70 في مونتات العاديه مثل اللي حاط صورته فوق واللي كل شخص يحصل عليهم لما يوصل لفل اللي يسمحله يستخدم طير

في مونت من netherwing


اللي اهو هذا

ملف مرفق 358131


و في مونت ثاني من شتاري اللي اهو هذا


ملف مرفق 358132



وهالمونتين تاخذهم بعلاقه مع الفاكشن مالهم لما توصل exalted

الاول مثل ماقلت من netherwing والثاني من sha'tari

طبعا غير المونت اللي تكلمت عنه في القهوه مال the eye اللي يقطه اخر بوس اللي اسمه كايل

هذاك انت وحظك اما يطيح او لأ و حسب الروايات ان نسبه الdrop ماله 2%

لكن اللي فوق هذوله بعلاقه تاخذهم يعني توصل exalted مع الفاكشن تاخذهم 100%

http://www.montada.com/attachment.ph...5&d=1370010308 .. هالبيضه كيف احصل عليها ؟!

وبعدين فيه حاجه ابغى اقولها .. انت تقول sha'tari انا حصلت اقرب شيء لها مدينة shattrah .. فما ادري انت تقصد كذا ؟! .. حتى netherwing .. م حصلتها ..

هذي خاصه للnetherwing

شلون تحصل عليها

مو على طول تقدر تاخذها , لازم تسوي سلسله كويستات بالبدايه وبعدين تقدر لما تشوفها تاخذها , واهي مو متوفره بسهوله , حسب علمي وتجبرتي من خلال 20 شخصيه بحثت فيهم عن البيضه قلت ان بليزرد مو حاطين الا 5 بيضات بالمكان كله , واي شخص ياخذهم يطلعون غيرهم بعد ما يقعدون تقريبا ربع ساعه

بدون ظهور اي بيضه , يعني كل 15 دقيقه يطلعون 5 بيضات بعد اخر بيضه ياخذونها الناس

هذا حسب مااعتقد انا , مو بالضروره اهو الحاصل


المهم ان هالبيضه اول شي لازم تروح المدينه مالتهم شادو مون فالي اللي في اوتلاند , لازم الطيران عندك 280% شرط اساسي مو ابو 150%

لما تروح هناك ابحث عن شخص blood elf هنتر تشوفه يتمشى و يذبح الموبات بطريقه

ملف مرفق 358140

هذا اهو

مكانه

ملف مرفق 358141

بالمكان هذا تحصله , اهو مو ثابت في مكان معين , راح تشوفه يتمشى طول ويذبح بالموبات هناك

لما تكون تشوفه كلمه وراح يعطيك كويست ان تذبح الموبات وتجمع لحم , الموبات الصغار لازم تذبح 5 وتجمع منهم قطع لحم وبالشنطه عندك تضغط لما تشوف رقم 5 عليهم تضغط يمين كلك يصيرون لحمه كامله , والموبات الكبار يعطونك اللحمه كامله

اذا انت لفل 90 فالموضوع سهل حتى لو كنت لفل 80 بعد , المهم الكويست يقولك جمع لحم و وكل الدريك او المونتات اللي فوق تشوفهم بالسما يطيرون , تضغط عاللحمه يمين كلك تشوف انك حطيتها بالارض ويطب ديرك وياكل

لما تخلص الكويست يعطيك كويست ثاني يقولك كلم التنين , هالتنين راح تشوفه يطير بنفس المكان , اكبر بالحجم ولونه شفاف , تشوفه يطير فوق نفس الصوره هذي والخط البرتقالي , لما تكلمه يعطيك كويستات

المهم الكويستات سهله و حلها سهل , لما تخلص وترجع للهنتر مره ثانيه يقولك روح للجزيره اللي بروحها , الجزيره اللي تشوفها بالخريطه فوق اللي تحت الخط البرتقالي واللي مو مبينه , هني مدينه الnetherwing و لما تروح لهم تشوف نفسك انقلبت اورك احمر و المونت مالك انقلب على المونت مالهم الديرك

هناك عادي تشوف كويستات دايلي يعطونك و كل يوم تخلص الكويستات الى ان تصير اكزالتد وتاخذ المونت

الحل الثاني اللي اهو تجمع البيض , بعد ماتخلص الكويستات اللي قلتلك عنهم و تروح مدينتهم وتشوف نفسك تحولت على شكلهم هني تقدر تاخذ اي بيضه تشوفها , يعني تقدر تسوي loot على البيض , اما بدون هالكويستات اللي تسويهم اول شي ماتقدر لو تشوف بيضه انك تاخذها

شاتراث هذي المدينه الكبيره الرئيسيه في اوتلاند ,شتاري و بياعهم اللي يبيع المونتات تحصله هني

ملف مرفق 358143


اما netherwing مثل ماقلتلك فوق , لو تروحلهم يذبحونك على طول , لكن لازم تسوي الكويستات بالبدايه قلتلك عنهم ولما تتحول على شكلهم راح تدخل بينهم وتخلص كويستاتهم الدايلي

حتى ان الهدف من انك تتحول على شكلهم عشان تخدعهم و بالنهايه لما توصل اكزالتد راح يطلعلك illidan ويسب الزعيم مالهم مال netherwing ويقوله كلام ما ينقال , ولما يستفسر هذا من ايليدن ليش يقوله هذا خدعكم واهو مو منكم لكن متحول عليك , و ايليدن يردك على شكلك الحقيقي

وقبل يذبحونك ينقذك التنين وياخذك الى شاتراث وهناك تختار المونت اللي يعجبك

طبعا انت مو على طول متحول على شكلهم , بس لما تدخل مجال مناطقهم تصير مثل شكلهم ولما تطلع ترد عادي شكلك الطبيعي

يعطيك الف عافيه على هالتوضيحات الجميلة مررره .. طيب عندك فكره كيف احصل Knothide leather .. لانها مو موجوده بالخريطه .. :09: .. اكره الكويستات اللي م تدري من فين تحصلها .. وتبلش فيها ..

هذا الجلد اما انك تكون skining واذا عندك الوظيفه هذي روح nagrand في outland وهناك تحصل الحيوانات

حسب ما قالوا ان الغزال في نجران د اهو الافضل بالسلخ لهذا النوع من الجلد

هذا الموقع والحيوان

http://www.wowhead.com/npc=17131#skinning


اذا ماعندك الوظيفه روح الاكشن هاوس وشوف اذا احد عارضه للبيع

تسلم ياكرزان على موضوعك الجميل ومشكور على مجهودك في التقاط الصور وتنسيق الموضوع

الماونت اللي زي القرص الدائري هذا كيف تجيبه ؟؟ وبرضوا الماونت اللي شكله زي المثلث الخشبي ؟

الله يسلمك

القرص هذا تروح تكتشف اماكن معينه او نفس ماتقول نصب تذكاري او انصاب موجوده بكل مكان في قاره الباندا

هذا الفيديو يوريك شلون و وين اماكنهم

http://www.youtube.com/watch?v=3t-Yn39tvhY

المونت هذا اللي تقصده ؟ اذا اهو فسهل صحيح ان لازم تكون اكزالتد مع lorewalkers لكن توصلها خلال ساعه و اقل بعد اذا عرفت اماكن الانصاب و اكتشفتهم , بعد ماتكتشفهم راح يوصلك بالبريد رسائل من الدوارف مال الاستكشافات اخو رئيس ايرون فورق و يعطيك اوراق بالبريد وانت تاخذهم وتروح مكانه

وهناك تزيد علاقتك لما تصير اكزالتد و تشتري المونت من اللي عنده


اما المونت الخشبي اعتقد تقصد

ملف مرفق 358210


اذا كنت تقصد هذا فالحصول عليه او الطريقه اهي انك تملك 150 مونت ويعطونك هذا هديه

في نفسه بالضبط تحصله لما تكون اكزالتد مع فاكشنات باندا كلهم

هذا الرابط يقولك عن العلاقات

http://www.wowhead.com/achievement=6827

تسلم يابو شنب اي هذي هي المونتات اللي سالتك عنها
تحياتي لك ومبارك عليك الشهر

ابو شنب ؟

محد يقولي ابو شنب الا 2 او 4 بس 2 اختفوا وباقي 2

انت شلون عرفت تقول هالاسم مع ان اعوذ بالله ان انسب الاسم لي , اهو لرفيجي الملك لكن الناس هني مصرين يقولونه لي مع اني مو ابو شنب

انت شعرفك ؟ اخاف انت واحد منهم بس مغير اسمك

شكرا جبت الحين 2ماونت من outland
لكن باقي واحد مافهمته
حق netherstorm
كيف اجيبه ولازم شهرة كم وعند مين؟؟؟؟