تعالو وشوفوا بالله مثال لشباب السعودي
بداية القصة أني كنت بمدينة جدة لزيارة (المدينة )بتمشى يعني لايروح بالكم بعيد مو لأحد ورحت هالمرة من زود الفسقة (البذخ)باللغة العربية لحالي المهم أني سكنت بفندق وقررت أن أول زيارة أقوم فيها تكون لسوق حراء اللي بشارع حراء اللي جنب.......................(مادل)
بس أكيد مافيه أحد من اللي يروحون جدة دايم زي حالاتي مايسير علية
;-)
المهم بعد عناء ومشقة ومن توصيف من الليموزينات وصلت للسوق وأول مادشيت المواقف الا اوووووووووووووووووووووووووووووووووووح
ربطت بريك تدرون ليش لأن فية غزلان (بنات )يعني يتعدون الطريق (سويت فيها أخلاق)مادروا لو أنه شين وش يبي يصير له كان والله ...............
ماعلينا المهم وقفت الموتر وجيتك نازل مشخص بخل السوق الا يوم بدت حالات متكررة من العطاس والقحة (من الفريزر اللي حاطيناه عند الباب)قصدي التكييف اللي جوا السوق والله يجيك هواوي (يارضي هدي ماعليكي قدي) يتمخطر داخل السوق .
وأثناء الجولة التفقدية شفتي لي ثنتين (مالها داعي )بالتفاصيل كلكم تعرفون وش أقصد
وقلت ليش ماأجرب وأرقم ياولد أنت ناقصك شي عرضك عرض هالشباب اللي يوزعون كل يوم دليل تلفونات مجانا :!
(من زين الحلايا طبعا) والله يجيك هواوي بيحتك ويتقرب طالبا الود من الغزلان وأنا أتلفت لا يشوفنا السكيرتي بعدين ننطق على هالكشخة مالها داعي ( ولو أني متعود ) بس ذاك اليوم مابغيتها ...........
والله وبدت حالة من ااشارات ومن الغمز واللمز المتواصل حتى بدينا نفهم على بعض (بعرف وشلون بالسعودية وكننا بالصين بلغة المغازل )
ومادريت الا انا أتجرأ وأقول ممكن تفتحين ir(دعاية لنوكيا)
والله يوم ضحك الغزال وهو يشر براسة ويلعب بجوالة وأنا أفتر راسي ماعاد الا أطيح غشيان (أول مرة أنعطى وجة ) الحمد لله كسرت القاعدة اللي تقول مو أهم شي الزين (أهم حاجة الاخلاق) عااااااش مصرف
والله مادريت الا نغمة الرسالة جتني وفيها الرقم يشر :D
وأجي طاير طالع من السوق للسيارة علشان أجلس وأكلم براحتي (مسوي فيها)
والله وأتكي بالسيارة وأشغل المكيف من زود الترسيم والله
وأتصل على الرقم
(عفوا ان الرقم اللذي طلبتة لايمكن الاتصال بة الان )
لا لا لا أكيد من الابراج مو من الجوال مقفل
مرة ثانية
طوووووووووووووووووووووووووووووووووووووووووووط
أشوى مسك
طوووووووووووووووووووووووووووووووووووووووووووووط
أحم أحم
الو
هلا فيك من معاي
أفااااااااااء ماعرفتيني أنا اللي ..................
أوووووووووة لا عرفتك
طيب حنا طلعنا ورحنا للبيت ممكن تلحقنا هناك
ماأمداني أسمعها الا انا ناط بالشارع (مكيم يعني) طاير مع الوصف
والله الا ان بوسط الحارة عند البيت اللي باللفة الثانية رقمة .............
والله وأجيك وأتصل طوووووووووووووووووووووووووووط
هلا انا هواوي موجود ألحين قدام البيت
هلا هلا
دقيقة ونازلة
يؤيؤيؤ
ماصدق بالسرعة هذي
والله وأنا خاش بالأحلام الوردية الا القزاز يطق (طق طق طق)
وأنتبة كذا وأتعدل بالجلسة تدرون وش شفت
الا ذاك الآدمي من مقاس البقر حجم البعارين
خير أخوي
أي خير وأي طير أيشبك ياواد على محارمنا أنيتا ماتستحي على وجهك
أنا مامداني اتكلم الا شي جاي بسرعة وصافقني على وجهي لا تخافون مو كف (بونية على العين اليسار ) وهاتك ترفس مايمديني أتنسم الا ضربة من هنا ومن هناك وبالأخير خلاني بس قلت السيارة أجار الله يخليك لاتجيها
هيا أتقلع ولا أشوفك معتب حارتنا تاني مرة
ومن الحارة للمستشفى وأنواع العلاجات والمغذيات وحالة الله لايوريك
وقررت القرار المهم .............. تدرون وشو
أني أحجز على أول طيارة وأعود للرياض أصرف (أرجع مكسر ولا ارجع بتابوت ) هذا اول يوم أجل وشلون لو بكمل باقي الاجازة وفعلا اول طيارة وانا طالع عليها بعكازي ويدي ضامها على صدري بحنان (معلقة برقبتي يعني):"
أتمنى أنكم ماتتعرضون للمواقف هذي مثلي واللي مر فيها لايعيدها ثاني مرة
مع خالص تحياتي
أنا بنتظار ردودكم ومشاركتكم معااااااااااااااااااااااااااي
هواوي::cool: :D :cool:
