-
Madoka ^ ^ Gallery
سلام .
انا احب الرسم .. و خصوصا رسم شخصيات المانجا ^_^ و احب ان ارسم قصص ايضا ...
كل الشخصيات من ابتكاري و الرسوم غير منقوله .. الرسوم الملونه ملونتها بالالوان الخشبيه " المفضله عندي " و الاغلبيه بالرصاص ، و توجد رسمه واحده محبرتها بالاسود .. الرسوم اغلبها قديمه " من سنه 2000\2001 " .. ما رايكم ؟:D
هذي ليلى ^_^
http://totaloli.jeeran.com/images/illu-1.jpg
http://totaloli.jeeran.com/images/illu-10.jpg
http://totaloli.jeeran.com/images/illu-2.jpg
http://totaloli.jeeran.com/images/illu-8.jpg
http://totaloli.jeeran.com/images/illu-9.jpg
-
-
-
........
مرحبا مدوكــــــــا :)
ماشالله عليج ... رسمج وايد حلو.... العيون ترسمينها بطريقه حلوه.. و تلوينج أبصرااااااحه ..رووووووووووعه و ما عليه كلام ..عيني عليج بارده ;-) ....
بس فيه شي أجووفه شوي تغلطين فيه .. في بعض الرسمات ..اللي هوه .. الفم ... وايد ترفعينه فوووق... و هذا يأثر على الفك وتصير مساحه الفك كبيره ... ......
أسمحلي على التعليق ..:": ..
بس الرسم حلو.. حتى لو فيه شوي أغلاط.....
أنشالله نشوووف رسوووم زياده :0)
take care
-
مشكووره عالرد ساره :)
تصدقين هالملاحظه عن الفم وايد قالولي اياها قبل .. بس انا احب اخلي الفم قريب من الانف مادري ليش ... :أفكر: و هم احب اخلي الفم مغلق
شكرا مره ثانيه على ملاحظاتج و ردج ... ان شالله احط رسومات اكثر بعدين ... و اذا تبين شوفي هالوصله
فيها رسوم زياده ":"
الصراحه عندي رسومات واااااااااااااااااااااااااااااااااااااااااااااااااايد بس ما اقدر احطهم كلهم :# و هم عندي قصص .... يمكن احط بعض الصفحات ... يمكن :6
-
و عليكم السلام
:) ما شاء الله عليج أختي Madoka
شي روعه
رسماتج حلوه خصوصا تفصيلج للشعر
حركت الشعر فيها انسيابيه و واقعيه رهيبه :)
و رسمج للعيون جميل و ناعم ........ بالأخص الرسمات الأخيره
تلوينج حلو و فيه لمسات فنيه خبيره ..... التظليل و التلوين في الرسمتين الأخيرات عجيب بالحيل التجسيم واضح ما شاء الله عليج
الشعر و تفصيله يشد العين :)
ان شاء الله نشوف رسم جديد لج و تكون رسماتج أكثر روعه يا مبدعه
-
السلام عليكم
مذهلة الرسومات أخت مادوكا!!
الرسوم غاية في الروعة و التلوين مدهش!!
ما شاء الله فنّانة جديدة انضمّت لمنتدى الفنانين...يا هلا
أتمنى منكِ المزيد و بالتوفيق دائما..
-
رسوماتش وايد حلوه وتلوينش احله هاذي الوان خشبيه وله شمعيه
-
حلوة رسومج اختي مادوكا
:)
واهلا فيج في المنتدى
رسوماتج حلوة اختي بس ملاحظة سارة عدلة وفي محلها
الحلج وايد لازق في الخشم
حاولي شوي تنزلينه تحت
لانه يخلي الحنج وايد كبير :)
بس الرسوم والتلوين حلو
-
سلالالالالالالالالالالالالالالالالالالالالالالالام
اشلونش مادوكا
ماشالله اشهل فن اصراحه ابداع
اسلوبش وايد حلو بالرسم و باين تأثرش بالرسامه أكيمي تاكادا برسم الملامح و اسلوب المانجا القديم برسم الشعر و هاي اللي أحبه أكثر شي
رسماتش كلها جميله و اللي عجبني فيش اهو تنويعش في رسم الوضعيات و تغيير الملابس و هاي شي صج وايد حلو و متقن
بس لاحظت انش ما تظللين رسمات الرصاص
لو تظللين مناطق الجسم على شان تبرزين ألتفافة القماش و انحناءات الجسم من اليد و الرجل و الصدر و الظهر و غيرة بتصير لرسماتش أبعاد أكثر واقعية و جماليه
بس الحين أسلوبش بالحيل عاجبني
دامش من قبل سنه مو راسمه شي أتوقع الحين تمسكين كراستش و تطلعين لنا طلعه حلوة بفنش يا فناااااااااااااااااااااااااااااااااااااااااااااااانه
و تسلمين على هل رسمات الحلوة
سلالالالالالالالالالالالالالالام
-
ما شاء الله عليج رسمج و تلوينج روعة...:)
و صح ملاحظة الفم بس انتبهي لها و تكون رسماتج توب التوب...;)
مع أنها already توب:أفكر: ....
نتمنى نشوف المزيد أختي و بالتوفيق:)
-
بسم الله الرحمن الرحيم:-)
الي مادوكا:-)
رسمج واااااااااااااااااااااااااااااااايد حلو .......وتلوينج احلى واحلي
ان شاء الله انشوف رسومات اكثر في الايام القادمة
وهلا فيج في المنتدي
zoro2002
-
MZM :
شكرا على الكلام الحلو ... احرجتني والله :# ...
سر اتقاني للشعر اهو اني اموت في الشعر الطويل :) ، اما العيون في آخر الرسومات اسميها عين القط :D يعني عين جذابه و فيها اغراء و خبث شوي .. ":"
ان شالله احط المزيد من الرسومات الملونه لاحقا لان ماعندي ملونين وايد " انا تمبل في التلوين :D "
alucardracula :
شكرا عالرد alucardracula :) .. و شكرا عالترحيب فيني !! ان شالله ينترس المنتدى بالفنانين و خصوصا فنانين يرسمون مثل الانيمي الياباني:D
wildkitty :
هذي الوان خشبيه بس من ماركه زينه ... و بعد ما انتهي من تلوين الرسمه احط عليها طبقه من الغراء علشان يحفظها .. فتسير الوانها احلى " ملاحظه الغراء احسن من الورنيش لانه ما يخلي الرسمه تلمع و ما يخرب الوانها الاصليه !! " ، :) و شكرا عالرد
orange road :
قلت ان وايد من صديقاتي قالولي هالملاحظه :) .. بس ما اقدر اغير هالشي لاني تعودت على اني اشوف رسوماتي جذي و لو نزلته تتغير ملامحهم و شكلهم .. :أفكر:
شكرا عالرد اورنج رود .. و عندي سؤال عن النك orange road ، هل هو مأخوذ من الانيمي Kimagure Orange Road ؟ :)
و شكرا على الرد
**ملاحظه : اذا لم تظهر الصور عند البعض .. يمكن رؤيتها في هذه الوصله و هناك بعض الرسوم اللي ما حطيتها في المنتدى ...
-
لوجــــــين :
هلا فيج ;) .. الفنانه اكيمي تاكادا مثلي الاعلى :D و صج انا وايد متأثره في رسمها ، عاد تدرين انا بعد احب طريقه الرسم القديمه في المانجا لكن للأسف اكثر الرسوم الجديده تفتقد هذي الخاصيه !!
عاد عندي وايد رسومات بمواضيع مختلفه غير هذي بس ما حطيتها .. كنت اخاف أحد يسرق افكاري و دايما اخاف اراوي رسوماتي الا لمن اثق فيهم ..
بالنسبه لعدم تظليلي بالرصاص : اولا الرصاص لونه يسببلي .... مادري بس يضيق خلقي ?: ، و ثانيا ما اعرف اظلل او ما جربت اظلل اشخاص بالرصاص لكن جربت اشياء ثانيه ... ، و التظليل متعب .. و انا افضل اخليها مو مظلله علشان اقدر الونها ..
مشكووووووووووووره عالرد وايد لوجين .. ان شالله احط رسومات جديده " عاد ما تغير رسمي وايد "
باي
jojo_1412 :
شكرا على الرد و الكلام الحلو و ان شالله اطور من مستواي في الرسم و احط رسومات احلى .. :)
باي
Zoro2002 :
شكرا عالترحيب .. و الرد ... انت عضو جديد في المنتدى صح ؟ لازم ارحب فيك انا بعد ... :)
-
:!
جميله آخر رسماتش ألاحظ أنك قدرتي تضبطين الرسمه مع أن ضبط موقع الفم صعب... وهذا تحسن;)
والستاي وايد حلو بس ودي لو أشوف واحد في ذا المنتدى يرسم ستايل زي I"s ولا Hanakimi:":
