تعال عدنا وقدم على وظيفة !

السلام عليكم و رحمة الله و بركاته ..

كيف الأحوال جميعا ؟ .. شلونها الامتحانات ؟ .. بالتوفيج للي ما خلص ( اشدعوا

انا خلصت ) .. :6

عالعموم .. هذا الموضوع بيكون خفيف بعض الشئ .. يعني مو مخطط له تخطيط

مسبق كبعض المواضيع .. بل موضوع عالطاير .. :أفكر:

بالبداية .. رسالة لمشاري : ترى مو هذا الموضوع اللي تكلمت عنه ..فيه واحد

بالطريج .. ذاك اللي اقصده .. :6

يلا نبدي ..


بسم الله الرحمن الرحيم ..

العاب فاينل فانتسي اللي نزلت على السوني 1 و السوني 2 .. يقول الكثيرين

انها كانت تخلوا من نظام الوظائف اللي تعودنا عليه .. لكن سكوير تعود لنا

بفاينل فانتسي تاكتيكس .. و اعادة اصدار فاينل فانتسي 6 و 5 ..

لكن بنظري .. ان الوظائف ما انحصرت في هالاجزاء بس ... نقدر نقول انها

موجود بفاينل فانتسي 7 حتى .. شلون ؟ .. انا بقولكم شلون ..

طبعا تعرفون Cid Highwind .. ( الله يذكره بالخير :D ) .. هذا الأخ الطيب الحنون

ذو اللسان اللبق الطيب القلب اللي ولا مرة بحياته حقد على أحد .. و تزوج

بالفطرة .. :6 .. هذا الطيب ... له وظيفة .. و اللي اهي Dragoon .. خلوني

اوضح لكم شلون .. عنده حركات مختص فيها الدراجون .. مثل حركاته :

Dragon Dive و Dragon .. :)

و حتى .. حملة لسلاح الرمح .. و اللي نشوف يحمله الدراجونز .. مثل

Dragon Lance ..


ممكن يكون كلامي صحيح .. و ممكن نظرياتي هذي خاطئة .. بس بحاول أأكدها

أكثر ... بشخصية ثانية ..و اللي اهي Aeris Gainsborough .. هالشخصية

طبعا معظمنا لاحظت أنها White Mage .. و يصعب انكار هالشي .. لتخصصها

في العلاج و استخدام سحر الفريق ..

هذا الكلام حتى يوضح وجه نظري ..

بس كلامي ما يشمل فف7 .. يمكن يشمل فف8 .. و هذا اللي ابيكم توضحونه

و تبينونه لنا خلاص هالموضوع .. و اللي يمكن نعبر عنه .. مثل حلقة نقاش ..


و نعود لأصل الموضوع .. فف9 شفنا فيه الوظائف بشكل بارز .. و هذي خطوة

ممتازة من سكوير انها ترد لموضوع الوظائف ..

و اللي يأيد كلامي ان Cid Highwind انه دراجون .. هو الشخصية Freya ..

هو وظيفتها Dragon Knight .. و تحمل الLance أو Spear .. ..

http://www.ffworld.com/images/ff/ff9/gif_05.gif

لكن المشكلة .. ان اللي خلاني اكتب الموضوع هو فيه شخصيات ما برزت

وظائفها بشكل لاحظة البعض .. ويمكن البعض لاحظة خلال خبراتهم مع فاينل

فانتسي بشكل عام ..

بنشوف وجهات نظركم تجاه هالموضوع .. واللي عنده معلومات يديدة .. فاتمنى

انه ما يبخل علينا ..

وحتى .. خبراء فف8 .. أنا مو مهتم بهذا الجزء وايد .. بس ودي لو أحد منكم

يشاركنا الرأي و يقولنا وظائف شخصيات فف8 لو وجدت ..

و بالتوفيج لنا جميعا .. واتمنى ان الموضوع يحوز على اعجاب الجميع ..

سلام عليكم .. ;)

مع تحيات .. نيو http://www.ffworld.com/images/ff/ff7/gif_11.gif

شكرا على الموضوع والله أنا ما عندي معلومات مفيدة بخصوص هذا الموضوع بس ما حبيت أدش موضوع من مواضيعك وما أرد :6
بصراحة غلبت مشاري بإسم الموضوع الغريب :0)

منافسة عناوين :D :6


مشكور سيد على الموضوع ^^
واعتقد إن فف 8 ماله وظائف .. لأن تقدر تخلي كل الشخصيات يستخدمون GF يعني الكل صار يستدعي وحوش الإستدعاء :6

بس المميز فيها انت تحدد لكل شخصية وظيفة .. ;)

هلا نيو سيد :D
اقول تبي وظائف روح ل فف10-2:أفكر: تلقى اللي تبيه
فف8 ما اعتقد فيه وظايف ...... لا اصبر يوجد !!!!!
سكوال واريور .... بس ما ادري الباجي:p
في فف10 يوجد وظائف
لولو ....بلام ميج
يونا ...وايت ميج
تيدوس ...ووريور
اورن .... ساموراي
ريكو ... حرامية
واكا ... مخلوط
هاللي اعره واكيييييد صح والجميع عارف ..
سلااااااااااااااااامي لكم
":"

منو قال انه فف8 ما فيه وظائف..

عندك زيل يستخدم اللكمات وهذا نفس وظيفة المونك..

وبعد سكوال يستخدم السيف (بس حجمه كبير) لكن هذا وظيفة الوورير..

وكويستس تستخدم السوط وعلى ما اظن فهذا وظيفة مربي الوحوش اذا مب غلطان..

وارفين يستخدم مسدسات يعني رامي (ما ادري اذا موجودة في مكان اخر ولا لا او حتى شو تسمى هالوظيفة)..

وسيلفي تستخدم سلاح مثل النينشاكو يعني ***** (ما اعرف شو يسمى لاعب الكاراتيه) :D ..

رينوا يمكن اعتبارها ايضا مربية وحوش لانها تستخدم احيانا كلبها انجيل..

وشو بعد..

نسيت شي.. ":"

مشكور على الموضوع

انا عندي بعض المعلومات

نسيتوا تيفا من فف7 وهي monk

فف9 جارنت وايت ماجيك وسمونر

من فف9 ايضا زيدان حرامي (بس احبه)

من فف9ايضا Vivi بلاك ماجيك

من فف7يوفي حرامية

من فف7 كلاود واريور

من فف4 سيسيل اول شي يكون دارك نايت بعدين بالادين

من فف4 كين دراجون نايت

من فف 4 سيد انجينير ( مهندس)

من فف4 ادج نينجا

من فف4 ريديا سيمونر وبلاك ماجيك

من فف4 روسا وايت ماجيك

من فف4 YUNG monk

من فف4 ادوارد بارد ( مغني)

من فف10 نسيتوا كيماري دراجون

اعتقد:

تيفا و زيل: Monks

كلاود و سكوال: Wariors

يوفي: Theive

كويستيس: Blue Mage

باريت و ايرفين: Shooters

هذيل اللي يو على بالي الحين :D

يعطيك العافية Neo :)

صار نيو سيد ينافسني في المواضيع الغريبة ...:D :D

المهم ...

أنا من أشد المعجبين بفكرة الوظائف (عرفتوا ليش دايما أتكلم عن فف تاكتيكس;)) ....

شركة سكوير تحب دائما تظع علاقات بين الأجزاء ، وأهم علاقة هي علاقة الوظائف ...

في فف8 هناك ميزة مهمة ، وهي أنك أنت تحدد الوظائف للاعبيك ...

و لكن أيضا كل لاعب له وظيفة محددة ..

مثلا زيل ملاكم ، يعني Monk

كويستيس تتعلم حركات الوحوش ، يعني Blue Mage

إرفين قناص ، تذكروا Mustadio في فاينال فانتاسي تاكتيكس؟

سيلفي White Mage لأن عندها حركات مثل Full-Cure و Wall.

اووووووووووووووووه :0) بن عمي ... شو هذا ... اشوفك كل يوم والثاني تتطلع شيء يديد من راسك :أفكر: ...

كلامك صحييييييييييييح خيو ... انا كنت افكر في هذا الشيء دايما عن كل جزء من اللعبة ... ولقيت انه فعلا في وظائف في كل جزء تقريبا ..

والله يعطيك 1560 عافية :cool:
ويخليك ربي ":"

اوكي انتظر الموضوع :6 ..


بالنسبة للموضوع..اعتقد في لعبة تجمع كل الكلام اللي تذكرونه..
FINAL FANTASY X-2
فيها كل الوظائف اللي مرت بسلسلة فاينل..مع وظائف جديدة ..
الوايت ماجيك
البلاك ماجيك
الواريور
Gunner
اللص
دارك نايت
ترينر (مدربة وحوش)
محارب

اكملها برد ثاني الحين مشغول شوي :": ..

في نظري كل أجزاء فاينال تقريبا ما كان فيها نظام الوظائف بشكل رسمي ((دقق في أخر كلمتين :أفكر: ))

مثلا الألعاب الواضحة أن فيها وظائف هي FFt FF9 FF10 FF5 FF ....

غيرها ما كان مميز بسبب أن الوظائف الغير رسمية فيها ما كانت مميزة!! :أفكر:


مثلا FF8 ما حطوا في اللعبة مميزات خاصة لكل وظيفة...يعني من المفروض أن Irvena يقدر يسوي Snipe و Selphie تسوي Combo مع Zell ....أقصد يحطون حاجة تخليني أشعر بميزة هالوظيفة ((فاهمني)) :(

شو رايك؟؟؟! :أفكر: ":"

اقتباس:

---

الرسالة الأصلية كتبت بواسطة Dragon Knight 2
في نظري كل أجزاء فاينال تقريبا ما كان فيها نظام الوظائف بشكل رسمي ((دقق في أخر كلمتين :أفكر: ))

---

لو اتجهت لآخر جزء 10-2..كان نظام الوظائف فيها رسمي...
اما القديمة معاك حق :)..

اصلا نظام الوظائف طريقة كلاسيكية ففاينل فانتسي من بدايتها....وهو من اكثر الاشياء اللي خلاني احب هالسلسلة...و كل ما اشوف لعبة فيها وظائف احس بطعم فاينل فانتسي الكلاسيكي

انا احلى اجزاء عندي هي فاينال فانتاسي تاكتيكس


فاينال فانتاسي 10


فاينال فانتاسي 9

فف تاكتيكس فيها تقدر تغير الوظائف وهذا احلى شي عندي


فف 10 احس فيه كل الوظائف يعني كل واحد له شي محدد صج انك تقدر تعطي بلاك ماجيك ووايت ماجيك......... الخ بالسفير جرايد
بس يضل للشخصية اسلوبها بالقتال


فف9 نفس العاشر بس ماتقدر تعطيه غير الشي ماله يعني بلاك ماج ماتقدر تعطي الا بلاك ماج........الخ


ومثل ما قال SanjiyaN نظام الوظائف كلاسيكي


وهذا الي خلاني احبها والعب فيها واخلصها

آسف شباب كنت كاتب رد على كل واحد فيكم .. لكن الرد ما وصل و علق الجهاز و طار كل الحجي .. يعني اللي ما يشوف اسمه مو معناه اني مو عاجبة ردي .. بالعكس .. اعجبت بردود الجميع و المعلومات القيمة اللي ضافوها .. بس فيه ناس بعلق على جم شغلة قالوها .. فارجو السموحة ..

Golden_Sun :

حتى فف7 تقدر تحدد فيها .. يعني تعطي كل شخصية سومون .. لكن بنفس

اللحظة الشخصية لها وظيفة .. :أفكر:


Magenta :

قلت بلو ميج لكويستيس ؟ .. شنو هو البلو ميج بالضبط ؟ ..


أبومروان :

أنافس الكل ولا انافسك .. أنت مواضيعك ساحقة .. قاحوصية .. :6

فرق كبير بين ابو مروان و بيني .. عليك ثقافة مشاء الله عليك .. :D


SUPER_SAIYAN :

اقوووووووووووووول شفيه الموضوع منور .. :6


Mesharey :

فف10-2 ما فيها كل الوظائف .. منو قال كلها ؟ .. حرامي ..:6

كل الوظائف ممكن تلقاها بفف تاكتيكس .. لأنها اكثر مما تتصور ..

بس ننتظر ردك القادم . يمكن عندك معلومات قيمة ..


Dragon Knight 2 :

صحيح .كلامك ..


al_7elo93 :

صحيح .. لكن الفرق بين فف10 و فف9 .. أن في فف9 الوظائف ثابتة و خاصة

للشخصية .. وما تقدر تبادل ولا شي .. أما في فف10 .. يمكن انك تعطي

لولو وايت ماجيك .. و العكس .. :)

و شكرا جميعا على مشاركتكم بدون استثناء .. و بكمل كلامي بالرد القادم ..