مساعدة .. شينمو

السلام عليكم

يا شباب .. انا الان في اول اللعبة .. اخذت من البيت كل شي و ما بقى احد ما كلمته و شريت الالعاب الصغيرة و شرب ... و عطيت القطة الحليب و السمك .. و عطيتها اسم .. شنو اللي بقى ؟؟؟ ماهو راضي يروح مكانين .. مكان مثل الغابة .. و مكان DOBUITA ؟؟؟ ما هو المطلوب ؟؟؟

و عندي سؤال اخر .. فيه مكان اللي يلعبون فيه الاولاد .. اذا ما دست A راح تنضرب البنت و تبكي .. و اذا دست A راح امسكها .. هل هناك فرق ؟؟؟ يعني فيه مشكلة بعدها ؟؟؟ و لا كلهم نفس الشي[تم تعديلها بواسطة ماجد في 28-02-2001 عند 03:13 PM]

وكلم اى واحد وراح يقولك شنو المطلوب اما بانسبه للبنت عادى
بس الاحسن انك ما تضربها الكوره لان الظاهر راح تدلك على مكان

وشكرا

بس يا اخي الكريم kalid مو راضي يدخلي هذه DOBAIUTA !!

كل ما اروح يرجعني و يقول لازم اسال ناس الموجودة .. ما بقى احد ما سالته !!!!!!!

أهنئك أخوي على شرائك لهاللرائعة ....... شين مو ......
أخوي ........ مشكلتك بسيطة جدا ، أنت اذا وصلت الى البنت و قطتها بتصير سالفة ، و هي أنك اذا أعطيت القطة الأكل اللي يصلح لها بتقول لك البنت الصغيرة عن الحل ، أما اذا ما أعطيتها الأكل اللي يصلح لها ، فالحل بتلقاه عند الثنتين اللي واقفتين عند كابينة التلفون ، و الحل هو أنك تروح للرجل العجوز اللي موجود داخل حديقة بيته و يتمشى فيها ، و هو لابس جاكيت أسود و بنطلون بني ، و أنت بتغى تسأل عن رجال يلبسون ملابس سوداء و يركبون سيارة أيضا لها نفس اللون ، و هو بيقول لك أن فيه سيارة سوداء صدمته قبل كم يوم - يوم وفاة والد ريو - و بعد كذا بيقول لك أشياء ثانية ما هي مهمة ................ على العموم أنا راح ألعب اللعبة مرة ثانية و أقول لك الباقي ، و ((يا شباب اللي يعرف يقول للرجال)) .......و شكرا ...........

اخويا STRIDER

رحت للعجوز .. ما قاللي عن الحادث .. بس قال ريو : انت بخير .. و رد عليه العجوز اليه انا بخير و بعدين قال ريو انه متاسف و مدري شنو .. و بس !!

انزين عندي اسئلة اخرى

الحين في بيت ريو .. اقدر اغلق النور و افتحه .. شالفايدة ؟؟؟

و السؤال الثاني .. الحين و انا العب طافت ايام كثيرة ما اسوي شي بس اسال الناس و ما كنت اعرف شنو اسوي .. هل هذا يضر ؟؟؟

باركووووووووولي عرفت كيف الطريقة

اهي لازم اسال وحدة .. و بعدين تطلع اشارة النوتة مالتي .. و مكتوب انه لازم اسال العجوز .. وبعدين رحت سالته .. بعدها طلعتلي النوتة و قريت انه اروح اهناك

مشكووووووووووورين الف الف الف شكر .. بس بقى كم سؤال اتمنى انكم اتجاوبولي عليهم :)

ونحن دائما فى الخدمه واذا تبى تسال بسرعه الرجاء على الماسنجر

اشكرك اخوي kalid :)

اسئلتي هي :

1- في بيت ريو .. اقدر اغلق النور و افتحه .. شالفايدة ؟؟؟

2- و انا العب طافت ايام كثيرة ما اسوي شي بس اسال الناس و ما كنت اعرف شنو اسوي .. هل هذا يضر

3- ما فائدة شراء الكولا و الشوكولاتة و الساندويش ؟؟؟

اتمنى انها تكون هنا يا صديقي kalid مو بالماسينجير :)

اللعبة فيها مشكلة واحدة أخوي ماجد ، طبعا بالنسبة لنا العرب !! لأنها تعتمد بشكل كبير على اللغة الانجليزية ....
و أبارك لك أخوي على معرفتك للرد ، مع اني قلت الحل هذا في ردي السابق !! انك لازم تأكل القطة الأ ...... و الا مو لازم ... على العموم مبروك !! و الله يعينك !! أنت لسه في بداية اللعبة و ما شفت شي !! .... لكن احنا معك و بنساعدك .....
الأجوبة على أسئلتك :
1- ما فيه أي فائدة ، مجرد زيادة في كثرة التفاصيل و التلميح الى مكان في السي دي الثاني ، يعتمد الحل فيه على تشغيل النور !!! و ما أبي أحرقه عليك !!! .....
2- ما أعتقد ان هذا يضر ، لأني أنا واجهت صعوبة في احدى المناطق في اللعبة ، و عدت على حوالي ((خمسة أيام)) حتى حليتها !!...... ما أعتقد انه يضر .....
3- كيف تعيش بدون أكل ؟!؟!؟! لا أمزح معك ، و هذا أيضا لزيادة التفاصيل في اللعبة ، و ليكون في علمك ، هذا هو سر شين مو !! كثرة التفاصيل !!! ......
و أي سؤال ؟ ...................... و شكرا ......

مشكور الف الف الف الف شكر اخوي STRIDER

ما قصرت والله :)

و ليه مشكلة اللغة الانجليزية ؟؟؟ اللي حاطينها كلمات مبسطة مو الطويلة المعقدة !!

حلو انه ينمي لغتك :)

شكرا لك مرة اخرى اخوي العزيز STRIDER :)

العفو أخوي ، و أنت صادق ، لأن اللعبة صراحة تنمي اللغة !! ...

السوال1-مافيه فايده هو تجميل للعبه

السوال2-عادى هذى مايظر (بس الحسن انك ما تطوف اليام)لانك فى نا لازم تواعدهم فى يوم محدد

السوال3-نفس السوال الاول تجميل لتفاصيل العبه (ماتلاحظ انه الات الى تعطيك الكوكولا قديمه والالعاب كله قديمه وهذى يدل على انه زمن
العبه قديم(1986)

(انا دائما فى الخدمه يا اخ ماجد)

أنا بدخل معاكم في الخط......... عنـــدي مشكلة:(
في السي دي الثاني لما أدخل عند المراقبة وين المكان اللى فيه شرطة ضيعت أيام كثيرة جدا جدا ....... وهل طاف علي أشخاص ما كلامتهم؟؟ لأني الحين متمشكل و موش عارف شو اسوي؟؟؟
أرجـــو من الاشخاص اللي وصلوا عندي يساعدوني....

أرجو من يقرأ ردي أن يجيب على:
أنا عطوني شيء يسموناه sword handgourd وحطيته في مكانه خلف اللوحة والحين أمشي بدون وظيفة موش عارف شو أسوي؟؟؟
يوم اكلم الناس كلهم يعتذرون حتى نوزومي.

أرجــــــــو المساعدة لأني جاعد في هذه المشكله من حوالي 3 أيام.

النوت بوك ممكن يساعدك ، و أنت يوم أنك حطيت الأداة اللي تقول عنها في الجدار ، ما أنفتح لك الجدار و طلع ممر وراه ؟ اذا ما صار الكلام اللي قلته لك فالظاهر أنك ما لقيت السيف و حطيته في الفتحه الثانية في الجدار ، لأنك اذا سويت الحركة هذه ، بينفتح لك الجدار و يكشف ممر وراه ..........
اذا ما لقيت السيف ، بتلقاه في العلبة اللي في غرفة التدريب ، و مفتاحه في غرفة أبو ريو في الدرج في علبة لونها - على ما أعتقد - أخضر ........ أتمنى أني أكون قد أفدتك ........و شكرا .......

قبل لا تدخل روح اخذ المصباح تلقاه فى الخزانه الى تحت التلفون الى فى بيت ريو وايضا روح للبطاريه (عشان اذا طفىالنور عليك تشحنه )وتلاقيها فى الغرفه الى فيها التلفزيون وبتلاقيها فى الكبت

أيواه الحين عرفت شكرا ياSTRIDER وياkalid والله ماأعرف كيف أشكركم:) :)

و ما يحتاج أنك تشكرنا أخوي ، و أي خدمة ..........