رسالةٌ إلى من يهمُّهُ الأمر!!

السلام عليكم ورحمة الله وبركاته.

مؤخراً داخل لنا مجموعة من الأعضاء الجدد وكل واحد عليه غرور ونفس عوذ بالله منها!! http://www.plauder-smilies.de/sad/confused3.gif

وين روح التواضع والصداقة اللي من أول ما دخلنا المنتدى وصرنا مراقبين فيه ونحنا نحاول ننشرها ونزرعها في نفوس الأعضاء؟؟؟ http://www.plauder-smilies.de/sad/confused3.gif

يا جماعة!! كونوا متواضعين أكثر!! :(
على الأقل إذا مو عشان تُكَوِّنونَ صداقات جديدة, على الأقل عشان تحصلون على ردود مفيدة وتعليقات تسعدكم! :(

وبإختصار بقوللكم إياها! :)
إذا في واحد يعتقد أنه بيحطم أحداً من أبرز الفنانين الموجودين حالياً بالمنتدى أو يحبط معنوياته مثل شاهين وخلود "أورانج رود" وفطوم "توتو" وواينا62 وإم زد إم وتي إم 13 وريميتا وهوك وريفليكس وألوكاردراكولا وغيرهم, فهو غلطان! :)
لأنه كل واحد من هالمبدعين لا يتأثر بمثل هذه المهاترات! لأنه مثل الجبل اللي ما إتهزُّه ريح! :)

والله! :(
ما أجمل أن يكون الواحد متواضعاً!! أن الفرد المتواضع يحبه الله وبالتالي يحبه الناس, ويصبحون يميلون إليه أكثر من المغرور الذي يبدأون ينفرون منه! :)

وأنا أعلم أن بعضكم أساء إختيار الكلمات وقال "أنا أتحدى" في حين أنه قصد شيء آخر!!
وأعلم أن بعضكم يظن أن السالفه هنا بالمنتدى هي سالفة تحديات وتحطيم للآخرين!!
بل أن بعضكم خطاً "يدافع" عن آخرين مبدعين يعرفهم معرفة شخصية ظناً أن البقية يسخرون من صديقه!! ما هذا الغباء الفادح!! :)

هذا المنتدى أسمى من مجرد أحقاد وبغضاء وغيرة!

ما صدقنا تركناها في المراكز التسوقية والمرافئ العامة والسينيمات حيث يلقي فيه الأغبياء بالكلمات الجارحة على الرايح والراد! ويتباهون بأنفسهم! وإذ شاهدوا واحد يلبس أحسن عنهم أو أنه "معقول", يبدأون بإلقاء ما لا يليق عليه من كلمات وقذارات!!
ما صدقنا هربنا منها! نأتي للمنتدى ونجد بعض الجدد قد أحظروا هذه السخافات إلينا؟!؟!

وفي النهاية... ... ... ...

بالنسبة للرسم... ... ... ...

ما أجمل وأروع الشخصيات الجميلة البسيطة السهلة اللي رغم بساطتها إقتحمت القلوب وبقوة!!
مثل عدنان ولينا وهايدي وبيبيرو والسندباد!!
خطوطها بسيطة وأجسامها غير معقدة! :)

كلمة أوجهها للأعضاء اللي ما يعرفون يرسمون واللي مُتَخوِّفينَ من دخول المنتدى بسبب بعض المواهب القوية واللي قاعدة تتحدى الآخرين ظناً أن السالفة سالفة "أمغايظ"!!!!!!!!!!
لا تخافون, وأبدأوا في التمرن وممارسة الرسم وستصبحون حتى أفضل منا!! :)
ونحن مستعدون للتعاون والأخذ بأيديكم! -_^

وحياكم! :)


عدنان ولينا: أجمل وأحلى وأبسط وأسرى إلى القلب! :)

السلام عليكم
أخ رواية أنا معاك في كلامك أن الواحد لازم يظهر التواضع ولا يعرض نفسه أنه يكون وضيع.. العين ما تعلى عن الحاجب و الواحد يحترم نفسه و يحافظ على كرامته أفضل له ما أعتقد أن في أحد يب يتصرف تصرف يترك انطباع سيء في نفوس الآخرين بحيث اذا غاب فرحو و اذا انفجع فرحو أكثر ....ما أب أدخل بالسياسة بس مثال واضح أمريكا شايفة روحها على العالم و مصدقة نفسها بس أول ما انفجعت في حادثة 11 سبتمبر في ناس اش كثرهم فرحو فيها كل هذا ليش لأن هالناس تأذوا منها في ناس ما يحبو أحد يشوف نفسه عليهم و الي يأذي الناس الناس راح تفرح في فجيعته ... أن شاء الله كنت واضح و قدرت أوّصل الفكرة و الله يفجع اسرائيل أضعاف فجيعة أمريكا و يفرحنا فيهم .....و على فكرة أضيف كل ما تكبّر الشخص أكثر كل ما زادت قوة مصيبته و زادو الناس الي بيتونسو عليها يعني اسرائيل راح تاخذ ام المصايب ...اف دنا دخلت بالسياسة و مصّختها بس مثال كان لازم أطرحه و السلام:أفكر:

على راسي روايه ...
والله انكم جبال لا تهزها العواصف ... ولا حتى الزلازل ..
بالنسبة لمن يكن بقلبه الغيظ فليعلم انه المنتدى أكثر ترابطا من قبل ... فقد اصبح الكبار أكبر والصغار كبروا .. والجدد يتعلموا ...
قريبا اول رسماتي الفاشله :D صراحه احب الرسم لكني لا املك المهاره بعد .. واحاول تطوريها لكن السكانر ذبحني ...
لا تخافون رسمي راح تضحكون عليه بس لازم توجهوني فيها :) اوكي

حسين! :p

والله ما راح تصدقنيي لو قلت لك إن من زمان كلي شوق لرؤية رسمة من إيديك يا محترف الفوتوشوب! :)
لا تبخل علينا الحين عاد! :)

اشدعوه روايه الي قاله بتحدى قصدا يبي منافسه
بالعكس نما يدخل المتدى احد رسوماته فضيعه يشوفه احد رسوماته تخرع ( نفسي ) يحاول يسوي احسن صراحه انا اعيبر رسمي بايخ بس قاعده احاول احسن بعد ما شفت الرسومات ( مو كلهم طبعا ) الفضيعه الي تينن
لو كان الي بالمنتدى كلهم نفس المستوى لما حصل اي منافسه

كلامتش كله سليم يا wildkitty! :)
كلامتش كله معقول!

:)

هو صراحة ما احب بعد كلمة اتحدى اللي صار الكل يحطها في مواضيعه..
لاني ما اعتبر المنتدى مجال للتحدي..
بالعكس..

اعتبره محفز..
يعطي الواحد حافز انه يعدل رسمه ..
يوحي له بافكار يديدة..
مثل المواضيع المختلفة والافكار اللي تعرضونها.. تجدد تفكير الواحد..

حتى لما تعرضون رسوم مب لكم.. بس انتوا تجوفونها حلوة.. بعد تفيد..

احس الافادة والمتعة اكبر من التحدي..

اما تحدي.. واتحدى الرسامين انهم يرسمون مثله..
انا واثقة ان كل واحد واسلوبه..

ولو كان رسم فلان وعلان اروع من رسمي.. الا اني اجوف ان اسلوبي مميز.. واسلوب الباقين مميز..
كل واحد فيكم له اسلوبه..
ومن غير ما يحتاي اقرا الاسم اعرف هاذي رسمة من على طول..
هاذي الحلو..

اما اذا كلنا اخر شي رسمنا بنفس الطريقة ولونا بنفس الطريقة .. وين التميز؟؟؟

التميز ان يكون عندك اسلوبك الخاص..

ما انكر ان في اعضاء رسومهم احلى مني.. واني لو شنو اسوي مستحيل ارسم مثلهم..
لكن هاي عطاني الهمة اني احاول احسن من رسمي.. واتعلم ارسم اشياء يديدة..

يا ريت بس نقلل من هالكلمة.. واتحداكم انكم ترسمون مثلها او احسن واحد فيكم ما بيقدر يرسم مثلها..
هو حتى لو كان الرسم مبهر.. يخلق حاجز نفسي يخلي الواحد عاجبه الرسم بس كاره الشخص..

في بعض اللقاءات اللي اجوفها مع الرسامين المتحرفين اليابانيين، كلهم كانوا يشكرون قرائهم من كل انحاء العالم وان بدونهم ما كانوا وصلوا واشتهرت قصصهم وشخصياتهم بدونهم..

(شفيني صايرة اكتب تقارير هالطول.. لا يكون تعاديت من ناس؟؟ :D )
هههههههه خلاص مب مطولة..
وجهة نظري وصلت :)

انا اللي اشوفه ان التحدي شئ جميل وهو من الحوافز المثيرة للتقدم والتطور...
لكن التحدي يحتاج الى ابداع... يعني التحدي بدون ابداع مافي فايدة!

لذا احب التحدي والمنافسة المنوعة:)

ههههههههه !!!!

الواحد يرسم هنا .... ولكن المشكلة لا احد يهتم !!!!

هذه مشكلة كبيرة !!! و بصراحة اكثر ... فقد بدأت انرفز !!!!!:غضب: :غضب: :غضب:

لقد بدأت اشك من المغرورين بهذا المنتدى ؟؟؟؟؟


:غضب: :غضب: :غضب: :غضب: :غضب: :غضب: :غضب: :غضب: :غضب:



رالــــــــــــــــــف المشاكس ..... المحبط !!!

:غضب:

كلامك ياروايه كللله حلو ... ( كالعاده )
كلامك صح
مافي تحدي ولا شي.. و.. ماشالله عليك قلت الكلام كله
كل واحد له اسلوبه الخاص والمميز والجميل...
يعني لو الواحد يلقى 2 اسلوبهم متشابه وووووااايد واااايد بعدين يبدا يتنافس ( مايتحدى ) يتنافس أن يسوي أحسن منه..
يعني مثال ماقدر أحط شاهين مع روايه مع خلود مه فطوم مع واينا مع الفنانيين الكبار كلهم وأقول يلا خل نشوف من يرسم احلى فيكم
كل واحد في نقاط هو حلو فيها والاخر حلو في شي ثاني
يعني باختصار لك واحد اسلوبه المميز.. والتحدي يكون مثل بعض المواضيع اللي فيها تحدي المقاتلين أو تحدي المصارعين ويصير القتال بين مقاتلينهم وليس بين جمال رسماتهم..
وأتمنى أن هالشي الحاصل الحين يختفي.. لأن صج المنتدى اللي يسوده التواضع من أروع المنتديات كما كان منتدانا وسيظل انشالله
مع السلامه

ما عاش من يطيح معنويتك يا رالف
وأي شئ قلته لاحد في هذا المنتدى الرهيب يسامحني

وزي ما قال شاهين التحدي مو عداوة ولكن تعبير عن روح التنافس الشريف
وإن شاء الله ما أحد يحاول يكون مغرور

وأشكرك يا رواية على فتح موضوع كان غايب عن بالي !!!!

وراح إن شاء الله نكون أصدقاء

لا لا لا إخوان في الله (أحسن مو جذي)
وشكرا

صح لسانك يا رانما :0)

الاعضاء الجدد اهم انا وياك شكلنا راح انتم جدد على طول

بس وايلد كيتي..

انت مب عضوة جديدة... ?:

MaNaMiIi ليش ما تكتبين بالعربي؟؟

وايد اتعب وانا اقرا ردودج :(

حتى احيانا (الا غالبا) افوتها وما اقراها..
:(

مساء الخير Rewayah

أنا أسفة لأني في أول مشاركة لي قلت حق رالف انا أبي أتحدى

كنت بس أبي احرك المنتدى

أنا أسفة رالف

ما كان قصدي احبطك

بس قصدي في كلمة تحدي وقعها الإيجابي

أن كل واحد يجتهد في عرض أحسن ما عندة

أنا ما ذميت في احد و العياذ بالله

كان قصدي بس أشعل المنافسة

و أكيد لازم تكون فيه منافسة

علشان نسعى دايما للتطوير

و مو معقول أي عضو يب يحبط أحد لأنه يبي يشارك و يبي يكون صداقات و يبي ردود و تعليق على رسوماته



بس انا اعتذر إذا كنت جرحت أحد من دون قصد


سامحوني

لا يا لوجين! :)
مستحيل!! :p ههههههههههه
أنا ما قصدتش إنتي! :)
بالعكس!
أنا قصدت آخرون!
لكن بس خلاص! إنجلى الستار وصار كل شيء واضح. وطلع سوء فهم! :)
قصّة: زائد عنصر مفاجأة, لا تنسى رواية! :o =====> ( + عنصر http://www.plauder-smilies.de/nosmile/present.gif )
رواية: كخخخخخخخخخ

... بس

بس في شيء!!

أموت وأعرف شو ماناميلي تقصد بـ "خَرَّب خَرطَبيزك"؟؟ :p

أنا عرفت القبلية اللي قالتها واللي كانت "الدعَّاميّات" في رسمت وايلد كيتي! :)

لكن هاذي, والله ما فهمتها! :p

مشكووووووووووووور وااااااايد

ريحت اعصابي

الحين بس اقدر اشارك مرة ثانية


http://www.contrabandent.com/cwm/s/g...nshicircle.gif


بااااااااااااااااااااي روايه

حتى انا ما فهمت يا ميميتو خرب خرطبيزك
الدعاميات اعرفه كلمتك المشهوره

اورنج روود فرحتيني نم قلتيلي اني مو عضوه يديه زين في احد يعرفني
:D :D :D :D هذي احلى كلمه انقالتلي لحد الحين

روايه : اشلونك يا بت يا شطوره سلميلي على ماما قصه