عرض للطباعة
أعزائي ماهو رأيكم في فكرة الزواج في المرحلة الجامعية واقصد بذلك في المرحلة الجامعيه اثناء الدراسه هل تعتقدون انها من الامور التي تساعد الطالب على الزواج كذلك الطالبه ام تهبط همتيهما ؟؟ فيها إيجابياتها وسلبياتها .
إيجابيات: راحه نفسيه - إشباع غرائز- تحمل لمسئوليه قد تكون ثقيلة نوعا ما .....
سلبيات: قد تكون الراحه النفسيه مهبط للطموح وبذلك يحدث تكاسل - قد تكون المسئوليه اقوى من الزوجين
فلا يستطيعان المشي بخطى متوازيه.......
مارأيكم في ذلك؟؟؟؟؟؟؟؟؟؟؟؟؟؟؟؟؟؟؟؟؟؟؟
وشكرا
السلام عليكم
شوف اخوي هو كلامك ممكن صح و ممكن لا
لان هذا الشيء يعتمد على الشخص نفسه وشخصيته
واذا على البنات لاوالله يتزوجون من الجامعه استر لهم وافك من شرهم
وبصراحه انت ورغبتك اذا تبيه الحين كيفك واذا تبيه بعد التخرج كيفك
بس اهم شرط لازم توفره عن الزواج المرحله هذي
انت مليانه جيوبك ولا.... (يعني لازم تكون غني على شان تملا عين اهل العروس ):D :D :D :D :D :D
واذا كنت غير كذا لاتروح تتقدم لاحد نصيحه ( لانهم بيمسكونك الباب ):D :D
وشكرااا على الموضوع الحلووو:D :D ;-)
صعب انك توفق بين الدراسة و متطلبات الزوجة ..
صعب انك توفق بين الدراسة و متطلبات الزوجة ..
والاصعب يكون بانسبة للبنت .. هي فاضية لزوجها ولا لدراستها .. هذا غير حالات الحمل .. ةالابناء ..
وشغلة
مش بطال":" ":" ":"
وشو فيها يعني لابالنسبة للشاب ولا الفتاة لانه هذي سنة الله في الحياة ومن تزوج من اجل ان يعف نفسه بارك الله له وكان معه في امور حياته
في رائي انا لا ;-)
و كيف راح تصرف عليها:)
الي خلاك تصبر 12 سنه دراسه يخليك تصبر اربع او ثلاث سنوات مهيب فارقه شي
والله ماأعتقد إن مشاكل الجنس المنتشرة الحين إلا بسبب تأخير الزواج
اذا تبي تتزوج اتزوج على اخر سنتين من الدراسة
يا سيدي
يخطب وهو يدرس في الجامعة
وبعد التخرج يجوز
وبدل ما يستنى الوظيفه يشتغل اي شغله لحين يتوظف
واظن انكوا معي بالراي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــاقتباس:
كتب العضو (qarah)
صعب انك توفق بين الدراسة و متطلبات الزوجة ..
والاصعب يكون بانسبة للبنت .. هي فاضية لزوجها ولا لدراستها .. هذا غير حالات الحمل .. ةالابناء ..
وشغلة
والله وصدقت . أنا أشك إنك مو طالب جامعي . قول ليش ؟
لأن عقلك أكبر من كذا :cool:
اكيد لأ
لانه مهب فاضي للبزارين يبلشونه وقت الامتحانات
كما انه مايقدر يراجع امتحان وبراسه شي ثاني:D
مع اني سمعت ناس تزوجوا وارتفع معدلهم بعد ماكانوا ياخذون انذار
لكن هذي النظرية ما اثبتها فيثاغورس حتى الان لانه مات قبل يعرس
لكن اذا كانت صحيحة فالله الله بالزواج ياراعين الانذارات
السلام عليكم
الحريّه أحييك على هالموضوع ...
أعتقد أن الزواج في المرحلة الجامعية لا يؤثر على الطرفين طالما المادة متوفره بغض النظر عن المشاكل العرضية.... طبعا انا أتكلم بشكل عام ...
لكن هل تعتقدون ان كل واحد عنده فلوس مؤهل انه يتزوج بهالمرحلة ؟
انا بعتقادي ان المسئلة تعتمد على طبيعة علاقة هالزوجين أكثر من كون الزوج قد المسؤلية ولا لاء :أفكر: .
... وللحديث بقية ...
تحياتي :)
عزيزي اس : ليست النقود هي المحرك الوحيد للزواج ولكن الإستعداد النفسي قبل ذلك ومثل ماتفضلت العلاقه بينهم تأتي ثانيا وبإستمرارها هي المحدد لذلك .
أنا باقول رأيي في هاي الموضوع بكل صراحة .... الواحد ولا الوحده الحين يدرسون ...ok... مين له بارض يتزوج ...البنت بتفكر في الريل ولا في العيال ولا في المحاضرات ولا تفكر في الغداء اللي لازم تطبخه حق هاي الريل ......وهاي إذا عندها حماه مثل الناس ولا تقول لها لا تروحين الجامعة البنت مالها إلا بيت ريلها ...ولا تقول لها السيارة يالله .. يالله تخلص طلبات البيت عشان توصلج الجامعة وتردين ...خلي أهلج يودونج وإيبونج ...وإذا قالت حق هاي الريل ..يقول لها الشكوى لله ....تصرفي ..المسكين ممكن يشتغل في سلاح الجو ولازم يوصل الشغل قبل الساعة خمس ونص ..وين ينزلها عند باب الجامعة والجامعة تفتح 6 ونص ....وتخيلوااا البنت المسكينة إذا كانت حامل وتمشي وشايله بطنها وتدور في هاي الجامعة من كلية العلوم لين الملاحق ومن الملاحق لين المبنى الجديد ومن المبنى الجديد لين مبنى كلية التربية ومع العلم بأن كل مبنى يبعد عن الثاني بمسافة لا تقل عن الـ700 متر ...رياضة صح ...والحين الولد لو بيتزوج وهو في الجامعة ..مين بيصرف عليه وعلى زوجته..أبوه ...أمه ...ولاحمآه ولا حمأته ...هذا إذا مكان يستحي على ويهه ..وإذا حملت زوجته مين بيصرف عليها ..ويداريها ..والولد ما يبيله مصاريف ...البامبرز ..وخلافه مصرف صج ...<<-- تراني مجرب شفت إيش كثر أبوي كان يصرف على أخوي حمود ..وأختي نورروه ...500 ريال بس مصرف لهم من الجمعية الحفاضات وحليب النيدو ..وحليب نان حق الرضع ..وهذا إذا ما مرض الياهل تدفع فلوس حق الدكتور (عيادة خارجية ..) توديه حق الدكتور ناجي ... وهاي غير الدواء ...وغيره ...وغيره ...وهاي غيض من فيض ...قطره من بحر .. و إذا الريال عنده محاضرة بالليل بتطلع ينانوة (عفاريت) مرته عليه.....إيش يثبت لها بأنه رايح المحاضرة مب هايت في الشوارع ........وإذا رد البيت والأستاذ زافه ومهاوشه والله ليطلع حرته في مرته ......وهذا والعلم عند الله ....بالمناسبة أي حد عنده إعتراض يرفع صبعه وأنا بتأكد شخصياً إن عدد أصابعه أقل من العشرة ......
والله هاي إلي ناااااااقص ................ تعترضون على كلامي .......إلي يبي يعترض يطق رآآآآآآآآآآآآآسه........... في أنظف ...........وأجمل ......... وألمع .........طوفه........................ والله
مع تحياتي ________________________
ريـــــــــــاااااااااااااااش ـــــــــــــــــ
كلها كم سنة وتتخرج بعده فكر بالزواج
رياش: بداية اشكرك جزيل الشكر على تواضعك وأسلوبك وتكلمك بكل تجرد وواقعيه بالذات الدكتور : ناجي ,,,,,,,,,, بالطبع يتخلل تلك المرحله من المصاعب الشيء الكثير ناهيك عن ان الزواج لم تكتمل فيه القواعد الداعمه له كالحاله الماديه المستقره والراحه النفسيه والعمر ايضا من العوامل التي تحدد عقلية المتزوجين علاوة على ذلك تقيد تلك العلاقه .
اعتقد ان العقل هو الذي يحدد متى يكون الزواج ؟؟؟؟
سناب: عزيزي انا لم اطرح الموضوع من اجل انني اريد ذلك وإنما من اجل اخذ الأفكار بيننا وطرحها في شكل نقاش هاديء ورائع يحتويه بوتقه مليئه بتغير ألأفكار وتنوع وجهات النظر انت ممن يرى الزواج بعد ان اتخرج فما رأيك بطالب طب ؟؟؟؟ 7 سنوات دراسه إضافة الى ذلك 5 تخصص وهذي في الغالبيه إضافة الى دراسات عليا وووو فالظروف هي التي تحكم وتحدد متى؟ وأين ؟؟؟ والكثير من طلبة الطب يتزوجون في سنوات الدراسه وهذا مثال وعليه قس .
+ ملاحظه : لست طالب طب ( وأبطي ) ولكن تلك هي ألأوضاع .
وشكرا لكم
أعتقد لا مانع من الزواج في هذه المرحلة ولو كنت أستطيع فلن أتردد
الأمر يعتمد على الطالب نفسه ..........
إذا كان يستطيع إكمال الدراسة دون ضغوط نفسية داخلية في أمور الزواج إلى ملي ذلك من الأمور فالأفضلية أن يكمل دون التفكير في ذلك .
أما إذا كان من الطلاب الذين يعيشون تحت ضغوط نفسية داخلية إما عاطفية أو غريزية ..... ألخ ( وهم كثر ) فالأفضلية أن يقوم بترتيتبات الزواج ويدخل العالم الثاني والسلام:-)
السلام عليكم ..
شوفو عاد اول شي اذا مشاركاتي في مواضيع قديمة الطرح كيفكم :) لاني توني ادش هالمنتدى واحب اشارك :)
بالنسبة للموضوع المطروح انا صراحه اشووف انه يعتمد على حسب الانسان .. لكن مهما كان الشخص قادر بعد غصبن عنه بيقصر سواء يا ناحية بيته و زوجه و عياله او تجاه دراسته ..
بالنسبة للبنت فهي يمكن الزواج لها في المرحلة هاذي افضل من الرجل .. لانها هي اللي تعتمد على الرجل من ناحية مادية وليش العكس .. فممكن تتزوج و هي طالبة .. لكن الرجل الطالب .. اذا ما عنده مصدر دخل ماظن يقدر يرتبط .. لكن في نفس الوقت البنت اذا ارتبطت بهالمرحلة وانا اتكلم عن خبرات عايشتها من الصديقات معاي بالجامعه .. ان الزواج بهالمرحلة جدا صعب ولازم البنت تقدم تضحيات وتنازلات عشان ترضي الطرفين ترضي نفسها بالدراسة وترضي بيتها .. عندكم اعتذارات عن الفصول الدراسية تتكرر اكيد بسبب الحمل وغيرها من الظروف اللي تصاحب الزواج .. و امتحانات اتطوفها بسبب مرض ولد او غيرها من هالظرووف..
و صراحه معظم اللي يتزوجون بهالمرحلة ينصحون بعدم الزواج الا بعد التخرج وهذي النصيحه انا اعمل فيها حاليا :)
بس اذا الواحد جاه النصيب والله كتبله .. ما يقدر يقول لا .. والله يوفق الجميع ..
أحب أحيي عبير الورد.....
(حلو الواحد يشارك بأكثر من منتدى.. :0) :0) بس العتب على الوقت )
:أفكر:
تحياتي للجميع...
اهلين بالاعضاء
ابو ماجد : هذي اهي الفكره المقدره !!!!!
ابو ناصر: انا اتمنى ان تسمحلي بطرح سؤال عليك : هل تضمن نفسك وذاتك من حيث الضغوطات والامور الدخيله والتي تؤثر في السلوك ؟؟؟
عبير : حيّاك كلامك صحيح عزيزتي بالنسبه للمرأه فهي افضل لأن العبأ سيكون على كاهل الرجل فتكون النتيجه سقوط طرفي المعادله وهنا يسقط الفأس في الرأس . وغالبية المتزوجين في المرحله الجامعيه سكنهم عند اهل الزوج وأعتقد ان ذلك لن يكون في الغالب مريحا لالزوجه ولا للزوج مهما كانت راحتهم في المنزل واعتقد في رأيي انا لااعتقد ان اقبل بأن يصرف علي ابي وانا متزوج وهذا رأيي .
s7 : اكيد حلو انفسيه إنها تطلع وتعرف وتشارك في اكثر من موضوع وتغير وتتنوع ثقافتها .
وشكرا لكم جميعا .
s7
الحرية
شكرا لكم و انشالله تلاقوني مشاركة على طوول ..
في الحقيقة اذا عازم على الزواج حاول تتصبر سنتين اوثلاث والسنوات الباقية مع الزوجة لاتجيب عيال الابعد التخرج اي بعد سنتين وانت قد مسكت الوظيفة او اذا كان الوالد مقتدر ومستعد فهي مش بطال بس فكرة الانجاب حاول التاخر فيها حتى ماتزيد من مشاغلك وانت منشغل اساسا بالدراسة... ومع التحية
هلابك المعيد يعطيك العافيه وتسلم على ماطرحته .............
وشكرا
انا مابي اتزوج ابد...باقعد عند امي:D :D
عساك على القوه ....................................
:) السلام عليكماقتباس:
والكثير من طلبة الطب يتزوجون في سنوات الدراسه وهذا مثال
صراحه اول مره اشارك هنا(مع اني متابع)
ده اللي باذن ربي انا ناوي عليه لان المشوار لسه طوييييييييل ع ما اخلص الطب
انشالله ربي يوفقني بدعاءكم ودعاء الوالدين ورضاهم:)
جاهز للنقاش الحضاري:) اللي يخدم مصلحه الجامعيين
انا مع الزواج في هالمرحله :)..
لانه في الغالب بيدرس برا ,,, وتعرفون وش معنى براااا :أفكر:
فعشان مايضيع مستقبله ياخذله بنت الحلال اللي تستره في غربته .
فتخيلوا عزوبيه وغربه ?: يعني مصيبتين ?:
لكن اذا مالقى في المملكه((وهذا أكيييد)) ممكن في طريقه يمر على مصر ولالبنان وياخذله وحده ..:0)