قصص خشش المنتدى والماسنجر ((خشش=ابتسامات=تعابير)) <<< للدلوخ
تعرفون كيف المنتدى نايم...وعلى رأي المثل ((الفضاوة وما تسوي)).....عاد انا اذا كنت فاضي احب اطلع موهبتي في تفسير نفسية الناس من خششهم....فكرت شوي.......قلت ما فيه الا خشش المنتدى والماسنجر الحلوة...المساكين دايما نستخدمه وما نعرف ليه هم كذا.....كل واحد منهم له سالفة طول بعرض ((طول بعرض ولا ارتفاع على نص القاعدة)) <<<< تأثير الدراسة...حتى النكت صارت بالدراسة.....
((نسيت اقول لكم انهم اخويا..واغلبهم يعرفون بعض...عشان كذا قصصهم مترابطه))
المهم...ما علينا.....نستفتح قصص الخشش....
====================
http://www.montada.com/images/smilies/smile.gif <<< هذا واحد طيييييب وقلبه ابيض...اذا شفته تحس انه ودك ترمي نفسك على صدره وتصيح ((من زود الطيبه))...ما تحس انه يغلط ابد...لو تصفقه على خشته ما درى بك ((اصلا هو كله على بعضه خشه كيف اصفقه على خشته))
http://www.montada.com/images/smilies/wink.gif <<< اغلب الناس يحسبونه يغمز وهذا خطأ...ابو الشباب كان رايح عرس...وهو بوسط العرس نط عليه ولد خاله ام العريس...الا يبغى شوكولاته...الرجال بلش...يا حبيبي وخر..يا حبيبي عيب...بعدين حبيبي....الولد لزقه....آخرتها قفلت مع الولد وحط اصبعه في عين الرجال...عاد تخيلوا شكله...مبستم ((في عرس لازم يبتسم عشان ما يتفشل)) + مغمض عينه ((الولد فقعها له وتبغاه يفتحها)).....ولزقت فيه هالصوره....
http://www.montada.com/images/smilies/frown.gif <<< صدق الدنيا دواره...هذا هو نفسه اللي كان يبتسم فوق...بس الظاهر واحد زعله...المسكين...تحسه مظلووووم ومحد عطاه وجه ولا قفى..ادعوا له يا جماعة ((تحمست))
http://www.montada.com/images/smilies/redface.gif <<< هذا له اكثر من رواية....قيل انه واحد مستحي بس ما يعرف يستحي ((كيف تجي ذي؟!))..وفي رواية اخرى انه واحد مب هامه شي...لكن الاصح انه واحد دب قاعد يشاخر....
http://www.montada.com/images/smilies/biggrin.gif <<< باختصار...مسخره...هذا واحد يحاول يحتك بس ما عرف...ضحكته مو من قلب يضحك بس عشان يورينا انه مفرش اسنانه قبل امس بسقنال تو...ويقولون انه كان يضحك وطق له عرق في خشته عقبها ما قدر يسكر فمه وقعد بها...
http://www.montada.com/images/smilies/tongue.gif <<< هذا حبيب ألبي...مصرقع ومهوووووي...تحسه محشش...ينفع في كل الاوقات...ضحكته طالعه من القلب وفيه مسحة دلاخه...ويقولون انه كان توه راجع من جلسه تحشيش...رجع ولقى خوينا اللي فوق http://www.montada.com/images/smilies/biggrin.gif ((اللي طق له عرق)) ...وقام يضحك عليه....
http://www.montada.com/images/smilies/rolleyes.gif <<< مسوي بريء...هذي الخشة فيها شوية نذاله...يعني كأن واحد يلمح لشي...او سوا شي ومسوي نفسه بريء...وصورته هذي لها قصة...كان موجود مع هذا http://www.montada.com/images/smilies/biggrin.gif ويوم طق له عرق ناظروه الشباب ولقوه مسوي نفسه بريء....تتوقعون له دخل؟!
http://www.montada.com/images/smilies/eek.gif <<< هذا واحد كان يغازل...وهو قاعد يلاحق وحدة...فجأة فتشت وقالت...هذي آخرتها يا خشة تغاااازل ((طلعت بنت عمه من الرضاعه))....الولد تفاجأ...وعقبها انقطعت اخباره ((اكلها باكوش))
http://www.montada.com/images/smilies/icon11.gif <<< تبغون تعرفون شعور الخكري اول ما يكتشف انه شين...ناظروا هالخشه....مسيكين..وقتها حس ان حياته كلها مالها داعي....http://www.montada.com/images/smilies/tongue.gif
http://www.montada.com/images/smilies/icon6.gif <<< تتوقعون هذي خشة ميييييييين....هذا هو نفسه الخكري اللي قبل شوي....طلع اللي قال له انت شين يمزح معه http://www.montada.com/images/smilies/tongue.gif مسرع ما تغير شكله....بس اللي محيرني...من وين طلعت النظارات...
========================
هذي خشش المنتدى القديمه...اذا اعجبتكم باحط قصص خشش الماسنجر :) :)
Re: قصص خشش المنتدى والماسنجر ((خشش=ابتسامات=تعابير)) <<< للدلوخ
اقتباس:
كتب العضو (naf)
http://www.montada.com/images/smilies/biggrin.gif <<< باختصار...مسخره...هذا واحد يحاول يحتك بس ما عرف...ضحكته مو من قلب يضحك بس عشان يورينا انه مفرش اسنانه قبل امس(( بسقنال تو ))...ويقولون انه كان يضحك وطق له عرق في خشته عقبها ما قدر يسكر فمه وقعد بها...
مراقب و ما يعرف يكتب اسم سيجنال تو :أفكر: ..
كلش و لا تغلط على معجون اسناني المفضل ":"
