اللي وده يتحسن وضع منتدى الصرقعه يعطيني شوي من وقته ويدخل هنا !!

ســـلام للجميع,,,,

طبعا انتم شايفين المنتدى وشلون صاير هالكم يوم.....

سخيف + ماصل + فاضي

فاضي مااقصد فاضي من المواضيع....هو مليان مواضيع بس كلها زي قلتها

قل ماابدا كلامي....نصكم عارفين ان المشرف بالموت فتح منتدى الصرقعه وهو شكله لالحين مب مقتنع به وفتحه عشان يفتك مننا ومن صجتنا ولجتنا :)

حتى لاحظوا انه حاشره داخل مره :S

الحين....ياليت كل واحد منكم يفضى للموضوع...ويصرف اللي عنده بالماسنجر....ويفهم كلامي

قبل ماتخشون هالموضوع؟؟؟كل واحد فيكم القى نظره على المواضيع الموجوده؟؟

4 مواضيع لواحد يبي يتهاوش

موضوعين لوحده مضيعه سوراتها

مليون موضوع لواحد يقول شوفوا توقيعي...شوفوا تصميمي....اعطوني رايكم (كانه مافيه منتدى فوتو شوب برا)

10 مواضيع لناس يقولون اكتبوا ماسنجراتكم

و16 موضوع منقول من ايميلات

وخمس مواضيع لواحد يقول ليش المنتدى صاير بايخ.....مايدري ان موضوعه ذا واحد من الاسباب اللي خلته بايخ

مافيه الا كم موضوع هي السنعه واللي بمحلها زي المذكرات والقصص اللي كاتبينها الاعضاء من عندهم ومب منقوله

أما باقي المواضيع مع احترامي لكاتبينها فهي تاااااااااافهه

صدقوني ان فيه مواضيع اعز الاعضاء اللي كاتبينها واحترمهم.....بس انصدم لما القاهم فاتحين موضوع طول بعرض ولما نقراه مانطلع منه بشي
وياليت محد يزعل من كلامي

مشكلتنا كلنا اننا نجامل...ونجامل ونجامل...وهذا كله على حساب المنتدى

زي لما واحد يكتب موضوع ويقول (يله شباب انا فاضي تعالوا كلنا نسوي تشات هنا)

تلقى الموضوع يوصل عشر طعش صفحه وكلهم يوقولون موضوع يجننننننن يله قلنا وشخبارك وش علومك وش اخبار الكابرس حقتك

لو انهم من الاول قايلن له يااخونا ترى موضوعك ماله داعي وحذفوه ماكان سوالنا العضو ذا اجزاااء لمسلسله


واحد ثاني يقول شباب وشرايكم بتوقيعي.....تراي انا مصلحه....انا محترف...يله صوتوا

ومسوي تصويت وحاله!!

عسى ماشر ابو الشباب؟؟طيب توقيعك جديد خلاص الله يهنيك فيه واحنا شايفينه شايفينه باي موضوع....لازم يعني تفرش له سجاده حمرا وتورينا اياه وتفتح له موضوع جديد؟؟

انا والله اني اتردد قبل لاانشر اي موضوع واحرص انه يعجبكم واحرص اني مااكتب شي ماله معنى ومع ذلك حتى لو اعجبكم الموضوع اظل متردده واحسكم تجاملوني

بس بعض الاعضاء الله يهديهم متى ماطرة عليهم نشروا موضوع...نشروا

متى مازهقوا نشروا موضوع

متى مافضى ماسنجرهم نشروا موضوع

متى ماجاهم نوم نشروا موضوع

هذولا...مع احترامي...واثقين زيااااااااده بانفسهم وبمواضيعهم...اللي مدري وش اسميها :)

او انهم كارهين المنتدى وناويين يخربونه لمصالح شخصيه


خلاص عاد الى متى بتقعدون تكتبون مواضيع فاضيه والى متى بتنقلون مواضيع من ايميلات...ترى اللي يوصلكم بالايميل يوصلنا حنا بعد...


اركدوا وفكروا عشرين مره قبل تنزلون اي موضوع

ديجيتال مره قال شي أعجبني....هو ان مب شرط المنتدى لازم يكون مليان مواضيع...وكله مواضيع جديده...المهم ان المواضيع ذي تكون زينه ومصرقعه وغير منقوله....حتى لو ظل المنتدى اسبوع كامل بلا مواضيع جديده عادي...اهم شي مايكون المنتدى مليان بالتفاهه

اوكي تبون تنقلون مواضيع من منتديات ثانيه معليه بس بشرط انها ماتكون منتشره واجد ومب معروفه ويشترط طبعا كتابه اسم الكاتب

بس انكم تتناقلون قصص معروفه ومكرره وحفظناها....صراحه شي ماينطاق

لا في ظاهره جديده بعد الحين...الا وهي

اقول فلان...ادخل ابيك بكلمه راس

ولما ندخل كلنا...نلقى هالجمله قدامنا

وش دخلكم انتم؟؟؟صدق ملاقيف......يله اطلعوا انا بس قلت فلان يدخل

وبعدين يكتب مسافه كبييييييره وبعدين يقول فلان عطنا ماسنجرك

اولا...اظن المواضيع تنحط عشان الكل يدخل لها ويشارك فيها....مب مخصصه لناس عن ناس

ثانيا....ماحطوا الرسائل الخاصه للعبث....حطوها عشان اذا كان بينك وبين خويك كلمه راس رح ارسله


شوفوا....انا اعترف ان ثاني موضوع كتبته بالمنتدى قبل سنه....كان تاااافه جدا اللي هو

( ادخلوا شي هام ) واذا دخلتوا ( ههههااي عليكم واحد)

والى الان كنت اتمنى اني ماكتبتبه لانه موضوع تافه....بس بعد ماشفت التفاهه اللي يكتبونها الحين وبكل ثقه يحطونها....اقول ياحليلي بس على الاقل انا ندمانه على ذاك الموضوع وهم يستمرون يستمرون ماهمهم احد

والله ان كذا موضوع فكرت اكتبه هنا...بعدين لما اشوف البرود اللي انتم فيه تنسد نفسي

أخيرا.....قبل مااختم الموضوع بقترح اقتراحات للمراقبين والا عضاء:



أولا :

أي موضوع مكرر ومعروف جدا يتقفل دون مجامله كاتب الموضوع ذكرا كان او انثى وان زعل بيزعل على نفسه


ثانيا:

أي موضوع يكتبه العضو علشان يدور عن صديقه او عشان يعلمنا انه قام من النوم بدري او انه يقولنا ان عشاهم اليوم من برا....ينحذف الموضوع دون اي رحمه او حتى مراعاه مشاعر العضو لانه ماراعى مشاعرنا وان كبدونا انبطت من هالموضوع....ولاعلينا منه انه زعل حتى لو كان المشرف":"


ثالثا

اي موضوع مكانه مب هنا....ينقل !!!


رابعا

اي واحد يكتب موضوع يقول شباب شوفوا توقيعي الجديد.....علموه ان الله حق وان فيه منتديات فوتو شوب....واحذفوا موضوعه


خامسا

أي عضو يكتب موقف تافه يحصل له او قصه ماااااصله....ياليت محد يجامله ابد ابدا وكلنا نرد عليه بالصدق....وانا عن نفسي اتعهد اني من اليوم وطالع ماراح اجامل احد مهما كان وياليت محد يزعل لان اللي بيزعل ماراح يلقى احد يراضيه


سادسا

(.................)

هذه المساحه للايجار :)










هذا رأيي....اقتنعتوا فيه أهلا وسهلا...

مااقتنعتوا....خليكم على هالحال اذا كان عاجبكم...بس قولوا على منتدى الصرقعه السلام....ولو يشيلونه بيكون ابرك



سلاااااااااااااام


ماما سيلفي:cool:

<-----منب عاقله يالحنينه

حيووو سيلفي حيووو




تسلللم اصاااابعتس يااااصديقتي

ههههههه يا ورد انتي اخر وحده تتكلم .....مواضيعك الخلابه تشهد ....

وبعدين يا سيلفي ....بالنسبه للنقطه الخامسه من انتي عشان تقولين انه موضوع ماصل...:)


يعني اذا عماد ما اعجبه موضوع ولا ابو شوشه ولا نواف يجون يمسحونه من دون استشاره احد :)


على العموم انا معك في كل شي ........


ما عدا هذي ابي اعرف وش جابها هنا......

اقتباس:

---

وش اخبار الكابرس حقتك

---

:غضب:


يعني يعني يعني :o ليه ما قلتي كامري ليموزين بيضا ?: هههههههههههه :p


والمنتدى هذا اصلا رايح في خرايطها من زمان وانا قاعد هنا مجامله فقط ...لا اقل ولا اكثر....

والا انا خلاص بمنتديات القرش من زمان ...

احلىىىىى يا ام فهد....

تعيش ام فهد تعيش...:p

سيري ونحن من خلفتس...:)


خلاص عاد...لا يكثر...

نجي للجد...

بأرد عليك بصفتي مراقب....اولا..انا ملاحظ اني المراقب الوحيد اللي شغال هنا ((لاحظوا ان المنتدى له 8 مراقبين :واو: )) طبعا ما انسى شوشان...

لكني الى الان ما شفت ابو شوشة يجيب افكار جديدة تطور المنتدى....

وبصراحة...انا تعبت...

كل ما اجيب فكرة جديدة او احاول اساعد وازين المنتدى....ما حولي احد...

تتذكرين اول ما صرت مراقب...فرحان بالرقابة...وفي راسي 1000 فكرة وفكرة...ويوم طبقت اولها ((اللي هي جائزة افضل موضوع)) محححححد حوووووووولي....

آخرها موضوعي اللي الى الحين معلق...لا ايه ولا لأ ((حق دمج منتدى الصرقعة مع منتدى النكت)) وانا والله ما فكرت بكذا الا بعد اللي شفته...


والله انا معك في كل اللي قلتيه...بس هنا...ما حولك احد :( .....

انا اكثر ما يقهرني.....8 مراقبين...وما فيهم الا 2 يشاركون.....

مافيش رد ....:o
بس بغيت أستأجر المساحة اذا ممكن يعني:cool:

يا نواف بالله عليك تبي تطور المنتدى لمين ...؟؟؟؟


خلاص المنتدى مات من زمان ....وترا حتى لو يشتغلون المراقبين كلهم مع مشرف الالعاب ....


ما راح يرجع مثل اول :o

وبعدين عماد عنده عذر......يعني انت ابخص ...:أفكر:

صراحة يا سيلفي موضوعك له تأثير المنتدى هجد وماله صوت أنا معك في كل حاجة .... :) :)

اعتقد اان المفروض يكون فيه مواضيع ماتنتهي

مثلا موضوع فيه لعبة مسلية ... ويثبتونها عشان لو واحد زهق

يمكن ينشط المنتدى

ولو دمجوا منتدى النكت مع الصرقعة يمكن يصير احلى

ولو حطوا منتدى الصرقعة في المقدمة شوي ويكون بهذا العنوان

www.montada.com/games4arab/

اقتباس:

---

انا اعترف ان ثاني موضوع كتبته بالمنتدى قبل سنه....كان تاااافه جدا اللي هو

( ادخلوا شي هام ) واذا دخلتوا ( ههههااي عليكم واحد)

والى الان كنت اتمنى اني ماكتبتبه لانه موضوع تافه....بس بعد ماشفت التفاهه اللي يكتبونها الحين وبكل ثقه يحطونها....اقول ياحليلي بس على الاقل انا ندمانه على ذاك الموضوع وهم يستمرون يستمرون ماهمهم احد

---

فعلا الواحد ما يحس أن فيه العيب ألا إذا شاف الباقيين يسوون العيب نفسه

بصراحه انا من زمان يدور في راسي هل الموضوع بس داري اني لو حطيته

ماحد بيعطيني وجه يوم حطته سلفي انا برد قلبي>>تعرفون كان محترق

وانا معاك يا سلفي في كل اللي قلتيه

وانا اقول عندي ملاحظه على النقطه الاولى

هو ان الواحد ما يشتهي يكتب شي (في الردود مو المواضيع) لانه لو

كتب شي قديم على طول (غبار , كح كح, وما ادري ايش) وانا اقول ان

الواحد اذا كتب رد قديم مافيها شي بس المشكله اذا الواحد كتب موضوع قديم (عسى انك فهمتي قصدي)

وانا اقولك مثال (ناف حط موضوع نكت كل الردود
1: هذي نكت مغبره
2:نصهم اعرفهم
3:الخ.....................:p >>>ام النكبه

المهم يعني انا اقول لو واحد كتب رد قديم نرجو من الاعضاء التالي مع الاحترام
1: اذا اعجبك حياك الله
2: واذا ما اعجبك خلاص ياخي مو لازم تحطم الرجال

وشكرا :D واسف لاني قرقرت واجد:D

انا مع سيلفي

الصراحه هذي الاشياء بعدتني عن المنتدى كثير

خصوصا بعض الاعضاء اي شي يصير معهم في البيت يحطونه هنا:":


وفي بعضهم يسوي حركه بايخه

يجلس يرد على كل المواضيع ويكتب اي شي عشان في النهايه يتفرج على اسمه في آخر رد:o

وبعضهم يبغى ينكت في كل رد ويغير الموضوع

والي يشوف شي ماهو عاجبه في موضوع يجلس يسوي سالفه طويله

وانا اقولهم(إذا مب عاجبكم الموضوع مب لازم تردون عليه ,,في غيركم عاجبه)


او واحد يحذفون موضوعه يقوم يحط موضوع ثاني ويقول (مين الي حذف موضوعي):":


وفي اشياء كثييييرة في هذا المنتدى

انا مستعجل وبرد على السريع..اولا

مسأله التواقيع هو عضو واحد زودها الي هو زيدان كل شوي مطلع لنا توقيع اما الباقين من حقه يكتب موضوع عن التوقيع مره وحده فقط بالكثير واعتقد انك انتي بعد كتبتي موضوع جديد علشان نشوف توقيعك الجديد صح ولا لا؟؟


اما انت يا نواف ودي اطور فهالمنتدى لكن وش اسوي?:


يد وحده ما تصفق:p

ايش فيك معصبه


كلامك صح بس يعني احنا لازم نحرص في الرد على موضوع التافه بصوره ما تزعل صاحبه يعني بالهداوه يمشي الحال لان اذا كل يوم بنزعل اعضاء هذول ما راح يفهمو انك رايده مصلحه المنتدى يفهمو ها تفلسف ويتكو المنتدى لما تصيري انت مراقب ومشرف وعضو لحالك يعني كل الاعضاء يهاجرو


بقول نقطه انا حطيت موضوع في منتدى الصرقعه
فانتي بتعتبريني تافه عاساس الموضوع موضوع اقتراحات وفي منتدى خاص فيه انا حطيت لان حستنا نص عمري عبال ما يرد عضو واحد ونص ثاني عشان يردو اثنين يعني حيكون وجوده زي عدمه


وانا معك بكلامك

خوباج...

انت على طول حكمت على المنتدى...

اصبر عليه شوي...هو لازم تجيه فترة يتغيرون الاعضاء اللي فيه....


شوشان...

نجمع يدي على يدك ونصفق <<< صارت دعاية :p :p :p

اقتباس:

---

كتب العضو (naf)
خوباج...

انت على طول حكمت على المنتدى...

اصبر عليه شوي...هو لازم تجيه فترة يتغيرون الاعضاء اللي فيه....


شوشان...

نجمع يدي على يدك ونصفق <<< صارت دعاية :p :p :p

---

خلاص قدام يالله نصفق:p


طيب يا سيلفي سؤال الحين موضوع يا ورد من اي نوعيه يصنف:أفكر:

موضوع ياورد..عادي جدا...ومافيه اي شي غلط...بالعكس...حلو...وفيه تنكيت.....

اقتباس:

---

وخمس مواضيع لواحد يقول ليش المنتدى صاير بايخ.....مايدري ان موضوعه ذا واحد من الاسباب اللي خلته بايخ

---

?: ?: ?:
وهذا واحد من المواضيع":" ":"

اقتباس:

---

كتب العضو (naf)
موضوع ياورد..عادي جدا...ومافيه اي شي غلط...بالعكس...حلو...وفيه تنكيت.....

---

اممممممم هذا رأيك لكن الي شفته كلهم يقولون ماله معنى على العموم انا مقريته زين بس الردود مالي دخل


اهم شي نشوف حل للمصايب الثانيه

اقتباس:

---

كتب العضو (dengwan)

?: ?: ?:
وهذا واحد من المواضيع":" ":"

---

حلوة ..... والله أنك جبتهااااااا :D :D

لا تعليق ....
اضن ان الي انقال يكفي...

صفقول لسيلفي اولا

ثانيا سيلفي كلامك معقول و الي تامرين به انا اول واحدة انفذه و هيا اامري

اقتباس:

---

كتب العضو (king_kubaj)
ههههههه يا ورد انتي اخر وحده تتكلم .....مواضيعك الخلابه تشهد ....

وبعدين يا سيلفي ....بالنسبه للنقطه الخامسه من انتي عشان تقولين انه موضوع ماصل...:)


يعني اذا عماد ما اعجبه موضوع ولا ابو شوشه ولا نواف يجون يمسحونه من دون استشاره احد :)


على العموم انا معك في كل شي ........


ما عدا هذي ابي اعرف وش جابها هنا...... :غضب:


يعني يعني يعني :o ليه ما قلتي كامري ليموزين بيضا ?: هههههههههههه :p


والمنتدى هذا اصلا رايح في خرايطها من زمان وانا قاعد هنا مجامله فقط ...لا اقل ولا اكثر....

والا انا خلاص بمنتديات القرش من زمان ...

---

انا اخر من يتكلم؟؟

اصلا انت اخر من يتكلم ,,,

مواضيعي كلها ماتتعدى الـ 9 او 10 مواضيع

وكلها انا اللي كاتبتها ولا نقلتها من منتدى او ايميل ثاني

وبالاصح الموااضيع اللي اكتبهاا يافااهم صارت تتوزع فورودات علا الايميلات

وهذا ان دل علا شئ فأنه يدل على نجااح مواضيعي ,,

موب موااضيعك انت اللي معضمها كلام وخررط فاااضي ,,

تعريف كلمه همبرااش وهالطقه :)

خوباج

انا اقصد لما يجيك موضوع مااااااصل وحق مبزره....بدال مايردون عليه الناس...انا افضل انهم يكتبون رايهم بصراحه....او يخلونه بلا ردود عشان يعرف صاحبه ومايكرر هالموضوع....

اما اذا واحد عجبه الموضوع....فهذا براحته خل يكتب رد ويقول انه عجبه

ار بي جي...

ايه صح جبتها....زيدان:) هو اللي رج لنا المنتدى بتواقيعه اللي ماتخلص

بعدين وشو الموضوع اللي انا كتبته اقول شوفوا توقيعي...انا كتبته بمنتدى الصرقعه؟؟؟؟ وهل كتبته فااااضي مافيه الا شوفوا توقيعي؟؟؟ وياليت تعطيني وصله له الله لايهينك

وبالنسبه لموضوع ياورد

انا مااشوف فيه شي ابد ابد....مب عشانها صديقتي

بس اتكلم جد...هو اختبار عادي عشان تعرف شخصيتك,,,,فيه شي غلط؟؟؟
استغربت لما هجمتوا عليها مع انه احسن من وااااااجد مواضيع هنا
حتى دايم اشوف مواضيع كلها (اعرف شخصيتك) وكلكم تردون عليها

الا هالموضوع قمتوا عليها فيه ليه يعني؟؟؟

على العموم مابي اكثر كلام عشان ماتحسبوني ادافع لانها صديقتي


dengwan

والله؟؟انت شايف كذا؟؟؟

على الاقل انا كاتبه هالموضوع عشان ندور حل

ماكتبته لمجرد اني اسالكم ليه صاير بايخ....حاول تقارن بين ذا الموضوع وغيره!!

ما ادري اخبره موضوع تواقيع اما الوصله مشوار:p

اقتباس:

---

كتب العضو (king_kubaj)


والا انا خلاص بمنتديات القرش من زمان ...

---

اخيرا واحد عنده مخ بالمنتدى

عاد هناك فيه مراتب وسرر وتكايات ودفايات الواحد يكتب موضوع وهو مستانس

مااااااهوووو يجون مراقبين اثنين يطبون عليه وهو مسيكين لحاله بالماسنجر قاعد يقص اظافره

يقولون له انت ملقى القبض عليك مواضيعك سخيفة وبنحذفها .. بالله الواحد كيف يبدع بعد الحادث المؤلم هذا ":"

اوكي سلفي هذي وجهة تنظر


بس انا اخالفها في عدة نقاط


مثلا لما يكون الموضوع معروف وجا احد ونشره ........

ماحطيتي في احتمالك ان هذا الشخص مايعرف ان هذا الموضوع معروف وجا ونشره يقوم يتفاجا ان موضوعه انحذف.......صعبه هذي


ثانيا : المواضيع المنقوله من الايميلات مافيها شي اذا اتنشرت في المنتدى .......
انتي وصلكي هذا الموضوع على الايميل غيرك ماوصله فحب انه ينشره واللي ماوصله الموضوع قراه في المنتدى مافيها ادنى شي


ثالثا: انتي وداج وناف عندكم القدره انكم تألفوا قصص ماحطيتي في بالك ان غيرك ماعنده هذي الموهبه ....... يقوم يبطل يكتب في المنتديات؟










شي اخيـــر

انا لما اقرا مواضيعكم انتي وناف وداج استمتع وهذا يكفيني:)

اقتباس:

---

كتب العضو (CARLA)
اوكي سلفي هذي وجهة تنظر


بس انا اخالفها في عدة نقاط


مثلا لما يكون الموضوع معروف وجا احد ونشره ........

ماحطيتي في احتمالك ان هذا الشخص مايعرف ان هذا الموضوع معروف وجا ونشره يقوم يتفاجا ان موضوعه انحذف.......صعبه هذي


ثانيا : المواضيع المنقوله من الايميلات مافيها شي اذا اتنشرت في المنتدى .......
انتي وصلكي هذا الموضوع على الايميل غيرك ماوصله فحب انه ينشره واللي ماوصله الموضوع قراه في المنتدى مافيها ادنى شي


ثالثا: انتي وداج وناف عندكم القدره انكم تألفوا قصص ماحطيتي في بالك ان غيرك ماعنده هذي الموهبه ....... يقوم يبطل يكتب في المنتديات؟










شي اخيـــر

انا لما اقرا مواضيعكم انتي وناف وداج استمتع وهذا يكفيني:)

---

اقتباس:

---

كتب العضو (LanD ShArK)



اخيرا واحد عنده مخ بالمنتدى

عاد هناك فيه مراتب وسرر وتكايات ودفايات الواحد يكتب موضوع وهو مستانس

مااااااهوووو يجون مراقبين اثنين يطبون عليه وهو مسيكين لحاله بالماسنجر قاعد يقص اظافره

يقولون له انت ملقى القبض عليك مواضيعك سخيفة وبنحذفها .. بالله الواحد كيف يبدع بعد الحادث المؤلم هذا ":"

---

ما قلنا لك لا تكتب قلنا مواضيع السواليف مالها داعي:o

اقتباس:

---

كتب العضو (CARLA)

انا لما اقرا مواضيعكم انتي وناف وداج استمتع وهذا يكفيني:)

---

احم...>>> كبر راسه


:p :p :p ....مشكوره يا كارلا على هالتشجيع الحلو :)


بعدين مين قال ان ما فيه الا انا ودجو وسيلفي نكتب....فيه عندك موم كوم والفير...وكثاااار غيرهم قريت لهم مواضيع حلوة مرة....

اقول يا ورد....موضوع تعريف الهمبراش....هو الوحيد ....


اما مواضيعك عد واغلط خصوصا الاخير.....مدري يا نواف وش عاجبك فيه :o

اقتباس:

---

كتب العضو (king_kubaj)
اقول يا ورد....موضوع تعريف الهمبراش....هو الوحيد ....


اما مواضيعك عد واغلط خصوصا الاخير.....مدري يا نواف وش عاجبك فيه :o

---

ياااااخي موضوعها استفتاء...والكلام اللي قبله مقدمة....يعني زبدة الموضوع في آخره....لكن المواضيع اللي ((ياناس شوفوا توقيعي)) او((يا فلان تعال)) <<<ناوي يتطاق...

هالمواضيع ما منها فايدة...اما موضوع ياورد..وبدون مجاملات...عادي جدا وفيه فايده ((استفتاء عادي))...فهمت:)

استفتاء عزيمه مفطح مشوار سوق

انا مالي شغل انت تبيه يعجبنا بالقوه ...:o

ما اعجبك...

وش اسوي لك...بس باقول لك ان الناس اذواق....:)

الزبدة...الموضوع ما يستاهل الحذف....وبس....:)

محاضره مو موضوع :p

كل اللي قالته سيلفي معتمد 100% من ادارة مطابخ ومطاعم باربيكيو

للحفلات الإتصال على الرقم المجاني 4444 124 800 ":"

وش خليتوا للبزران ؟!
ما بقى الا تتطاقون بعد ..
المستفيد الوحيد من هالسخافة هو اللي حاط رد فوق :أفكر:
المواضيع السخيفة مو عيب العيب انك تصر عليها ..
و المنتدى ميت لانه محقور داخل المنتدى العام اما لو يصير في الواجهة راح ينتعش و اتمنى توصلون هالكلام لمشرفنا ..

ههههههههههههههههههههههههههههه احلى يا مستفيد اجل انا مستفيد ؟

وين داخل بنك ربوي انا ؟

الحين علشان تصلحون أوضاع منتدى صرقعة وهو من إسمه حق الصرقعة يعني أي إستعباط هني سويتم الأزعاج هذا والكل يؤيد، وعضو كتب في المنتدى العام عن الدين الإسلامي وتوحد السنة والشيعة ليكونوا مسلمون لا فرق بينهم لم يؤيد أحد كلامه ولم يشارك
فهذه الصراحة من دون مجملة

حركات حذف الردود مال امها داعي ترى

لاااااند حبيبي شفت يوم انا جبت طاري منتدى القرش.....


الوفود بدأت بالمجيء


.................................................................................................... .......................................


عماد ...هد اعصابك الموضوع ما يحتاج ...:D


وفعلا حذف الردود ماله داعي ....المنتدى البايخ ذا:o

انا الي حذفتها...واذا بتقعدون تتهاوشون افتحولكم منتدى بالقرش وتهاوشوا فيه براحتكم:o

السلام عليكم ورحمته الله وبركاته

كيف الشباب عساكم بخير وبصحه وسلامه

تبون الراي خلوها حبيه اللي بكتب يكتب بس بحدود الادب

والحذف العشوائي ماله داعي يامراقبين هونوها وتهون

اختلاف الراي لا يفسد للود قضيه

وسلامتكم

:)

اقتباس:

---

كتب العضو (RPG_master)
انا الي حذفتها...واذا بتقعدون تتهاوشون افتحولكم منتدى بالقرش وتهاوشوا فيه براحتكم:o

---

:) :) :)

ههههههههههههههههههههههههههاي تعجبني يا خوباج


اقول الدوم .. وش احلى منتدى عندك :أفكر:

اقول لاندي...

خلاص قفل الموضوع...

الظاهر كلامنا واضح....

واي شي ثاني...على الخاص او الماسنجر....

موضوع سيلفي كان تمام التمام

بس اه لازم تلتزمون به

ديجيتال والله صاير محلل سياسي

انت محلك مو هنا انت محلك قناة الجزيره



وبعدين مواضيع التشاتات ماصارت تجي الا لما المنتدى صار نايم ومواضيعه طلعت ريحتاها من قدمها


وانا عادة احط واحد لما ايأس من المنتدى

ويكون الساعه 4 فجرا بتوقيت السعوديه





ونتوقع غدا امطار شديده على مدينة الرياض .... يعني انكم كنتوا تموتوا على نقطة مويه الحين ورونا ويش بتسوون لا صارت سيول.........> داخله غلط في الموضوع:D

انا معاااااااااك بكل كلمة قلتيها ياام فهد .. بس وش المطلوب ؟! :)

صراحه سيلفي ماقصرت قالت اللى كنت ابقوله واللى يدور فى صديري ;)

وانا انشاء الله ابشوف حل وزين ان الكبار كابوشوشه وناف قرروا انهم يقفون مع بعض ويرجعون المنتدى
وانشاء راح تشوفون باباسنفور شكل ثاني ليعود مررة اخر للتالق فى سماء المنتدى ...

وانتظروا مواضيعي باذن الله

وهمتكم:D

اقتباس:

---

كتب العضو (DigitaL)
شكله والله العالم ..
حاط المنتدى ذا بيشوف فيه مواضيع تشجع عشان اذا كان بوه بيحطه بالصفحه الرئيسيه

اما اذا كانت مواضيع مبزره :أفكر: .. فيخليه هنا عشان لو احد شافه
بيقول ايه ذولا حقين سوني بزران :D

هذي ممكن يحلونها لو يفتحون منتدى .. يصير اول الصفحه هذي
[ المواضيع الماصله ]
اي مووضوع موب زين او ماله دخل بالصرقعه ينحط هنا
وفيها فوايد
ان الي كاتب الموضوع بيطيح وجهه :D ولاعد يكتب موضوع ماصل
ويصير فيه تنافس بين الاعضاء ايهم افضل موضوع
وحاقات تانيه ..

بس لاتحطون الي يقيمون ناف + اربيجي ..
لسببين
كل واحد يرشح مواضيعه .. وكل واحد عنده اشياء يحيز فيها

اربيجي .. اخوه + الي يصلح له شي + واخوياه بالحاره .. ذولا مايجيهم
ناف .. مسوي يشبك بنات.. اي بنت تكتب موضوع يروح يمدح فيها حتى لو كان بايخ

فـ اطلب تسريحهم من الخدمه وسحب بطاقاتهم

مواضيع التشات .. ماتجيب الا المشاكل
والمهاوشات .. وكل واحد يطلع فضايح الثاني

ههههههههههههههههههههااااااي في الصميم ياخنباج

مشكوره ياسلفي على مداخلتك .. ونستقبل المكالمات الان:o

بس انا عندي سوال ..

وش فايده تكثير المشاركات ؟ <~~~~~~~~~~ طنننن

---

من شاف كلامك قال بزر عمره سنتين .....


ومن شاف شكلك قال وخر عنه المحشش ذا :o


صدق انك مريض ........


المهم انا اتوقع ان انه فيه رد انحذف .......او

فيه رد قوي جاي بالطريق.......:أفكر:

أقول شباب:






مو كأنكم زودتوها واجد؟؟؟؟


خلاص يأن تحفروا قبر لمنتدى الصرقعة

أو

تبطلوا عن الردود اللي مثل الحين كل واحد يتكلم مع واحد وشوي شوي كل واحد دخل موضوع آخر!

بصراحة لو تبون الصج الصج بدون زعل مخربون المواضيع هم: كل اللي ردوا في هذا الموضوع من الصفحة الثانية تقريبا! مو كلكم لكن اكثركم

أنا أصلا جديد على منتدى الصرقعة ما عرفته إلا قبل أربعة أيام

مع إني موجود في موقع المنتدى من عام 2001 وكنت اشارك طبعا باسم ثاني مالنا دخل فيه الآن

أنا أحاول أحسنه بس ودي أعرف ويش الفايدة منه عدا القصص في الأساس ليش أسستوه

تبي تعرف أول قصة لي ما هي قصة رجل الثلج

تبي قصة مصرقعة جديدة قصة لغز الجوهرة

أول تصويت من نوعه ما رأيك في....

يالله سلامتكم

اسسناه للمواضيع الخفيفة....والنكت...والقصص....


يعني اللي يبغى يوسع صدره يدخل هنا...:)

أنا عندي حل بسيط يمكن يساعد دون الحاجة لنقل المنتدى من مكانه اقرأ توقيعي لتعرف والرجاء من الجميع اذا أرادوا بقاء هذا المنتدى فعل المثل لأني اضمن أن قلة يعرفونه لأن من الصعب ملاحظة وجود هذا المنتدى

قانون سيلفي لمحاربة الفساد

اقتباس:

---

كتب العضو (جيم سنتر)
قانون سيلفي لمحاربة الفساد

---

هع هع ..صدقت والله :p

بالنسبة لهذا المنتدى قررت التخلي عن الكتابة بالفصحى لسواد عيونكم واكتب قصة مصرقعة بالعامية فيها شوية دمامية وجداوية وكلها طرااااخ طوبااااااخ أومرااااااخ يعني مضاربات إنشاء الله انشرها خلال هذا الأسبوع عشاني لسه ما كتبتها والمنتدى المفرض يبقى لأنه اروع منتدى ومصرقع جدا

انت يا راعي الددسن ( لأن حده ددسن أصلا) ما عندك سنع

فلا تقعد تسويلي مهتم لأنك جديد

وشكرا :o

اقتباس:

---

كتب العضو (B.B.Q)
انت يا راعي الددسن ( لأن حده ددسن أصلا) ما عندك سنع

فلا تقعد تسويلي مهتم لأنك جديد

وشكرا :o

---

أموووووت عالددسن يا مذوبني وياليت عندي ددسن بدل هالكورفيت المريويح

انا معك

فيه ناس ماتتردد في الضغط على موضوع جديد

ويكتب اي شي يمكن لو مايلقى حط توني طالع من الحمام

....

والمنتدى صاير ملل وذلك لكثرة (( البزران ))

وبعدين موب كل من هب ودب يقدر يكتب قصه حلووه صح ولا لأ

اقتباس:

---

كم عطاك اربيجي عشان تقول كذا

---

شف يا حبيبي على االاقل انا كلمتي بالنت نفسها برا النت ...


بعدين انت اخر واحد يتكلم عن المصالح وتشبيك البنات ....:أفكر:


اكمل ولا يكفي ....اتوقع انك تعرف زيييين وش اقصد يا ......ديجي:cool:



ما يحتاج اقوللكم ليش اكتب بالاسم الغبي هذا راجعوا موضوع ايفل الجديد :D

أولاً البزران خيالهم واسع لو سمحتوا
والحين أبدأ اللي يقول إن المنتدى مات فهذا يائس وعدونا هو اليأس المنتدى مايموت إلا إذا متنا إحنا مات خيالنا هذه المنتديات مو مسوينها لعب وقصص صح انا ليسة صغير بس لحد الأنا ماشوفت منتدى يحضروه ناس بذي الكثرة أنا إشتركت بذى المنتدى لأنه يبدوا ممتاز بس بصراحة أنا أرفض إن المنتدى يموت واللي معارض يطرح صوته وأنا ماأتريق ولا أبغى أحد يتريق علي منكم علشانكم زي(أخواني)
أخوكم الجديد هادر

اقتباس:

---

كتب العضو (DigitaL)
شكله والله العالم ..
حاط المنتدى ذا بيشوف فيه مواضيع تشجع عشان اذا كان بوه بيحطه بالصفحه الرئيسيه

اما اذا كانت مواضيع مبزره :أفكر: .. فيخليه هنا عشان لو احد شافه
بيقول ايه ذولا حقين سوني بزران :D

هذي ممكن يحلونها لو يفتحون منتدى .. يصير اول الصفحه هذي
[ المواضيع الماصله ]
اي مووضوع موب زين او ماله دخل بالصرقعه ينحط هنا
وفيها فوايد
ان الي كاتب الموضوع بيطيح وجهه :D ولاعد يكتب موضوع ماصل
ويصير فيه تنافس بين الاعضاء ايهم افضل موضوع
وحاقات تانيه ..


ياخي انت عليك شوية ابداعات بكلامك .. ياليت ترحمنا منها وتطس هالخشة اللي مدري وش تبي من الدنيا وترجع منتداك .. ولا ترى بتصل بقاعدة الديجيتال يغيرونك خخخخخخخخخخخخخخخ .. اجل ماصلة .. واللي يرحم لي ابوك فكنا من حكمك الديجيتالية ذي




بس لاتحطون الي يقيمون ناف + اربيجي ..
لسببين
كل واحد يرشح مواضيعه .. وكل واحد عنده اشياء يحيز فيها

اربيجي .. اخوه + الي يصلح له شي + واخوياه بالحاره .. ذولا مايجيهم
ناف .. مسوي يشبك بنات.. اي بنت تكتب موضوع يروح يمدح فيها حتى لو كان بايخ

فـ اطلب تسريحهم من الخدمه وسحب بطاقاتهم





اها .. الحين ار بي جي صار مصلحجي .. وناف يحاول يشبك بنات .. سبحان الله الخالق الناطق .. ما ادري ليه قطوة جيرانا اللي اسمها ملفينيا "وركز على ملفينيا تمام يمكن يذكرك ببنقطة من بحر :D" توحي لي بالفكرتين .. التمصلح مع ار بي جي عشان يقوم يساعدك بتشبيك بعد الناس بطريقة كلها "نـــذالـــــــة & خســـــــــــــة ".. وتشبيك بنات بالقوة وبحركات مهي زينة ابدا وانت فاهمني تمام .. سبحان الخالق الناطق .. ياخي واللي يرحم لي ابوك ويوفقك.. على الاقل ار بي جي يتمصلح .. ينصب بس على خفيف .. لكنه يطعن مع الظهر .. لا خلصت مصلحته لعن ابو جدك "زي بعض الناس" .. وناف اسلوبه صريح يعني يكلم البنت .. ولا يرد بموضوعها .. ولا يرسل لها رسالة خاصة او على البريد .. او او ان كثرت مرة مرة اضافها هو بالماسنجر وكلمها .. لكن ماهو يصير الشوقاع "الشجاع" خخخخخخخخخخخخخخخخخخخخخخخخخخخخ .. وانت ادرى بالشقاع اللي "وانا بزرف ايميلها بعدين انت ارسلها رسالة خاصة قلها ليه ما صرتي تخشين الماسنجر بتقول بريدي انسرق ساعتها قل انا اعرف مين يرجعه وساعتها تعلم ديجيتال ويجي ديجيتال الشجاع ويرجع البريد اللي هو زرفه لأن الباس حقه نفس باس منتداه وهذه حركة دايم يسويها وساعتها البنت بتعجب بديجيتال" اااخ منك يا موووقرررررم .. هوينا بس ولا ترى برجعك المستوى الاول ولا اجيب مرافق غيرك


مواضيع التشات .. ماتجيب الا المشاكل
والمهاوشات .. وكل واحد يطلع فضايح الثاني

ههههههههههههههههههههااااااي في الصميم ياخنباج



ياخي انا ما اداني اللي عنده مكسيما ويتقوى على كابريس وماهو لا لم الكابريس ولا راعيها ولا قد الكلام .. يقول لي واحد الله يستر علينا وعليه .. ديجيتال قوي "او بالاصح مسوي قوة" ورى الشاشة .. وقط شااارد برى البيت .. مياااااااااااااااااااااااااااااااااااااو .. هع


مشكوره ياسلفي على مداخلتك .. ونستقبل المكالمات الان:o

بس انا عندي سوال ..

وش فايده تكثير المشاركات ؟ <~~~~~~~~~~ طنننن


الله مير يسلمك هذه فايدتها زي ما تقول .. ولا تدري مانيب راد عليك احتار لحالك .. يلا تفظل درع الديجيتال وارجع قاعدتك وسلامو عليكم

---

ايه صح يا شباب اللي يبي يعرف وش قصة ملفينيا وغيرها وغيرها وغيرها وغيرها و و و "تعبت تراني" يدق بيجر على بريد ار بي جي ماستر وهو بيقول له القصة كوليااتهاا

مع تحيات

وار ديفلز ":" .. ذاتس رايت

وش السالفه اجهز العجره

..:أفكر: ..

وش السالفه قفلتوا الموضوع وفتحتوه؟

والله طلعت فضايح البشريه من ذا الموضوع :

اقتباس:

---

كتب العضو (B.B.Q)
وش السالفه قفلتوا الموضوع وفتحتوه؟

---

قفلناه لبعض التحسينات..

اقتباس:

---

كتب العضو (RPG_master)
..:أفكر: ..

---

مؤيد كأن ذا وسام الشجاعة ":"



وار ديفلز .. ذاتس رايت

هههههههههههههههههه

..0.. :D

بعلم عليك مشرف الألعاب

اقتباس:

---

كتب العضو (LanD ShArK)
بعلم عليك مشرف الألعاب

---

يمه مشرف الألعاب يخوف اكثر من هذا ==> http://www.the-shark.net/forum/image.../cooldevil.gif

لاند انا كاني فهمت شي من رد بي بي كيو وش رايك ايش اعمل:أفكر:

اقتباس:

---

كتب العضو (RPG_master)
لاند انا كاني فهمت شي من رد بي بي كيو وش رايك ايش اعمل:أفكر:

---

اي واحد قصدك؟؟؟؟

اصلا تستاهل من قالك تسحب جلنط قدام الدوريه يا بغل http://the-shark.net/forum/images/smilies/phone.gif

جلنط:!

اقول اطلع منها يا ابو نخله :6

ويش فيك يا نشاف آه أقصد ناف شاغلي تحرير في ردودي:غضب:

التحرير الأخير بواسطة (naf) في (26-02-2002) عند )04:04 AM)

والله كلامك صح يا سيليفي وما قصرتي واتمنى الكل ياخذها بجدية :-) :-)

اهل العقول في راحه

:) :)

يا كثر المراقبين


بس عاد متى يطبق القرار الوزاري:غضب:

مصالح المنتدى يبيلها جلسه وزاريه على الماسنجر:cool:

راعي الكورفت...

انا ما احرر رد الا اذا كان فيه غلط....

اقتباس:

---

كتب العضو (naf)
راعي الكورفت...

انا ما احرر رد الا اذا كان فيه غلط....

---

حرر الدنيا

الدنيا غلط

انا الظاهر اتكلم جد....

واتوقع اني احرر ردودك احسن من اني احذفها....


وما دامها جت منك....احب اقول لك...((صحيح ان هذا منتدى الصرقعة...بس انتبه لكلامك وردودك مع الاعضاء عشان ما تلقاها متحرره))

اقتباس:

---

مليون موضوع لواحد يقول شوفوا توقيعي...شوفوا تصميمي....اعطوني رايكم (كانه مافيه منتدى فوتو شوب برا

---

مشالله مليون انا مليون واحد يصير مليون وانا مشاركاتي الف اكتب مليون كخخخخخخخخخخخخخخخخ:أفكر:

اقتباس:

---

كتب العضو (زيدان تريبل)

مشالله مليون انا مليون واحد يصير مليون وانا مشاركاتي الف اكتب مليون كخخخخخخخخخخخخخخخخ:أفكر:

---

اممممممم...الترجمه؟؟

اقتباس:

---

كتب العضو (naf)
انا الظاهر اتكلم جد....

واتوقع اني احرر ردودك احسن من اني احذفها....


وما دامها جت منك....احب اقول لك...((صحيح ان هذا منتدى الصرقعة...بس انتبه لكلامك وردودك مع الاعضاء عشان ما تلقاها متحرره))

---

معاك أنا ما عليك

واشكرك لأنك من المراقبين العاقلين الذي يندر وجودهم

لو كنت أنا مراقب أول شئ حررته الدنيا هذي تراها غلط في غلط

:D

اقتباس:

---

كتب العضو (زيدان تريبل)

مشالله مليون انا مليون واحد يصير مليون وانا مشاركاتي الف اكتب مليون كخخخخخخخخخخخخخخخخ:أفكر:

---

دبروي لي مترجم

هذا الكلام ما يتصرف عندي

بالعربي ما فهمت