شي تمنيتوا أنه يصير ... و شي تمنيتوا أنه ما يصير !!

Salut mon ami :D

Comment ca va ?

Je vais bien ":"


المهم .. ندخل الحين في الموضوع :)

حوادث و أشياء كثيرة حدث في سلسلة فاينل فانتسي .. منها الرومانسي و منها المضحك و منها الحزين ... و منها ما كنا لا نتمنى أن يحدث ... و هناك أيضا أشياء كثيرة قد حدثت و أحبطتنا و أشياء رغبنا في حدوثها و لم تحدث !!

مثلا ... من الأشياء اللي كنت أتمنى عدم حدوثها هو في فاينل فانتسي 7 لما يقتل سيفروث آيرس في نهاية الدسك الأول بطعنها في سيفه الجبار :(

و من الأشياء اللي كنت أتمنى حدوثها هي أن يقوم كلاود بالدفاع عن آيرس و حمايتها قبل أن يطعنها سيفروث و يقتلها ... فلم يعجبني موقف كلاود و هو واقف و يشاهد كيف تقتل حبيبته دون أن يحرك أصبع من أصابيعه http://www.montada.com/images/icons/icon8.gif

و من الأشياء اللي تمنيت أن لا تحدث هو نهاية فاينل فانتسي 10 الحزينة و التعيسة ... فلقد تمنيت أن لا يحدث اللي صار في النهاية على ظهر السفينة الطائرة :( >>>>>>>>(( قاعد أحاول ما أخرب النهاية على اللي ما أنهوا فاينل فانتسي 10 لحتى الآن ... و أظن اللي أنهاها فهم قصدي )) .


و الحين أظن أن صار دوركم ... كل واحد منكم خل يقول أو كل وحده منكم خل تقول شنو الأشياء اللي حدثت في سلسلة فاينل فانتسي و تمنت أن لا تحدث .... و شنو هي الأشياء اللي لم تحدث في سلسلة فاينل فانتسي و تمنيتوا حدوثها .

و شكرا لكم ... و بانتظار مشاركاتكم ;)

هاي
ممممممممممممممم مادري بس احس انه ما بجت مواضيع تحطونها
ليش يا محمود تحط مواضيع يعني مالها فايدة باللعبة
مواضيعك الحين كلها تتكلم بالمستحيل مثلا لو كان فاينل فانتسي11 آخر جزء والحين هالموضوع
يعني ما اشوف انه الموضوع يخدم المنتدى بشي
مثل هالمواضيع مالها فايدة الا للتشات لانها شي مستحيل الحدوث
الصراحة ها رايي ومشكور على جهودك

شيئ رغبت في حدوثه في الخامس

هو الذهاب للشلالات الكبيرة شرق مدينة - نسيت اسمها هي في العالم الأول

ولكن للأسف الطريق لها أغلقه زلزال ولم استطع الذهاب

شيئ تمنيت لو لم يحدث

هو...... :أفكر:

أنا تمنيت لو لم يفكروا بالمغامرة من أصلها كان ريحوني من اللعب:D

اقتباس:

---

الرسالة الأصلية كتبت بواسطة RPGgirl
هاي
ممممممممممممممم مادري بس احس انه ما بجت مواضيع تحطونها
ليش يا محمود تحط مواضيع يعني مالها فايدة باللعبة
مواضيعك الحين كلها تتكلم بالمستحيل مثلا لو كان فاينل فانتسي11 آخر جزء والحين هالموضوع
يعني ما اشوف انه الموضوع يخدم المنتدى بشي
مثل هالمواضيع مالها فايدة الا للتشات لانها شي مستحيل الحدوث
الصراحة ها رايي ومشكور على جهودك

---

بس الموضوع ممتع و فكرته حلوه و يحرك المنتدى و ينشطه شويه و فيه تبادل آراء و أفكار بين عشاق فاينل فانتسي ... يعني لو كنا لازم نحط بس مواضيع مفيده تخدم المنتدى و تفيدنا... جان منتدى فاينل فانتسي انقرض من زمااااااااااااااااااااااااااااان لأن ما بقت افكار يديدة ?:

و هالموضوع اللي أنا كتبته راح تلقين أمثال له في منتديات ثانية ... فليش ما يكون لنا موضوع خاص بفاينل فانتسي !!

فكل منتدى لازم له موضوع ممتع و ظريف و ناخذ فيه بريك من تعب الدراسة و الامتحانات مثل مالازم يكون له موضوع مفيد و يخدم الأعضاء :)

و بليييييز ... ترى هذه ثاني مرة تحبطيني هالأسبوع بعد ما صححتي لي كلمة idea :"

على الأقل شاركي في الموضوع بعدين قولي هالكلام ... مو من أول رد كلام محبط ... اصلا أنا رعصت راسي عصار علما طلعت فكرة هالموضوع ... و فرحت لما نشرته و صرت أنوقع ردود متفاعلة معاه ... بس أول رد في الموضوع يكون فيه كلام محبط مثل هذا :"

اقتباس:

---

الرسالة الأصلية كتبت بواسطة ©Bear Killer©


أنا تمنيت لو لم يفكروا بالمغامرة من أصلها كان ريحوني من اللعب:D

---

:D :D :D سلط الله على بليسك :D :D :D

و شكرا على ردك هذا ;)

أنا تمنيت أنه تموت آيرس و فعلا ماتت :أفكر:




و على فكرة الموضوع ما له فايدة فعلا :D

شوف انا ما احبطك انزين انا بس اقول رايي والصراحة الموضوع ماله داعي ابدا والمنتدى ماشي حاله بس مافيه مواضيع بسبب الامتحانات بس بعد الامتحانات اكيد بيصير احسن انا بعادتي ما احب اتكلم بصيغة المستحيل او التمني لانها صيغة مالها فايدة
فانا آسفة ما بشارك في الموضوع لاني ما اشوف اله فايدة ومسيرة يتحول لتشات :o
وعن سالفة التصحيح ها مو تحبيط ها تصحيح عشات تتعلم اللغة زين يعني تستفيد وموعيب انه الانسان يغلط العيب انع يستحي او ما يعترف بغلطه انا ما ابي احبطك بس فكر بمواضيع احسن

اقتباس:

---

الرسالة الأصلية كتبت بواسطة M7MOOOD
Salut mon ami :D

Comment ca va ?

Je vais bien ":"






و من الأشياء اللي كنت أتمنى حدوثها هي أن يقوم كلاود بالدفاع عن آيرس و حمايتها قبل أن يطعنها سيفروث و يقتلها ... فلم يعجبني موقف كلاود و هو واقف و يشاهد كيف تقتل حبيبته دون أن يحرك أصبع من أصابيعه http://www.montada.com/images/icons/icon8.gif

---

عاد وش راح تقول على رابدن الي خيم ميتل جير يعرف اش اقصد

شفيكم أنتم على موضوعي هذا :(

في ألف موضوع و موضوع أمثال موضوعي هذا ... بس والله أشوف ناس كثار يشاركون فيه و هم مبسوطين !!

يعني الحين ما يات الا على أن الموضوع مفيد أو الموضوع مو مفيد ؟؟

و هالموضوع مثل ما قلت ما حطيته الا للمتعة و الوناسة و للراحة من فترة الدراسة و الامتحانات و لتنشيط المنتدى و علشان كل واحد منا يقول رأيه للثاني و أفكاره :o

فاللي يبي يشارك حياه الله ... و اللي ما يبي يشارك هم حياه الله و كيفه ... لأن مافي أحد جابره أنه يشارك في الموضوع :o

اشفيك ما تتقبل نصايح بالمرة؟؟؟؟؟
اوكي انا آسفة وحقك علي انزين

اقتباس:

---

الرسالة الأصلية كتبت بواسطة RPGgirl
اشفيك ما تتقبل نصايح بالمرة؟؟؟؟؟
اوكي انا آسفة وحقك علي انزين

---

:" :" :" لااااااااا تزعلين مني :" :" :"

ماكان قصدي أني أخليج تعصبين :"

بس كنت أبي أقول أن مو لازم أن تكون كل المواضيع اللي ينشرونها الأعضاء تكون مفيدة ... يعني لازم يكون في اعتدال بين المواضيع المفيدة و المواضيع المسلية و اللي تتبادل فيها الآراء و الأفكار .

مثلا عندك هالموضوع ... هو مو مفيد و لا يخدم أعضاء المنتدى بشي ... بش شايف أنج أشتركتي فيه و ما قلتي فيه الكلام اللي قلتيه لي عن موضوعي هذا و أنج ماراح تشاركين فيه لأنه مو مفيد و لا يخدم الأعضاء بشي !!

المهم الحين خل نغلق هالموضوع ... و نرجع لأصل موضوعنا هذا ... كل وحده و كل واحد خل يقول شنو الشي اللي تمنى أنه يصير بس ماصار .. و شنو الشي اللي ماصار و تمنى أنه لو صار ؟؟

و بانتظار مشاركتكم و شكرا ;)

أنا ما عندي ولة موقف لأن سكوير ضبطت القصة من كل المجاميع ;-)

اقتباس:

---

الرسالة الأصلية كتبت بواسطة Golden_Sun
أنا ما عندي ولة موقف لأن سكوير ضبطت القصة من كل المجاميع ;-)

---

رأيي مقبول :أفكر: