خبر صاعق بخصوص ميتل جير X !!!

اعرف انه مو مكانه فاللعبة للاكس بوكس لكن للاسف بما ان اغلب عشاق اللعبة متواجدين هنا ففضلت اني انشره هنا ..
الخبر يقول ..
جهز نفسك للمفاجاة اللي فعلا تخلي الواحد يقول ان الاكس بوكس لعبها صح ..
انك راح تقدر تلعب بسنيك ..
طبعا حتى الان ما في مشكلة ..
المصيبة انك راح تقدر تنفذ المهمات اللي نفذها سنيك بينما كنت تلعب انت برايدن !!!
بالعربي الفصيح نفس اسلوب ريزدنت ايفل 2 لما كنت تحرك كلير ..
كان ليون ينفذ مهمات بنفس الوقت و تقدر تلعب بهالمهمات لما تطلع السيناريو B لليون ..
http://outerspace.terra.com.br/news/...1403/snake.jpg
http://outerspace.terra.com.br/news/...1403/codec.jpg
هالصورة تحرك سنيك لما كان رايدن يقاتل الهارير من الارض و سنيك راح يقاتلها من الهيلكوبتر :
http://outerspace.terra.com.br/news/...03/harrier.jpg
و هنا لما جا فامب المشؤوم بزاوية تصوير سنيك :
http://outerspace.terra.com.br/news/...02/1403/ee.jpg
الظاهر انه ريفلوفر ؟
http://outerspace.terra.com.br/news/...403/ocelot.jpg

مشكور عماد على الخبر..




وسبحان الله مثل ماتوقعته صار ....




وشكرا:D:D:D.

والله




اف اف اف اف اف :! :! :! :! :!
والله لعبها صح الاكس بوكس








والله بديت افكر اشتري اكسبوكس






يالله والله شكل اللعبه حلووووووووووووووه







بس قهر حنا لنا رايدن والاكس بوكس له سنيك :غضب: :غضب: :غضب:

انا قلتها من زمان ... واللي توقعته صار ...

واللي يبي يتأكد يدخل ذي الوصلة ويشوف ردي فيها ....

http://www.montada.com/showthread.ph...0&pagenumber=2


كوتو موتو
الاكس بوكس يستاهل اصلا الشراء سواء كان بسنيك ولا بدونه ...

لانه جهاز يستاهل وقوي ... ويكفي لعبة شينمو ....

يعني الى كل شخص يحب المغامرات والاكشن ...
عليه بهالجهازين:
بلاي ستيشن 2/الاكس بوكس.


وشكرا:D:D:D.

:! :! :!

بهالحركة راح يكسب الاكس بوكس محبي الميتل جير .....وياكثرهم

الظاهر اني بصير واحد منهم ........

اقتباس:

---

كتب العضو (كوتو موتو)
بس قهر حنا لنا رايدن والاكس بوكس له سنيك :غضب: :غضب: :غضب:

---

هع ":" ........صدق الي يقول .....يوم لك ويوم عليك :D

والله بالفعل خبر صاعق
وهنيئا لاصحاب الاكس بوكس

واذا ؟؟؟؟؟!!!!!!!!!

شي عادي وطبيعي ولايهم اصلا ":"

<<<<<<<<مالعب اللعبه اصلا :p

بس شباب ممكن توضحون الفرق للي ماعندهم هاللعبه :),






اقول عماد تراك خاااااالفت .

can you give me a link
that seems to me like a big rumor
nothing offical

:غضب: :غضب: :غضب: :غضب: بعد اللي شفته و سمعته من هالموضوع ... قررت أني من باجر أروح الرحاب و أبيع هالشريط الأصلي اللي أنا شاريه ... لعبة ميتل جير 2 .... فعلا شي يقهر الواحد .... حسافه على اللعبة 20 دينار ... حسافه عليها هالفلوس و تكون مو كاملة ... و على الأكس بوكس كاملة .... الحين يي أودين و يتشمت فينا :غضب: :غضب: :غضب: :غضب:

أفا هذا قدر البلاي ستيشن2 عند كونامي




:غضب: طيب اصدروها على البي اس2 والاكس بوكس مافي مشكلة:غضب:






أيش هذا عطونا القشر و عطو الاكس بوكس اللب :غضب: :غضب:

مبروك امحبي الإكس بوكس

وإذا طلع خبر ميتل جير غلط بروح أسفك دم المصمم الجديد ومعو كوجيما:غضب: :غضب: :غضب:

مشكووور اخوي عماد ......

الاكس بوكس صار مرررررررعب

وش ذا بعد
الحين انا اشتر ي الاكس بوكس حق ميتل جيرx
ولا اشتري الجيم كيوب حق ريزدنت ايفل

هذه اشاعه قديمه جدا.....
انا قراه الخبر هذا في منتدى اجنبي من تقريبا 3 شهور و طلع انا مجرد اشاعه ..........:أفكر: ...... احنا نعرف شيء واحد عن متل جير 2 للاكس بوكس و هو ان اسمها Metal GearX

عطنا المصدر يالحبيب

هين الاكس بوكس لابد يشرى

و ترا سعره 1900 مع شريط اصلي مهب مثل السوني شريته ب1800 و بالطقاق عطاني اشرطة كوبي هدية

يعني اصبر حتى تنزل و خذ معه ميتل جير

المعنى

حطوا سنيك أو حطوا سوليدوس

ما راح أشتري XBOX أنا مو نايم فوق بنك

وبعدين ما فرقت كثير يعني بدل رايدن سنيك بس من البداية من معك سنيك أو رايدن؟؟؟

أنا ما أدري ليش تكرهون رايدن؟؟؟

هو نفس حركات سنيك ما فب فرق ولكن شخصيته أضعف من سنيك

على العموم مبروك لعشاق XBOX

":"

السلام عليكم
ممكن المصدر لو سمحت. ومشكور

السلام عليكم


هذى الجهاز الاكس بوكس :واو

صدقوني زيو زي (((((الدريم كاست )))))

شهرة والعاب قوية :واو:

ومشجعين وشركاااااااااااات


واخرتها ينشرو في المجلات العربيه والاجنبيه (((((( وفااااااااااات )))) الاكس بوكس

والخبر قريب ان شاء الله :واو: :واو: :واو:



الاكس بوكس الجيم كيوب السوني 2

راح أروح الرحاب اليوم و أبيع لعبة ميتل جير 2 .....

لأنها و للأسف لا تستحق كل هذا المبلغ .

للي يسالون عن المصدر :
http://outerspace.terra.com.br/
بعدين شلون تكون اشاعة و الصور قدامكم :) ؟

اقتباس:

---

كتب العضو (عماد 18)
للي يسالون عن المصدر :
http://outerspace.terra.com.br/
بعدين شلون تكون اشاعة و الصور قدامكم :) ؟

---

هذه صفعه بوجه من يقول ان الاكس بوكس فاشل...

اصلا بوجود ميتل جيرX أو عدم وجودها للاكس بوكس ...
فهو جهاز ناجح بكل ماتعنيه الكلمة فعنده العاب كثيرة رائعة لمحبين المغامرات والاكشن ...

والان شركة مايكروسوفت تتبع نفس اسلوب شركة سوني ايا البلاي ستيشن1 ... الاحتكار وسحب الالعاب من الشركات الاخرى كما فعلت سوني ايام البلاي ستيشن1 ...


وطبعا شركة مايكروسوفت لاتقف امامها اي شركة في عملية الاحتكار ...


الاكس بوكس جهاز ناجح ...



لا اقصد بذلك ان البلاي2 فاشل ...

فلكل شخص يملك هذين الجهازين .. فانه سينعم بمتعه تامة بجميع الالعاب لمدة خمسة سنوات قادمة ...

واتوقع ان الجيم كيوب هو الجهاز الذي سيحس بالمرارة في هذه الفترة ...




وشكرا:D:D:D.

يا سلااااااااااااااااااااااااااااااااااااااااااااااااااااااااااااااااااااااااااااااااااااااااااااام على الخبر!!!


(الحمد لله اني بعت ميتل جير 2 الي عندي....وشكلي ببيع البلي ستيشن2 معاها:p )


لا والله كبر الاكس بوكس بعيني


كل يوم اخبار عجيبة نسمعها عنه !!!



خلاص انا قررت وبشكل شبه مؤكد اشتري الاكس بوكس ببداية الاجازة !!



وتسسسسسسسسسسسسسسسسسسسسلم يا عماد على هالخبر(طالعة من قلب:D )


يالله ما عليه هاردلك يالبلي ستيشن2 انشالله اخوك الكبير يعوضنا(اقصد البلي ستيشن3:p )

الصور ملعوب فيها,
مصدر هذا الخبر كان من مجله المانيه في عدد ابريل.
هذه المجله عندهم شيء اسمه Aprils Fools Joke و هوه عباره عن نكته يضعونها في المجله على هيئه خبر .... مثل مجله EGM عندهم Aprils Fools Joke.
على فكره metal gear2 راح تنزل على الجيم كيوب و هذه صوره الغلاف
http://ps2media.ign.com/media/news/i...box_inside.jpg

they all are fake
hedo kojima is not stupid enogh to put his
best part on the Xbox
the Xbox Version is as they said in the begining
the PSX version with better Graphics only

oo and guy XBOX sux
Game Cube Rocks
PS2 Rocks
":"

ايه صح ميتل جير بينزل على الاكيوب . عشان يحطون سنيك ماسك مصاصه ..

احترنا نشتري اي جهاز ؟؟؟

Rotsu
طيب مو كان شهر ابريل هو الشهر الجاي ؟
الحين احنا في شهر مارس ..
و معقولة توصل دقة اللعب بالصور لدرجة انهم يجيبون مناظر ما ظهرت في اللعبة من الاساس ؟؟


بخصوص الاعضاء اللي يقولون ان تحت اسمي فيه صورة جنسية ..
ممكن يسوون مثل ما سويت و يرسلون اللي ظاهر لهم تحت اسمي لها الايميل :
emad18@we4arab.com
لان هذا الي ظاهر عندي :

اقتباس:

---

كتب العضو (ODIN)


هذه صفعه بوجه من يقول ان الاكس بوكس فاشل...

---

مبيعات الجهاز تدل ماإذا كان الجهاز ناجح أو فاشل ، يكفي فشل الجهاز في أوربا واليابان .....

بالنسبة لميتال جير 2 للكيوب فالصورة ملعوب فيها وأكبر دليل وجود كلمت DVDوالتي لاتكتب على اسطوانات الكيوب ......

اقتباس:

---

كتب العضو (ODIN)
ايه صح ميتل جير بينزل على الاكيوب . عشان يحطون سنيك ماسك مصاصه ..

---

هذا وأنت مراقب عقليتك كذا !!!!!!

هههههههه صدقتوا أن ميتل قير 2 على الكيوب :أفكر: :أفكر:
أقول عندي سؤال بسيط لكم :أفكر: :أفكر:
الجيم كيوب يشغل دي في دي :أفكر: :أفكر: طبعا لأ :أفكر: :أفكر: يعني ميتل قير على الكيوب :أفكر: ماااااااااااكووووووو :D :p :أفكر:

انا اتوقع ان الخبر غير صحيح لانه لو كان عند اي موقع هالخبر ومتأكد من صحته ما بيحطه في الصفحة الاولى؟؟؟؟؟؟؟؟؟؟؟؟؟؟ وهذا اللي صاير في الموقع اللي حطاه عماد حيث ان الخبر ليس في الصفحة الاولى من الموقع وليس هذا فقط اذا كانت كونامي لم تكتب ولم تصرح تكتب ولم تصرح بهذا الخبر في اي من مواقعها فكيف سيأتي هذا الموقع بالخبر؟؟؟؟؟؟؟؟؟؟
ويا شباب شوفوا الصورة الثانية لسنيك شوفوا يد سنيك كيف موشوشة وبتعرفوا انها تركيب.

لا خبر نزول ميتل جير على الكيوب تخريف:D

واصلا لايمكن للكيوب ان يتحمل رسوم ميتل جير2 فقط هناك جهازين قادرين على ذلك الاكس بوكس والبلي ستيشن2.


بالمناسبة..... رحت سألت عن اسعار الاكس بوكس وطلع معقول سعره 170دينار مع شريطين ويدتين!

(الدينار =8ريال حسبوها انتوا:D )


وبالنسبة للي يقولون انه صور ميتل جير2:جزء الاكس بوكس..... ملعوب فيها فانصحك تددققون عدل وبعدين تحكمون
;-)


واصلا من قبل لا يصدر الاكس بوكس اعلنوا انه ميتل جير X راح تصدر عليه!

والي يقول انه ميتل جيرX هي تطوير لميتل جير1 :p

انصحه يشوف الصور :p

واصلا بالعقل....


جهاز قوته اقوى من البلي ستيشن2 بثلاث مرات يروحون يصدرون عليه لعبة قديمة صادرة من 6 سنوات ورسومها رسوم جهاز اقل قدرة من الاكس بوكس ب7 مرات واصلا ميتل جير2 نزلت :D يروحون يصدرون القديمة مرة ثانية! ومن بيشتريها اصلا ! حتى الي ما عنده بلي ستيشن1 يقدر يلعبها لانها نازلة على الكمبيوتر برسوم ناعمة.!!


والله طريقة تفكيركم متعرجفة:p

اقتباس:

---

كتب العضو (playstation2)
انا قلتها من زمان ... واللي توقعته صار ...

واللي يبي يتأكد يدخل ذي الوصلة ويشوف ردي فيها ....

http://www.montada.com/showthread.ph...0&pagenumber=2





وشكرا:D:D:D.

---

ماشالله عليك يا اخويplaystation2
تفكيرك يسبق الاحداث.......وبالنسبه لميتل جير فاكيد انه كل التحسينات والتعديلات كانت متخبيه لصالح الاكس بوكس ...وهذا شي طبيعي ومتوقع منه :0) :0) :0)

اقتباس:

---

كتب العضو (العراقي17)
لا خبر نزول ميتل جير على الكيوب تخريف:D

واصلا لايمكن للكيوب ان يتحمل رسوم ميتل جير2 فقط هناك جهازين قادرين على ذلك الاكس بوكس والبلي ستيشن2.


بالمناسبة..... رحت سألت عن اسعار الاكس بوكس وطلع معقول سعره 170دينار مع شريطين ويدتين!

(الدينار =8ريال حسبوها انتوا:D )


وبالنسبة للي يقولون انه صور ميتل جير2:جزء الاكس بوكس..... ملعوب فيها فانصحك تددققون عدل وبعدين تحكمون
;-)


واصلا من قبل لا يصدر الاكس بوكس اعلنوا انه ميتل جير X راح تصدر عليه!

والي يقول انه ميتل جيرX هي تطوير لميتل جير1 :p

انصحه يشوف الصور :p

واصلا بالعقل....


جهاز قوته اقوى من البلي ستيشن2 بثلاث مرات يروحون يصدرون عليه لعبة قديمة صادرة من 6 سنوات ورسومها رسوم جهاز اقل قدرة من الاكس بوكس ب7 مرات واصلا ميتل جير2 نزلت :D يروحون يصدرون القديمة مرة ثانية! ومن بيشتريها اصلا ! حتى الي ما عنده بلي ستيشن1 يقدر يلعبها لانها نازلة على الكمبيوتر برسوم ناعمة.!!


والله طريقة تفكيركم متعرجفة:p

---

والله طريقة تفكيركم متعرجفة?
lesh?
do you think MGS2 is Better than MGS1
or what?
and yes go and see vamp head you will see how the pictures are fake!
and 3emad 18
agool in here in the US they relase the april magazien in the
begining of march
and every mag have a lie
EMG have a Phtots of sonic and tails and Ryo
in Super Smash
they look so real but they are lie
same goes for MGSX it is not true

Dragonwarrior

ما اقدر اقرر اذا كنت غلطان او لأ والصور صحيحة ولا لأ خاصة بعد كلامك


ولكن الشي الي مريحني انه ميتل جيرX راح تنزل على الاكس بوكس وهذا الشيئ اكيد بنسبة 99%

XBOX أقوى من PS2 ثلاث مرات

مو في الحضانة احنا عشان تلعب علينا بالكلام المخرف":"

الفرق بسيط جدا أما اللي يقولون الفرق كبير تراهم خراطين>>>>فسر آخر كلمة:D

أنا لست ضد XBOX و لا قلت انه فاشل على العكس بس مو أقوى ثلاث مرات

أعطونا المواصفات اللي تخليه أقوى ثلاث مرات

Peace :)

اقتباس:

---

كتب العضو (Cadwar)


هذا وأنت مراقب عقليتك كذا !!!!!!

---

صح هم بغوا يحطون حلاوة ام نص ريال بس عيينا عليهم قلنا بعدين الشباب يزعلون قالوا خلاص خلوها على مصاصه بس ..

لاااااااااااااااااااااااااااااااا

ميتال غير على الاكس بوكس .؟ لااااااااااااااااااااا

ميتال غيير مختلفة ؟ لاااااااااااااااااااااااااااااااااااااااا
لااااااااااااااااااااااااا



الزبدة ....لاااااااااااااااااااااااااااااااااااااااااا:غضب: :"

يالعراقي 17 .... تعرف أنت محل في الرحاب يشتري لعبة ميتل جير 2 أصلي مني و يفكني منها .... و ممكن تقولي أنت بجم بعت لعبتك علشان أنا بدوري أبيع هالمخيسة اللي عندي

:غضب:

راعي الكورفيت


البلي ستيشن2 سرعته 293

الاكس بوكس 733

البلي ستيشن2 يقدر يعرض 25 مليون مضلع(وفيه ناس تقول 45 مليون بس مو متأكدين)

الاكس بوكس 125 مليون مضلع


يالله اقتنعت الحين:6

اكثر من 5 مرات!


والله قصّت ويه:D


يالله ما عليه محد راح يزعل اذا غبت عن المنتدى 5 ايام من الفشلة;-)

Mesharey
اسطوانات الكيوب هي ميني دي في دي ..
العراقي17
من اللي ضحك عليك و قال ان الاكس بوكس اقوى من البلايستيشن 3 مرات ؟!
الاكس بوكس يتميز بنعومة الجرافيك و سرعته فقط لا غير ..
الاكس بوكس 125 مليون مضلع ؟؟
من وين جايب هالكلام ؟؟
يعني عطنا مصدر رسمي لاني اذكر انه يعرض 60 فقط ..

شباب احب ابشركم و ان كلام الاخوين اللي قالوا ان الصور تركيب طلع صحيح و الاكس بوكس اصلا ما يستاهل لعبة جديدة كليا من العاب البلايستيشن الا العاب عادية :) ..
هذا عنوان الخبر باللغة البرازيلية :
Fotos falsas de Metal Gear Solid X aparecem na Web
و هذه الترجمة :
False photos To Metal Gear Solid X appear in the Web

أدري عماد انها ميني دي في دي
وأحسن الخبر طلع مزيف :D :D :D :D :أفكر: توهق الأكس بكس :p

M7MOOOD

والله انا بعتها على رفيجي(لعبت بعقله لما شراها ب15 دينار:D ....هعهعهع:0) )

اما عن المحلات الي تشتري فجرب روح حق محل العاب طوكيو شوف بجم يشتريها منك(بالرحاب وتلقاه مع المحلات بس مو المحلات الي داخل ...دور المحل وتلقاه...هذا اذا ما تعرفه:p )

عماد 18

انا ما اييب كلام من الهوى

خذ موقع الاكس بوكس الرسمي(شوف مصادري شلون قوية:D )

http://www.xbox.com/system/Xbox%20Vi...e%20System.htm


وشوف هذي الفقرة
An NVIDIA graphics processing unit (GPU), delivering more than three times the graphics performance of other consoles

وعن ال125 مليون فانا قاريها على ما اعتقد بموقع الاكس بوكس في اول ايامه(كان تصميمه غير)

وراح ادور بIGN يمكن القاه

ما حدد :) يمكن يقصدون الكيوب ..

عماد 18


ادخل هنا الى موقع Nvidia صاحبة رقاقة العرض للاكس بوكس

http://www.nvidia.com/view.asp?PAGE=xbox

وانظر الى هذه الفقرة
the custom designed NVIDIA Xbox GPU, capable of processing more than 1 trillion operations per second

1 ترليون!

يعني على ما اعتقد 1000 مليون
لان البليون 100 مليون.

وادخل هنا وانظر الى اقوى رقاقة عرض للكمبيوتر ظهرت لحد الان على وجه الارض(مع العلم انها صدرت قبل شهر او شهرين)

http://www.nvidia.com/view.asp?PAGE=geforce4ti

1.23 Trillion

انظر الى الفرق بينها وبين رقاقة الاكس بوكس التي صممت قبل سنتين!

فرق بسيط !

هل عرفت الان ما مدى قوة الاكس بوكس الذي يصفه البعض بالضعيف والبعض يقارنه بالبلي ستيشن2 !!

اظن كنا نتكلم عن الجرافيك وش دخلنا بالسرعة العمليات في الثانية ؟

(العراقي17) :
بالنسبة لل 125 مليون انا قريتها بعد من موقع الاكس بوكس قبل ما يغيرونه ولا بعد كانوا مسوين جدول مقارنة بينه وبين البلايستيشن 2 و بين الجيم كيوب ولو تقرا المقارنة تلقى المنافسة بين البلايستيشن و الجيم كيوب اما الاكس بوكس كان قد تعدى هذه المنافسة الى حدود خيالية(يعني كان فوقهم واحسن منهم بكثير)

و ابصحح لك معلومة بسيطة
ترى الترليون ما يساوي 1000 مليون

لا بل يساوي 1000 بليون

اي 1000000 مليون
اي مليون مليون!!!!!!!!!!!!!!!!!!!!!!!!!!!!:! :! :!

عماد 18


كل الرقاقات التي تتعدى حاجز المليون مضلع تصبح وحدة قياس قوتها بالعمليات وليس بالمضلعات
(روح موقع Nvidia ولاحظ هذا )


mum

زين لقيت واحد قاريها قبل ما يشيلونها (شرايك يا عماد:D )

ومشكور على تصحيحك للمعلومة ...لوما مصححلي كنت عشت طول عمري احسب الترليون 1000 مليون:p

عماد 18

تذكرت ايضا هذه المقارنة مسوينها ايضا بمجلة Game master الانجليزية(العاب الكمبيوتر العربية)

بس مو متذكر اي عدد(روح تصفحهم اذا كنت من متابع هالمجلة)

اقتباس:

---

كتب العضو (عماد 18)
Mesharey


شباب احب ابشركم و ان كلام الاخوين اللي قالوا ان الصور تركيب طلع صحيح و الاكس بوكس اصلا ما يستاهل لعبة جديدة كليا من العاب البلايستيشن الا العاب عادية :) ..
هذا عنوان الخبر باللغة البرازيلية :
Fotos falsas de Metal Gear Solid X aparecem na Web
و هذه الترجمة :
False photos To Metal Gear Solid X appear in the Web

---

هذي الاخبار الحلوة
الحين نقدر تختار الجيم كيوب من اجل ريزدنت ايفل
سؤال عماد
وش بتختار الجيم كيوب ولا الاكس بوكس

مبرووووووووووووووووووووووووك يا شباب الخبر طلع مزيف ( هاهاهاهاهاهاهاها هع هع هع هع هع هااااااااا ) و الله أنا مبصوط على الآخر يا سلااااااااام ........... بروح أسوي حفلة ................ يا سلام عليك يا بلاي ستيشين 2 ما تخيب ظني ............ بالعكس أنا كل ما أعرف إنه قدرات الإكس بوكس أقوى من البلاي ستيشين 2 بكثيييييييييير كل ما زاد إعجابي بالبلاي ستيشين 2 لأنه قدر يصمد أمام الإكس بوكس رغم تفوق الإكس بوكس عليه بل إن البلاي ستيشين2 هزم الإكس بوكس و أطاح به في الأرض ......... البلاي ستيشين 2 و الكيوب وبس و الباقي ....... كوسى هاهاهاهاهاهاهاهاهاهاهاهاهاها ....... والله مبسوط .......... أنا فرحااااااااااااان ........... إشتريت فف 10 و قاعد ألعب فيها كل يوم 25 ساعة الصراحة لعبة لا تمل منها أبداً و ميتل جير 2 لا أمل منها أبداً .............. ولا غيرهم من الألعاب الراااااااااااااااااااااااائعة ....... عاش البلاي ستيشين 2 عاش :D

خبر يضيق الصدر ... .. :(

طيب عندي سؤال .. أخوي عماد .. النسخه هذي هل بتنزل على PS2 ؟

مشكورين على التوضيح ...



بس مع كذا ماندري وش راح يكون في ميتل جير اكس .. فالى الحين كل الاخبار عنها مكتومة ماتدري وش راح يصير ....


بس حتى وبدون ميتل جير الاكس بوكس جهاز يستاهل ...


واتوقع لعبة مثل شينمو تستاهل انه الواحد يشتري الاكس بوكس عشانها ...

صراحة لعبة خطييييييييييييرة ....


وكنت اتمنى انه جزئها الثالث يكون للبلاي2....


وشكرا:D:D:D .

-------------



رفع القلم عن ثلاثه وأنت الظاهر واحد منهم ......

الله يشفيك إن شاء الله .......

--------------


مبروك ...نعطيك بعد انت حلاوة ولا يهمك .

شوفتو شلون;-)
انا قلت اكم ان الصور مزيفه:0)
انا حاطيت صوره اغلاف MGS2 للجيم كيوب و هيه صوره مزيفه طبعا
و كان غرضي ان اريكم كيف التزيف في الصور يوصل لاي درجه....

:6

if a consle power is the Graphics
then all the guys in the world would bought the XBOX
but you should know the real power is in the GAMES
PS2 Rocks
GC is the Hard Rock
GBA is the BEST
the Xbox sux because most of it games are American
and new games
well for me I still like the classic games
Mario Zelda finalfantasy MGS DragonWarrior
there are only for the PS2 GC and the GBA
so I say XboX Sux

العراقي17
القوة مو كل شي ..
عندك ننتندو 64 اقوى من السوني من ناحية عرض الرسوم ..
لكن مع ذلك ما قدر ينهي البلايستيشن 1 ..
ستيف بورنسايد
الى الان ما قررت ..
THE_X_WOLF
ان شاء الله تستمر هالفرحة :) ..
Sneak X
صباح الخير بالليل :) الخبر طلع تاليف ..
playstation2
يكفي ان الشركات اليابانية للحين مااعلنت عن دعمها الكامل له حتى احس انه ما راح ينجح ..
Cadwar
تسب مسلم عشانه تطنز بجهاز ؟؟
ما ادري شلون صاير تفكير بعض الشباب :أفكر: ..
Rotsu
الغلاف كان واضح انه مزيف :) بعدين قدرات ميتل جير اقوى من الكيوب ..
لكن سبب تصديقي لها الخبر هو انه فعلا اللعبة كان ناقصها هالشي حتى نعرف القصة كاملة ..
يعني الى الان اتساءل وش صار بين سنيك و فورتن و معقولة قدرت تتغلب عليه ؟!

وش فيه محمود ذا مسوي معصب :أفكر: أقول هدي أعصابك:p



أنا أتوقع أن ميتل جير هذي مارح تنزل علي الإكس بكس....ألغوا الفكرة:cool:

لا ويا عماد ليتني سبيته .. انا الحمد لله ما اسب ... كلها مصاصه .. وحقدوا الشعب :)

اقتباس:

---

كتب العضو (عماد 18)

Cadwar
تسب مسلم عشانه تطنز بجهاز ؟؟
ما ادري شلون صاير تفكير بعض الشباب :أفكر: ..

---

أنا ماسبيت أنا دعيت له بالشفاء ......

الحين صار الدعاء سب ؟؟ ماادري اشلون تفكيركم!!!!

وينك يا العراقي ؟؟؟؟؟ من اللي طريقة تفكيره متعجرفة قلت؟؟؟؟؟؟؟ شفت ان كلامي صحيح اصلا كل واحد يدقق في الصورة الثانية بيعرف انها تركيب الا انت لان طريقة تفكيرك (متعجرفة):D :D :D ;)

يا جماعه ماتسوى على شوية اجهزه:-



حلوووووو بس انا مع كلام الاخ (عماد18) .............

ليش الحين اقووووولكم..............


مع ان الاكس بووكس اقوى باضعاف من PS2 مع ذلك مازال المارد الاسود في المنافسه...........:!

اقوووولكم ليش

لان تنزل عليه العاب ما نزلت على اي اجهزه من قبل....(ماعادا كم لعبه)

فمثل:-
انيموشا1-2
ديفل ماي كراي1-2
الدوري الياباني5-6
جران ترزمو 3-4
ريزدنت ايفل كود فرنيكا
جن سرفافور- دينو كريسس
تويستت ميتل - بلاك
ICO
دنستي ووريور-2-3-4
ايس كومبات-4-5
تكن تاج
تكن4
فرتشواا فايتر
شينمو
جران ثيف اووتوو3

طبعا هذه هي الالعاب الي حضرت في بالي;-)


هل تقارنون هذه الالعاب بالعاب (الاكس بووكس)

(ناس تقوول في العاب بالاكس بوكس احسن من PS2)

نقووولهم فقط بالرسوومات.................

لكن من ناحية المتعه والاستمتاع تتفوق العاب المارد الاسود طبعا

ومن ناحيه اخرى
العاب الاكس بوكس اغلبيتها مكرره

يعني نفس القصه ونفس طريقة اللعب بس برسومات احسن

يعني علشان تلعب لعبه محسنة الرسوووومات على الاكس بووكس(طبعا بعد ماتنزل على PS2 )

لازم تصبر على الاقل 6 اشهر

(بالله عليكم انيموشا2 تصدر على PS2 وتوى انيموشا 1 نازله على الاكس بوووكس)

الله يعينكم على الالعاب المكرره

واذا كان في جم لعبه حصريه على الاكس بووكس فهاذا ما يعني تفوق الجهاز................


مع الشكر ................;-)

وسامحوووني على الاطاله

كتب عماد 18

اقتباس:

---

القوة مو كل شي ..
عندك ننتندو 64 اقوى من السوني من ناحية عرض الرسوم ..
لكن مع ذلك ما قدر ينهي البلايستيشن 1 ..

---

الننتندور ماله شغل وانت اعلم باسباب فشل الننتندو واهمها استخدامه للكاتريج وليس الديسكات وحجمه الصغير

والسبب الثاني عدم قدرته على عرض الالفلام(تخيل لعبة بدون ولا فلم) وايضا عدم قدرته على تشغيل الاغاني(معظم الموسيقا التي بالالعاب مؤلفة يعني مو مسجلة ...مثل الmidi)

وليش غيرت الموضوع بعد كل هالتعب وعقب ما شفت بعينك:D ؟

final fantasy22

اي ولحد الان على رأيي

وما يهمني اذا كانت الصور من اللعبة او لأ(اقرأ ردي عدل وراح تفهم شنو اقصد;-) )

sami
الخبر طلع اشاعة و اللعبة حتى الان ما في معلومات عنها ..
ODIN
ما كنت اقصدك ..
Cadwar
و سالفة انت الظاهر من اللي مرفوع عنهم القلم وش تقصد فيها ؟!
badboy-15
في العاب تتميز بالرسوم و المتعة :) لكن البلايستيشن حتى الان هو الافضل من ناحية الالعاب ..
العراقي17
من قال ان ننتندو 64 العابه ما فيها افلام ؟!
فيها افلام من رسوم اللعبة لكن ما يقدر يعرض افلام سي جي ..
و بخصوص ليش تركت نقطة الاقوى لاني بصراحة ما افهم بهالامور لكن اللي اذكره مثل ما قلت قوة الاكس بوكس في عرض الجرافيك اي نعم قوية لكن مو لدرجة انها تكون 3 اضعاف البلايستيشن 2 ..
الا اذا كان قصدهم البلايستيشن 1 :) .

عماد 18

مايكروسوفت بموقع جهازهم الرسمي اذكروا انه جهازهم اقوى باكثر(لا حظ "باكثر) من ثلاث مرات من اي جهاز موجود بالسوق وطبعا اقوى منافس للاكس بوكس هو البلي ستيشن2 وهو الي يقصدونه (وهذا شي طبيعي).

واصلا ما يقدرون يقصون على المستهلك لانه في قوانين وفيه مليون مؤسسة ومنظمة وهيئة راح تشتكي عليهم لو قاموا بهذا الشي;-)

اقتباس:

---

كتب العضو (العراقي17)
عماد 18

مايكروسوفت بموقع جهازهم الرسمي اذكروا انه جهازهم اقوى باكثر(لا حظ "باكثر) من ثلاث مرات من اي جهاز موجود بالسوق وطبعا اقوى منافس للاكس بوكس هو البلي ستيشن2 وهو الي يقصدونه (وهذا شي طبيعي).

واصلا ما يقدرون يقصون على المستهلك لانه في قوانين وفيه مليون مؤسسة ومنظمة وهيئة راح تشتكي عليهم لو قاموا بهذا الشي;-)

---

ممكن تقول لي من اللي حط صور حقيقية ملعوب فيها عن طريق الفوتوشوب في اول ظهور له في معارض الالعاب و قال هالصور من داخل اللعب :أفكر: ؟

عماد 18


هذا شي غير وانكشف بسهولة....


شياب المعالج والاشياء المادية لصورة!!

راح تقولي اكيد كذبوا بهذا بعد


اقولك طبعا غلطان لانه الاكس بوكس بين ايدينا والخبراء جربوا وما اشوف احد اعترض;-)

انا ما اقصد انهم كذبوا بالمواصفات ..
يمكن كذبوا بالمقارنة ..
و اللي هذا اوله ينعاف تاليه ..
و الكتاب يبان من عنوانه :) ..
المهم انهم كذبوا مرة .. و اللي يكذب مرة يكذب الف مرة ..

و الله أنو لعبها صح عن جداره صار أغنى واحد بالعالم عن جدار :( :"

ياشباب والله من أول وهلة منشفت الصورة عرفت أنها مركبة لية لأنة أول مرة أرى سنيك مشمر عن ساعدية

اقتباس:

---

كتب العضو (badboy-15)
انيموشا1-2

---

انيموشا 2
موجود على الأكس بكس :أفكر:

اقتباس:

---

كتب العضو (Mesharey)

انيموشا 2
موجود على الأكس بكس :أفكر:

---

مشكور يا عماد و تصحيح لمعلوماتك يا مشاري الجزء الجديد الذي بينزل اسمهGENMA ONIMUSHA

اقتباس:

---

كتب العضو (عماد 18)

Cadwar
و سالفة انت الظاهر من اللي مرفوع عنهم القلم وش تقصد فيها ؟!

---

كلامي معدل لاتحكم عليه .....

معدل ؟

لا سلامتك ما عدلت شيئ زدت شيئ .. حررت ردك وزدت الجمله الاخيره .. واظن واضحه وضوح الشمس .. حاط كلامك بين سطرين وزودت كلامي تحته ..! عشان تعرف انك مو بمنتدى البوكيمون تغلط على الناس بكيفك ..

اقتباس:

---

كتب العضو (ODIN)
معدل ؟

لا سلامتك ما عدلت شيئ زدت شيئ .. حررت ردك وزدت الجمله الاخيره .. واظن واضحه وضوح الشمس .. حاط كلامك بين سطرين وزودت كلامي تحته ..! عشان تعرف انك مو بمنتدى البوكيمون تغلط على الناس بكيفك ..

---

ملاحظة صغيرة جداً أنا ماكنت أكلمك حتى تجي وترد ....

انا قريت ردك قبل التعديل ..