تجربة الشراء من muscle and strength

السسلام عليكم اليوم حبيت انقل لكم تجربتي

لشراء من الانترنت اول شيء طلبت بطاقة فيزا كادر تسوق من الراجحي

وانتظرت أسبوع ثقققيل وجججتت البطاقة وفعلتهاا الحمد لله

وع طول خشيت موقع muscle and strength

وكنت حاط بالسله الي ابيهاا ومتحمس واسوي شيك أوت

وتركته يومين ع انه تم الطلب وسحبو الفلوس وارجع اشيك ع الموضوع ماعطوني رقم الشحنه ولا اي شيء قلت ي هو القروشش
راحتت وادخل ع الموقع وحالة الشحنه معلقه قلت من البداية وأحاول اتصل ع رقمان يقول غلط وقلت خلاص راحت علي
طبعا ماكان عندي خلفيه عن الشراء من برا اول مره وليه اخترت هالموقع غير عن بودي بولدينق لان هذا يوصلها عن طريق فيدكس مباشره وبودي بولدينق يرسلها ع البريد السعودي ورد ي ليل ما لطولك ع بال ما توصل وأنا ما عندي بريد خارجي عشان اخليه ع بريدي الي برا
المهم ترجمت كلام موقع muscleandstrength طلع يبون رقم عملية الشراء من البنك اذا كان عندك مباشر والا اتصل بالهاتف المصرفي
وطلعت الرقم وأرسلتها لهم ع الرساله الي أرسلوها لي اول مره
ودخلت ع حالة الطلب لقيته تحويل هذا يوم 7/8

وبعدها بيوم جتني رساله ع البريد برقم الشحنه لفيدكس وصارت المتابعة من فيدكس
بعد 6 اياام وأنا اتباعها ووصلت للرياض بسسلام واليوم جاني اتصال من فيدكس ورديت اثره ابو هنود الي جايب الشحنه حبيب ألبي وأوصف له البيت وخلفت يفطر عندنا ورفض ووقعت وأخذت مكملاتي الي هي


MuscleTech Nitro-Tech Performance Series - 4lbs Milk Chocolate
MuscleTech Cell-Tech Performance Series - 6lbs Fruit Punch
ON Pure Glutamine Powder - 600g ON0057
Universal Animal M-Stak - 21 Paks UN0033
ON Opti-Men Multivitamin - 180 Tablets
ON Superior Amino 2222 - 300 Capsules
ON L-Carnitine 500mg Tabs - 60 Tablets
Sundesa Blender Bottle - 28oz Black Lid
Sundesa Blender Bottle - 28oz Blue Lid

بعد رمضان بسستعملهاا تواريخها جديده تنتهي في 2015


الصور بالمرفقات

مبروك وصول الاغراض
واحسن ماسويت انك حللت ابو الشحن بكثرة الاغراض :)

مبرووووكــ ماجاك .. يتربون بعزكـ .. :32:
هل واجهت معوقات من ناحية الشحن أو الجمارك
بقى مجهودك ياوحش ..

مبرووووووووووووك وبالعافية ع عضلاتك مقدما :D
بس كم كلفتك ؟

كم التكلفه الاجماليه ؟؟ وهل التوصيل ل عند الباب عليه رسوم ؟؟

مبروك ياوحش
وافضل ماسويت صراحه
بلا تجار منتدى بلا ارمال
ياخذون فايدة كبيرة علينا وهو برا رخيص

الله يبارك فيكم ماواجهني اي شيء بس السيل تك والنترو تك لقيته مفتوح بس اتوقع من الجمارك
لانهم مرجعين اللزقه ووصلوهاا لي للبيت
+ التكلفة

$258 بدون الشحن
الشحن 98$
المجموع 356 $

بسسس شيء مضمون مرررتاح لهه

تنصح نطلب منهم ؟ واهم شي التخزين ؟ كيف كان ؟

هل 98 دولار هذه قيمة الشحن + الجمارك ؟؟ ام قيمة الشحن فقط ولا يوجد رسوم جمارك ؟؟

انصح الجميع بعدم استخدام شركة worldship1 لشحن المكملات الغذائية لانهم يوقفونها والتعامل معاهم صعب وانا شخصياً صار الكلام هذا معي.

اقتباس:

---

المشاركة الأصلية كتبت بواسطة Mr Muscle

هل 98 دولار هذه قيمة الشحن + الجمارك ؟؟ ام قيمة الشحن فقط ولا يوجد رسوم جمارك ؟؟

---

قيمة الشحن لا يوجد رسوم للجمارك الا اذا كانت شركة النقل حاسبتهاا مع الشحن مادري دفعت حق الشحن وبس ولا ادري عن الجمارك

اقتباس:

---

المشاركة الأصلية كتبت بواسطة net1

تنصح نطلب منهم ؟ واهم شي التخزين ؟ كيف كان ؟

---

بالبداية كانت مغامره مني كنت متوقع عدم وصوله بسبب الجمارك وذا بالأخير مرت وطلعت الأمور بسيطه وسهله
بالنسبه لحالة. الشحن عند الوصول كانت بسيارة فيدكس بهذا الجو الحاره لكن عيب فيدكس ماحطو مكيف بمكان الشحنات بالسيارة
ووصل الكرتون شوي حار مو درجة عاديه أعلى شوي ابي اكتب هذه الملاحظة لفيدكس بس ماعرفت الي يعرف يعلمنا بحيث يكون هناك شكوه ع فيدكس لتأمن لنا المكملات بسيارات تكون مكيفه لشحنات خاصه البروتينات والأدوية

مبرووك

وش رايك اللي يطلب يطلب من الموقع هذا ولا بدي بلدنج؟؟

اقتباس:

---

المشاركة الأصلية كتبت بواسطة srab9

مبرووك
وش رايك اللي يطلب يطلب من الموقع هذا ولا بدي بلدنج؟؟

---

انا اشوف هذا لان الشحن ارخص وعن طريق فيدكس اما بدي بلدنج عن طريق البريد السعودي يعني ردد ورا شحنتك

اقتباس:

---

المشاركة الأصلية كتبت بواسطة 3lawi0

انا اشوف هذا لان الشحن ارخص وعن طريق فيدكس اما بدي بلدنج عن طريق البريد السعودي يعني ردد ورا شحنتك

---

بس اذا عن طريق الفيدكس
لازم اشتراك عندهم صح ولا غلطان؟؟

وشكرا لك

ما شاء الله ، الله يزيدك ويحفظك
طيب أخوي هل يمديني أشحن عن طريقة أرامكس؟ لأنه سمعت أن أرامكس أرخص

بالنسبة للي يقول اشتراك بفدكس لا مو لازم اشتراك + انا سمعت ان الجمارك توقف شحنة أرامكس وتستقعد فيهاا
اذا تبيها عن طريق ارامكس حاول يكون معك فسح عشان مسسألة الجمارك وما تتورط

اقتباس:

---

المشاركة الأصلية كتبت بواسطة Al3aZeF

ما شاء الله ، الله يزيدك ويحفظك
طيب أخوي هل يمديني أشحن عن طريقة أرامكس؟ لأنه سمعت أن أرامكس أرخص

---

الشحن من الموقع ارخص بكثير من اراميكس
اراميكس رخيصه فقط بالاشياء الخفيف
امينو او محفز + او كرياتين
اما البروتين شحنه غالي مع اراميكس

جربت الفرق بين muscle and strength وبدي بلدنج
حطيت نفس الاغراض

وطلع لي في muscle and strength
قيمة الاغراض 70.48$
وقيمة الشحن بفيدكس لسعودية مباشر ب58.82$ او $62.51
يعني المجموع لو شحنا بالاول يطلع 129.3$

اما بدي بلدنج
قيمة الاغراض 69.57$
وقيمة الشحن لسعودية مباشر بالبريد السعودي 45.12$
المجموع 114.69$

اقتباس:

---

المشاركة الأصلية كتبت بواسطة srab9

جربت الفرق بين muscle and strength وبدي بلدنج
حطيت نفس الاغراض

وطلع لي في muscle and strength
قيمة الاغراض 70.48$
وقيمة الشحن بفيدكس لسعودية مباشر ب58.82$ او $62.51
يعني المجموع لو شحنا بالاول يطلع 129.3$

اما بدي بلدنج
قيمة الاغراض 69.57$
وقيمة الشحن لسعودية مباشر بالبريد السعودي 45.12$
المجموع 114.69$

---

صحيح بس شوف وش الي يوصلك اسسرع انا وصلتني في 6 أيام المفروض في اربع بس من غبائي ماكملت البيانات والا ودي اشتري من بدي بلدنج بس خايف من البريد السعودي والجمارك

اقتباس:

---

المشاركة الأصلية كتبت بواسطة srab9

جربت الفرق بين muscle and strength وبدي بلدنج
حطيت نفس الاغراض

وطلع لي في muscle and strength
قيمة الاغراض 70.48$
وقيمة الشحن بفيدكس لسعودية مباشر ب58.82$ او $62.51
يعني المجموع لو شحنا بالاول يطلع 129.3$

اما بدي بلدنج
قيمة الاغراض 69.57$
وقيمة الشحن لسعودية مباشر بالبريد السعودي 45.12$
المجموع 114.69$

---

البريد السعودي لاتقرب له
انا شريت ميزان رقمي وشحنوه مباشر مع البريد السعودي
طولت شهر كامل مع انه كاتبين انها تستغرق من 12 الى 16 يوم

نصيحه لاتقرب للبريد السعودي حتى لو شحنهم ب 5 ريال
لان يخلون الشحنه بالجمارك لمدة اسبوع وتخيس بالحر وهذا الكلام قال لي موظف البريد

اما الشركات الثانيه زي فيديكس بالجمرك ماتقعد الا ساعات

طلبت مكملات من مسل اند سترينث يوم الجمعه وشحنتها فيديكس اقتصادي
اليوم وصلت
صراحه ماتوقعت ذي السرعه
انا انصح بفيديكس ولا يحتاج فسح ولا شي

اقتباس:

---

المشاركة الأصلية كتبت بواسطة humax2007

البريد السعودي لاتقرب له
انا شريت ميزان رقمي وشحنوه مباشر مع البريد السعودي
طولت شهر كامل مع انه كاتبين انها تستغرق من 12 الى 16 يوم

نصيحه لاتقرب للبريد السعودي حتى لو شحنهم ب 5 ريال
لان يخلون الشحنه بالجمارك لمدة اسبوع وتخيس بالحر وهذا الكلام قال لي موظف البريد

اما الشركات الثانيه زي فيديكس بالجمرك ماتقعد الا ساعات

---

هي حظوظ
فيه ناس تجيهم في اقل من الوقت المحدد حتى
وناس تخييس عندهم

انا بالعادة اشتري من بودي بيلدينق واشحن عن طريق myus
وبصراحه يعتبر اغلى بالشحن

بعد تجربتك

طلبت من الموقع muscle and strength وميزتهم الشحن المباشر وعلى فيدكس ;)
صحيح اسعارهم اعلى من بودي بيلدينق بس الفرق بسيط
اليوم ان شاء الله يوصل طلبي

شكرا لك

العفو وتوصلك بالسلامة

وبالعافية ع عضلاتك

أنا طلبت عن طريق bodybuilding.com
وشحنت عن طريق myus باستخدام فيدكس
والشحنة خاست بالجمارك و ضبطت موضوع الفسح .. لكن حتى الان عيال اللذينا فيديكس يستهبلون

الله ييسر

انت وش طلبت ^^

ي حلوين

انا طلبت من مسل اند سترينث لكن طلبيتي لها يومين ف دبي

متى يرسلونها للسعوديه ؟؟

حتى الان لها اربع ايام يومين ف امريكا ويومين ف دبي

اذا انت من الرياض راح توصلك بكره باذن الله

لكن لو خارج الرياض بتحتاج يومين

لانه شحنات فيديكس اولا تروح على الرياض وبعدين على المدينه اللي انت متواجد فيها

بالتوفيق ان شاءالله

اقتباس:

---

المشاركة الأصلية كتبت بواسطة alleewan

اذا انت من الرياض راح توصلك بكره باذن الله

لكن لو خارج الرياض بتحتاج يومين

لانه شحنات فيديكس اولا تروح على الرياض وبعدين على المدينه اللي انت متواجد فيها

بالتوفيق ان شاءالله

---

زين زين

انا قلت اخاف تشددوا بعد وفاة شاب بسبب الهرمونات

مع ان طلبيتي بروتينات بس التخوف لعب فيني

الله يعطيك العافيه

لا برد ع أعصابك اول ما توصل الرياض ثاني يوم يجيبونهاا بيتكم

طلبت
حول 10 أشياء
وي بروتين
كازيين بروتين
أمينو إكس
كونكريت كرياتين
حبوب cla
حبوب زيت السمك
حبوب فيتامينات و معادن
محفر قبل التمرين اعتقد اسمه no3 chrome
beta-alanine
و شيء ناسي اسمه
على العموم كلفني حدود 1400 مع الشحن 1900

اقتباس:

---

المشاركة الأصلية كتبت بواسطة ProXcMOS

طلبت
حول 10 أشياء
وي بروتين
كازيين بروتين
أمينو إكس
كونكريت كرياتين
حبوب cla
حبوب زيت السمك
حبوب فيتامينات و معادن
محفر قبل التمرين اعتقد اسمه no3 chrome
beta-alanine
و شيء ناسي اسمه
على العموم كلفني حدود 1400 مع الشحن 1900

---

ما شاء الله حللتها توصلك بالسلامة وبالعافية ع عضلاتك

^
يا حبي لك محجوزة الاغراض
و المشكلة أن معي الفسسسح و مسلمه الشركة و لي ستة أيام ..

طبعا طلبت من بودي بلدنج

استغفر الله ان شاء الله تطلع اغراضك هدوله عقدون الواحد

انا اوقات اشتريها من البحرين وريح حالي

اقتباس:

---

المشاركة الأصلية كتبت بواسطة ProXcMOS

^
يا حبي لك محجوزة الاغراض
و المشكلة أن معي الفسسسح و مسلمه الشركة و لي ستة أيام ..

طبعا طلبت من بودي بلدنج

---

ايه الخوف من بودي بلدنج التاخير +الحجز الله يعينك

^
عيال أبشششركم اطلق سراحها

بعد اسبوعين من الحجز

علما بأني أرسلت الفسح للشركة قبل تقريبا اسبوع

يعني اسبوع و طلعت الحمد لله


كححححححححح

مبروك وصول اغراضك بسلام
وش الشركه اللي شحنت معها ؟؟

لان مثلا عندك شركة فيديكس اعتبرها افضل شركه بالتخليص الجمركي واغراضهم ماتقعد الا كم ساعه بالجمرك ويطلعونها بسرعه

عن تجربه 3 شحنات والحمد لله ماعمر الشحنه وقفت بالجمرك يوم كامل

^
أنا شاحن على فيديكس عن طريق myUS
ما أدري ليه حجزت .. يمكن لأني طالب كبسولات كثيرة .. فيتامينات و معادن .. زيت سمك .. و المحفز بعد كبسولات .. و أصلا الأغراض تقريبا 10 أشياء و الوزن حول 24 باوند .. هع

لكن المرة الجاية أبحاول أبتعد عن الكبسولات و أخليه كلها بودرة .. أقول فيه بودرة فيتامينات و معادن .. بدال الحبوب ..

خلاص أبطلب من muscle & strength
لكن فيه منتج جديد مجنون في bodybuilding حسب تعليقات المستخدمين و تصويته 9.9

أبطلب ثلاث علب منه .. علما بأنه محفز و بودرة

هذا رابطه و اسمه JYM

جررب والحمد لله ع سلامة مكملاتك بالعافية عليك

ياشباب .. عندي زميل اسمه سعيد الزهراني مجنون مجنون شيبينق من الانترنت يعني هوايته التسوق من الانترنت
انا عرفت انه يطلب من أمازون ويتسوق ملابس وأحذية الله يكرمكم وأجهزه ثم نتناقش انا وياه على كورسات حرق وتنشيف فيدخل بدي بلدنج وياخذ له كم غرض
المهم استغربت لمن سألته عن الاسعار واي شركة تتعامل معها شحن
قالي لا ارامكس ولا فيدكس ولا بريد سعودي ولا شي .. انا اجيبها مباشرة على بريد المنطقة .. لكل مدينة او منطقة رمز
وجلس والله يقول كلام كثير مافهمت عليه بالضبط
وطلبت معه يطلب 5 باوند بروتين وممكملين او ثلاثة كمان نسيت قبل فترة اعتقد جلوتامين وأمينو ويوهمبين
الشحن طلع فقط 22 دولار لأغراضي او حولها ووصلت

ممكن احد يشرح لي وش السالفة ههههههههه لأن حاول يفهمني ويعيد لي مافهمت

اخوي بما انك اشتريت من الموقع هذا ماشاء الله ,

ياليت تفيدني , جاتني هذه الرسالة عالايميل بعد ما ظلبت

You only need to get verified once. Once verified, your orders will process and ship the same day without any delays!
Here's what you need to do:
1. Call your bank or financial institution for the card you used at MuscleandStrength.com
2. Ask them for the "authorization code" associated with your purchase with us
3. Reply to this email with the authorization code (it should be a 5-12 digit number)
4. That's it! Your account is verified and we'll send your order out!

^
^
اخوي خش ع بطاقتك الفيزا وشوف عملية الشرائ وخذ رقم مكون من 15 رقم او اتصل ع البنك المصرفي يعطيك ورد عليهم بالرقم ع نفس الايميل الي جاك