اعضاء المنتدى في جامعه وحده تعالوا شوفوا المغامرات
لاحظت اني من زمااان ماكتبت موضوع قلت خل اخرف اي شيء
وهذي تخريفاتي اتمنى تعجبكم:":
في ذلك الصباح ... وقف باص الكليه عند البوابه بعد ان مر على منازل الطلاب بيتا بيتا و اخذهم.. و عند بوابه الكليه بدأ الطلاب بالنزول .. كان في الباص 9 طلاب 3 بنات و 6 اولاد ( عاد كان كذا خيالي اختلاط عادي:6)
الطالب الاول جاي الكليه مواصل مانام كان لابس بنطلون اسود و قميص اسود و كاب اسود و حزام و جزمه بنيين كان وجهه مبين عليه انه مانام و ماله خلق دوام و كان شايل بيده كرتون اوريو و هذا الطالب من قسم الانجليزي سنه ثالثه و عمره 20 و اسمه خوباج
الطالب الثاني كان لازق بظهر خوباج و على وجهه علامات الخوف و الخجل و كان له شوشه ماتشوف اخرها عمره 17.5 (لاتنسون النص هو اهم شيء:6) كان لابس بنطلون جيز ازرق و قميص احمر و جزمه سوداء هذا شوشان اخو خوباج توه خوباج مقومه من النوم بعد ما سأل اعضاء المنتدى عن طريقه لتقويمه من النوم:6 شوشان تبع خطوات اخوه و دخل قسم الانجليزي بس توه سنه جديده
الطالب الثالث لابس ثوب ابيض و غتره (رزه":") و جاي كاشخ للكليه و ماحد قده و كان متقطع من الوناسه ويقول( الجامعه ياحوبي) هذا الدكتور اليكس (سبايكي هيد) عمره 18 داخل قسم الطب ( ماشاء الله عليه ماحد قده)
الطالب الرابع لابس ثوب بس :6 و داخل قسم حاسب الي عمره 20 و رايح الكليه مواااااااااصل ماله خلق بس ماراح الا عشان يتسلم المكافأت لابس نظارات و اسمه عماد
الطالب الخامس لابس بنطلون ابيض و قميص اسود و جزمه سوداء و مرفع كمومه جاي و نفسه بخشمه ماله نفس يجي بس عاد لازم ينجح هالسنه بالمواد بدرجه امتياز عشان ياخذ الماده الصعبه اللي عليه هالطالب عمره 20 (على ما اظن) و داخل قسم الحاسب الالي (يعني خوي عماد) سنه ثالث ( اظن بعد:6) وهو ارسين
الطالب السادس لابس بنطلون بني و قميص بيج و جزمه بيج و جاي الكليه مستانس ان دوامه مابدأ جاي بس يتشمت على الباقين انهم بدوا يداومون و هو بقسم الهندسه ( حركتات) عمره ....... هاه مادري:6 و اسمه اي جي
الحين جاء دور البنات
الطالبه الاولى لابسه تنوره سوداء و بلوزه سوداء و بودي سماوي و صندل اسود(كشخه) و جايه مالها خلق بس غصب عنها عشان امها ماتزعل منها سنه ثانيه انجليزي ( مع شوشان و خوباج) سنه و العمر 19 هذي انديني
الطالبه الثانيه لابسه تنوره جينز كحلي و قميص وردي مخطط بعنابي ( لبس مرتب و نظامي) و صندل عنابي جايه زي الاطرش بالزفه ماتدري وين الله حاطها( وش هالمبنى الكبير وين اروح تهيء تهيء واااااء) اظنكم عرفتوها ليونه مين قدها حاسب ( الله يعينها على عماد و ارسين:6) العمر 18 و توها نيوبي بالكليه
الطابه الثالثه لابسه تنوره سوداء( عناد لقوانين الكليه) و تي شيرت ازرق عليه خرابيط و بوت اسود ( ماحد قد كشختها:6) جايه معصبه و تلعن بالكليه اللي خربت عليها كل شيء :غضب: بقسم الكيمياء سنه ثانيه العمر 20 ( جده على قوله بعض الناس :أفكر: ) عرفتوها هذي فلير ( باختصار انا)
يله هذولا هم الطلاب الشاطرين و ترقبوا مغامراتهم مع اول يوم دراسي بعد الفاصل
اسفه اذا فيه اعضاء معنا بالجامعه او الكليه ماذكرتهم بس لاني ماعرف اي قسم هم زي تيدوس وميمي اعرف انهم بالجامعه بس مادري اي قسم:":
و اللي يبي يلتحق ترى باب القبول مازال مفتوح:D
هااااااااااه اكمل:#
