قديمين ...

السلام :)

اخباركم يا شباب ؟!!! اخبار المنتدى ؟


(((( الموضوع للي ماله خلق يقرى كثير هو فوائد الشغل والدراسه في وقت واحد ))))

والله مدري وش اقول .. من زمان عنكم ... والله اشتقت للمنتدى العام وايامه ...

الي يلاحظ ان مشاركاتي اصبحت شبه معدومه من قبل شهرين تقريبا ... خلوها على الله .. تقريبا السبب هو ان حياتي انقلبت 180 درجه .. ما اقول انقلبت .. بل تطورت للافضل الحمد لله ...


بالفترة الماضيه كنت ادخل للنت بشكل قليل .. والله ما يمدي ادخله الا لادارة المنتدى عن بعد .. صحيح انها ادارة متواضعه وأاسف لهذا .. لكن الشكوى لله ...


والله ما ادري وش اقولكم يا شباب .. لكن والله ثم والله ان الوقت المزحوم والاعمال الكثيرة المترتبة على الشخص تعتبر اكبر نعمه ... صحيح انها مجهده ومرهقه ... لكن والله انها افضل من الفضاوة والراحه ...

بخبركم عن الاشياء الثلاثه الاساسية الي كنت اعملها وما زلت يوميا ..

1- الجامعه والهندسه .. والله كرف غير طبيعي ما توقعت كذا .. يعني بالنسبه لي يوم الخميس والجمعه والسبت .. هذي الايام انسى روحي فيها .. اقفل على روحي الغرفه واجلس اسوي المشاريع المطلوبه منا اسبوعيا ... ما غير اطلع اصلي واكل وارجع اكمل الى الساعه 2 ليلا ليوم السبت .. عشان اسلم المشروع الاحد .. تقريبا المشروع الواحد يحتاج وقت 12 -14 ساعه عشان تنجزه ..

2- الشغل ... حاليا اشتغل بشركه صغيره .. بمجال الكمبيوتر والانترنت .. اداوم 3 ساعات تقريبا يوميا ..

والله ما تتوقعون يا شباب كيف الشغل مهم بصقل شخصية الشخص وتنظيم وقته .. بالفعل يجعلك انسان اداري ... صحيح بتلاقي ضغط كبير اذا كنت تدرس وتشتغل بنفس الوقت .. لكن بتنظيم وقتك تقدر توفق .. لكن على حساب راحتك :) مب مشكله الواحد لازم يتعود على التعب لا بد منه ...

3- الشغل والطلبات الخارجيه ... اغلبها تجيني من طلاب وطالبات بالجامعات اذا كانو محتاجين تصاميم بالفتوشوب وغيره ..

الاشياء المترتبه على هذي الامور ...

1- تنظيم الوقت والاعتماد على النفس اكثر ...

2- الانجاز .. والله ايام ما كنت فاضي كان الواحد لما يوصيني على حاجه ما اخلصها الا بعد ما اطلع روحه من التأخير والتأجيل .. لكن سبحان الله اذا كنت منظم وقتك تقدر تنجز اشياء كبيرة بوقت قليل ...


3- الوالدين ... وش علاقتهم ؟ الحمدلله يوم بعد يوم اكسب رضى والديني علي لما يشوفني بهذا الوضع .. الوالده الله يحفظها تدور راحتي .. والله احلى لحظات يومي لما ارجع للبيت بالليل واشوف الوالده وتسألني وش تبي تتعشى .. اما الوالد الله يحفظه .. ما يصدق لما تجيني فواتيري ووقت اقساط السيارة ويقولي بابتسامه عنيفه الله يسهل عليك ما اعرفك منت ولدي دبر عمرك :p ( واخرتها اقعد مفلس وابدى اتسلف منه الى اخر الشهر :tongue2: )

4- اما الاشياء الحلوة الي صايره بوجهي .. السواد الفظيع الي تحت عيوني .. الي يشوفني يقول محشش .. ما ادري كيف يروح .. احد يعرف شي يوخره ؟

وكذلك ما تصدقون لو اقولكم ان نظر عيوني نقص بهذي الثلاث شهور .. بسبب الهندسه الله ياخذهم .. الدكتور يحاسبنا على الملي الواحد .. الله يعين بس ..

والشيء والاطلق :tongue2: انه صارلي شهرين ما رتبت ذقني :p حتى لدرجه ان شباب الكلاس حسبوني صرت مطوع .. ( لي شرف لو اكون كذا ) يمكن بكرة اروح للحلاق ابشركم ...


المهم هذرت عليكم كثير اعذرونا :) لكن والله مشتاقلكم كثير ..

يا شباب والله ان هدفي من هذا الموضوع اني اشجعكم على انك تدور وظيفه صغيره من الحين وانت تدرس .. والله راح تتطور حياتك بشكل فظيع .. لا احد يحسبني افوشر او شي اعوذ بالله .. بس ابغى ابينلكم تجربتي بهذا الشيئ وافيدكم فيها ..

لكن اذا لقيت شغل لا تخليه يأثر على دراستك .. نظم وقتك ...

وسلامتكم .. واعذرنا على الاطاله

مرحبنبك

كلامك صحيح .. لكن الحين المفروض انت باجازه :s

اغلب الموظفين ماخذين اجازه الحين .. بس يمكن عشان شركتكم توها مبتدئه يبون يكرفونك .. الله يعينك

عموما كلامك صحيح ولا عندي اضافه

بس سمعت انك رحت تاخذ عمره بهالاسبوع .. ولا :S?

عموما .. تقبل الله منا ومنك .. ان كان عمره او صيام :)


وحياااك الله مره ثانيه ,,

يا هلا والله ... وعمرة مقبولة

طولت الغيبة لكنك بقلوبنا :p <== ما يذكرك بالسياسيين


وبالنسبة لكلامك فالصراحة يلي تسوييه شي جميل جدا ومجهود طيب منك .. والحمد لله دوامك مو طويل لكن الله يعينك على الجامعة والبحوث والواجبات القلق وكأن الواحد دخل الجامعة عشان يقعد يحل ويكتب واجبات وبحوث :o <======= حاقد عنده ثلاث وظايف تسليمها في 30 /11 و ما كتب شي :tongue2:

انا والله ودي اشتغل وادرس بنفس الوقت وكان راح يصير هالشي لولا بعض الظروف يلي صارت معي بالفترة يلي طافت لكن ان شاء الله الوضع يتعدل..

المهم خلاصة الكلام الحمد لله على سلامتك وبما أنك ماشاء الله تشتغل وعندك وظيفة وحركتات ألقى معك سلف :33: :tongue2:

ايه تراني قايل عمره .. والمصدر هو بوووب:33:

اهلين هارب وبوب ...

ايه اخذت عمره يوم الخميس الي فات مع شباب الجامعه كنا حاولي 27 واحد .. بعدها رحنا للمدينه المنورة وجلسنا فيها باقي الاسبوع كله .. امس رجعت منها ...

والله ما تتصورون من احلى ايام حياتي كانت في المدينه المنورة .. سعاده غير طبيعيه خاصه لما تفطر الصايمين هناك ..

كنا نجمع تبرعات من الشباب ونسوي فطور لمئات الفقراء هناك عند الحرم النبوي.. والله شعور ما يوصف لما تفطر عجوز كبيرة وتدعيلك بالجنه ... او تعطي عصير لاطفال صغار وتشوف بعدها الابتسامة على وجيهم ..

هلا والله

ولكم باك وعمره مقبوله انشالله

والله يكون في عونك

أهلين اودين ..

صراحه فكرة الوظيفه .. رائعه جدا ..
خلك من مسالة الدراسه و كذا ..

لكن قصدي حنا كشباب .. مقبلين على مرحلة جديده من حياتنا ..
لازم نتعلم .. نشوف .. نحتك بالناس ..

كنت اشتغل بالصيف انا ..
بصراحه اكسبتني مهاره كبيره .. و اعطتني فكرة كبيره .. خصوصا ان مجال عملي كان مرتبط بشكل كبير مع الناس و متصل بشكل شبه مباشر .

صح ان الهدف الأول كان هدف مادي وقتها .. هذي كانت الفكرة بالنسبه لي .. و منها بعد استفيد من العطلة و اضيع وقت..

لكن بعدما تركتهم ما تدرون مقدار الفايده الي جنيتها , ماهو ع المستوى الإداري و العملي و بس .
حتى ع المستوى الشخصي .. اكتسبت مهارات بالتعامل مع الناس بطرق كسبهم .. بطريقة الحوار .
تكتشف اشياء .. ما كنت تتوقعها ..

بصراحه انا من المؤيدين و بشدة ان الطالب الجامعي يحاول -ع الأقل محاوله- يجرب انه ياخذ له وظيفه ..
ع الأقل يشوف الحياة على حقيقتها ..
لسببين :
الأول :
تصير عنده خلفية اذا بغى بعدين يتوظف ..
ما يجي واحد عمره 25 سنه والا 26 سنه و توه متخرج من الجامعه و يدخل على اداره او شركة توه متوظف فيها .. و لا يدري وش يقول او وش يسوي ..
و هذي موجوده و حاصلة !

الثاني :
كثير منا حنا الشباب بيتزوج ان شاء الله , صح ؟
لكن هل كثير منا حنا الشباب .. يستفيد من مصروف الفائده الحقيقه ؟
هل عندنا ما نسميه هممم .. المسؤوليه ؟

ع الاقل احنا كطلاب نبد و نحاول بالتدريج الاعتماد على أنفسنا و توزيع المصاريف ..

فلان طالب , و بنفس الوقت ماخذ وظيفه بسيطه .
عنده متطلبات .. و مصاريف مطلوبه مني .. عنده تقسيط سياره .. فاتورة هاتف اذا فيه ..
عنده متطلبات جامعه ..
هذي أقل الأشياء اللي ممكن تكون مناطه على كتفه ..
و يحاول ع الأقل انك يتحملها و يثبت نفسه .. و ما فيها شي اذا صارت مره او مرتين او حتى عشره و صار لخبظه بالميزانية و طلب مساعده من الوالد او الوالدة ... لكن اهم شي انه حاول و ما زال .


Off topic
اتمنى لك كل الخير :nervous: ..
فرحت لك يا بدر والله :shysmile:

الحمد لله على سلامتك .. وعمره مقبوله ..

واذا لقيت حل السواد .. عطني خبر ..

بدر جحدت سؤالي :31:

وبالنسبة للسواد تحت العين يمدحون الخيار :31:

اقتباس:

---

المشاركة الأصلية كتبت بواسطة ODIN

السلام :)

اخباركم يا شباب ؟!!! اخبار المنتدى ؟


(((( الموضوع للي ماله خلق يقرى كثير هو فوائد الشغل والدراسه في وقت واحد ))))

- ولا يهمك نقرى كثير وماعندنا شي ^^

والله مدري وش اقول .. من زمان عنكم ... والله اشتقت للمنتدى العام وايامه ...

- وأحنى مشتاقين لك اكثر ..
<== الي يقول هو موجود 24 ساعة ..

الي يلاحظ ان مشاركاتي اصبحت شبه معدومه من قبل شهرين تقريبا ... خلوها على الله .. تقريبا السبب هو ان حياتي انقلبت 180 درجه .. ما اقول انقلبت .. بل تطورت للافضل الحمد لله ...

- الحمد لله .. وأنا مثلك ><

بالفترة الماضيه كنت ادخل للنت بشكل قليل .. والله ما يمدي ادخله الا لادارة المنتدى عن بعد .. صحيح انها ادارة متواضعه وأاسف لهذا .. لكن الشكوى لله ...

- ..................

والله ما ادري وش اقولكم يا شباب .. لكن والله ثم والله ان الوقت المزحوم والاعمال الكثيرة المترتبة على الشخص تعتبر اكبر نعمه ... صحيح انها مجهده ومرهقه ... لكن والله انها افضل من الفضاوة والراحه ...

- وياك .. التعب والعرق احسن من الراحة ^^ .

بخبركم عن الاشياء الثلاثه الاساسية الي كنت اعملها وما زلت يوميا ..

- ^^

1- الجامعه والهندسه .. والله كرف غير طبيعي ما توقعت كذا .. يعني بالنسبه لي يوم الخميس والجمعه والسبت .. هذي الايام انسى روحي فيها .. اقفل على روحي الغرفه واجلس اسوي المشاريع المطلوبه منا اسبوعيا ... ما غير اطلع اصلي واكل وارجع اكمل الى الساعه 2 ليلا ليوم السبت .. عشان اسلم المشروع الاحد .. تقريبا المشروع الواحد يحتاج وقت 12 -14 ساعه عشان تنجزه ..

- الله يعينك .. وانا الي اقول ان حالتي صعبة ؟؟

2- الشغل ... حاليا اشتغل بشركه صغيره .. بمجال الكمبيوتر والانترنت .. اداوم 3 ساعات تقريبا يوميا ..

- الله يوفقك .. انا كنت اشتغل ببتلكو ( شركة الاتصال ) على الكمبيوتر .. لكن الحين ما اقدر اوفق بين الجامعة والشغل >< ..

والله ما تتوقعون يا شباب كيف الشغل مهم بصقل شخصية الشخص وتنظيم وقته .. بالفعل يجعلك انسان اداري ... صحيح بتلاقي ضغط كبير اذا كنت تدرس وتشتغل بنفس الوقت .. لكن بتنظيم وقتك تقدر توفق .. لكن على حساب راحتك :) مب مشكله الواحد لازم يتعود على التعب لا بد منه ...

- كشخه .. والراتب :33:

3- الشغل والطلبات الخارجيه ... اغلبها تجيني من طلاب وطالبات بالجامعات اذا كانو محتاجين تصاميم بالفتوشوب وغيره ..

- وين تشتغل علشان امر عليك :33: محتاج دروس بالفوتو شوب ؟؟ الا صج تعرف مواقع تعليمية للفوتوشوب جاهزة .. مع فلاترات وتيكست واضافات للفوتو شوب 7 ؟؟ وشلون أخليه يكتب عربي ؟

الاشياء المترتبه على هذي الامور ...

1- تنظيم الوقت والاعتماد على النفس اكثر ...

2- الانجاز .. والله ايام ما كنت فاضي كان الواحد لما يوصيني على حاجه ما اخلصها الا بعد ما اطلع روحه من التأخير والتأجيل .. لكن سبحان الله اذا كنت منظم وقتك تقدر تنجز اشياء كبيرة بوقت قليل ...


3- الوالدين ... وش علاقتهم ؟ الحمدلله يوم بعد يوم اكسب رضى والديني علي لما يشوفني بهذا الوضع .. الوالده الله يحفظها تدور راحتي .. والله احلى لحظات يومي لما ارجع للبيت بالليل واشوف الوالده وتسألني وش تبي تتعشى .. اما الوالد الله يحفظه .. ما يصدق لما تجيني فواتيري ووقت اقساط السيارة ويقولي بابتسامه عنيفه الله يسهل عليك ما اعرفك منت ولدي دبر عمرك :p ( واخرتها اقعد مفلس وابدى اتسلف منه الى اخر الشهر :tongue2: )

4- اما الاشياء الحلوة الي صايره بوجهي .. السواد الفظيع الي تحت عيوني .. الي يشوفني يقول محشش .. ما ادري كيف يروح .. احد يعرف شي يوخره ؟

- كريم اساس هههههه ^^ لا اتغشمر .. ممممم حاول تعدل نومك .. نام اكثر من 8 ساعات تقريبا من 8 الى 10 ولاتطول بالنوم ..

وكذلك ما تصدقون لو اقولكم ان نظر عيوني نقص بهذي الثلاث شهور .. بسبب الهندسه الله ياخذهم .. الدكتور يحاسبنا على الملي الواحد .. الله يعين بس ..

- :bigeyes: :33: الله يعز النظارات مع ان نظري ناقص شوية 5.25 من 6 لكلتا العينين .. ما البس النظارة الا لما اركز بشي من بعيد ..

والشيء والاطلق :tongue2: انه صارلي شهرين ما رتبت ذقني :p حتى لدرجه ان شباب الكلاس حسبوني صرت مطوع .. ( لي شرف لو اكون كذا ) يمكن بكرة اروح للحلاق ابشركم ...

- حق العيد :09: اذكر يات لي فترة صرت مو مطوع بس ><

المهم هذرت عليكم كثير اعذرونا :) لكن والله مشتاقلكم كثير ..

- خذ راحتك ^^ المنتدى منتداك ..

يا شباب والله ان هدفي من هذا الموضوع اني اشجعكم على انك تدور وظيفه صغيره من الحين وانت تدرس .. والله راح تتطور حياتك بشكل فظيع .. لا احد يحسبني افوشر او شي اعوذ بالله .. بس ابغى ابينلكم تجربتي بهذا الشيئ وافيدكم فيها ..

لكن اذا لقيت شغل لا تخليه يأثر على دراستك .. نظم وقتك ...

- حاولت اجد شغل يتناسب مع وقت الدراسة بالجامعة بس جدولي للفصل هذا كلش تعبان .. كل يوم متغير ومادتين ليلي ؟؟ يعني من المستحيل اني اجد وضيفة ثابته .. باحاول بوضائف غير ثابته ..

وسلامتكم .. واعذرنا على الاطاله

---

الله يسلمك تسلم على الموضوع والله يوفقك انشاء الله ..

وعليكم السلام ..
حمد الله على السلامه .. وعمره مقبوله ..

والله يوفقك ان شاء الله .. اما من ناحيه الوظيفه .. كليه العماره ما تقصر ..
تعطيك واجبات يبغالك اسبوع كامل تخلصها ..

و اقول وش فيه المنتدى كان منور :tongue2: ..
الحمدلله على السلامة بعد الزحمة ..
و مبروك عليك الشهر ..
و كل عام و انت بخير قبل الزحمة ..
اخوي مسجل في كلية الهندسة في الملك سعود ..
من جد انواع الكرف ..
الاسبوع الاول كل العالم غايبين و هم ياخذون مشاريع و واجبات http://www.webpost.net/sp/spikeyman/dog.gif ..

السلام عليكم :)

ولكم باك اودن :)

عمرة مقبولة ;)

وعليكم السلام ...

عمره مقبولة إن شالله يا أودين ...

بالنسبة للشغل والدراسة في نفس الوقت ما تحسه شوي صعب...خصوصا إذا كانت دراستك تتطلب وقت أكثر!...بس شكلك تأقلمت مع الوضع الحمدالله...

ما أقول غير الله يوفقك إن شالله ...

:)

هلا اخوي اودين منور المنتدى

والله من كلامك تذكرني بأحد اقاربي يدرس ويشتغل في شركة اتصالات

تقريبا مثلك مشغول طوال الوقت

لكن على العموم راح يكون هناك ثمار لما تفعله من جهد واجتهاد


والله يعينك ويوفقك