زكريات الطفوله .... (انا عارف اني كاتبها خطاء ..يعني لااحد يجي ويتفلسف علي ويقول غلط)

صباح الخير شباب.... (ماتلاحظون انه ولا مره في عمري بدات موضوعي بترحيب بالبنات ... دائما متحيز مع الشباب)...



الصراحه ..... اليوم جمعه ...

واخوكم في الله سهران عشان عيونكم>>>>>>>> نصاب ماجاه النوم لأنه متعود على الجامعه



فقلت راح احكي لكم عن ذكريات طفولتي السعيده (احترني سعيده) ... من الالف للياء ... ومن كل الجوانب..


وعلى فكره .. والله ان كل كلمه قلتها هنا صارت عن جد .... بدون زياده او نقص...




امممممممم


اوكي راح ابداء من الاصل ... اكيد الشغاله....:)





1_ الشغاله

الشغاله الي تربيت على ايديها ..... اسمها رحمه .... ووالله انها رحمه..

وعلى فكره هي جلست عندنا 11 سنة كامله...

كانت حبوبه لآخر درجه .....

مع اني كنت اعمل فيها كل المصايب ...الا انها كانت تسامحني دائما..

بس بعد علاقة دامت خمسة سنوات ... انقطعت فجأة وتحولت لكره

والسبب هو اخوي الصغير ... لأنها صارت تحبه اكثر مني...

وانا عرفت هذا الشيء ....لما هي رجعت من السفر وجابت له هدايا اكثر مني.. (تصوروا الشغاله هي الي تجيب لنا هدايا)









2_عمل الماما...


طبعا بعد ما الشغاله رحلت ..... انا ماحبيت الشغاله الجديده..

فإمي اضطرت انها تأخذني معاها للعمل... (مو حب فيني ... بس تبغى تشخص فيني قدام خوياتها)....:)

طبعا احلى شيء هناك ... اني كنت vip ... تعرفون ليش .. لأنى كنت ولد المديره..

واحب اسمع هاذي الكلمه وانا اتمشى ...

بنات شوفوا ولد المديره

بالله هذا شكله شكل ولد المديره (هاذولي حاقدين بس)

ششش اسكتوا خلاص ولد المديره وصل......



لا وأحلى شيء . اذا البنات دخلوا لمكتب امي .... لازم قبل مايبدأون كلامهم يعطوني رشوه .... اما تويكس او باونتي (اتشرط)..









3_ الروضه


وهنا تأتي اسواء اللحظات في حياتي....


وهنا ايضا راح تكتشفون سر كرهي لجميع البنات على وجه الكرة الارضية...


اول مادخلت للروضه .. كنت لسه ولد لطيف وبرىء ( مايبغي يقول كنت خكري)...

والبنات الملاعين استغلوا هاذي النقطه...

انا ولد نعمه .. ابوي كل صباح يعطيني خمسة ريال....

وطبعا اذا جاء وقت الفسحه .. مايبقي معاي ولا شيء....

ليش ..... لأن بنت الاستاذه (سوسن) >>>>> مستحيل ينسى اسمها..

تسطره بكف كل يوم .. وتأخذ فلوسه..


ووالله كنت بريء لآخر درجة .. كل الي اعمله اني اجلس لحالي في الزاويه .. وتنزل دموعي بدون صوت حتى .... مو بسبب الفلوس... لكن بسبب القهر والظلم...


واتذكر اني مره تشجعت ... وطلعت للمديره وجلست ابكي عندها...

ولما سألتني علمتها القصة كلها ...

وطبعا الاستاذة الكلبه ماقصرت ... منعتني اتفرج على الفيديو يومين كامله... (والله ظلم لآخر درجة)...








4_المدرسة الإبتدائية


طبعا وبما اني اكبر الأولاد ... لازم ادخل مدرسة خاصة .. مدرسة بفلوس..

بالعربي مدرسة الخكاريه...

وهذا كان له اكبر تأثير علي حياتي...


ماراح اطول عليكم هنا ..لأن مافيه شيء يستاهل....

لأني زهقت من هالخكاريه وطلعت ....









5_ بداية الرجوله (المدرسة الابتدائية الحكومية)


هنا يحلى الكلام..

طبعامثل ماقلت لكم .... انا كنت جاي من مدرسة خكاريه .. ومدرسة دلع كل واحد يلبس على كيفه..

فأنا دخلت للمدرسة الحكومية ببدله..

الطلاب ماصدقوا وطاحوا فيني تهزى كلهم.......

انا طبعا متعود على مدرسة الخكارية .. كل واحد يعلم بابا..


بس نسيت اني في مردسة حكومية .. وأن بابا مايوكل عيش هناك..


ردة الفعل المباشرة .. اني بدات استرجل وبدأت ادافع عن نفسي..

اليوم تسطرت...

بكره العكس انا ضربت ولدين (بس اصلا هم كانوا صغار)

اليوم الي بعده نادوا اخوهم الكبير ....... لا يافهد هذا مايصلح معاه الا القلم ..

وهنا كانت اول جريمه اقترفتها يداي....

لأن الولدين نادوا اخوهم الكبير ..... انا قبل الطلعة عملت استعداداتي .... بريت قلم الرصاص ومسكته بكل قوتي وطعنت الولد في ايده..

المشرف الإجتماعي ماصدق ......... كيف طفل الامس البريء هذا يعمل كل هالبلاوي...

اتصل على ابوي (قلت لكم انا استرجلت ماصرت اقول بابا) ... ومن هنا الى صلاة العصر وهم عاملين اجتماع مغلق....


وأنا قلبي يرجف ...


والنتيجة ... ان ابوي طلع معاي من المدرسة .. ومن هناك لمحل الاسماك على طول....

وحقق لي اكبر امنية في حياتي .... والي هي شراء حوض اسماك كبير فيه كل انواع السمك الي انا اخترتها مع ثلاث سلاحف برمائية..

وهذا لأنه فخور فيني (يعلم ولده على الخراب) ... لا الصراحه هو ماصدق ان ولده الخكري فهد يقدر يعمل كل هذا...










6_ بدايه الدشارة والطلعة للشوارع


طبعا انا خربت .. كل يوم والثاني مضاربة ...

وابوي زهق مني كل يوم والثاني ينادونه في المدرسة ويقولوا له ولدك ضرب عيال الناس...


الحل الوحيد انه يفكني ويرتاح مني ....

اول يوم طلعت فيه للشارع .... استغربت من هاذي الكائنات الحية الي تسكن هناك.....

بس اكيد قدرت اشق الأمواج بينهم....

تعرفت على شلة شباب ..... بس هم طردوني لأنى ماألعب معاهم كورة .. ولأنى من الأصل أكره الكوره...

تعرفت على شلة ثانية ....
شلة حلوه مره ...








7_ بداية الرومانسيه .....



امي ماعجبها وضعي.....

ام فهد \يا فهد احنا خلاص راح ننقلك لمدرسة ثانية........

فهد \ علي كيفك هو (قائل لكم عربجي) ..

ابو فهد \ لا خلاص انتا زودتها..


ومن بكره لقيت نفسي في مدرسة ثانية ..... بالتحديد المدرسة الي عند بيت جدتي...


ليش ..... عشان امي تبغاني اذا طلعت من المدرسة اروح على طول لبيت جدتي .... بعدين بعد صلاة العشاء ابوي ياخذني من هناك....



جلست هناك .... زهقان

خالي اشترى لي كل انواع الكومبيوترات ..... بس لسه زهقان


عن طريق الصدفه ...... خالتي اشترت بيت بجنب بيت جدتي ..


وبنت خالتي (احم) صارت تيجي لجدتي كل يوم....


المهم .. اتوقف عند هذا الحد .....بس انتم افهموها..:)


بس على فكره ..انا من جد تأثرت بهذا الشيء...

بس والله تأثرت بكل برآءة..وبكل شرف

كان اي واحد يسألني يقول مين هاذي ( بنت خالتي) كنت اقول له هاذي زوجتي....








8_ بداية الصداقه


في هاذي الفتره كنا نبني بيت جديد لنا....

وانا كنت احب ايجي مع ابوي كل يوم عشان اتفرج على البيت...

يوم من الأيام لفت نظري ولد غريب كان يتمشى بوسط بيتنا ( وهو لسه ماانبني)

وفجاءة طل ابو الولد .. وسلم على ابوي ... هذا جارنا الجديد

دخلنا عندهم ... وقهوه وشاهي ...

وطبعا كالعاده الرجاجيل يصرفون البزارين....

انا طلعت مع الولد نلعب .. نزلت مالقيت ابوي

يابن الحلال .. يمين يسار .... قال لي ابو الجيران ان ابوك كان عنده شغل ضروري وطلع .. (انا شكيت في ابوي)..:)


بعدين ابوي اتصل علي من البيت .. وقال \ايش رأيك تنام عند الجيران الجديدين .. ... يبي يصرفني تعبان وماوده يأخذني..

ومن هنا بدات احلى صداقه في حياتي..... مع هذا الولد...

انا واياه كنا مثل الإخوان .. اربعة وعشرين ساعة مع بعض ...










هوه ه ه ه ه ه ه...... تعبت اكمل لكم بعدين....

يا شباب



مابين كل دقيقه والثانيه تسمعوا لهاي الإغنية عشان تروقون عليها .. وعشان تطلع القصة رومانسيه من جد..

http://www.geocities.com/f_squall_99...Loss_of_Me.mid







((( على فكره الإغنيه حجمها صغير مره))

بسم الله الرحمن الرحيم

السلام عليكم ...:واو: ..ماشاء الله :) ..

على الذكريــات...:p :p ..الحلووووووووة ..:D :D ...

((:D الله يوفق الجميع ))..وســـــلامي ..** سوسن

ابوك يشتري لك حوض سمك عشانك سطرت واحد:واو:

:واو:


:واو: WOOOOOOOOOOOOOOOOOOOOOOOOOOOOOOOW:واو:

سوسن .....


شكرا..

على فكره .. اذا انتي تخصصك خرفان ... انا تخصصي اسماك...:)







___________



توكول ....



انت لاتنظر للموضوع من ناحيه مادية ..... انظر للموضوع من ناحيه نفسيه ومعنويه ( بدات الفلسفه)


ابوي افتخر فيني .... كيف اني قدرت اسطر ثلاثة الاولاد واحد فيهم في المتوسطه ( مع اني كنت لسه صغير بالإبتدائية)....


________



على فكره شباب انتم سمعتوا الإغنية .. ترى هي احلى شيء بالموضوع ...:)

حركتات....
قصه حياتك....طيب كمل وبعدين؟:)
--------
سوزن....انا اطالب والح بطلبي بانك تكتبين زكريات طفولتك....من اولها الى اخرها زي سكوال...بلييييييييييييييييييييز:)

اقول سكوال خطاء تنكتب كذا>>>(خطأ)مو(خطاء):)

سيلفي


اقول ... لاتقلدين ياورد لأجي اكفخك الحين ... قال ايش قال حركتات..












خلاص ياورد طلعت صديقتي ...ادافع عنها....:)






___________



على فكره ...

انا الح واطالب بأن سوسن ماتكتب ولا شيء عن مذكرات طفولتها..

كلها خرفان * خرفان...:)






ليش مو انتي يا سيلفي...


لو تكتبين زكريات طفولتك .. خصوصا مع قطوتك ... عشان الشباب يعرفوا سر الرمز 2056

بسم الله الرحمن الرحيم

(( حراااااام ذبحوو عزوز :( )) ...

:واو: بس لحضة :أفكر: أنــا توي عارفة ..

الخرفان من سنة ..... :D :D ...

لاتعتقدون أنهم عندنا منزمااااااااااااان ......:p :p

وســـــــــــلامي ........** سوسن ...

حلوة القصة

بس على طاري الروضة...انا عندي قصة حلوة...طبعا في فترة الروضة كنت انا ولد حلو...جدا..جدا(واثق من نفسه)..مدرستي كان فيها...روضة..وتمهيدي..واولى ابتدائي..انا كنت زي اغلب الاولاد في هذا العمر يكرهون شي اسمه بنت..وكان فيه شلة بنات (اولى ابتدائي) وانا في التمهيدي...طبعا زي ما قلت لكم انا كنت اجنن...ورئيسة الشلة معجبة فيني...وفي كل فسحة كانت هي وشلتها يخطفوني ويحبسوني ويسوون فيني اشياء ما تتخيلونها... وفي يوم من الايام وانا استنى امي تجي تاخذني...جت الرئيسة و((باستني))....وتوقعوا مين اللي شاف الحادثة.......((الماما))....وقالت للبنت...عيب كذا.....وردت عليهاالبنت...وش اسوي...احبه...(حب من طرف واحد).......وبس....خلصت القصة.:cool: :cool: :cool:


البنت كانت حلوة بس انا كنت اكره البنات(يعني راحت علي):p

القصة هذي حقيقية مئة بالمئة.

يا حليلك يا naf


انت بس انبست مره واحده... ومن بنت صغيره



طيب لو اقول لك انه كانت تصير لي عمليات ابتزاز ومن بنات كبار في المتوسطه..


والله العظيم اني ماأكذب عليكم ...



اذكر القصة صارت لي لما كنت في الإبتدائية .....


كنت لحالي في بيت واحد من أقربائنا... مو لحالي ..بس كنت الولد الوحيد هناك

وكان فيه شلة بنات صغار يلعبون ... ثلاثة منهم كبيرات (في المتوسطة)

انا قطيت وجهي عليهم قلت لهم لعبوني ...

وهم ابتزوني يقولون لي مانلعبك الا لما تعطي كل واحده فينا بوسه..



وطبعا صار الي صار....:)




__________



اقول ...



والله حظنا مثل وجيهنا...


وين راحوا ذا البنات يوم كبرنا.....:)

اقتباس:

---

[i]تم نشرها

البنت كانت حلوة بس انا كنت اكره البنات(يعني راحت علي):p

القصة هذي حقيقية مئة بالمئة. [/B]

---

عيب والله ما كانت اتوقع هاذي الكلمة تطلع من شخص موثوق انه عاقل وكامل الادب

لا ...انت المفروض تكتبها \



أديب وكامل العقل...

يا conanweb تراني امزح....والله امزح... (اصلا اقدر اجيب 10 احسن منها)...امزح بعد.

ويا سكوال...هذي اول بوسة في حياتي...والبقية تأتي:cool: :cool: :cool:

مدري حركتات انا اسمعها من ديجتال والظاهر ياورد سمعتها منه:)

آآآآآعععع زكريات طفولتي...يبي لها قعده...طيب بسوي زيك

الشغاله:
اسمها تمره...كنت دايم اتهاوش معها لانها بالسوق تدف عربيه اختي الصغيره وانا اقول انا بدفها بعدين تقعد تبكي بالسوق وتقول خلالالالالالاص انا في سفر ادنونسيا ....قعدت ست سنين تقول هالكلام....بس حرااااام يوم جت تسافر صارت تحضني وتبكي وانا اضحك لانها بتسافر (شريره من صغري:غضب: )
واتذكر سودواكو...هي الشغاله الوحييييييده اللي جتنا وكنت اخاف منها....لانها كانت تدخن:)!!!

الروضه:
روضتي كانت بامريكا....ابلتنا كان اسمها (آن) وكان فيه ولد اسمه ايجرن دايم اتهاوش معه...وبنت (نقر) سودا اسمها آشلي كانت ماااااي بست فرند ذاك الوقت

الابتدائي..
اتذكر اول صديقه عرفتها باول يوم هي (بلو روز) ياحياتي كنت انا ابكي عشان امي مو فيه وهي تعطيني سفن اب وتسكتني..كخخخخخخ
واتذكر فيه مقلمتي اللي تشبه الصاروخ واللنتش بوكس اللي على شكل ارنب وردي امممممم وايش بعد؟
واتذكر مشكلتي مع ابله نعيمه:) لاني صفقتها بالجاكيت على وجهها وانا ماادري
وفييييييه اليوم اللي بلو روز جابت لي شريط ذا ليتل ميرميد...ومسكونا الادراه وسوو مشكله يحسبون فيه بلاوي...مايدرون انه فلم كرتون على نياتنا!!
واتذكر عصابه الهلاليات....الزعيمه كانت بلو روز...نركب سياكلنا ونروح نتحرش بالعيال اليييين ماتقب معركه بيننا!!

2065:
بنص الابتدائي....نقلنا بيتنا لمجمع سكني معظمهم امريكان...وكانوا جيراننا امريكان بعد,,ماكس وسابرينا وماثيو... عيال جيراننا...ولو اني داجه بالانجليزي
بس معظم الكلمات تعلمتها منهم,,,خصوصا السبات.....كان عندهم بسه...وهالبسه جابت اربع بسس صغيروناااااااات...وكنت انا مااروح لبيتهم الا عشان هالبسس,,حتى بعض الاحيان كنت قليله ادب افتح الباب وادخل من دون استئذان(امون) عاد يوم جوا يرجعون لامريكا....ماكس شافني زعلانه عشان البسس...عطاني وحده بنيييييه تجنن كان محطوط على رقبتها طوق اسود محفور عليه (Candy2065) وصارت بستي.....والله يسامح اللي كان السبب وخلى البسه تضيع مني:(.....وقتها نفسيتي صارت زفت ×زفت..ومنذاك اليوم وانا احب هالرقم وانا مدري وش معناه:)

المتوسط...
من دخلت المتوسط وانا كارهه نفسي لاني فارقت صديقاتي بالابتدائي
بس شوي شوي حبيت المدرسه ....وهناك بديت ادشر...اهرب من الفصول...وارد على الابلات....الين مايوصل الحد اني اتهاوش معهم!!
يعني بدا لساني يطول في هذي المرحله(يمكن لاني تعرفت على ريم هناك)!!! واول تعهد خذيته بصف ثاني متوسط لاني جبت شريط مباراه ايطاليا مع منتخب نجوم العالم....كانت صديقتي تبيه....مع انها مالها خص بالكوره بس حسبي عليها....بسبتها خذوه
ولا بعد كنت مجنونه انسان اسمه باولو مالديني....معلقه بوستراته بغرفتي واجمع صوره ....كنت داااايم ادعي اني اتزوجه...بس اشوف صورته الحين اقول (ييعععععع وش اللي خلاني احب واحد مثله)

شكرررررا للقراءه.....معليش طولت علييييكم...بس وش اسوي فتحت فمي نو وي اصكه