العابنا ونحن صغار

بسم الله الرحمن الرحيم

قريت هالموضوع في احد المنتديات
وحبيت اقرا ردود الاعضاء هني :)

شنهي الالعاب اللي كنتوا تلعبونها وانتوا صغار؟؟؟؟

بالنسبة لي...
كنت العب بسيندي...
وصلتني في وقت مبكر من لندن ومعاها ثياب..
فكنت اسوي لها من القماش اسرة ودواشق ومساند تتوسد عليهم :D
(قلبتها عربية)

وكنا نلعب الاتاري...
اذكر للحين اول مرة الوالد شراه لنا
كان شي خطير
(الحين لو نجوفه نموت على روحنا من الضحك... بسرعة الالعاب تطورت... الله يرحم ايام ال 4 بت)

اما بانلسبة للالعاب الجماعية
كنا نلعب العاب شعبية
مثل راين ..

ولعبنا فتحي يا وردة...
هههههههههه

وبعد شنو..؟؟؟
كنا نلعب لعبة اسمها شمس قمر...
مثل بر بحر...
لكن كنا نلعبها على الدري.. ونسمي الدريات بشمس وقمر ونهار وليل ونجوم
والقائد اللي يقول اسم الدرية لازم ننقز عليها بسرعة :)

بعد انتوا شنو لعبتوا وانتوا صغار؟
واذا تقدرون شرحوا لنا العابكم :D

هااااااااااي

موضوع حلو .ذكرني بطفولتي :D .......والله مااذكر كل الالعاب :أفكر:

بس اذكر اني كنت العب كرة قدم مع عيال عمي بالحوش:D

بعد حيلة (نكتب ارقام على الارض ونحذف صخرة وبعدين انط:D ) لما اتذكر هالاشياء احس اني سخيفة ههههههههههههههه

وكنت العب اتاري بعد ...للحين خاشته عندي للذكرى مع انه مخرف

وكنا نسوي تمثيلية يعني كل واحد يختار له دور ونمثل كانه صج >>>وناسة:D

وساعات بعد نقلب كل المساند ونصعد عليهم ونسوي نفسنا في غابه:p

وكنت العب باربي ...بس كنت مااحبها لان بنت خالي تغصبني الا العب معاها ( الله يذكرها بالخير;-) )

يمكن بعد كان عندي العب بس مااذكر

واو موضوع رهيب ..

;) ;) ;)

اممممم انا كنت العب بباربي من زمااااان ابوي جايبها لي من الفلبين وللحين عندي ..............هههه تبين اسوي لها سكان واحطه(تبي تعرض قشها بأي شكل):6 ..

وكنت العب الاتاري وبشريط ماريو على ما اظن اسمه جذي اموووووووووت فيه واسهر عنده الـــــــــــــــــــــــــــــــــــله ايام زماااان (والحين على بالها كبرت):6 ..

واممممممممم نلعب سكري يا ورده فتحي يا ورده ههههههه يا زينها ...........ونلعب انا الذيب بأكلكم وانا الام باحميكم .......اخخخ :" :"

ممممم وبس .

يالله ما اطول عليكم مشكوره اختي خلود على الموضوع الحلو ..":" ":"

سلام

هههههه بابل

ذكرتيني

المساند

ما كنا نخليهم في حالهم
سويناهم خيول ركبناها وقلاع وحصون انخشينا وراهم وجبال تسلقناها
هههههههههه

وبعد كنا نمثل...
كنا نحب التمثيل

واذكر اكثر مسرحية كنا نمثلها مسرحية هدى حسين (سندريلا)

هههههههههه
وكنا اذا رحنا مسرحية للاطفال نشتري شريط الاغاني مالت المسحرية علشان نمثلها...

احس ان طفولتنا كانت احلى من طفولة اليهال الحين
ما عندهم الا القعدة في البيت

شكرا مستعجلة
ما عندنا مانع

حطي قشج.. اقصد.. حطي لنا باربيتج القديمة
خل نجوف شلون كان شكل الباربيات (ولا كاني اعرفها :6 )

انطر ردود الشباب بعد
خل نجوف
شكانوا يلعبون
وكانوا شياطين والا لا :D
متأكدة انهم كانوا شياطين :6

هههههههه من صجت اعرضها خاشتها بالدولاب اربع سنين ما دري يمكن الحين تحللت ........:D :D

بس ولا يهمج راح ادورها علشانج ....:D :D (مصدقه عمرها)..

ياالله ...
موضوع يثير الذكريات يااورنج :p
لعبتي المفضلة كانت الأرنب :D ( واللتي كانت لعبة خالي عندما كان صغيرا :) يعني هذا الارنب وراثة ماشاء الله ":") , ستجدون صورته بالأسفل , بس لاتضحكون :":
الارنب انتقل بعدها الى اخواتي بالترتيب , وأنا الان أرى أختي الصغرى مازالت تلعب به ":"
. . كنت احبه كثيرا في صغري , وكنت ألقبه بأخي أيضا :D ههههه , لأنني كنت اتمنى لو كان عندي أخ لكي ألعب معه , لكن الحمد لله على كل حال :) ربنا عوضنا بهذا الارنب :cool:

وبخصوص الالعاب الجماعية .. فلي سجل حافل لايستهان به في تكسير لمبة البقالة في كرة القدم , كنا نلعبها في الشارع بدون أحذية وبالفنايل والسراويل الداخلية :0) وكان عمي يلاحقنا دائما عندما يعلم أننا بلا أحذية :D فكنا وقتها نركض في طريق واحد وبعدها وبسرعة يذهب كل شخص في طريق :D :D هذه الحركة كانت تثير ضجره كثيرا اذ حينها يحتار فيمن يلاحق أولا , ثم يتركنا ويعود خائبا ونرجع للمباراة ":" اما اذا ماامسك بأحدنا فانه ينال ماكنا نسميه " مساج عالطاير " :cool: وكنا نضحك كثيرا من أبناء عمي وهم يخرجون من غرفة المساج يعرجون وارجلهم حمراء :D

اه يبدو أنني خرجت كثيرا عن الموضوع , أسف :":
على العموم ألعابنا القديمة كلها رائعة ومسلية وحتى ولو كنا نعاقب من اجلها احيانا الا انها تظل ممتعة ومثيرة الى اقصى حد :)

شكرا اختي اورنج على الموضوع ..

خلودوووو الله يغربلج على هالموضووع لازم تذكرينا بللي مضى اهئ اهئ

انتي اكثر وحده تعرفين شلون كانت حلوة هالايام .. :"

على قولة نوال ,,,( آه على وقت مضى .. آه على عمر قضى)



كنا دايما نلعب مع بعض انا وخلودو و خواتها وخواتي طبعا .. و الصبيان الملاقيف لازم يدشون غصب .. :)

شكنا نلعب خلودو .. :) خشيشية (صيده) .. و نصف المساند و نسوي مدينة مادري قرية صغيرة الحجرة من اتينا خلودو لازم تنعفس هاهاها

مسكينة امي من تدخل تشوف الشراشف والمراقد والمواسد كلها فوق بعض :) حالتنا حاله بس وناسسسة ..

لعبنا باربي طبعا :) و كنا نرسم بروحنا صور بنات على اوراق كرتون و نسوي لهم ثياب .. :)

هاللعبة استهوت البنات فترة عندنا :)

لعبة القيس لازم :) ..
كنا نلعب بعد شرطة وحرامي .. كان ولد خالي دايما الحرامي و احنا يعني الشرطة وكله يقص علينا
:D


اهئ اهئ اهئ اهئ خلودوووووووووو ليش جذيييييييييييييييي

كنا نسوي بلاوي ها خلودو :D
نسوي سوق في الحوش كل واحد له محل و عاد لا يفوتكم سندويشات طين ملفوف في ورق موز اشوه ان محد كل منه :6


تقريبا العابنا تتشابه لكن اذا سالنا الحين اليهال شنو يلعبوووووون


:! الله يستر .. :)
شكرا خلودووووو على الموضوع حلو مثلج :D (بنت خالتي كيفي ):" :"

:" :" :"

*sigh*:o
الله يرحم ايام زمان......:o

(على فكره ارنوبك يا جي بايت وااايد حلو) ذكرني بدبدوبي الحبيب....ايهه هذا الدبدوب كانت له معزه خاصة ، كنت واايد احبه، كان لونه اصفر و لابس جاكيت اخضر، بس يوم من الايام كان ابوي يرتب المخزن و شاف دبدوبي فيه ( طبعا كان الدبدوب فى حالة يرثى لها T_T ) و رماه فى الزبالة و من هاك اليوم تركت اللعب القطنية، و اتجهت الى العاب الفيديو ( عالمى السحري) اااااه بعدى اذكر كونترا و الله ايام:" :"

موضوع ممتع .....يذكرني بأيام الشيطنه:D :D

بخصوص الألعاب إلي كنا نلعبها واحنا صغار:

أذكر أبوي مره ياب لنا أتاري وفيميلي ..(قديم )كانت ذيك الأيام عندنا أيام التطور;)

وبعد كنا نلعب لعبة شمس قمر نجوم هلال إلي يلعبونها بالدري ...كانت لعبه فضيعه.......وكنا دايما نتهاوش فيها":"

وبعد في لعبة كهربا ماي بس ماقدر أشرحها لكم ....بس هي فيها صياد وشرده ..........:0)

وبعد لعبة حار بارد ...يمكن كلكم تعرفونها ولعبة الطاقيه ولعبة التمثيل وكثير كثير من الألعاب القديمه:D :D

والله ذكرتيني بأيام زمان ياخلود ;)

:D

آه يأيام أول

أتذكر كنا نلعب "لمبه" وهي أن الكل يحاول يصيب اللمبه بالكوره وبعدها يختار واحد عشان يطلع... :D:D:D

ولا "قواطي":D

كنا نجمع قواطي ونصف ثلاثه أو أربعه فوق بعض... ونقتسم فريقين... كل فريق يحاول يضرب القواطي هاذي بكره صغيره والفريق اللي يضربها يلحق الفريق الثاني قبل مايوصلون الميد ويقولون "حبينا الميد":0)


ولا أيام الأتاري... الطيارات الي تجي من تحت الجسر لوووووووووووول:p

ولا كانت فيه لعبه لعبتها في رمضان "الفجر" مع أعمامي وأصدقاهم... زي البيسبول بس أنك تحفر حفره محل اللي بيركض يجيب الكوره... لاتسألوني ليش:أفكر:

بس والله أيام حلوه زين الواحد يتذكرها

أوووووووووه شمس قمر لوووووووول والله ذيك كانت وناسه...

ولا"حركه حركه ستوب" لووووووووول


ولا عظيم ساري":" والله أني ناسي الأسامي لأنه خلاص ماعد فيه أحد يلعب هالألعاب... :غضب: والله مساكين بزران هاليومين:أفكر:

يااااااااااااااااا أيام الطفولة:

كان أول لعبة لدي هو Soul Of Chokogin :UFO ROBO Gredaizer من الحديد وياااااااا كان أغلى شيء عندي (لما ضاع و أنا صغير ما أدري ,ضننت أن جيش فيغا جائوا و أخذوه).

و لما سكنت ويلز(Wales) كان عندي مجموعة من ألعاب Transformers و Mask و HEman . (ما أحلى أيام بريطانيا :" )

ولما رجعت الكويت : لحقت على خماسي و فولترون و جميع الأجهزة الممتازة الي نزلت (SEGA Megadrive , Sony Playstation , Playstation 2 ) و وألعبها ليومها مع أنني موظف.

أما الألعاب الجماعية عادة ما تكون خشنة مثل كرة القدم(Full Equipment ) على اللعب البريطانية (الذي أعجزني عن اللعب لمدة سنتين)و الكرة الريشة (ما كثر يخترق الرشة الشبكة و يصيب المنافس).

ههههههههههههه
عجبني الموضوع...
وقصصكم والعابكم حلوة هههههههههه
والله عندي قصص فضايح وغرائب ههههه


باقول لكم عن لعبتين .. الاولى مالعبتها وايد لخطورتها والرعب اللي فيها:)
وهي مثل الحصن تقريبا هههههههههههه

كنت العبها مع واحد من عيال اختي... كان عفريت جدا:)
موقع اللعبة في البيت ككل... وبيتنا القديم كان له بابين.. شرقي وغربي.. وفي وسط البيت حوش صغير وفيه ممرات ودرجين للطابق الثاني... وكنا ساكنين في الطابق التحتي .. يعني الطابق الفوقي لاعبين فيه لعب...:cool:

المهم... نسوي اسلحة من خشب سيوف وقذائف نجمية ... وطبعا مقالب ومصائد .. هههههههههههه مثل طاسة روب فيها تراب معلقة فوق ومربوطة بخيط على الارض...ويجي الضحية ويحرك الخيط بدون لايدري وينزل عليه التراب هههههههههه... طبعا انا المسيطر على الحصن اراقب من غرفة سرية واشوف الضحية وهو يطب في مقلب ورا مقلب هاهاهاها كانت ايام حلوة... ولا تنسون متعة ان تكون غير مرئيا والخوف في عين الضحية ههههه.... احم:o

اللعبة الثانية هي لعبة الحرب.. وهي بالمركبات الفضائية وتنقسم الى طريقتين... بالطين: نصنع مركبات غريبة الشكل تشبه طائرات غرندايزر ونضع من خيالنا .. ثم نهجم على بعض لتتحول المركبات الى كتل طين مرة اخرى:)
الطريقة الثانية بالرسم...
كنت ارسم مركبتين... واحدة صغيرة والاخرى عملاقة ومليئة بالاسلحة:) واقول لمن يلعب معي اختر واحدة.... طبعا يختار الكبيرة ويترك لي الصغيرة:)
حينئذ تظهر انيابي وقروني ... وتصبح المركبة الصغيرة شئ لا يقهر ... حيث تخرج الاسلحة الضخمة النووية من المركبة الصغيرة.. ههههههههه
ويبدأ الشلخ .. اقصد القتال وطبعا بالدور ودائما انا من يرسم ... وفي حيلة اقوم بها وهو انني اوضح انني سأهزم ويظهر الدخان الكثيف من مركبتي لتنفجر ولكن في اخر لحظة اطلق سلاحا يقضي على المركبة الاخرى فأفوز أنا ههههههههههههه:6
حتى اني كنت العبها في المدرسة (ايام الدراسة) مع اصدقائي وقت الحصص الخالية.
هل تريدون ان تلعبوا معي... اي مركبة تريدون؟ ههههه;-)

ههههههههههه موضوع نادر ومميز :D
كل الألعاب اللي ذكرتوها لعبتها ... طبعا ماعدا الدمى والباربي :D

ولعبة شاهين اللي زي الحصن!!!! أول مره أسمع عن لعبه بهالطريقة !!!! بس شكلها فظييعة :D
بخصوص فكرة اللعب بالرسوم كنت أعملها بعد ^^ ... بس بطريقة ثانية ...
مثلا أرسم حارس مرمى لكرة قدم ((في دفتر مدرسي عادي ))...
بس أتكون على شكل قصة !!
أقول حق ربيعي ... شووت !!! هو يقولي !!! بوف !!!!! ههههههههههه
أنا أقلب الصفحة اللي وراها !!!! الكورة تروح تصفع الحارس وترجع للاعب !!!
أقوله شوت بعدك !!!
وتروح الكورة وتضرب الحارس بي بطنه وتقطع ملابسه!!!
ووالخ ... حتى الضربة الأخيرة الساحقة !!!!! ههههههه
:D
طبعا اللي يشوت هو اللي يتسلى وبعدين يجي دوره يرسم لي ^^ ... أي شيء تافه يسلينا ^^ ... خخهههههه
وغيرها الكثير بس هذا اللي تذكرته الحين ... :)