عرض للطباعة
السلام عليكم ورحمة الله وبركاته :
ابي تجاربكم في الاصابات ..
كل من تعرض لإصابه يذكر لنا :
1 - نوع الاصابه
2 - وقت حدوث الاصابه
3 - سبب الإصابه
4 - علاج الاصابه
5 - الوقت المستغرق لعلاج الاصابه
يا ليت تطرحوا تجاربكم مع الاصابات لتكون وقايه للمعافين وعلاج للمصابين
ما عندي تعليق غير الله يبعد عن الجميع الاصابات ويشفي المصابين.
اعتقد الاوزان الثقيلة والوضعيات الخطأ هي الاسباب الرئيسية خاصة عضلة الكتف.
والله لي فترة افكر بذا الموضوع
انا طبعا جاتني اصابة بالظهر من سنتين وهيا انزلاق غظروفي في ثلاث فقرات اسفل الظهر وتركت اللعبة منذ سنتين طبعا سبب الاصابة كنت العب لعبة قتالية وحدث وقتها احتكاك قوي بالظهر وليس من كمال الاجسام
الان انا في فترة العلاج لاني اهملت الاصابة فترة طويلة طبعا ذهبت للعلاج الى الاردن وتعالجت في مركز متخصص للعامود الفقري والان انا في مرحلة التاهيل وان شاءالله بحاول التغلب على الاصابة قدر المستطاع وانصح الجميع ان ينتبه في اي لعبة سواء كمال الاجسام او الالعاب القتالية واهم حاجة في جسم الاعب منطقة الظهر والحمدلله
- نوع الاصابه: أصابة اسفل الظهر
2 - وقت حدوث الاصابه: 3 ايام
3 - سبب الإصابه : سحب وزن زايد حبتين :)
4 - علاج الاصابه: مرهم حراري عضلي + زيت زيتون + راحة كافية + النوم على أرضية مستوية + حمل اوزان خفيفة في التمارين اليومية.
5 - الوقت المستغرق لعلاج الاصابه: 5ايام الى 21 يوم احيانا.
كلاش انتا مرة رائع .. لووووول .. موضوع مهم الصراحة وجديد وكل شي ..
طيب بالنسبة لي .. اممممممم اصابة اصابة اصابة .. اصابة اصابة اصابة .. اصابة اصابة اصابة :33:
تمام
الاصابة الاولى في صف ثالث متوسط قبل عدة سنوات .. من لعب كرة القدم .. سبحان الله واحد ضربني او شاتني في أسفل كعبي من زملاء المدرسة
ثم جاني الألم او الأثر في الفخذ فووووووق .. رحت للطبيب قالي عندك اصابة في : عضلة الفخذ الرباعية الضامة ( الله أعلم وقتها وش يعني هالكلام هههههه )
وقالي لاتعلب كورة فترة تقريبا 5 اسابيع .. لكني كنت متحمس للكورة والدوري وقتها .. فطنشت ورحت ألعب ( انا مدافع شرس ;) )
المشكلة كل مايجي الحارس يثبت الكورة على الارض ضربة مرمى .. أجي انا اللي أشوتها هههههههههههههههههه .. ثم أنقز من الألم ولأني ماسمعت كلام الدكتور :02:
زادت المشكلة وانحرمت من الكورة فترة اطول اعتقد 3 اشهر .. هذي الاصابة الاولى في حياتي بخصوص العضلات
الثانية ::
من كثر جلوسي على الاب توب والاستخدام .. كنت أجلس جلسة خاطئة معفنة ميلان في الظهر .. واحس ألم أو ارهاق على الظهر بس أطنش انام ثم اقوم وراحت
لمن جات مرة مسكت معي اياااااااااااااام قلت الله يستر .. لزوم أغير جلسة الاب توب .. شوفني الآن جالس اتكلم وانا مسند ظهري وجالس جلسة تقول اني صنم جالس هههه
الثالثة : سويت عملية زايدة اعتقد في ثالث ثانوي .. وقالي الدكتور لازم ترتاااااااااااااح وتمشي شوي شوي وتبطل حركة وهو صادق كنت بس أمشي أتألم ..
رحت طال عمرك ألعب كورة بعد شوية ايام من العملية لووووووول .. حسيت بطني بينفك .. ورجعت المستشفى عطاني الدكتور وصفتين .. وحدة كف على وجهي والثانية مرهم حار
اوووووووب .. انا تكلمت عن اصابات حياتي اللي اتذكرها حتى لو ماتخص اللعبة .. استفادة بشكل أو آخر ومنكم نستفيد جزاكم الله خير
شكرا كلاشنكوف
موضوع مفيد للجميع لا هنت..
تعرّضت لاصابتين في الاكواع والمتعارف عليها طبياً بكوع التنس وكان العلاج بالابر الصينيه استمرّت الاصابه الاولى شهر والثانيه اسبوعين والحمدلله كان العلاج بالابر نافع جداً..
طبعاً سبب الاصابه الحمل الزائد في تمارين السحب والرفع بوجه عام إضافةً الى كبر السن ..
نصيحه للشباب اغلب اصابات كمال الاجسام تأتي في الاعصاب والعضلات وعلاجها الوحيد هو التنشيط بالابر الصينيه وهو علاج رخيص وآمن بإذن الله ونتائجه سريعه ومضمونه..
1- نوع الاصابهالم شديد في عصب ساعداليد اليسرى مع الباي
2 - وقت حدوث الاصابهقبل اسبوع تقريبا
3 - سبب الإصابهمصارعه الرست مع احد الشباب ثم مباشره الدخول في تمرين مجهد
4 - علاج الاصابهالراحه والمشد
5 - الوقت المستغرق لعلاج الاصابه
اتوقع انه 10 ايام بالكثير
يعطيك العافية ع الموضوع الجميل
ماكنت ناوي اشارك لاني ماعندي ولله الحمد اصابات تذكر او عطلت بالمسيرة , لكن مررت بامور خفيفة ذكرني بها الخ الي قبلي سمارت مان
نفس الاصابة ولنفس السبب اعتقد , كان الم شديد جدا مع الساعد وكان يتصاعد اسبوع بعد اسبوع ويبلغ ذروته الالم مع تمارين الباي
بالبداية حاولت بشتى الطرق اعالجه بالمشدات والراحة وكل شي مانفع , الى ان لقيت علاجه بفيتامين باء , نيوربيون او اي فيتامين
والحمدلله بدا الام يخف تدريجيا على ما اذكر وزال بعد شهر نهائيا مع الاستمرار ع الفيتامينات
جتني اصابة اخرى بكتفي والسبب كنت مستعجل وعندي تمرين صدر وبديت بدون تسخين كويس , وجتني اصابة باسفل ظهري
الثنتين ماكانو حيل قويات والحمدلله عالجتهم بالراحة اسبوعين مع مشدات وكريمات من الصيدلية وتحسن الوضع
الله يحمى الجميع يارب
عليكم السلام ورحمه الله وبركاته
انا صارت لي اصابة بالكتف الايمن ولا اعرف ما السبب لكن اتذكر اني كنت احمل اوزان ثقيلة جدا علي من باب اني اكسر الاوزان
وكنت ساعتها متحمس ومافادني الحماس الا باصابة الكتف الايمن
والكتف المه بسيط يوم الف يدي يوم ارمي كورة بيدي احس بالم بالكتف بالعضلة الداخلية والعلوية الامامية ممدري بالعظم وبسيط الالم
كنت وقتها اقول بيروح مع الوقت لكن انصدمت ان الالم يصاحبني الى وقتك هذا والاصابة صابتني من سنة وكم شهر فشي غريب صراحة
ولا رحت المستشفى ولا زلت الى الان اتمرن حديد
اقتباس:
المشاركة الأصلية كتبت بواسطة coming soon bro
نفس اصابتك
ونفس الاعراض بالضبط
لي الان 3 شهور , ولا فائده تذكر
بس سؤال اخوي
انت الحين تلعب حديد عادي ؟
الالام اللي تجيك بسيطه ؟
كم الاوزان اللي تشيلها في الصدر والكتف ؟
العب حديد صراحة عادي ومو عادي .. يعني عادي بالنسبة اني اعشق هاللعبة ومافي شي يوقف قدامياقتباس:
المشاركة الأصلية كتبت بواسطة كلاااش 1403
ومو عادي .. اني احس بآلام الكتف الايمن يوم اتمرن خصوصا يوم اتمرن بنش بريس او بار مستوي للصدر هنا الالم احس فيه لذلك بالتمرين هذا اتعمد ما اشيل وزن ثقيل حتى ما ازيد الطين بلة
والالم ايوة بسيط لاني قريت بالنت فيه الام للعضلات تكون حادة زي السكين بس انا الالم الي بكتفي الايمن بسيط بس المزعج بالموضوع ان الالم قاعد معاي من سنة وكم شهر والى الحين ؟؟؟
من خلال خبرتي وانا لست بدكتور لكن هذا الي اشوفه وانصح الجميع فيه اني قبل لا تجيني الاصابة يوم كنت اتمرن كنت اسمع طقطقة باكتافي وخصوصا الكتف الايمن
ولا كنت اعرف سبب الطقطقة كنت احسبها شي عادي مع اني كنت اتمرن بشكل صحيح وتكنيك ممتاز بس الوزن كان ثقيل وسبحان الله مكان الطقطقة الي هو الكتف الايمن صابتني الاصابة
لذلك اي واحد فيكم يحس باي طقطقة اثناء التمرين باي جزء من جسمه انصحه وبشكل مباشر ان يوقف التمرين ويدور البديل يعني تمرين آخر لنفس العضلة او انه يقلل الوزن
انا بيني وبينك يا اخوي كلاش افكر اروح المستشفى واسوي علاج طبيعي وبنفس الوقت ماودي
نسيت اكتب لك .. صابتني الاصابة بيوم تمرين الظهر .. كنت اشيل اوزان ثقيلة علي بين 80 كيلو الى 115 كيلو في بعض التمارين للظهر واظنها هي سبب الاصابة والله اعلم
يعطيك الف عافيه , ما قصرتاقتباس:
المشاركة الأصلية كتبت بواسطة coming soon bro
موضوع مفيد جدا وراح يكون مرجع للجميع ...
شخصيا لي تجربه بسيطه في عالم كمال الاجسام لاتتجاوز ال 7 أشهر ولكن خلالها جتني عدة اصابات خفيفه الى متوسطه .. غالبيتها جتني من الحماس او يمكن بسبب التقدم في السن :)
1- اول اصابه اذكرها جتني من اول مره لعبت فيها اكتاف امامي تبادل دانمبلز بوزن خفيف .. ومن يومها وقفت التمرين .. الاصابه جتني في فقرات الرقبه السفليه .. لما كنت اتمرن كنت اسمع صوت طقطقه .. بعدها صار يجيني الم شديد في رقبتي والظهر كامل .. وقفت اللعب لمدة اسبوع .. والحمدالله اختفي الالم ولكن بطلت العب التمرين الى يومك هذا ..
2- اصابه في مفصل اليد .. لاادري من أي تمرين جتني المشكله .. ولكن آخر تمرين لي كان اكتاف .. دهان فولتارين بشكل يومي مع ربطه للمفصل .. والحمدلله راح الالم بعد اسبوعين .. مع العلم اني لم اوقف التمرين خلالها .
3 - اصابه في وتر اليد .. اللي بين عضلة الساعد و الباي .. سبب الالم تمرين الديدليفت .. بسبب النزول المبالغ فيه .. الالم للاسف له اكثر من شهر ومازل مستمر .. وقفت لعب الديدليفت وأي تمرين اقوم فيه بسحب اليد للحد الاقصي مثل تمرين الكيبل للظهر وانت جالس ..
الله يحمي الجميع من الاصابات :)
شايفين ياشباب حتى ابو دانا طلع مثلي لاحظو الكلام اللي قاله ابو دانه وانا لونته لكم باللون الاحمراقتباس:
المشاركة الأصلية كتبت بواسطة ابو دانا الحربي
اذاً انتبهوا لنقطة الطقطقة اذا سمعتم طقطقة هذي اشارة بان توقف التمرين فورا وتقلل الوزن وتبحث عن تمرين اخر للعضلة وتنتبه لتكنيك التمرين
1 - نوع الاصابه :روتيتف كف (الكتف الايسر)
2 - وقت حدوث الاصابه:قبل سنة
3 - سبب الإصابه : الغرور والعنترة الزايدة وقلة الخبرة
4 - علاج الاصابه :تمارين اكتاف بوزن خفيف
5 - الوقت المستغرق لعلاج الاصابه: اربعة اشهر
موضوع كدا مهم وبنفس الوقت لازم على الكل يسخن ومايستعجل فكسر الاوزان شوي شوي راح تلاقي النتيجه الطيبه
انا لي سنه و 5شهور اتعالج سبب الاصابه ماراح يخطر ع بالكم فحبيت اني انبهكم لها
انا اسخن مضبوط وبعدها اتمرن التمرين الاول بوزن 10-10-15-15
حتى اهيئها تدريجين طبعا المثال لصدر
وتقدمت والجسم صار روعه وناشف وتفصيلات ممتازه بس اهملت شي وهو حماية الجسم بعد المجهود العظلي.. وهو في فصل الصيف كنت اتمرن وخلص اركب لسياره وشغل المكيف وتروش وخش فالمكيف..زبدة الموضوع انا جسمي حرور يعني ع طول احس بحراره وتعرق
المهم جتني اصابه فلوح الكتف وعملت لها مساجات وتدليك وادويه وتمارين طبيعيه بأكثر من مستشفى ولكن النتيجه علاج مؤقت..فأنص الجميع انه ينتبه..ترى التهاب العضله مؤلم وفضيع جدا اتمنى من الجميع يكون استفاد..والعلاج بدون فلسفه هو ادويه من خارج المملكه مع راحه تامه وبدون مساجات لانه التهاب فالكتله العظليه يعني لازم راحه تامه»»»»كلام دكتور مختص فالعظام والعلاج كان خارج المملكه.
السؤال / يعني افهم من كلامك ان الادويه الموجوده : هي مسكنات فقط وليست علاج ؟اقتباس:
المشاركة الأصلية كتبت بواسطة alkatal
لاني استخدمت اكثر من نوع من الكريمات , و هي مسكنه للالم لفتره فقط ويرجع الالم عند اداء مجهود عضلي حتى بدون اوزان
السؤال الثاني / الألم اللي عندك في المفصل او العظم او العضله ؟
لان الالام الحاده اللي عندي في الكتف الامامي والخلفي والاعلى , والالم في العظام نفسها , احسها تحتك في بعض
وش تنصحني في هكذا اصابه ؟
بنسبه لمكان الاصابه .اكتب عندك فقوقل الصور التهاب عضلت لوح الكتف وراح تتضح لك الصوره.بنسبه لعلاج فالمملكه وبصوره دقيقه اغلب الادويه مسكنات اي علاج مؤقت فقط.بعكس خارج المملكه حيث اني بحث عن اسماء الادويه وفوائدها مترجمه من مواقع اجنبيه فتضح لي انها علاج لا مسكنات..ونصيحتي لاتستمع لاحد قبل مايشخصك الطبيب المختص فكدا حالات...وانصحك بدكتور العلاج الطبيعي لانهم الافضل لرياضيين من حكم مزاولتي لاكثر من مستشفى ودكتور طول فترت المرض اي سنه و 4/3 شهور
بنسبه لكلامي عن الادويه اقصد الادويه الي من خارج المملكه ولي حاليا استخدمها
بس اغلب الرياضيين يستخدمون فيتامين B/6/12 وبالاظافه لحبوب قوية المفعول خاصه لأصابات الظهر وهي خطيره ان استخدمة اكثر من حبه فاليوم ..حبه وحده كفايه اسم الدواء (Arcoxia 90mg) اتمنى اني لخصت حالتي وعطيتكم بعض النصائح وبنسبه للفيتامين اسمه( تراي بي)
بس الادويه الحاليه اسمائها غير ولاتوجد فالخليج ..وأسئل الله ان يدوم عليكم بصحه والعافيه
الاصابة
قرحة بالصابونة
السبب
لااعلم (((اتهم كرة القدم وكرة القدم اسميها ام الاصابات)))
قبل ثلاث سنوات
العلاج
بدات من سنة حاولت ادوية وعلاج طبيعي
اظطريت لعملية
لكن الظاهر ان وقت العلاج طوووووووووووويل
مر عشر شهور من بعد العملية قبل يومين سويت اشعة القرحة اختفت لكن باقي الم (((الدكتور من قبل العملية قال علاجك راح يطول)))
وباقي الركبة الثانية الظاهر كمان سنتين وباذن الله الامور تزبط
وحاليا رجعت للحديد
1 - الم شديد في الساعدين في الجزء العلوي من الساعد
2 - مع تمرين الباي والتراي
3 - والله اعلم انه بسبب عدم الاحماء
4 - الراحة حاليا مع دواء صرفه الطبيب بحكم ان المشكلة هي اوتار الساعدين
5 - جربت بعد ما حسيت بالراحه ارجع للتمرين وللاسف عاود نفس الالم ، والان قررت اوقف شهر كامل .
1 - نوع الاصابه " الم اسفل الظهر "التهاب اعصاب
2 - وقت حدوث الاصابه" عدة مرات تحصل هذي الاصابة , بس قبل اسبوعين الاصابة كانت قوية"
3 - سبب الإصابه " رفع البار من الارض , لعدم وجود معدات في GYM + تمرين ترابيسبوزن عالي اكثر من 100 كيلو , "
4 - علاج الاصابه" الراحة التامة + التوقف عن التمرين + كمادات ماء ساخن في يوم الاصابة + عدم الجلوس لفترة طويلة (كل وقتي انا مستلقي بحيث يكون منطقة الحوض و نص الظهر على الارض و الجزء العلوي يكون بشكل مائل الى الخلف با استخدام مسند ) "
5 - الوقت المستغرق لعلاج الاصابه" من اسبوع الى اسبوعين " وتختفي بالتدريج . بس هذي المرة كانت الاصابة قوية واستغرقت فترة الاستشفاء اسبوعين و الالم خفيف عند رفع شيئ او عمل اي مجهود
من سنتين تقريبا
حملت وزن عالي للكتف (السبب متعود على الباوند وحملت وزن بالكيلو بنفس الرقم)
وقعدت شهرين وألم حااد فالكتف الايمن
العلاج: راحة،، ونزلت من وزن الكتف الي اشيلة
والحمدلله عدت على خير وانتهى طرقعة الكتف
اقتباس:
المشاركة الأصلية كتبت بواسطة ولد ابوظبي
اخوي ممكن اعرف كيف عالجت الاصابه
لاني الحين 3 شهور ونصف منقطع عن التمرين , واصابتي ليست حاده
بمعنى اني استطيع اعمل حركاتي اليوميه بالم بسيط
لكني اعمل بعض التمارين في المنزل بدون وزن ويشتد الالم بعد التمرين
فماذا تنصحني
انا اكثر شي ملاحظ اكثر الاصابات بالكتف وخصوصا الايمن ليه مدري
انا اعاني من الكتف الايمن حاس انه زي الشد العضلي المشكلة مقدر اشخص الحاله صح بس هذا الي حاسه
الالم من فترة لفنرة يجيني رحت مستشفى خاص وعملي اشعه قال سليم وسبب الالم شد
رحت مستوصف اخر نفس الكلام الالم يخف ويرجع اخر مره رحت مستشفى خاص وقالي سليم عاد انا وسوسه شي اسمه مرض
الله يعين المشكله عندنا مافي مستشفيات او دكتور تاهيل اصابات حاليا اجرب حبوب جلوكوسمين بلس للمفاصل وان شاء الله يارب يجيب نتيجه
والله احيان افكر اترك اللعبه خوف من الاصابات لو جت اصابة خطيرة محد نافعني :02: واسف على الاطالة وياليت الموضوع مايوقف
اصابة الكتف افضل شي لها الراحه .. السبب الرئيسي بشكل عام هو ضعف عضلة الكتف الخلفيه بعنى اخر الجزء الامامي من الكتف يكون اقوى من الخلفي مما يؤدي لحالة عدوم توازن في توزييع الوزن في حال التمرين باوزان ثقيله ...
العلاج او اعادة التاهيل بسيطه لاكن تختلف من شخص الى شخص حسب الفلم الي صار بكتفه ههههه
راحه تامه للجزء العلوي للجسم ومسكن الم وتمارين تقويه باوزان جداااااا خفيفه والاهتمام بتمرين عضلة الكتف الخلفيه بعد التاهيل
طبقت تمارين التقويه الي بالفيديو المرفق والحمد لله بعد اسبوع رجعت اتمرن باوزان معقولة واجهزة وكيبل والاسبوع الي بعده الحمد لله رجعت لروتيني وصرت امرن الكتف الخلفي مرتين بالاسبوع
https://www.youtube.com/watch?v=f_iqf9-7Cw4
تمنياتي بالسلامه للجميع