نصائح مهمه عن فاينل فانتسي 10
السلام
=-=-=-
حبيت اكتب ذا الموضوع علشان انصح الاعضاء عن بعض المعلومات عن الاعبين
اول شيء واهم شيء انك تحدد اهم 3 لاعبين ( او اربعه للاحتياط ) عندك
علشان تقويهم وتفضى لهم وتجحد اي احد غيرهم ( تقدر ترجع للباقين اذا خلصنا من المهمين اول )
وانا اللي انصحكم فيهم هم
تايدوس
يونا
واكا
=-=
ووللاحتياط اورن
=-=
يمكن اغلبكم يقول عني مجنون حاط اورن احتياط بس انا اقولكم ليش بالترتيب
=-=
تايدوس :
لانك اذا خليت تايدوس خطير وقوي ( طقته توصل 99999 ) يطلع فله اذا جبت الاوفر درايف الرابع
اللي هي يطق كثيييييير بعدين يسوي دبل بالكوره
هذا الهجوم يجنن واذا كانت طقته العاديه تجي 99999 فتقريبا طقته بالحركه بتجي 91999 اما في لعض الحالات 80356او بين ها الرقمين
يعني زين مره
وبتستفيد منه بالمويه بعد لانك ما تقدر تحط الا تايدوس وواكا وريكو
=-=
يونا :
اول واهم سبب
علشان الايونات
يعني اذا قويت يونا يقون كل الايونات
والايونات مهمييييييين مره ترى
يعني يونا تطلع تقريبا كأنها 7 لاعبين ( او اكثر )
وترى انصحك تدور على كل الايونات السريه لان يونا بدونها ولا شيء
=-=
واكا :
طبعا لانه بالمويه ولازم يساعد تايدوس
واذا كان قوي :
الاوفر درايف الثاني حقه ( واللي انا اعتبره الاقوى بالشريط )
اللي يقولك كم مره تبي تطق الوحش
فاذا جبتها
2 2 2
بيطق اكثر من 10 طقات ( اتوقع 13 ) وكل وحده 99999 ( مع اغلب الوحوش :) )
يعني انواع الفله ولا
=-=
طيب اللي وافق يسوي زي طريقتي يمكن يسألني
من وين اجيب ازين الاسلحه والدروع للاعبين ذولا ؟؟؟
وانا اسمي بالله ( بدري ) واقوله :
=-=
تايدوس :
اذا بغيت تجيب سلاحه السري اتبع الاتي ( wow ) :
رح فووووووووق مرررره بالكالم لاند
بتلقي على اليسار مخبى
صعب مره شوفته بس انت رح فوق على اليسار
والصق فيه ( كنك بتطيح ) وبتل وبتلقاه انشاء الله
المهم بتلقى رجال يسد الطريق
لازم تشيله
وبتسالني وشلون واقولك
رح للحرمه اللي تعطيك الشوكوبو ( العصفور الكبير )
واختار
ليت مي ترين ون
وبتتحداك بكم شيء سوهم كلهم
لين ما تبياريك الحرمه بسباق صعب
لازم تفوز عليها
اذا فزت عليها ارجع للمكان اللي فيه رجال ساد الطريق بتلقاه راح
ادخل وخذ اللي تحت
بتستاااااانس انت
بس اذا دخلت على السلاح تشوف الابيليتيز اللي فيه منتيب لاقي شيء
يمكن تستغرب
ويمكن تلعني
بس قبل ما تسوي شيء من هل الاختيارات اقولك لازم تطور السلاح تطويرتين علشان يطلع افضل سلاح بالشريط
واذا بغيت مكان اول تطويره
رح للمكان اللي باريت فيه يونا ليسكا ( المفصخه اللي تبياريك 3 مرات متتاليه )
بتلقى درج قدام
رح له
بيوديك مكان نفس اللي انت فيه
بس فيه فرق صندوق ورا
ارجع وخذه
وهذي التطويره الاولى
اما التطويره الثانيه
ارجع للكالم لاند وكلم ذيك الحرمه اللي راكبه شوكوبو
واختار ليت مي ترين ون
واختار اخر شيء
ولازم تفوز عليها والوقت اصفار
صعب مره
بس لازم
واذا فزت عليها بتعطيك التطويره الثاني
وبعدين اقولك وش لون تطور السلاح بس خل نخلص من واكا ويونا
=-=
يونا :
رح للكالم لاند
ولف يميييييييين مره
بتلقى مكان ادخل فيه
بتلقى رجال شايب واقف عند باب وراه تسجيل
كلمه واشتر منه اسلحة للصيد
ثمن اطلع برى ( ارجع للكالم لاند ) وصد كل الوحوش فيها
وارجع للشايب وبيعطيك السلاح بصندوق
التطويره الاولى :
ارجع للبيسايد عند الشاطئ اللي بغى تايدوس يشيل وجه واكا فيه
ودور صنودق هناك وتلقاه ( نسيت مكانه بس اتوقع انك لازم تطب بالمويه وتدوره فيه )
المهم اذا لقيت الصندوق خذه
التطويره الثانيه :
رح للكالم لاند
واركب شوكوبو
وانزل تحت مرررررررررررره
كنك تبي تطلع برى الكالم لاند
بس لا تطلع
وبتلقى ريشه على الارض
اضغط عليها
وبيوديك الشوكوبو لمكان قدام شوي
انزل منه وامش طوالي
وبتلقى جسر طويل امش معه لين ما توصل لمعبد
بتلقى فيه حرمه قد باريتها من زمان
بارها ثانيه وفز على كل الاليونات
( لين ما تسوي لها سند )
وبتعطيك التطويره الثانيه
=-=
واكا :
فز بالدوري اول مره
ثمن ارجع للقاعه الرئيسيه للملعب
وامش تحححححححححححت
وبتل بتل
لين ما تلقى مقهى
كلم الحرمه راعية المقهى
بتعطيك السلاح
التطويره الاولى :
ارجع للقاعه الرئيسيه بالملعب
وامش فوق على اليمين
بتلقى غرقه ادخلها
بتلقى فيها لاعبين فريقك
المهم بتلقى غرف صغيره على جنب لتغير الملابس
اضغط عندها وبينقتح واحد ويعطيك التطويره الاولى
التطويره الثانيه :
لازم تفوز بالدوري وتلعب كثير ( قد قريت انه لازم تلعب 250 مباراة بس منيب متأكد )
=-=
والحين بعد ما جبت الاسلحه والتطويرات وشلون اطور السلاح
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
رح للمعبد القريب للكالم لاند ( اللي تكلمنا عنه عند سلاح يونا )
ولف جمبه على اليمين
بتقلى شوكوبو
اركبه وتبارا فيه
وحاول تفوز ( سهله مره )
وبيعطيك شيء اسمه ميرور اتوقع
المهم ارجع للكالم لاند
وانزل تحت لين ما تطلع من الكالم لاند
بتلقى نفسك في غابه
بتل طوالي لين ما تلقى حرمه وجمبها ولدها كلمهم كم مره
ثمن ارجع ودور مكان فيه 3 رجال تكلم مع اللي على اليمين لين ما يروح
ثمن ارجع للحرمه وبتقلى ولدها راح
رح يسار بتلقى طريق لونه ابيض ويلمع
امش فيييييه
وطووول
بتلقى الولد علي اليسار كلمه كم مره
ثمن رح وارجع لين ما يروح ( يمكن يطول شوي بس ما اتذكر وش لون خليته يروح )
المهم اذا راح ادخل من نفس المكان اللي هو كان فيه بتلقى شيء زي الحجر يكلمك
استخدم الميرور
وبعدين بيقولك تبيني اطور سلاح من
عطه سلاح تايدوس مرتين
وسلاح يونا مرتين
وسلاح واكا مرتين
ونصير خلصنا منهم
=-=
طيب يا عزوز وشي مميزات الاسلح
والله متعيجز اشغل السوني واشوف علشان كذا ابي انسخها من احد الاخوان اللي في المنتدى وانا حافظ موضوعه عندي بالجهاز يعني والله ما اعرف منهو
المهم
الابيلتي حقت السلاح السري للتايدوس هي :
1.يعبر العدد 9999 .(للضربة)
2.يزيد اليميت (الاوفير درايف) ثلاثي.
3.counter evade..التجنب ثم الضرب
4. Magic Counter الضرب اذا ضرب بسحر.
اما يونا :
مميزات السلاح:
1.يعبر الحد 9999 (للضربة)
2.ثلاثي الوفير درايف يزيد.
3.دبل AP بعد المبارات (القتال)
4.اي سحر ياخذ واحد MP.
اما واكا :
مميزات السلاح:
1.عبور الحد 9999 (للضربة)
2.ثلاثي الاوفر درايف
3.دبل AP
4.تجنب وضرب ...Evade Counter
=-=
اسماء الاسلحه :
تايدوس :
Caladbolg
يونا :
Nirvana
واكا :
World Champion
=-=
طيب والدروع يا عزوز ؟؟
والله يا اخوي ما فيه دروع سريه باللعبه
بس كل ما كثرت الفراغات بدرع حبيته اكثر
علشان كذا اكثر درع احبه هو اللي فيه 4 فراغات
لانك تقد تستغلها بشياء زينه زي
بريك hp ليميت
يعنييي يخلي الاتش بي فوق الـ9999
و بريك ام بي ليميت
يعني يخلي الام بي فوق الـ 9999
بس هذي موب مهمه مره
وبعد فيه اشاياء حلوه زي
اوتو بوندك داون
يعني اول ما يموت احد من الشخصيات يقومه بدون ما يحتسب من الادوار
واتش بي + 30 %
هذي من اهم الاشياء للدروع ( اللي تذكرتها )
=-=
بقى شيء يا عزوز ؟؟؟
ايه
طريقة قتال اي وحش والفوز عليه انشاء الله
=-=
قبل ما تبدى القتال حط طريقة الاوفر درايف كارمد
يعني اذا احد طق خويك يتعبى الاوفر درايف حق الثانين
وحاول انك قبل ما تبدى تخليهم جاهزين للاوفر داريف
( مهوب مهم )
المهم اول ما تبدى حط هاستاج
واذا كان لك دور بعدها حاول تحط لهم اوتو لايف
وابدا الطق وببركة الله
ودايم خل آخر طقه لليونا علشان تنادي استدعاء وتقاتل فيه لين ما يموت الاستدعاء بعدين تصير الادوار للاعبينك
اقعد قاتل ثانيه لين ما يجي اخر دور وطلع ايون وسو زي اول مره
ولازم تراعي اذا مات احد لاعبينك انك تسوي له هاتس واوتو لايف ثانيه وولاهميه
وهذي الطريقه تعلمتها من اخوي صقر الالعاب
بس تراها حلوه
=-=
مشكور يا عزوز
العفو
=-=
واي احد عنده سؤال يااااااااااااامر واحاول اجاوب عليه انشاء الله
