-
المفاجئه اللي قالها ننتندو ما كانت مفاجئة... و الله كانت فجيعة
من اخر واحد توقعنا يترك المنتدى...
و هذا الموضوع مهو بسيط مع اني ادري انه ما راح يوقف سير المنتدى, لكن لو ما فكرنا ليش ننتندو ترك المنتدى راح نفكر مين راح يلحقه...
و احنا ما نبغى زياده خساير .
و لاننا صعب علينا نعرف ليش ننتندو ترك المنتدى (مع اننا راح نحاول ) لازم نعرف كيف نرتبط ببعضنا اكثر(وهذي الميزه ما كانت تنقص ننتندو)يا شباب احنا ما نتكلم عن اي شيء غير الالعاب.
قبل لا تقولون ظف وجهك تكلم عن اللي تبي في المنتدى العام اقول كلامي مجرد رأي يحتمل الخطاء و الصواب.
اتمنى انكم كلكم تردون و خاصة فاس لانه اكثركم معرفه بي و باساليبي.
-
اطمئن ما راح اقولك ضف وجهك وروح المنتدى العام.....فعلا الموضوع مو هين اكيد في سبب خلا ننتندو يسيب المنتدى ...اما بالنسبة لموضوع التواصل ..معاك حق احنا صرنا اخوان و مفروض نرتبط ببعض اكثر و ما يكون الننتندو هو الرابط الوحيد بيننا ........ماري
-
ضف وجهك انت و مواضيعك
امزح معك لا تزعل
انا توقع ان جاتهم فاتوره بمبلغ عالي و عشان كذا ما بيكتب
امزح معكم
اكيد في سبب بس ما ادري ليش
و يا سعد لا تخاف انا ما باطلع حتى لو كلكم طلعتوا
و ما ادري عن الاعضاء ....و ما تلاحظون ان ماريو ما صار يكتب هذي الايام
و على اي حال انت مغلط لما تقول ان الموضوع مكانه المنتدى العام
بالعكس مكانه منتدى الننتندو لان احنا نتكلم عن عضو معانا في نفس المنتدى
يعني لو كتبت الموضوع في المنتدى العام بيدخلون ناس ما نعرفهم و تكبر المشكله
بعدين شوف مواضيعي كلها لازم تنكتب في المنتدى العام بس انا اكتبها عندكم
مثل موضوع باركولي بكل اجزائه و مواضيع اخرى
FAS
-
كيف حالك يا فاس؟........فعلا ماريو اختفى ومادري ايش السبب .....في حاجة حصلت في المنتدى اثناء غيابي خلت ماريو يختفي وننتندو يخرج من المنتدى؟؟
-
هلا والله
ما ادري ايش فيه
انتي لما غبتي كان في فيروس اسمه فيروس الخرف و على ما اعتقد ان الفيروس دخل راس ماريو
لدرجه انه يقول البوكيمون يهودي
و ارسلي رساله خاصه في عباطه و هبل و في اخر الرساله قال
لا تهتم بالرساله لان فيروس الخرف هو السبب الي خلاني اكتبها
اعتقد بهذا السبب
-
ننتندو وماريو ماراح يخلون المنتدى أنا واثق من كذا
وإنشاء الله يكون المانع خير
-
الله يسمع منك يا لويجي ...
و شكرا يا ماري انتي و فاس على الاهتمام,الظاهر ما فيه اعضاء مهتمين غيرنا, ما يهم...
طيب الحين اكتشفنا المشكله و عرفنا ان كلمه اخوان اللي نرددها
لها معنى اكبر من المجاملات ...
لازم نفكر بحل.
و بسرعه...
انا ارى اننا ما نعرف الكثير عن بعض و مثل ما قلت اول: ما نتكلم الا عن الالعاب...
تعتقدون اننا لازم نسوي شيء اكثر من الكلام عن الالعاب مثل ما اعتقد انا ؟؟؟
-
يا شباب الي تدورون على ماريو ماريو بح هو الللي أخبرني على الما سينجر انه نينتندو خرج علشان زعان منه بس ليش زعلان ما قال لي وهو كمان خرج
والله العظيم انشاء الله تنشل يدي وأنا أكتب هذا الكلام انه كلامي صحيح كله
-
انت متاكد ياabb
والله أنا اتمنى ان نتندو وماريو يرجعولنا اليوم قبل بكرة
ويتركوا أفكارهم المهببة بترك المنتدى(مهما كانت اسبابه)
-
-
يالتنين الرجال حلف و لازم تصدقه
يا abb الي قالك عنه شوي
انا قالي كل السالفه و هو ما بيرجع المنتدى
بيكون مراقب بس لكن ما بيشارك
اكيد تبغون تعرفون ليش بس اسف
لانه طلب مني اني ما اقول شيء
و لو عرفتوا الي صار بتستغربون و ما بتصدقون بس اني صدقت لاني ما اتوقع ماريو يكذب
الكلام رهيب ...والله العظيم انه قالي كثير بس ما اقدر اقول لكم شيء
اسف
-
نرجع لموضوعنا (انا ما علقت على كلامكم يا شباب لان كلامي ما يودي ولا يوخر)...
انا اعتقد اننا لازم نعرف عن بعض اكثر و يكون مشروع صداقتنا اكبر من الالعاب و سواليفها...
يعني مثلا انا ما اعرف عن اي واحد منكم اي شىء و انتم مثلي...
انا اقصد اننا لازم ما نكون مصورين بالالعاب و سوالفنا محدوده
بس ننتظر الاخبار و نناقشها...
-
-
يا fas أنا قالي انهم يدورون على مراقب جديد وهو حيكون مراقب الي ما يحصلون مراقب جديد افرحو يمكن يكون واحد منكم
ويا فاس في شي غلط في الماسينجر اللي عندك أو في بريدك لاني ما قدرت أضيفه للحبايب اللي عندي
-
انا ما افتحه دايما
يمكن هذا السبب بس ما اعتقد
-
يافلس ....بطل التهريج وتكلم مع سعد بجدية.......هو سالكم عن رايكم.......ردوا عليه
-
شكرا يا ماري على المسانده...
ممكن تقولي لي رأيك .
و انا يا اخوان ممكن اتاخر بالرد لاني الان اتكلم من مقهى انترنت
و اشتراكي خلص و يمكن ما اجدد...
-
انا قلت من قبل انه لازم تكون فيه صلة بيننا .....احد الاخوان اقترح انه ندخل شات مع بعض واعتقد ان فكرته مقبولة جدا .....بس لازم نتفق على موقع معين .....هذا راي ......ماري
......ياليت تجدد اشتراكك لانه المنتدى حيصير ناقص من غيرك
-
أنا بعد مع أقتراح سوسو وأم دعبس
وزي ماقالت لازم نشوفلنا وقت معين نكون كلنا متواجدين فيه
-
شكرا على المجامله يا ماري...
اقتراح جميل.
لكنه صعب و يسبب مشاكل كثيره برأيي.
لان الواحد ما يقدر يبين و جهه نظره كامله بالاضافه انا ارى اننا
نكون اكثر ارتباط بالمنتدى و بالاضافه كمان الواحد يقدر يرد على الموضوع في اي وقت...
لازم اروخ ما معي الا 10 ريال .
بس يمكن ارجع اليوم.
سلاااام
-
يمكن يكون معاك حق ياسعد .....اذا كنت تعتقد انه الشات ماينفع شفلنا طريقة ثانية .....<مرة ثانية جيب معاك فلوس كفاية>....ماري
-
فلس
حلوه هذي
اسمي FAS مب فلس
انا مع الاخ سعد لاني ما احب الشات
و اعتقد ان الميكروفون خربان
-
ايش رايكم و الا مليتوا من الموضوع...
-
