كل واحد يدخل ويقول كيف تعرف على ميتل جير
انا تعرفت عليه من مجلة العاب الكومبيوتر
عرض للطباعة
كل واحد يدخل ويقول كيف تعرف على ميتل جير
انا تعرفت عليه من مجلة العاب الكومبيوتر
من الCNN
الصراحة و من أنا صغير كنت أحب سوالف التخفي إلى درجة أن واحد من أهلى طاح بالمستشفى كلا من كثر ما أحاول أن اتخفى و أخوف الناس من وراهم ...... المهم ....... عرفت هاللعبة العجيبة اللي يمكن أن اسميها أسطورة لأني قرأت عن اللعبة في مجلات كثيرة قبل ما تنزل اللعبة بمدة طويلة و بعدين كنت من أول الناس اللي شرو اللعبة في الاسواق ...... و بعدين كنت من أول الاشخاص اللي يشترون اللعبو في الكويت ! :0) ":" :cool: :D :o :) :p ;)
!!!!!!!!!!!!!!! أها! تذكرت! <=== تفكير عميق جداً!!!!
سمعت ولد عمي يتكلم عنها و يقول أنها لعبة ما شاف مثلها من قبل... و بعدين شفتها على التلفزيون في برنامج CyberNet و عجبتني طريقة اللعب جداً (كان هذا سنة 1998) و إشتهر الإسم فيما بعد على لسان (اللعيبة) في تلك الأيام... و أنا ما كنت أدري شنو السالفة!!! و بعد كم من شهر رحت دبي و قدرت أشوف بعيني أحد قاعد يلعبها... و تصاعد الدم في عروقي بغزارة، (حتى صرت أستطيع سماع دقات قلبي!) و حسيت أنها لعبة لن يتكرر مثلها إلا بعد وقت طويل للغاية... و لكن لم أستطع أن ألعبها فعلياً إلا في الأول من أغسطس 2001... و في وقتها عرفت لماذا شيجارو مياموتو (رئيس ننتندو) فغر فاهه عندما أمسك يد التحكم ليلعب بها في أحد أركان E3 في سنة... لا أذكر بالضبط (98\99)... إنها فعلاً لععععععبة الألعاب!!!! (في وقتها طبعاً!!!) <===== باااااااااااااااال! هذي قصة حياته! موب قصة تعرف على لعبة!!!!!!!!!!!!!! :D:D:D:D
والله منزمان عليها لكن اقولكم
انا كنت اشتري مجله العاب الكمبيوتر ومتابعها عد بعدد ومره من الاخبار قريت انه في لعبه اسمها ميتل جير سوليد بتصدر على البلي ستيشن طبعا انا ما اهتميت ومر الايام ولا اقرا الخبر نفسه في المجله وانا مدري عن اللعبه شي ولا يجي اخوي الكبير ويقولي اوه وعيونه كذا :! ميتل جير نزلت والله ذكرتني بايام الصخر واقوله ليه لعبتها انت قبل ذكرني فيها (لاني دائما كان يلعب وانا جالس معاه) وقالي ما تذكر ذيك اللعب الي تلعب بواحد تضرب جنود وتحط الغام وتكسر جدر وتغطس بالمويه وفيها جنود واخر شي يهرب البطل ووراه نار ومن هذا والله وتذكرتها قلت هذا هي واستانست قلت اكيد اللعبه بتكون حلوه والله وما كذبت خبر وطلعت قمة وهذه هي سالفتي :)
أنا خذيت اللعبة ( ميتل جير 1 ) صدفة مع الجهاز أول ما شريته ... و لما جربته ما عرفت طريقة لعبه لأنه كان صعب علي فتركت اللعبة ... و ما لعبتها الا بعد سنتين بعد ما قريت في مجلة أن تقدير اللعبة 100% و نصحني أحد أقاربي أن ألعبها و قالي أني مجنون بأن تركت لعبة مثل هذه عندي لمدة سنتين و لا أدري عنها ... فلعبتها ... و بعد اسبوع ما لقيت نفسي الا مخلصها و قاعد و ألعبها مرة ثانية من شدة أندماجي فيها و أحاول أطلع أسرارها :0)
اقتباس:
انا تعرفت عليه من مجلة العاب الكومبيوتر
انا تعرفت عليها لما شفت عيال عمي يلعبوها وعد ايام قم يتكرر
موضوعها في مجله العاب الكمبيوتر وقلت ياولد روح شترها . وشتريتها
;-) ;-) ;-)
انت هاللحين تحسب ان ميتل جير اول مانزل على البلاي ستيشن وبس اقرا موضوعي برة
انا ولد عمى قالي اشترها الشريط( ميتل قير ) وشريتة والى هلحين ما خلصته
تعرفت عليها من عرض ديمو لها لما شريت البلايستيشن
وبالنسبة لي هذي احسن لعبة تسلل في العالم
بالنسبه لي ....
خبرني واحد من الربع عنها وجلس يوصفها لي وقال لي انه جلس سنه لين ما خلصها
فرحت اسأل المحلات عنها وكانت ما موجوده
فسافرت وبالصدفه حصلتها واشتريتها
ولما شغلتها لعبتها واعجبت فيها جان العبها يومين واخلصها ...
رحت وسألته
( قلت لي في كم يوم خلصتها
قال لي :
في سنه
قلت له سر انا خلصتها فيومين
وكذي صرت اشتري اي جزء ينزل
.......
انا ماكنت اعرف شي كنت بس العب زما ادري شسالفة كنت صغير
اخوي كبير يحب العاب الفيديو شافه بديمو مع البلاي ستيشن وشراه ومن ذاك الوقت وانا اهتميت بالالعاب ومادريت في العاب حلوة مثل رزدنت ايفل ومتل غير
طبعا كنت جاهل ماافهم شسالفة كنت بس اذبح وهذي شغلتي ورديت لعبته قبل سنة وعرفت قصته وسالفته :naughty:
أيام جهاز صخر 2 MSX2 ^(^
شفت الغلاف في المحل ... وشدني ... شريتها .
وبعدين سمعت خبر أنها بتنزل على البلاي ستيشن في مجلة GamePro قبل صدور اللعبة بأكثر من سنتين!!
تعرفت عليها من النت
أنا تعرفت على ميتل جير من عند واحد من أصدقاءي
أخذت منه السيدي الأول خلصته
استعرت السيدي الثاني و خلصت اللعبة
وأخذت منه الثالث(نسخته ميتل جير سوليد:انتجرال)بس ما عجبتني مهمات الفي ار يللي فيها لأنه
بعضها كان معقد جدا زي مهمات القنابل اليدوية
بعد ما خلصتهم و رجعت له اللعبة ما قدرت أستحمل البعد عنها و رحت اشتريت نسختي الخاصة
و من ذيك الحادثة و أنا متعلق باللعبة و أتابع كل أخبارها
والسلام عليكم
;-)
من راعي المحل اول مرة غثني اشترها اشترها ?:
بعدين اشتريتها ....شوي ....طع طيع طع....واع واع واع واع.... Game Over.... :vereymad:
شهرن ناطلها جوه الصندوق حقي... :o
بعدين يوم نام سوق السوني ايامها ...شفت هذي اللعبة فحبيت اني اجرب من جديد...هذي المرة كفختمهم :naughty: ..كبر راسي :cool: ...
شوي شوي وامشي مع اللعبة الى ان وصلت الى معركة الننجا :shock: ووووو وشو ذا ..
This is my #one Game ;-)
وماعليش لا يكون جبت لكم النوم :6
Ramza
السلام عليكم
في البداية أخويهxowo أخذها من صديقه وكنت مررررررررررره مصدوم لمن شفت أللعبه لدرجة كنا نلعبها أيام الاختبارات الانهايه وبعد الاختبارات اشترية نسخه وسرت العب ليل نهار أنا وأخواني لمن جان أجازت الحج ختمناها سنة(1420)
أنا كنت من جيل "قديم" شوي... كنت أشوف أخوياي يلعبونها على الصخر...
طنشت و مرت الأيام....... سمعت إشاعات من أخوياي (ثانيين غير الأولين)
و شفتها نزلت قلت...... "قدااااااااام"
و شريت اللعبة و في رأيي من أحسن الألعاب اللي نزلت
انا تعرفت عليها من مجلة العاب الكمبيوتر
وكانوا حاطين لها صور كثيره
:cool: :cool: :cool: :cool:
أنا كنت اتحدى مع ولد عمي من ألعابه أحسن من الثاني(أيام الصبى)
شوي بعد ما وريته درايفر انهبل وقال لازم أطلع السلاح السري يعني
قلت له محا ينفعك........وشغلناه
وشوي..يؤ يؤ يؤ يؤ......دخلت في الشاشة من الأنهبال
ونص ساعة وأنا أناظر بذاك المنظار
شوي شالها وقال: أنا فزت الآن اعطيني شريط
أنا: احلم وبسيييوو (فركت بالأشرطة)
الله يرحم أيااااااااااام
السلام عليكم :
الله يسلمك كنا انا و رفيجي في المدرسة و يقولي شفت شريط ميتل جير ( المشكلة انه ما ينطقها صح
ينطقها METAL GEAL و انا فكرتها METAL GIRL :06: ) المهم قتله لا ما اعرفها و لا شفتها
و لا يقولي شرايك ننحاش من المدرسة :evil: و نروح البيت و نلعب الشريط ، قتله ما تسوى على
شريط فاضي ( طلعت انا الفاضي :أفكر: ) و المشكلة عقوبة المنحاش :chairshot ، المهم انحشنا
و لما لعبناها طلعت عيني و لصقت بالشاشة :bigeyes: و لزمت عليه انا نخلصها اليوم و طبعا سكب عالمدرسة
و النتيجة اتصلوا :call: على ابوي و ما يحتاج اكمل :blackeye:
ومن يومها و انا اتابع كل اخبار اللعبة
Luis Figooo ترا الفظ الاول بالهجة الامريكية و الثاني باللهجة البريطانية
يعني يوم تنطق الـE - E تكون انجليزي امريكي ويوم تنطقها A تكون انجليزي بريطاني
بالنسبة لي تعرفت على متل قير من اخوي الاوسط
لاني كان عندي ننتندو64 وما كنت مقتنع باسوني
وما كنت العب واجد فترة الثانوية يعني لعبة وحدة في الصيف وخلاص
ولما اشتريت دريم كاست قالي جرب كود فرونيكا وعجبتني
بعدين شريت سوني 2 وقالي مادام اعجبك رزدنت ايفل بتعجبك هاللعبة
جربتها وقتلة شنو ذي الي دايمآ ينسدح ظحك وقالي انت الي دايمآ تظغط الـ :x:
بعدين يوم نزل متل غير سولد 2 اعجبتني بس خذت وقت لين ما تعوت على التحكم
ولعبت الاول وخلصتها ثلاث او اربع مرات
شكرآ
بالنسبة لي ...انا تعرفت على اللعبة اول شي من مجلة EGM قدييييمة..يمكن حقت عام 1997...وبعدين رحت بعدها بشهر لمحل العاب ولقيت اللعبة..وشريتها على طول ومااعجبتني مرة في البداية...ولما كملت لعبت اتضح لي انه ديمو....ولما نزلت اللعبة كاملة في 1998 سارعت بشرائها وما ندمت عليها ابد...شريتها اصلية...
من هذا المنتدي
انا تعرفت عليها بقول القصه<<<<<< واحد يتفلسف :argh:
الزبده
يوم من الايام كنت رايح عند ولد جيراننا وجلسنا نلعب بلاي ستيشن ولعبنا لما خلصت الالعاب قلت ليه مانروح المحل نشوف وش فيه جديد قال طيب
رحت جبت فلوس وهو راح جاب فلوس وكلنا معنا فلوس <<< احب ازود السلافه حبتين :147:
الزبده رحنا المحل لقيناه مقفل قلت ننتظر شوي قال طيب وانتظرنا ساعه وفتح المحل وقلنا وش في عندك جديد عرض الالعاب جاء ولد جيراننا قال في لعبه حلوه قريت عنها في مجله قلت وش هي قال ميتل جيرقالت هي حلوه ولا تمزح قال اشتر وجرب قلت طيب والصراحه الغلاف اعجبني واجد :wow: واشتريتها بـ35 اتذكر الى الحين ورحت وجلست عليها في اليل واعجبتني من ذاك الوقت وانا اشتريها وشكرا جبت لكم النوم صح :05:
تبغون قصت كيف تعرف على ميتل جير2 ولا مايحتاج :D