نبغي موضوع ينعش المنتدى( الرجاء من الجميع المشاركه )

السلام عليكم

اشوف ان المنتدى ميت ما ادري ليش

على اي حال ابغيكم تساعدوني و تشوفون موضوع نقدر نتناقش فيه و يكون مفيد في نفس الوقت .

اي موضوع يتكلم عن الالعاب او اي شيء له دخل فيها

الي عنده فكره لا يبخل علينا

رجاء من جميع الاعضاء المشاركه

حط الموضوع الي في بالك ...لا تخاف

يا شباب نبغي نستفيد .....اي موضوع

تحياتي

لا تطنشون ....تحياتي

هلا fas
المشكله ان مافي العاب جديده او ما في اخبار وايد
بس انشالله بحاول اطلع موضوع جديد
و علم اني صرت اكتب في منتدى البليستيشن

مشكور عالرد

الغريب ان 9 دخلوا بس ما ردوا

على اي حال مشكور

معك حق لكن انا اتكلم عن الالعاب الجديده او الاجهزه الجديده

يعني نتناقش في مواضيع مثل هذي

طيب وش الحل يا شباب صراحة المنتدى حالته زفت ...

أنا رأيي انو نخلي كل الكلام الي بتقوله عن الجيم كيوب

يعني كل واحد عنده مشاركة يحاول يخليها على الجهاز

alo**

يا ننتندو هذي فكرتك انا كتبتها

يعني نتناقش في موضوع معين و بعد ما ننتهي منه نتحول لموضوع ثاني

ما تذكر لما ما فهمتك

الحقيقه يا اخ فاس انا من وقت مادخلت المنتدى وانا اتامل اني

اكتب مواضيع تفيد هذا المنتدى لكن الصراحه انا تعبت وانا ادور

على مواضيع جديده لانكم ماشاء الله ماخليتوا موضوع اولعبه

الاكتبتوا عنها ولو كررنا المواضيع حتكون ممله

بس لازم تلاقوا حل


.....CARLA

والله يافاس الموضوع فكرته ممتازة ، والمنتدى مواضيعه أغلبها عادي ومافيه جديد إلا قليل، حتى إذا بغيت تبحث عن أخبار لجهاز الجيم كيوب ماتلقى إلا قليل لأن ننتندو قليل تنشر أخبار عن الجهاز وكلما حاولت تبحث في نقطة معينة في أي موقع في الشبكة تلاقيه يذكر أن الشركة راح توضح الكثير من النقاط عن الجهاز في معرض e3 والمواقع يوميا أدخل علها لكن ماألقى إلا الأخبار القليلة جدا ونادرا تكون مهمة لأن الشركة مكتمة على الموضوع زيادة عن اللزوم ، لكن لازم نشوف حل للمنتدى

أنا لي ثلاث أيام أدور عن موضوع جديد مالقيت أي شي إلى وهو مكتوب:(
بس أنا لقيت الحل

نكتب موضوع عن النتندو جيم كيوب وألعابه ولجيم بوي أدفانس نكتب أي شي نلقاه عنه حتى لو كان معيود بحيث إلي يبغى يعرف أي شى عن الكيوب أو ألعابه أو أدفانس وأنا أعرف موقع فيه كل موصافات الجيم كيوب وأدفانس

أنا وياك بس مافي مواضيع نكتبها
سمعت عن أعضاء يبون يطلعون

شكرا لتعاونكم

يا اخت كارلا

انتي فهمتي غلط

انا اقول موضوع نتناقش فيه

على اي حال شكرا لتعاونكم و ان شاء الله متى بتبدون

يااخ فاس انت مافهمتني صح انا قصدي كمان حتى المواضيع الي نتناقش فيها انتهت

معك حق

نعرف كل شيء عن الكيوب يعني ليش نتناقش

مشكله ........

الغلط مو من عندنا الغلط من ننتندو نفسها متكمة على كل أخبارها
والننتندو 64 صار ميت لعبة قوية ولا ثتنين ويفارقنا
يعني لازم نصبر لأدفانس والمكعب ذيك الساعة المنتدى بيطلع فوق السماء
الا اذا تبغى مواضيع مالها علاقة بننتدو هذا شي ثاني

مافيه الا فتح الملفات القديمة يعني الأعاب القديمة ونسوي لها تقيم كل واحد يقول رأيه في هالعبه وتكون الباية من جهاز الننتدو القديم ومنه لسوبر ننتندو ثم الجيم بوي وأخيرا ننتندو64 وبكذا نكون قاعين نسوي عد عكسي الين ينزل القيم كيوب أو القيم بوي أدفانس وطبعا محتاجين مشاركة جميع الأعضاء خصوصا ماريو بخبرته الطويلة وفي حالة اعجبة لعبة وما لعبته تلعبها الين الله يفرجها عليك وتنزل الاجهزة الجديدة واتمنى ان الأقتراح يعجبكم

الفكره جيده نسبيا بس ما فيها نقاش

على اي حال اشوف الاعضاء وش رايهم

انا عندي اقتراح لكن ماادري هو يعجبكم ولا لا
وهو أننا نكتب عنوان خاص بأخبار جهاز الجيم كيوب والأدفانس
بحيث يكون هالعنوان مفتوح للجميع وأي واحد يحصل على معلومة عن أي من الجهازين يكتبه في هذا الموضوع وبالتالي يكون كل عضو في المنتدى مهتم بأخبار الجهازين ومتيقن أنه اغلب الأعضاء إذا ماكان كلهم راح يطلعون على الخبر وعكس أول إذا كتب الواحد خبر عن الجهازين تلاقي قليل اللي يدخلون الموضوع ويقرونه لأن الواحد يمكن ماعنده وقت يطلع على كل موضوع على حدة


مجرد إقتراح لا أكثر وانتم شوفو هل هو مناسب ولا لا
وإذا كان مناسب فلازم يوافق أغلب الأعضاء عليه علشان مايموت الموضوع ولا أحد يهتم فيه

والله فكرتك حلوة يالويجي ...

هذا كان قصدي

يا مؤيد سيلفار اقتراحك حلو لكن الننتدو 64 صار شايب

يعني ما في العاب نقدر نناقشها لان الالعاب قليله الي بتنزل

يا لويجي فكرتك حلوه

لكن ما تعرف ان ننتندو متكتمه و ما تقول شيء عن الكيوب و لا تنسى معظم المعلومات عن الكيوب نعرفها يعني في ايش نتناقش

فكرتك حلوه بس لو نلقى خبر او لعبه نقدر نتناقش فيه عن موضوعك

على اي حال متى بتبدون

انا موافق على الفكره