عرض للطباعة
هالموضوع انعرض من قبل..
وفكرته مب يديدة..
لكن الموضوع القديم كان عن الرسم ببرنامج الرسام اللي يي مع الويندوز
هالموضوع..
ارسم على الفوتوشوب بالفارة..
خبص ولبص وحط الرسمة :)
مب لازم تكون دقيقة وتحفة..
وما تاخذ وقت طويل علشان ترسمها..
صح؟؟؟ :D
وهاي مشاركاتي..
بعضهم عرضتهم من قبل وبعضهم يدد..
وبارسم غيرهم بعد انشاءالله
بس اتمنى نجوف مشاركاتكم انتوا بعد
وهاذي وحدة بعد..
مياو :p
يم يم يم
هاذي عاجبتني وايد..
طلع ويه الولد عدل :D
هذي يديدة :o
حلو الموضوع حلو...
حلوه الرسمات وأحلى وحده الاخيره..
مالاحظتي شي خلود في رسمة الولد !!! أول مره تضبطين شكل ولد عدل
:6 العاده كلهم بيشونن.. ههههه
والله حرام كان عندي فوتوشوب 6 لكن رجعته حق رفيبجي ومسحته من كمبيوتري.. وكان عندي فوتوشوب 5.5 لكن أخوي الللللذكي عمل ريستور للكمبيوتر ومسحه بعد.. والله أني هاوشته هواش ذاك اليوم..
بس ألحين أنطر أقرب فرصه أركب فيها الفوتوشوب وانشالله باشارك ولو بأي شي بأي شي...
إيه بعد عندي سؤال أورانج رود: عالرسمات رسمتيها بالماوس ولا بالقلم الضوئي؟
وهذي بعد :)
بالفارة يا رانما
القلم الضوئب اخترب من زمانوما عندي وقت اروح اصلحه :(
معليش.. انشاءالله اعدله وارجع ارسم والون فيه..
عاد لازم تحاولون تشاركون.. :)
السلام عليكم
الموضوع حلو و أتمنى أنه يعطي المنتدى آبل أوف لايف (بعدني تحت تأثير الفامبايرز)حلاوتها:D المهم.... أحب أرسم على الفوتوشوب و عندي كم رسمة قديمة راح أعرضهم و على فكرة رسمك يا اورانج رود حلو أوي و أتمنى الجميع يشارك و لا يتردد.....
السلام
و ديه كمان علشانكم;)
وااااااو ما شاء الله عليج ...
رسمج بالفوتوشوب حلو مرّة ...
شكله ما أخذ وقت بكثر ما أخذه ألوكاردراكولا ...
عمومًا رسمج بالفوتوشوب له نكهة خاصّة و حلو ... :D
بالنّسب لــ ألوكاردراكولا ...
رسمك وايد دقيق و حلو ... و ... .. .. و روعة:واو: .... ياخذ العقل والله ....
و ما يتصدّق أنّه بالفوتوشوب .. ( الرسم أقصد )
الوكاردو..
شنو هالرسم ذي؟؟
روعة..
رسمته بالفارة او بالقلم؟؟
وتقول عن رسمي حلو :(
تتطنز حضرتك :غضب:
اكيد.. يحق لك
ار بي جي بوي..
شكرا على المديح..
يللا عاد شاركو معانا في الموضوع..
السلام عليكم
هههههههههههههههه:D والله أنك ضحكتيني يا أورانج رود ضحكة ما ضحكت مثلها من زمان الله حلوة منك و حلوة أوي تدرين ليش أنا أضحك .. أضحك على (ألوكاردو ) خوش كلمة هذا بالياباني أسمه كده ينطق .........
آسف على هالضحكة الطويلة بس المهم
راسم هالرسمتين بالأداة لاين تول ,و أستخدم بوليجونال لاسو بس أكثر شي لاين لأنه أدق بكثير ما كان لي تجربة مع القلم لأن ما شفته ينباع أصلا لذلك تدربت وايد على الفأرة و يعجبني و يريحني الرسم بالفأرة لكن وقفت عن الرسم بها من زمان و موضوعك هو الي ذكرني بالرسمات دي و هي قديمة على فكرة لو تلاحظي تلويني تغير لأن هذا الأسلوب يعتمد على أدوات عورت راسي وقتها بس لا تخافين تعرفين ليش لأن هذي الرسمات أخذت الوحدة فيهم تقريبا ثلاث ساعات من الجهد و التركيز .....ما علينا شكرا على التعليق الجميل جدا والله أنه حلو جدا لأنه ضحكني:D
اطمئن يا آر بي جي بوي مثل ما قلت رسمهم احتاج وقت و تركيز و مراس على الأدوات الي في الفوتوشوب و في النهاية أقول لك صدّق أنهم بالفوتوشوب لأن في محترفين يسوون الدواهي بالبرنامج و رسمي تحتهم مخربط بس ما علينا شكرا على التعليق i appreciate it
يالله خلّوني أعرض الباقي أوكي ؟؟
ثينكس
السلام
و هاي راسمها بس بالبوليجونال لاسو دي بالذات ما طوّلت فيها لأنها مش أوي بس حبيت أعرضها:)
:D :D :D
هذي لا تعليق عندي لها غير أنها باللاين توول
لا كل شي الا الرسمة هذي لأنها تذكرني بأول ما بغيت أسوي كوميك:"
ما علينا ان شاء الله تعجبكم
حظّي أن النسخة الغير ملّونة من هذي الرسمة لا زالت عندي شوفوها مع الي بعدها
أما هذي هي النسخة الملونة و هذي الرسمة هي أول رسمة رسمتها في الكمبيوتر على وجه الإطلاق و كان أول انجاز بالنسبة لي و كنت فرحان موت أن قدرت أرسم في الكمبيوتر و ألوّن بهالطريقة و عمر الرسمة تقريبا ثلاث سنوات ....ذكريات:" لا زال لها صدى في فؤادي:"
احم المهم ايش رايكم:D
ماشاء الله ضربتم على الوتر الحساس لدي
كيف ما انتبهت للوضوع حلو جذي
المهم هذه مشاركتي في الموضوع
روايه رسمك وايد حلو هل تستخدم قام الكتروني مثلي
وانت بعد alucardracula رسمك روعة
وطبعا رسمك يا orange road حلو مرة لكن الافضل لو تستخدم قلم الكتروني عشان تستفيد من فنك بدرجة كبيرة
http://salmansan.jeeran.com/images/girl.gif
الوكارد رسماتك روعة في الروعة
ممتاز يا اخي
ايدك تنلف بحرير :)
ورسمة موفقة يا الهادئ:) اسلوبك جميل
هل من اخرين؟
:6
اخيرا ....
ذكر الفوتوشوب انا حاولت .. لكن مو وجه كامل ...:)
بكملها واوعدكم اني بحطها لكم ..
الوكارد هالرسم كللللللللللله بالماوس...
:! :! :! :! :!
روووووووووعه ياخي..رسمك واايد حلو.. انا لما شفت هالرسم قلت أنه باليد لما أول مره عرضته.. ترى طلع بالماوس..
فننننناااااااااان صجصجصجصج فننننااااان ماشالله عليك
على هالرسمات صج لازم يبخرونك اليوم ولا تحمل لاتطيح عليك يدك.. لا انشالله مايصير شي
الوكاردو.. ههههههه :D
رسمك روعة... وتقول عنه قديم؟؟؟ ?:
والله روعة..
بس تذكرني بنفسي.. اول رسمة لونتها على الفوتوشوب قعدت اصيح بعدها.. من الفرحة اني اخيرا تعلمت عليه
انشاءالله يتصلح القلم بسرعة
و خرووووووووووووووو
الفنانه رانزي ايتوا جاتكم ...:cool:
هئ هئه ئهئ هئهئهئهه :0)
:أفكر: شوفو هالرسمه ... رسمتها بــــLight Pen
ايش رايكم ....؟؟:#
السلام عليكم
أخويي الهادئ شكرا لك
و رسمتك هادئة و جميلة و ان شاء الله دائما تشاركنا
أخويي شاهين
كلماتك دائما لها مكانة في فؤادي و شهادة أعتزّ فيها و شكرا على التعليق الجميل:)
رانما;)
شكرا على التعليق المشجع والله أن تعليقاتكم حمستني أرسم بالفوتوشوب شي جديد ان شاء الله وشكرا شكرا يا رانما و اوعدك راح أرسم شي جديد مشانك:D
اورانج رود:D
:D :D :D :D الضحكة ما تفارقني اذا ذكرت السالفة من وين يبتي هالكلمة أكيد لعبتي بالنسخة اليابانية تراهم يقولونها:D هناك
شكرا يا أورانج رود على الرد و الضحكة الي ضحكتيني وياها و ألف شكر على الموضوع الجميل و اتمنى الجميع يشارك فيه
رانزي ايتو
رسمة حلوة و لطيفة مع أطيب التمنيات و بالتوفيق
عاد أورانج رود خبرينا أنه في موضوع حلو مثل هذا حاطته؟! :(
يا ويلي أنا هذا وشسمه وشسمونه!! :D
وااالله!! :o
رسومتش كلها حلوة وكل وحدة تنطح الثانية من روعتها! :)
ألوكارد, أنته بعد رسوماتك يعقدون! :)
الهادئ, رسمتك وايد عجبتني وخصوصاً عيون البنت! :)
رانزي, شعر البنت وايد ظاهر طبيعي!! :)
ما شاء الله!
رانزي :غضب:
روحي ما احاجيج :(
سلفيني اللايت بين اللي عندج :D
وايد عاجبتني الخطوط اللي حطيتيها في الشعر..
بس باقول لج..
جوفي.. انتي ليش ما تجربين ترسمي الخطوط السوده على layer
وبعدين تحطين layer ثاني فوقه وتخلينه من نوع multiblity وتلونين فوق الخطوط..
جذي الخطوط السودة ما تختفي من التلوين
رواية..
مدام الحين عرفت عم هالموضوع..
يللا اتوقع مشاركة منك..
مب مثل ناس.. علقوا وما شاركوا
(حد يعرف نفسه لكن للتأكيد هي هاز ا بيج ريد ايز) :D
طبعاُ أورانج رود! :)
ييسعدني أن أشارك في مواضيعتش! ;-)
وهذه هي مشاركتي! :p
توني راسمنها فريش! :D
":"
شكرا رواية على المشاركة في الموضوع..
احسن من المرة اللي فاتت :D
وهاي مشاركة بعد :)
فريش على الاخير
احم احم
ما ادري يمكن انا اللي تتكلمين عنه اورناج ..
المهم انا راح اشارك لكن صدقي انه مو اليوم لاني كلش مشغول بالبيت الحين دشيت ابي اشوف شنو رد جم واحد وطالع وشفت التلميح وحسيت عني سوري على التأخير ...
هيييييه أخيرا رانزي رجعت للمنتدى
وأنا أقول شفيه المنتدى زايد نوره هالايام<<<<<< كأنه اسم.. زايد ولد نوره ههههههه حلوه طلعت
رسمتك حلوه وعجيبه تجاعيد الشعر...
روايه مانقدر نقول عليه شي.. في كل شي حلو
خلود... رسماتك حلوه وماعليها كلام لكن في شي ذابحني من الضحك..
تدرين شنو ؟؟؟
خطوط رسمك.. أتخيل شكلك وانت تحركين الماوس رايحه وجايه ورايحه وجايه لين يطلع الخط... ههههه
رسمتك يا رواية تجنن ... أنت أكيد تستخدم قلم الكتروني مثلي
وانت يا alucardracula
رسمك روعة على روعة
ومن يومها وانا احاول أرسم الرسمة النهائية
بس المشكلة إنها ما هي حلو زي رسمتك بس ......
تراني تعبت عليها وايد
http://salmansan.jeeran.com/images/darien.gif
هذه رسمه رسمتها بالبينت ونقلتها للفوتوشوب ولونتها ابي رايك فيها
يا اورنج رود..
كيربي..
تلوينج هني احلى من الباينتر..
صرت احب كيربي منج.. :)
الهادي..
كان المفروض انك تقرى ردك مرة على الاقل وتفكر 100 مرة قبل لا تحطه
انت شلون تتجرأ وتكتب لي جذي.؟؟؟؟ :غضب:
شنو باطلب منج الزواج؟؟ انت فاكر ان هالكلام يضحك؟؟
والا انت قاعد تستخف دمك حضرتك؟؟
وشنو اخر شي كاتب يا عمري؟؟
شنو السبب اللي يسمح لك انك تكتب لي هالكلام؟؟؟
صدقني كنت افكر اني اوقفك..
لكن قلت احذرك قبل..
مرة ثانية فكر قبل لا تكتب ردود...
وبعد بالنسبة للرسمة اللي حضرتك تعبان عليها..
اكيد تعبان عليها..
تعبان وانت تدور عليها من النت
ولا تقول لي ان ذي رسمك...
لانك لو تراجع رسومك اللي عارضها جوف مستواها وجوف مستوى هالرسمة..
بصراحة وايد صرت اتضايق من موضوع بوق الرسوم..
ولازم نسوي شي بخصوص هالموضوع..
والقهر ان اللي يبوق يتم ويصمم ان هالرسم رسمه..
على الاقل اعترفوا..
لآخر مرة..
ما اسمح لك تتعامل معاي بهالاسلوب..
بصراحه انا مع خلود يالهادي
بكل كلمه
لأن الموضوع جدا سخيف
شنو تعرض الزواج ....
و بمكان عام ....
وصج كلمة عمري مش بمحلها
و تخلي الواحد يعصب ...و يتنرفز ...
إحنا بمجال فن و ما نعرض نفسنا لهاي التفاهات ...
و كلامك بايخ و ما عندك سالفه صراحه ...
و أتمنى جد تحط رسومك انت ...
لأن حرام إلي تسويه .... ناس يتعبون و أنت تبوق ....
وين خيالك وين شغللك ؟؟؟
حرام عليك .... نرفزتنا ياأخي
مب حاله معاك ...
أعتمد على روحك شوي ...
و السلام
انا والله أسف ماكان قصدي والله
عل العموم في إعتذار كامل موجود في قسم الكومكس
أكرر الاسف الف مرة مو 100
وهاي رسومات يديدة على الفوتوشوب..
فريش سخنة..
من الفرن للمنتدى :D
وهاذي رسمة قديمة..
بس حلوة..
ووقتها تعبت عليها..
:)
حلوة يا خلود ،،،
ريلي نايس ( على قولة الأخت RPGgirl;) )
يحليلها !
واو الرّيحة طالعة ...
مشويّة :D !!!!!!!!
لا يا اخ حسين..اقتباس:
الرسالة الأصلية كتبت بواسطة حسين-911
احم احم
ما ادري يمكن انا اللي تتكلمين عنه اورناج ..
لان اللي قصدته..
هاف ا فيري بيج ريد ايز :D
بس بعد انت ننطر مشاركتك
قاعد تتطنز حضرتك؟؟؟اقتباس:
الرسالة الأصلية كتبت بواسطة Ranma Saotome
خلود... رسماتك حلوه وماعليها كلام لكن في شي ذابحني من الضحك..
تدرين شنو ؟؟؟
خطوط رسمك.. أتخيل شكلك وانت تحركين الماوس رايحه وجايه ورايحه وجايه لين يطلع الخط... ههههه [/B]
:غضب:
أنا شفت رسمة الهادي أو بالاحرى الرسمه اللي نسخها الهادي من قبل
والكلام اللي كتبه.. كنت بارد عليه أول شي على كلامه وعلى رسمته اللي واضح 10000% أنها مب رسمته...
ياخي انت متى بتيوز عن سوالفك وخرابيطك..
والله هاذي مب حاله.. يعني انت تقول الكلام وتبي الناس يسكتون عنك..
أنا ادري انت تقول وإذا الناس اسكتوا عنك أول مره بتقولها ثاني مره عبالك أن عادي...
الموضوح جداجداجداجداجدا محرج والظاهر انت مب مستوعب...
وانت بعد اسمحلي يا ( أخ ) الهادي زياده على اللي سويته رحت فتحت موضوع كامل كبير تعتذر عن الكلام.. ماكان المفروض تسوي هالحركه..
أوكي والله صدقني انا أقدر اعتذارك وأنك اعترفت باللي سويته لكن أن تفتح الموضوع ولا وين في منتدى المانجا.. افتحه هنيه يا أخي..
سوري لكن أنا كنت في حالة غضب وسامحني غذا قلت كلام يجرح..
........................
رسمتك الاخيره ياخلود كأنها بالرسام لكن التلوين بالفوتوشوب.. من أول ماشفتها فكرت جذيه لكن الظاهر أنها رسم وتلوين فوتوشوبي نقي..
هاااااي جميعاً
اولاً خلود رسمج روعه و حلو و عجبتني طريقه التلوين راح استخدمها
لانها اسهل لي
alucardracula رسمك وااااااااااااااااااايد روعه :D
الاخ الهادي بالنسبه لك عندي كلمه وحده لك انت انسان بااااااااااااااااااااااااااااااااااااااايخ و ماعندك سالفه صراحه
وبسك بوق و مصختها ...
c y soon all ;-)
أنا ويّاتش ... يا Nicky .... مصّخها الهادي ...اقتباس:
الرسالة الأصلية كتبت بواسطة nicky
الاخ الهادي بالنسبه لك عندي كلمه وحده لك انت انسان بااااااااااااااااااااااااااااااااااااااايخ و ماعندك سالفه صراحه
وبسك بوق و مصختها ...
c y soon all ;-)
لا لا مو هادي و بس .. هادي و بااارد ...
ما خذها بكل سهولة !!
( بس مهما كان الهادئ إنسان له صفات حسنة و له صفات سيئة )
السلام على الجميع
رسمكم وايد حلو
أورنج فتحتي موضوع يطلع المواهب :D
:)
:(
:واو:
:غضب:
أخ الهادي ايش هلكلام
احنا وين قاعدين ما تستحي تقول مثل هلكلام
اذا كانت فاكر مثل هال كلام يمر منية والطريج فنت غلطان وايد حتى مع وجود اعتذار
ارجو منك انك اتحاسب مرة ثانية وتحسن اسلوبك في الكلام
أهلين بــ ريميتّا !!!
أهلاً فيج .. كعضوة في المنتدى !!!
ار بي جي بوي..
ريميتا عضوة قديمة..
:) بس النيك نايم يديد :)
اوووووووووووف فيه ناس في المنتدى دمهم ثقيل على القلب
يا شين غشمرتهم اللي ما اتضحك ?:
الا ما قلت لج اورانج رود سمعتي المثل اللي يقول .....
:oالكلاب تنبح و القافلة تسير
:أفكر: احم احم احم
:D انا بعد احب اتغشمر
;-)
إيييه صج السالفه ترى مب هينه...
ياكثر الامثله الليي تركب على مثل هالمواقف
لكن أكثرها قوي وخشن وماودي أقوله...
بس ودي لو الهادي أنه هالمره جد يعتدل ومب مثل نوعية الناس اللي تقول آخر مره وآخر مره وبعدين ولا كأنهم قالوا هالكلام...
ريميتا وينك من زمان.. نك نيم جديد ؟!! خير وين القديم شصار فيه
لأن أشوف اسمك الحين نفس القديم لكن زياده على نقطتين..
حسّبتها جديدة :o ،،،اقتباس:
الرسالة الأصلية كتبت بواسطة orange road
ار بي جي بوي..
ريميتا عضوة قديمة..
:) بس النيك نايم يديد :)
لأنه عدد المشاركات 1 -_- ...
المهم ولكم باك ريميتّا ;-) .
اهلين أخ اربجي بوي (الاسم حلو..:D )
اهلين رانما ..
اسم يديد :D
الحقيقة والواقع ....
نسيت الباس واضطريت اغير النك
عاد جفتوا الذكاء الخارق :)
ودي كمان :)
أقول لك ذكيه.. زين ريميتا ماقلتي لهم يطرشون لك الباسوورد على الايميل؟؟؟
خلود الرسمه الحلوه كيوووووووووووووووووووت حلوه... وفله جيهتها ولا جبهة فيصل القاسم :0) ههههههه ... حلوه الحق يقال.. وهالستايل في الكيوت وايد حلو....
الرسمه الثانيه نفس الاسلوب.. لكن هلكت وأنا آبي أعرف شهالمخلوق.. هل هو حيوان معين أم مخلوق أم تهجين بين الباندا والكمثرى؟؟ فججي عاد.. هههههه...
أما أنا ماعرف أقعد من غير ماعلق... يدي تحكني ?:
رسمك بسيط كيوت... آآآآخ وين الفوتوشوب
السلام عليكم
أيش هذي الرسمات يا أورانج رود والله الطريقة استغربت منها بس الصراحة كيوت ...والله نوّرت يا أخ رواية و ان شاء الله نشوف لك المزيد من هذا الفن الجميل ..
رسمت رسمة عالطاير و أستخدمت أداة البوليجونال لاسو فيها و طلعت بهذه النتيجة ان شاء الله تعجبكم..:)
بالتوفيق
والله كنت عارفة محد بيتطنز الا انت وانا ارسمها :D
الرسمة الاولى .. لعلمك ما في وجه للمقارنة بين البنوتة الحلوة وبين فيصل القاسم..
فيصل القاسم جبهته.. هي تتمة لصلعته..
اما هالبنت عليها سندوح عدل.. :D
شلون عرفت ان هالباندا كانت امه متوحمة في كمثرى؟؟
اول مرة اعرف ان عندك قدرات استنتاجية رانما...
ههههههههه :D
:o لما رسمته حالوت اني احصل على باندا ملظلظ.. هو كان ملظلظ بس سوى رجيم..
عندك مانع :غضب:
شكرا الوكارد.. بس انت رسمك يبط الجبد..
وايد حلو على الفوتوشوب..
وتقول على السريع بعد :(
اذا هاي الرسيع عيل البطئ شنو؟؟
الشعر وايد عجبني.. حاسته ناعم.. :D
احم احم
اول رسمه فوتوشوبيه ..
شاسوي أورانج رود ماعرف أسكت تحكني يدي صج...
لكن أقول من صجي الحين... انتي ليش غيرتي عن الاسلوب الاول...
لايكون لأني علقت وقلت أنك ترسمين بالماوس ( رايحه جايه ) على الخط...
والله أتوقع أن هذا هو السبب.. ماعليك الاسلوب السابق بالنسبه لي أحلى..
.............................................
الوكارد تقول عالسريع... ااااااااهههههه منك.. رسمه تهبل وتهوس
الشعر ( مو معقووووووووووووول :! :واو: :! :واو: :! )
سويته بطريقه.... شاقول يعني.. والله رسمه رهيييبه
حسين.. وأخييييييييرا رسمه جديده لك.. تصدق أنها تذكرني بنفسي لما.. بلا فضايح..
وشي أخير.. ابشركم انشالله بكره باستلم ديسك الفوتوشوب.. انشالله وبحاول اعرض شي وبتكون فرصتك ياخلود أنك تنتقمين.. ;-)
السلام عليكم
آسف يا أورانج رود و رانما تره مو قصدي على السريع لا لا تره اذا قعدت أرسم رسمة من غير ما أستعد و أخطط لها أسمّيها على السريع لكن هذه الرسمة أخذت وقت و جهد و لكن ما كنت حاط ببالي أرسم شي وقتها بس كمّلتها علشان أشارك معاكم و أكرر أسفي و على العموم شكرا على الردود و لا تزعلو منّي أرجوكم:":
السلام
يعني اخيرا يبت الفوتوشوب..
خايف من انتقامك على القصص اللي سويتها عليك
:"
صدقت عاد؟؟ :0)
اخ حسين.. مشاركتك اخوي وايد بسيطة..
توقعت شي شوي معقد اكثر :)
عاد كله كوم.. والعروج الحمرة اللي في العيون كوم ثاني
شكرا لانك شاركت معانا.. :)
ليش تتأسف اخوي الوكارد؟؟
ما صار شي :)
الحمد للهاقتباس:
الرسالة الأصلية كتبت بواسطة orange road
ليش تتأسف اخوي الوكارد؟؟
ما صار شي :)
و شكرا يا أورانج رود
انا أقرا رد الوكارد وعيني :! مادري عن شنو يتكلم
قريت الردود اللي في الموضوع كلها ادور على سبب لهالكلام مالقيت...
مافي شي تتأسف عليه أخوي...
شكرا على كلماتك رانما الي ريّحت قلبي و الحمد لله و ان شاء الله ما في إلا كل خير دائما و شكرا مرة أخرى ...اقتباس:
الرسالة الأصلية كتبت بواسطة Ranma Saotome
انا أقرا رد الوكارد وعيني :! مادري عن شنو يتكلم
قريت الردود اللي في الموضوع كلها ادور على سبب لهالكلام مالقيت...
مافي شي تتأسف عليه أخوي...
و السلام
سلااااااااام :D
ابي أشارك معاكم ....بشيء سخيف ...
بس إسمه مشاركه ....
و الحين بأروح أراجع للإمتحان ( فاضيه ههههه)
:D
و على فكره
مشاركاتكم حلوه ;-)
تابعوا
السلام عليكم
يالله يا فطوم نبي نشوف وايد من رسوماتك الحلوة الي كدة بس لا تاخذي بكلامي وايد الإمتحانات اهتمي فيها و بالتوفيق ان شاء الله...
فطووووووووووووووم :غضب:
حتى في الاستعباط غالبتني..
خلي لي شي واحد اسويه احسن منج...
مللتيني :"
احم احم مصيبتي مو رساك كثلكم ماشاء الله
اللااااه!
رسوماتش يا أورانج رود كل وحدة تنطح الثانية من حلاتها!
وانتاجكِ وايد غزير ما شاء الله! :)
قصّة: غزير؟ :أفكر:
قصّة: إسبح فيه! :D
رواية: أتنكت حضرتها الأخت! :o
قصّة: ... ... ... ؟ http://www.plauder-smilies.de/evild.gif
رواية: رسمت البنت اللي ماسكة الدبدوب وايد حاسس مضبوطة رغم الخطوط ذات التكستشر الطفولي! :)
وأم شعر أحمر وجهها وايد "سمبلستك"!
الظاهر الإبتسامات أمأثرة عليتش وايد! :D
قصّة: كلنا متأثرين بالتعابير مو بس خلود! :)
رواية: والصيادة! :)
قصّة: خلها لي! :o
قصّة: الصيادة يا خلود هي, في الحقيقة والواقع! وكما أن العالم يشهد! أن خطوط التواتر الذهني لهو في حقيقة الأمر ينعكس من منظور أساسيات الإبداع! فنلاحظ أن!! فنلاحظ أن شووو؟! قولي شوو! :o
قصّة: هاه! قلتيلي شو! فنلاحظ أن التلوين المطلق لحدود اللا معقول, يتبوتق في نظريات الفكر الأمثل للرسم المركزي في تشكيلتها الفنية من حيث المبدأ والأساس! :o
قصّة: فنلاحظ أن الرسم كمفهوم, ينطلق من مخيلة الفنانين أو المبدعين, في نظريات التمثيل من خلال فرشات التحليل! ... ومثال على ذلك بيكاسو طبعاً!! :o
قصّة: وااا... ! :o
رواية بس! رحمينا! ?:
قصّة: لحظة آخر شيء؟؟
قصّة: الإكس اللي في عين السمكة جذبني! :p
رواية: بعد كل اللي قلتيه! هذا اللي جذبتش؟! صدج فلته! :D
خلود, أم رباط فراولة أذكرني بمسلسل "توتة في المريخ"! :)
ورسمة الباندا بعد وايد هادية "وباردة"! ما أعرف كيف! بس هي جت في بالي تشذيه! :D
الله يعطيتش العافية! :)
كيربي64! رسمتش لكيربي رغم بساطتها, إلا أنها تبدو مرسومة من قِبل الرسام الأصلي! ما شاء الله عليتش! :)
الوكاردراكولا, رسمتك جنان والشعر جنان وكلها على بعضها جنان يا فنان! :)
حسين رسمتك وايد جميلة, بس ليش حاطط خطوط عروق حمراء في بياض العين؟
غريبة!! :)
وأخيراً فطوم! رسمتش وايد كيوت وبسيطة!
شدي حيلتش في الإمتحانات! :)
وحياكم.
سلاااااام :D
شكرا لردودكم كلكم :)
alucardracula
و
خلود
و
حسين
و
روايه
و بشد حيلي :"
و مع شيء يديد :D
حلوة رسمتج يا فطّوووووووم ...
رغم الخطوط البسيطة ...
غير انها معبّرة و حاوة و جذّابة !!!
;)
فطوووووووووووووم :غضب:
اكرهههههههههههههجججججججججججج :"
بس.. :0) هذا ردي
وهذه اول رسمه رسمتها بالفوتوشبو ورسمتها بس علشان هذا الموضوع
(ادري انها بايخه)بس هي اول رسمه لي ابغى تعليقاتكم ..
شكرا أر بي جي بوي :D
كلامك يشجع ...الصراحه
و شكرا خلود :D
ههههههههههههههههه
و كيربي
الله يهداج بس
اتييييييننننننننننننننن
طالعه كيوت تابعي بس ...
:D
شكرا لعى رايك فطوم:) راح ارسم غيرها شكرا على التشجيع..:Dاقتباس:
الرسالة الأصلية كتبت بواسطة fatoom
و كيربي
الله يهداج بس
اتييييييننننننننننننننن
طالعه كيوت تابعي بس ...
:D
هذه وحده بعد ابي رايكم^_^
حلوة يا كربي !!!
الرسمة حلوة و الألوان أحلى !!;)
Hello people, here's another photoshop drawing which is actually one of the first drawings that I've put time into
I know it's not that good, I think it's bad so tell me how bad it is and that will do fine
:D : D
Until my next drawing (maybe in 2222 :D ) Goodbye...but
not...forever
حلوة الرسمة اخ Cool_Maxi..
وايد عجبتني الخطوط اللي سويتها
وشلون انها تكون ضعيفة من جهة وبعديت تمتن من ورا...
وايد حلوة... :)
الظاهر ان الاعضاء نسوا الموضوع
(تصدقون حتى انا نسيته :# )
الحين بس تذكرته...
وباشارك فيه انشاءالله مرة ثانية...
Wow, thanks a lot orange road and I am looking forward to see your next drawing
Keep up the good work and please make montada.com a safer place for us!? OK
;-)
السلام عليكم
ايش هذا يا كوول ماكسي و أخيرا قررت تشاركنا
أنا متأكد أنك تعرف نصيحتي تابع و تدرب و أي نصيحة في الفوتوشوب أنا حاضر و رسمتك موفقة و بعد التدريب بتصير على ذوقي:D المهم أنك شاركتنا و خلني أشوفك عاد لا تطوّل الغيبة أي واحد يحب الفامبايرز عزيز على قلبي و حتى ماكسي (الحمد لله أنه رجع في سول كاليبر 2:D )
و بالتوفيق يا ماكسي..
أورانج رود اي والله الموضوع شوي راح عن بالي تدري شلون ان شاء الله الله يقدّرني و أشارك معاكم برسمة و نترقب منك يا أورانج رود الرسمة و بالتوفيق..
رسمة بدون فوتو شوب:cool:
لوسمحتوا...
لحد يطلع عن الموضوع :غضب:
السلام عليكم
و هذي مشاركتي مثل ما وعدت الله قدّرني ان شاء الله تعجبكم...بالتوفيق
السلام عليكم
أمس الي أخذ تفكيري هو موضوع الكوسبلي و ارسم على الفوتوشوب
و الحمد لله طلعت بنتيجة و ان شاء الله بشارككم بها ....
و السلام
ما شاء الله عليك يا Cool Maxi ... !! وأخيرا رسمه حلوه منك ;) !!
لا لا نريد المزيد من الرسمات منك (( لأني ما أظن انّي راح أعيش حتى 2222 )) :D
ورسمتك با ألوكاردراكولا عجيبه!!!
أسلوب رسم الشعر مبتكر جدا!! (( راح أقلد هالحركه ههههه :6 ))
رسمك متقن بصراحة ;)
وراح أشارك قريبا ان شاء الله ...
الوكارد..
ما شاءالله عليك.. وايد مبدع اخوي...
انت رسمك شي.. سواء على الكومبيوتر او بالقلم..
:" انت ليش تبي تسوي لي احباط.....؟؟؟
خلاص.. ضميتك للقائمة الطويلة العريضة اللي مسويين لي احباط.....
Hi evereyone
Wow, alucardracula and Reflex are commenting on my drawing?? and saying it's good?! Thank you guys you turned the tears of sadness :" into a face of pure happeness :D
alucardracula: your drawing is way too cool, keep drawing
Reflex: we eant to see your drawings on photoshop...so can you give us something
And about next drawing, well you asked for it and it's your lucky day, I just finished another drawing and I hope that'll you will like it
Goodbye all and thanks again
:p
السلام عليكم
يا هلا بريفليكس و ردود ريفليكس و أخيرا رجعت شكرا على كلامك الجميل و خذ راحتك اهم شي تشاركنا و انتظر مشاركتك بفارغ الصبر...
اورانج رود:D يا اورانج رود انا واحد فاضي شوي و استغل كل الفضاوة في الرسم و دائما أحاول ابتكر اسلوب سواء في التلوين او الرسم و لكن لو تعرفي أن بسبب موضوع ارسم على الفوتوشوب استفدت وايد حتى حركة الشعر ابتكرتها حديثا بسبب الموضوع و تشكري الصراحة لك يعود الفضل ,شكرا على ردك الجميل :D و ما عليك منّي تره أنا واحد فاضي شوي:)
موفقين.
السلام عليكم
الظاهر يا كول ماكسي ان اثنينا كتبنا رد في نفس الوقت ولذلك ما شفت الرسمة الجميلة و ردك الجميل
اسمع تعليقاتي:D شي ما يطمّن:D
اعجبتني الرسمة أكيد ذئب يذكرني بقصر و قصر يذكرني بحبايب و حبايب اذكر العم فلاد و ابنه حبيبي ألوكارد ..:D
انت الآن قمت بخطوة اعجبتني و هي انك تظلل و مع الوقت أنا متأكد أنك راح تتقنها أهم شي واصل على الطريق و التطور بيقابلك عند أقرب محطة ثق فيي هو دائما موجود بس خلك على الطريق...;)
تبي نصايح أنا حاضر و موفقين.
رسمك فظيع يا كوول ماكسي
ههههههههههههههههههههههههه
مضحك كوميدي :) تعجبني التأثيرات وحركات الفوتوشوب
مع اني ما اعرف كيف انت رسمتها
ورسمة الوكارد حلوة وايد وخاصة ان الشعر بطريقة مغايرة هذه المرة:)
الى الامام يا الوكارد وماكسي:D
Hi, I hope you're all doing well
First I'd like to thank the people that commented on the drawings and I say to them (you've made my heart happy) . Second of all, I'd like to tell you that I drew these drawings via using the pen . graphics tablet which made it easier for me to draw, then I've done the coloring and added a few minor tricks (in the second drawing). That's the whole story, nothing more, nothing less
:D
Thanks again, until we meet again, Goodbye for now
;)
حلوه السلحفاه :D
عجيبه :D
ضحكت عليها :D
ههههههههههههههههههههه
هاذي سلحفاة :واو:
تخرع....
ههههههههههههه...
الحمدلله ان للحين في مشاركات في موضوعي...
غريبة رسمتك رواية :)
يوم ترسمون على ف.ش
كيف
1_تلوين العيون
2_التظليل
3_تلميع الشعر
4_توضيح الخطوط الخارجية
?: ?: ?: ?:
أعتقد في مشكله بعرض الصور !!?:
وهالمشكلة دايما تتكرر؟؟؟؟ :"
ليش هالنحس؟؟؟؟؟
:" إهيء إهيء إهيء
مايصيير ما عندي فرصه بعدها عندي
إمتحانات إسبوعين و كله مشغوله
:" حرااااااااااااااااااام :"
وهاي مشاركتي السريعه جدا جدا جدا
ههههههههههههههههههه
زامبي زامبي ههههههههههههههههه وايد حلوه :D
وانا أشوفها أبتسم و أضحك حلوووووه
فعلا فعلا تطور رسمج بوقت قياسي زامبي
:) أحيي فيج هل الروح إلي تبي تتعلم
دايما شوفي إلي حواليج و إستفيدي ;-)
و لا توقفين لأي سبب ;)
فاهمه :)
تابعي الله معاج ;)
:)
أصلاً هاي أهم شي فطوم أشوف البسمه على وجوهكم هههه:0)
وإليكم بعد رسمه سريعه بس أبطأمن اللي قبلها:p يعني على الأقل هاذي خذت لها 10 دقائق:-)
يا سلام يا زامبي!!
ههههههههههه
رهيييييبة!
السيدة كعك!! أو الآنسة فطاير!! :p
مادري ليش تذكرني بالأكل! :D
بس وايد حلوة وظرييييييفة! ;-)
وأحلى ما فيها خدودها! :)
:D
عاد هاي لها كلام ثاني!! :p
كأنها في الديسكو!! :cool:
الأنوار الصفراء والضلام المتقطع!! ;-)
لا لا لا أحد يفهمني غلط! أنا ما أروح ديسكوهات! :)
أنا مو مال هالسوالف!! ;)
زامبي الشعر الأشقر راكب مع الفستان الوردي!! :D
والعيون الزرق!! ;-)
"تيبيكال"!!! :p
حلوة حلوة وننتظر زيادة (زيادة أخت زياد)! :)
هههههههه
قصدي المزيد طبعاً!! ;)
حياتش! :)
شكرأ روايه على التعليق ولين ياتني أخت زياده ان شاء الله بقهويها وبخليها تزوركم بالمنتدى هههههههه:D
ارسم على الفوتوشوب..
:)
حلوه رسمتك يا ألوكارد بل رهييبه!!! ;)
ملامح الشخصيات ممتازة وكذلك التلوين!!
يا سلام عليك ...
انزين ليش هالصغر يعني ... :( ...
بعدين أنا أشوف معظم رسماتك مركزه على الرأس بس ...
ان شاء الله يكون القادم تطلع فيه الشخصيات كامله !!
:-)
روعه رسومك ألوكارد:واو:
ومع مشاركه من أختي هي حبت تشارك برسمه بعد ماشافتني متولعه بالرسومات00000 وهاي الرسمه ببرنامج البينت
أن شاء الله تطلع:)
شكرا زامبي
رسمة ثانية
فديت قلبها نونه :D
و رسمتهااااااا كووووووووووووول :)
و ألكو :"
رسمك روعه .... أستااانس عليه من قلب
صج رهييب :)
و انا قلت بنزل معاكم :D
:" شكرا توتو على الرد
و رسمتك حلوة أوي و دخلت مزاجي موت رهيبة
و أشكرك على اعادة هذا الموضوع الى الحياة فأنا أعشق الرسم بالفوتوشوب و أتمنّى المشاركة في القريب..
ممكن اشارك................(بدري)......:D :D :D
يووووووووووووووووه ما شاء الله رسوماتكم تاخذ العقل......روعه....
ههههييي.........
شوفو واضحكو علي..................وعلى فكره الماوس مالي مينووون....
اقول مستعجله :D
سلفيني ماوسكم .....:D
مينون و يطلع جذي ....
:D
اخيرا مكان اتعلم منه التلوين :"
شكرا شاهين دليتني المكان :"
هههههههههههههههههههههه...تبينه..........والله ما ابخل عليج بشي..يافطومي....ههههههههه.....
ودي اشارك في الموضوع مرة ثانية
خصوصا بعد ما عدلت الكومبيوتر
لكن ابي اعدل قلمي قبل..
مليت من الرسوم بالفارة :(