قصتي مع اجزاء فاينال فانتسي...والمنتدى

السلام عليكم...
اهلا يااعضاء ويا عضوات..كيف احوالكم؟
المنتدى ممل صار كله عن فاينال اكس تو...الزفت:o
قلت اكتب هاي الموضوع ...

مثل ماهو مكتوب كيف تم تعرفكم على لعبه فاينال فانتسي وماهو اول جزء تعرفتم عليه؟؟

انا عني ...اووووه قصتي طويله...
الي يبي يقراها بكيفه واللي مايبي بكيفه براحتوووو...:D

اول جزء تعرفت عليه هو فاينال فانتسي7 ههه
ابوي اشترى اسطوانه تجريبيه فيها العاب ومن ضمنها لعبه فاينال فانتسي7 ...اختي ايريس قامت تحمل اللعبه ...
وانا كنت عندها... ويلى بدت...طبعا لمن شفت كلاود شكله مصغر...هههههههههههههههههههههههههههههههههههههههههههههههههههههههههههههههههههههههههههههههههه انفجرت ضحك..:D :6

شكله يضحك يديه سودا واحس انو له عضلات ....شكلهم بصراحه يضحك...
ويلى بدت تمشي شوي الين ....شششششششششششششششششششششش....طلعو كبار!!!:واو:

انتبهت لهاي اللعبه..وشفت القتال اشكالهم حلوه وايد وهم يقاتلون...ولمن شفت الاستدعاءات والطلقات اختي ايريس انينت...تعلقت باللعبه وااايد...
تلعبها كلللل يوم ...

اما انا فما اعطيت هاي اللعبه أي اهتمام....اما اختي فااشترت علطووووووووووووووول فاينال فانتسي7...وتكمل لعبتها اليييييييييين تنهيها خلال 4 اسابيع تقريبا...
وطلع الجزء الثامن....اختي سمعت بصدور اللعبه فحسبت انه تكمله للجزء السابع!!
فاشترته ولمن شافت الشخصيات....سكتت
بس ماتشجعت على ان تنهي هاي اللعبه لانها تحطمت مشان الشخصيات تغيرت...وظلت في لعبتها فاينال فانتسي 7...

تبي تنهيها مره ثانيه= = = فاضيه ذي البنت:أفكر:
قلت حرام اشوف فاينال 8 مرمي بالدرج الشريط زعلان ..قلت خليني اواسي الشريط والعبه..
يلى يوم بديت باللعبه .....حسيييت بملل فظيع ..:":

بخ بخ بخ بخ ...ممله ...
بس الشخصيا ت تحفه خاصه البطل سكوال رهييييييييييييييييييييييييييييييييب .. ورينوا ولاجونا كلهم تحفه بس مشكله اللعب انها ممله ونظام القتال سخيف نسحب قوى من الوحوش وبس اوف..
ولا الكروووت الي ذابحينا فيها الاعضاء ماادري ايش يحبون فيها ممله لدرجه فظيعه !!
فقمت رميت الشريط بالدرج وعع..:o
ترجيت اختي :ايريس بليييييييييييييز ابي العب فاينال 7 ممكن؟؟
جاني فضول ابي العب هاي اللعبه...
ولمن لعبت اول بدايه حسيت بالملل الين يوم قاتلت الوحش الي من بعدها طاح كلاود من سابع سماوات...
من هني تحمست...وظليت العبها والعبها ....رهيبه اللعبه وايد في فرق شاسع بينها وبين الجزء الثامن الممل...:0)

مع ان السابع قديم الا انها تفوقت كثييير على الجزء الثامن.... بل على كل الاجزاء..
ههه يلى اختي مسكت الجزء الثامن وقامت تشجعت ولعبته ..واانتظرها متى يجي دوري ..
وكان يناديها ابوي: ايرييييييييييييس ..أبيج تزينين لي ا لقهوه والشاي رفيجاي بييوني!!
هههههههههههه وااخيرا ....:0)

استلمت اللعب ورميت فاينال 8... بلى فينال 8 بلى هم بلى ملل...يلى نبدا بفاينال 7..
ومافي شخصيه لفتت نظري واعجبت بها ...الشخصيه كلاود تعجبني بس مو وايد وحتى ايريس وسيد (العصبي)وسيقروث...

المهم رحت بين الاعشاب وشششششششششش ..طلعت الشخصيه يوفي...
اعجبت بالشخصيه هاي ...بس قهرتني يوم سرقت المايتيريا من كلاود والي معه..بس اني حبيتها وتعلقت بهاي الشخصيه ودايما احطها معي بالقتال اهي وايريس وكلاود...
وصلت اليييييين يوم اروح للملاهي وتبدا ماساة ايريس...من هني وقفت شهرين!!

ماادري صار مالي نفس العب خلال هاي الشهرين وفجاه ياني شيء قالي العبي!
وكملت لعبي يووووووووووووووووه من زمان مالعبت...
المهم لاحظت شيء غريب باللعبه في صندوق عند بيت سيقروث ولازم اكتب الارقام السريه حقه...
قلت هذاااا في انااااا...:D

شيء ثاني اختي ايريس نهت اللعبه بدون فينست...
فااحنا عندنا صورله قلت غريبه هاي الشخصيه كيف نطلعها واكتشفت ان الصندوق له صله بالموضوع...
طبعا يااست وانا احاول قلت لاختي ايريس اسالي كل البنات كيف ....مالقينا رد...
وااكثرهم نفس الشيء نهوها بدون فينست...
قالت اختي ماعليه نشتري مجله الحل الكامل له وينتهي الامر.. قلت لاااااااااااااااااا..
ابي اعتمد على نفسي...

فيوم من الايام سمعت اختي من ولد عمي انه يدش لمنتدى اسمه منتدى(فاينال فانتسي)..
اختي استغربت كيف؟.
طبعا لمن شافت المنتدى وشافت الاعضاء والمواضيع والردود تحمست واااايد الاااااااااااا بااشترك بهاي المنتدى...

واشتركت ...وحطت موضوع ترحيييب(الله يالدنيا)...
المهم وكان تدش اول موضوع وهو موضوع ..(شارك ماستر)...(أي سؤال في فاينال 7 انا حااضر)
ولمن دشت الموضوع لقت فيه الرقم السري حق الصندوق....ويتني وعلمتني وااخيرا طلعنا فينست ...
وهاي الشخصيه صح غامضه بس رهيييبه تعجبني...واااااااااااااااااايد...
فصرت اختاره اهو ويوفي وكلاود غصبا علي..
وتحمست يوم اخذته ...قمت اوصل الين يوم حان موت ايريس انا ماتاثرت عايدي بس اختي(استغفر الله)

تبجي واااايد كلما تشوف هاي المقطع....انا دايما لمن اشوفها شذي احب يدي وجبهتي وااقول الحمدالله..والشكر
عااااااااااد اختي حساسه مايحتاج أي شيء تبجي عليه كاانها طفله..
المهم...
وصلت للشريط الثاني..ووصلت اليييييييييين بدات مشاكل كلاود العقليه = = هذا المتخلف ..

وتيفا كلما اشوفها تتلصق فيه ودي ارفسها....:أفكر:

يتبع..

يوفي از ذا بيست":"

الله يعينك ويساعدك

اريجاتو يوفي ^_^

موضوع حلو انتظر التكملة :)

تركت اللعب ....بسبب مرض اختي ايريس...مرض ملاداعي اقوله بس الحمدالله انها نجت منه...
وكان تقولي في هذا الوقت اشتركي بدالي بالمنتدى وسلميني على الاعضاء ....اخ
صرت اشترك بدالها وادخل الماسنجر بدالها ...دشيت الماسنجر اها تذكرت ...اختي قالت لي ان اكلم على بنت اسمها اربيجي جيرل...
قمت ادور على ايميل مكتوب( اربيجي جيرل) اليين لقيته كلمتها اول ماكلمتها حسيت بالراحه معها ماشاءالله عليها خلوقه وطيبه وحبوبه= = = =.محد قدج...:D

بعذرها اختي ايريس تصدع راسي بالكلام عنج...اشكرج يااربيجي جيرل...:D
وبعدها صارت مشاكل...خرابيط فاضيه مالها أي معنى بس انا عصبيه ومااتحمل اختي تهان وااهي مريضه...

قمت حبيت اتاكد من عضو دزيت للعضو (نيو سيد) رساله كنت حابه ااخذ ماسنجره لاني ابي اتاكد من حاجه....وقبل وعطاني ايميله..
وكلمته ...ههههههههههههههههههههههههههههههههههههههههههههههههههههههه:6

بس النهايه ماعجبتني وايد لانهم ماورونا شنو راح يصير بالمستقبل...
بصراحه كلما اتذكره يجيني ضحك....عرفت انو شخصيته رائعه وتذكرني بشخصيه سيد هايوند سبحان الله ...
زياده انه طيب ويحب يساعد الاخرين ...
ولا كنت اول..... ادش واكلمه علطول ......يقولي(سلمي يا بنت...)......هههههههههههه يحليلك يا نيو سيد:D

بس الي يقهرني شيء واحد بس ماادري ...احس انه كلما يرد لي بالماسنجر احس انه معصب مااادري على شنو!!
على العموم مشكور يا نيو سيد على كل ماقدمته لي..
والاعضاء الي تعرفت عليهم وايد المراقب قاهر...هذا عااد ماشاءالله طيب واااااااااااايد ومحترم ....تف تف عليك من العين الحمره..مشكوور قاهر":"

المشاكل هاي انتهت وماله داعي اذكره بالتفصيل...المهم انتهت ..
وكانت ...اختي قبل تلح علي اني اشارك فيه قلت يلىىىى....دزيت لنيو سيد رساله اود المشاركه لاني شاركت ورفضو اظن لازم التفعيل زي مايقولون... وساعدني ..واشتركت للمنتدى بفضله وسوالي توقيع...

حطيت موضوع ترحيب لي وغريبه المراقبين منقطعين عن المنتدى؟؟... ولا كان قفلو موضوعي!!
وصااااار موضوعي اكبر موضوع ترحيب على وجه الارض,,,هاهاهاهاهاهاهاهاهاهاهاهاها..
اظن وصلت على مااذكر الردود حوالي اممم على السبعينات او الستينات!!":" ":" ":"

و...ردت اختي من المستشفى وقعدت بالبيت تحت الرعايه...اسبوع ونص تقريبا وردت للمنتدى وكتبت
موضوع انها ردت...اختي طبعا ردت للماسنجر والمنتدى..

ومن هني كملت لعبي فاينال فانتسي 7 ..لحظه وين وصلت ؟؟؟!! = = = لحظه اشوف فوق..
أي أي وصلت اليييين المتخلف كلاود..
ويلى اخذت تيفا تدور في عقله ..
الين رد عقله....امممم وصلت اليييييييييييييين الشريط الثالث النهائي...وتحمست ماقدرت اتحمل ..

اترك اللعبه ولا ثانيه الا منهيتها...وصرت مااكل غداء ولا عشاء بسبت اللعبه= = بعذري هلكت

والحمدالله نهيتها وااخيرا...= = مبروووووووووووووك يوفي كيزاراجي..":" :أفكر:

اما لعبه فاينال 8 هههههههههههه تخيلو نهيتها بااسبوع تقريبا والله سهل واااااااااااااااااااااايد سهل
اسخف لعبه ....والقصه طبعا اسخف لان فيها عشق وغرام ورومانسيه وانا اكره الرومانسيه هاذي واعتبرها مبالغه يوم المفاعل...-= = = طبعا هاي ولا شيء بالنسبه لفاينال 10..:غضب:

المهم انا اكره أي لعبه فيها رومانسيه... ابغضها بشده...
ههههههه نسيت اقولكم عن فاينال 9...اسخف لعبه... والله 8 ارحم بكثيييير...
اللعبه كلها حيوانات اشكالهم غلط في غلط...ماعدا كوجا....وهاي الشخصيه ماادري خلقه احبه موووت..:#

والاميره جارنيت....وبيتركس هاي شخصيه بعد..
اما زيدان فهو قرد مخيس مايسوى فلس..

اللعبه اختي لعبته ..ونهته انا مالعبته ولا فكرت اني المسه حتى..بس كنت اشوف عروض كوجا...اعتقدت بالبدايه انه بنت عشان ملابسه..بس صار ولد...

ويبدا عاد المنتدى ينقلب فوق تحت مشاكل كثيره ...طلعت اختي ايريس من المنتدى ...كالمهانه..
المهم انا رديت كرامتها غصبا على الي مزعلها..
وانتهت المشكله ونسينا كل شيء....
هه نحكي عن فاينال 10...
من ناحيتي ....مخيس خلقه يعني ماادري الاعضاء ليش يحبون هاي اللعبه يمكن عشانها بالبلاستيشن تو....والرسومات...
بالنسبه للشخصيات ....(بلا تعليق)...
زفت في زفت....الي سواق سرلنكي والي شغاله اندنوسيه ولا عيوز مخرف ولا وحش كااسر..
ولا عاد سيموووور...هذا يوم شفته مع يونا يوم...@#$#%#$%#$%@#$...
والله بغيت امسك السوني نفسه وارميه بالتلفزيون...بس الحمدالله اختي ماسكتني ...
ولا عاااااااااااد اعظم واعظم(لقطه البحيره) قمت اسب في الي اخترع هاي القصه السخيفه كلها حب وسخافات مالها أي معنى....
اللعبه بااختصار مخييييييييييييييييسه....
المشكله انهم حطو جزء ثاني له وانا استغرب واتساءل بنفس الوقت...المفروض يحطون جزء ثاني لفاينال 7-2...
مو هاي المخيس....
انا ماكملت اللعب يوم شفت المقطع هاي اختي ايريس كملت الييين نهته ...وبعدها ماطبينا اللعبه قمت بدون تفاهم...
يوفي:ايريس نهيتي اللعبه؟؟
ايريس:أي نهيتها تبين تشوفين النهايه ؟؟
يوفي....= = تاخذ فاينال 10 وتكسره بيديها...كسره كسره وترميها بالزباله...
اختي ماتفاجات عادي مااعطت اهتمام .....ياخساره على الفلوس الي خسرنا عليه..

اوبس نسيت فاينال6...هه احس ماادري سخيفه....= = الله يعين من فينست فالنتاين
اختي كالعاده منهيتها...انا مانهيتها ولا لعبتها بسبب الرسومات الي مصدعه راسي...
اختي مدحته لييي تقول قصته رهيبه...واللعبه رهيبه!!
انا أي لعبه رسوماتها شينه ارميها على جنب...ليش؟ شذي سبحان الله..

المهم مشكورين على قراءه قصتي مع اجزاء لعبة فاينال فانتسي..والمنتدى = = = ماتلاحظون انه مقتبس شوي من بابا عماد؟
وترا قتي فيها اختصار يعني لو اقولكم بالتفصيل بيكون الى مالانهايه...

الخلاصه من هاي كله...
شنو اول جزء من فاينال فانتسي لعبتوه وكيف تعرفتو على هاي اللعبه؟
واذا كان معندكمش مانع تعلموني كيف تعرفتو على هاي المنتدى..
ومره اخرى مشكورين على قراءه موضوعي...:6

يوفي از ذا بيست

ملاحظه:1-(الموضوع مو مكرر)= = هاي الكلام للمراقب جلتي,,:D

2--(لا للرومانسيه)
3-(ماتزعلوش من رايي على اجزاء فاينال فانتسي كل واحد وله راي واحنا نحترم ارائكوووو)

سلالالالالالالام

اقتباس:

---

الرسالة الأصلية كتبت بواسطة Magical Dreamer
اريجاتو يوفي ^_^

موضوع حلو انتظر التكملة :)

---

مشكووووووره اربيجي جيرل ...على ردك هاي التكمله وانتهت:D

البرت:

اقتباس:

---

الله يعينك ويساعدك

---

الله يعيني ويساعدني؟؟! على شنو؟!......:D = = ماادري الابتسامه هاي الايام شاقه ويهي:D

يوفي از ذا بيست":"

وااااااااااو توني الاحظ ان موضوعي طوييييييل:واو:

الله يبارك بهاي اليد:D :D

يوفي از ذا بيست":"

قصة عجيبة :D :6

حمدلله على سلامته اختج ^^
ومسكين فف 8 و 9 و10 .... لهدرجة ما اعجبوج ؟ ..
عاد انا اكره السابع :أفكر:
وعجبني الثامن (اول لعبة اربيجي العبها وافهمها كانت روعة بوقتها ^^)
والتاسع (قصة ولعبة ولا اروع ^^)
والعاشر (حلو مش بطال القصة روعة ^^)

وكل الأعضاء اللي ذكرتيهم مشالله مافيه احسن منهم ^^
وعلى فكرة شارك ماستر و نيو سيد وسيد هاي ويند .. كلهم شخص واحد :p

اقتباس:

---

(سلمي يا بنت...)

---

اوووه سلمتي بالموضوع .. يعني لازم بالمسنجر بعد :D

مشكورة على القصة الرائعة .. ^^
احسن من قصتي مع المنتدى المملة مافيها احداث اكشن :6

ثانكس يوفي على الموضوع الشيق وعلى مغامراتك....

اقتباس:

---

الرسالة الأصلية كتبت بواسطة Golden_Sun
عاد انا اكره السابع :أفكر:
وعجبني الثامن (اول لعبة اربيجي العبها وافهمها كانت روعة بوقتها ^^)

---

هنا نفس الشئ بالضبط......




وتعرفت على المنتدى عن طريق العضوة القديمة ريــــنـــوا

ثانكس اقين على الموضوع...;-) ;-) ;-)

مشكورة أختي Yuffie Kisaragi المثير،
وترى في مسلسل فاينل فانتسي نازل،في الانترنت، 25 حلقة، بس تراه ياباني،بس مكوب لغة انجليزية لترجمة الكلام
وأختي لا ترمين كل لعبة ما تعجبك،لأنك تقدرين تحفظينها عندك ولما تصير قديمة ونسوها الناس تقدرين تطلعينها وتلعبينها،بس والله صادقة فف 10 كل زفت في زفت:أفكر:
على العموم مشكور على الموضوع الجميل ومع السلامة

كل هذا موضوع :": ؟!
ما قريته للحين :D ..!!

اقراه وارد خبر :6

اقتباس:

---

الرسالة الأصلية كتبت بواسطة Mesharey
كل هذا موضوع :": ؟!
ما قريته للحين :D ..!!

اقراه وارد خبر :6

---

ليش رديت بالموضوع دام انك مو قاري :أفكر:
إمم إي تحدي ال5000 ^^

يلا نشوف منو يوصل :D !!

مغامرة !! :) احداث المفروض تتحول إلي انمي :) ..شكراً على الموضوع


لكن القصة ومافيها أنج تحبين شي اسمة ( غامض ) !!

شخصية:
قوية
ذكية
جميل
لا يتحدث كثيراً :)

لكن في العاب اربجي كثيرة جداً فيها شخصيات غامضة نفس

سيفيروث = حبيبي ^_^
نفس الشخص إلي في توقيعي حبيبي والله مستر اسيا ^__^

واخيراً شكرا ;)

هذي سنين عمرك ما لازم تستهترين فيها
انا بعملك حقوق حفظ :p :p :p :p
بس تصدقين انا احب يوفي بس مو اكثر من لولو :D
بالنسبة للأجزاء
ترى 6 مو بطال .. يمكن الكلاسيك ما يعجبك بس تراها مره روعه :D
الـ 7 ... و نقدر حنا نحشي فيه هذا بعد :D
8 ... تصدقين ما لعبته إلا مرتين :p
9 .... ما ادري وش اقول ... الله يخلي امانو :p
10 ... انا مصلك الرومانسيه عندي في اللستة السوده
بس مع هذا انا عاجبتني اللعبه كثير ... تقدرين تدورين سبب ثاني !!!
و الحمد لله على سلامة اختج
و كثري لنا من شوفاتك في المنتدى :D :D

الموضوع تمام ويشووق شباب فيها قصص حياه.....نتابع معكم نشوف وش اخرتها.......:) .........

موضوعج رائع اختي والله :)

اسلوبج يضحك :D (يعني ممتع..عن تفهميني غلط :": )

يعطيج الف عافية :)