وحش العاب الأونلاين قادم

السلام عليكم

حبيت اعطيكم نبذة عن اللعبة اللي متوقع انها بتكون احسن لعبة MMORPG لهذه السنة ويمكن السنة الجاية

اسم اللعبة: World of Warcraft

الشركة: Blizzard Entertainment

معلوماتي عن هالشركة والعابها:

شخصيا لعبت من هالشركة معظم العابها ومنهم WarcraftII مع التطوير (Beyond The Dark Portal) وكانت بصراحة لعبة مو طبيعية بوقتها (نزلت سنة 1995) والموسيقى فيها فظيعة ومدحولي اللعب بالنت فيها لكن وقتها كان الكونكشن بالغصب ينفع للـBrowsing

بعدها اخوي لعب Diablo (سنة 1996) ويقول لي ان هذي من احسن الالعاب على الكمبيوتر (اخوي نادرا ما يلعب لعبة) وخلصها مع التطوير مالها (Hellfire بسنة 1997)

وبعدها انا لعبت لعبة Starcraft من سنة 1998 ليما 2000 وبالفعل ما كان في لعبة تطغى عليها بالـmultiplayer strategy

وبسنة 2000 نزلت لعبة سوت ضجة بعالم الالعاب واتوقع معظمكم سمع عنها اللي اهي DiabloII وهذي بالنسبة لي اللعبة الوحيدة بعمري كله اللي قعدت سنة ونص بس العبها ما العب غيرها خصوصا بعد ما نزل لها التطوير (The Lord of Distruction) وكان تقدير اللعبة على موقع gamespot اللي كان حيل ظالمها 8.8

سنة 2002 نزلت لعبة اخذت جائزة احسن لعبة Multiplayer لسنة 2002 واللي لا تخفى عليكم WarcraftIII وبعدها بسنة بالضبط نزلت WarcraftIII: The frozen throne واذكر كان تقديرها 9.6



لعبة World of Warcraft:

اللعبة هذي بدأت الشغل عليها الشركة بسنة 1999 بعد نزول DiabloII: LOD كأول لعبة MMORPG (Massive Multiplayer Online Role Playing Game) ومن خلال ما قريت عنها عرفت انواع الشخصيات اللي تقدر تنقيهم:

1- جيش الأتحاد The Alliance ويضم:

أ:Human: اذا اخترتهم تقدر تكون Warlock, Paladin, Warrior, Mage, Priest, Rogue

http://blizzard.com/wow/townhall/humans.shtml

ب:Night Elves: وتقدر تصير اذا اخذتهم Hunter, Druid, Warrior, Priest, Rogue

http://blizzard.com/wow/townhall/nightelves.shtml

ج:Gnomes: اذا صرت منهم تقدر تكون Warrior, Rogue, Mage, Warlock

http://blizzard.com/wow/townhall/gnomes.shtml اشكالهم تسد النفس بس شكثر ناس مدحوهم لي

د: Dwarves : منو فينا ما يعرف Gemli بسيد الخواتم؟ هذا منهم وتقدر تختار من: Hunter, Warrior, Mage, Paladin, Priest, Rogue

http://blizzard.com/wow/townhall/dwarves.shtml



2- جيش حشود الـOrc ومسانديهم:

أ:ORC: ويضم فيه Hunter, Warlock, Warrior, Shaman, Rogue

http://blizzard.com/wow/townhall/orcs.shtml

ب:Undead: ويضم Warrior, Warlock, Mage, Priest, Rogue

http://blizzard.com/wow/townhall/undead.shtml

ج:Trolls: ويضم Hunter, Warrior, Shaman, Rogue, Priest

http://blizzard.com/wow/townhall/trolls.shtml

د:Tauren: ويضم Hunter, Druid, Warrior, Shaman

http://blizzard.com/wow/townhall/tauren.shtml



انواع الClasses باللعبة:

1-Warrior: هذا المحارب لازم يكون موجود بكل لعبة سواء ار بي جي ولا استراتيجي لكن هني عنده بعض المزايا اللي شدتني مثل الوقفة الدفاعية اللي تقلل Damage وسرعة المشي لكن تعطيك زيادة قوية بالDefence وبعض الصرخات اللي تزيد قوتك وقوة ربعك

لمزيد من المعلومات عن الWarrior عندكم هالموقع

http://warrior.worldofwar.net/module...artid=3&page=1

2-Paladin: محارب لكن معظم حركاتة تنفعه مع ربعه مثل الـAuras اللي تأثيرها مو حيل قوي لكن دايم لك ولربعك

معلومات اكثر عن البلادين:

http://paladin.worldofwar.net/module...ticles&secid=4

3-Mage: هذا الساحر اللي ما تخلو لعبة ار بي جي منه عنده اسحار مو طبيعية مثل انواع اسحار الثلج والنار مثل Frost Armor اللي يزيد درعك ويبطئ اللي يطقونك وبالمقابل Fire Shield اللي يعور كل من يطقك

معلومات عن الساحر:

http://mage.worldofwar.net/modules.p...ticles&secid=5

4-Hunter: هذا اذا بتقيسة على فاينال فانتاسي تقدر تقول يجمع Ranger + Beastmaster لأنه قوي بالاسهم (ويمكن بالمسدسات) وبنفس الوقت يقدر ياخذ بعض الحيوانات معاه وفوق هذا يقدر يتتبع آثار بعض الحيوانات اللي يحتاجهم

وهني موقع معلومات الصياد:

http://hunter.worldofwar.net/modules...ticles&secid=9

5-Rogue: واذا بتقيس هذا بفاينال فانتاسي فاعتبره Thief + Dual Wield مع خبرة بتسميم اسلحتهم علشان ينقث اللي يواجههم

وهذي صفحتهم:

http://rogue.worldofwar.net/modules....rtid=17&page=1

6- Shaman: هذا اسحاره مو طبيعية علشان تقوي ربعك وتضعف اللي جدامك وعنده حركات خاصة اسمها Totems يمكن اللي لعب WarcraftIII وشاف الWitch Doctor اللي مع الاورك شلون يزيد طاقة ربعه راح يعرف التوتم شنو اهو

اسحار الشامان والتوتم كلهم هني:

http://shaman.worldofwar.net/modules...ticles&secid=4

7-Priest: هذا من اسمه متخصص بأنه يزيد طاقة ربعه ويقويهم بدرجة مو طبيعية وعنده نوعين اسحار: Shadow magic & Holy Magic ومن اسحار الـHoly مثلا Holy Shield اللي يمتص كمية معينة من الهجمات عليك بحيث يحميك

وباقي الاسحار هني:

http://priest.worldofwar.net/modules...ticles&secid=4

8- Warlock: هذا تخصصه استدعاء وحوش معينين علشان يهجمون معاك.. في بعضهم يصلحون ياكلون الهجمات عنك وبعضهم ويطقون من بعيد وبعضهم سحرة وغيره.. يتميز بعد هالنوع انه ممتاز بأسحار Damage over time مثلا Drain HP/MP اللي تسحب كمية معينة من الطاقة أو المانا كل ثانية لمدة 8 ثواني

وهني معلومات اكثر عنه

http://warlock.worldofwar.net/module...ticles&secid=6

9-Druid: هذا المفضل عندي واهو المتخصص انه "يتحول" على انواع من الحيوانات بحيث ياخذ مزاياهم، مثلا يتحول دب علشان طقته تصير حيل أقوى. أو يتحول فهد علشان سرعة الطقة. ويقدر يتحول طير علشان سرعة المشي وتخطي الحواجز الصغيرة ... والمفاجأة اللي صدمتني انه يتحول على حيوان بري اليف (خروف،خنزير،...) علشان يتسلل بسهولة بين الاعداء الاقوياء

حركات الDruid تلقاهم هني:

http://druid.worldofwar.net/modules....ticles&secid=4



في عندي معلومات اكثر لكم لأن الوقت ما يسمح حاليا انشالله باجر راح اعطيكم معلومات اكثر واكثر عن الوحش القادم من Blizzard

السلام عليكم
الحين اعطيكم بعض الأسئلة عن اللعبة من الموقع الرئيسي وراح اختار الأسئلة اللي تمس فاينال فانتازي11:
1- هل ممكن اسوي Alt+Tab واصغر اللعبة؟
نعم، وتقدر تشغل اللعبة بـwindow بعد.
2-هل راح تقدر تلعب اللعبة على مودم عادي؟
نعم
3-شلون نظام الBattles؟
اول ما تبدي الهجوم لاعبك راح يظل يطق بفترات زمنية تعتمد على نوع السلاح وانت تكون مسؤول عن الحركات والاسحار وتوقيتهم.
4-هل يحق للاعب انه يختار اي سيرفر يبي يدش فيه؟
نعم
5-هل راح اشوف اماكن اعرفها من العاب Warcraft السابقة؟
نعم. احتمال تقدر تلقى Thrall بمدينته الجديدة اللي بـOgrimar>
6-هل الوحوش بيلحقونك لي اخر شي اذا كنت تبي تنحاش؟
لا. الوحوش لهم نظام بحيث اذا لحقك لي درجة معينة يرجع عادي ويرد تدريجيا لمكانه
7- هل في مزايا معينة بحسب نوع الشخصية؟
نعم، وعندنا حتى الأن هالانواع:
Dwarves: قوة بالبحث عن الكنوز + مقاومة الثلج
Human: نقاط مهارة اكثر
Undead: التنفس تحت الماء + مقاومة اسحار الظلام ومقاومة النوم والخوف
8- ما اساليب التنقل المتاحة للكل؟
Human: Horse/Gryphon
Troll: Undetermined/Wyvern
Night Elf: Nightsaber/Hippogryph
Orc: Wolf/Wyvern
Dwarves: Ram/Gryphon
Undead: Undead Steed/Giant Bat
Gnome: Undetermined/Gryphon
Tauren: None: Plains Running/Wyvern
9- هل ممكن للاعب انه يلعب بروحه بدون فريق؟
نعم. كل انواع الشخصيات تقدر تلعب بروحها.
10-هل الصياد اهو الوحيد اللي يقدر يستعمل المسدسات؟
لا. المحارب والـRogue يقدرون يستعملون المسدسات ويقوون نفسهم فيهم بس مو بقوة الصياد
11-هل اقدر اسوي اكثر من شخصية؟
نعم. كل حساب فيه كحد اقصى 8 شخصيات
12-هل اقدر اسبح؟
نعم. World of Warcraft لها عالم تحت الماء مو طبيعي لأكتشافه.
13-هل اللعبة سهلة ولا صعبة؟
اللعبة راح تكون حيل سهلة علشان تتعلمها .. لكن صعبة علشان تصير master فيها
14-شلون راح تحلون مشكلة ان عدد كبير من اللاعبين ينطرون وحش معين علشان الشغلة اللي يطيحها؟
الشغلات النادرة والغالية ما تطيح من وحش معين بل في اكثر من نوع وحش له فرصة يطيح هالشغلة... اما اذا كانت الشغلة تحتاجها بمهمة فتقدر تنضم لفريق وما تذبح الوحش كل عضو بالفريق راح يحصل نسخة من الشغلة المطلوبة.
15 هل في شغلات باللعبة غير زيادة الليفل؟
نعم. اللاعب يقدر يظل بالمدينة ويصنع شغلات بحسب مهنته أو يقدر يروح الأرينا ويتحارب مع لاعبين ثانيين أو يقدر يروح يستكشف اماكن بعيدة.
16- هل في طريقة لاكتساب الخبرة وزيادة الليفل غير قتال الوحوش؟
نعم. شخصيتك تكتسب خبرة باكتشاف اماكن جديدة (بالنسبة للشخصية) في اللعبة.
17- هل راح تضطر ترتاح أو تستعمل Potion علشان تزيد طاقتك؟
لا. الـHP/MP يزيد من نفسه مع الوقت وكل ما زاد ليفلك كل ما صار يزيد اسرع

هذي الأسئلة اليوم وانشالله اكمل عن قريب

موضوع رائع ويعطيك العافية يا Bo-Flan
وعلى ما اظن ان اللعبة انزلت من زمان لان شفت لها كم موضوع بالمنتدى لكن مشكلتها ما تنلعب نيتورك يعني شبكة lan

ويمكن ينزلون لها الشباب مثل لعبة اندر جراوند يخلونها lan game بدال online game


تحياتي ....

السلام عليكم
اللعبة هذي نوعها MMORPG يعني نفس طريقة فاينال فانتاسي 11 تدخل النت على انك شخصية وتقدر تسوي مهمات بروحك أو ويا ناس تعرفهم ومستحيل تكون اللعبة هذي على Lan لأن بس سيرفرات الشركة تقدر تتحمل العدد الهائل من اللاعبين في عالم اللعبة الكبير حيل

السلام عليكم

مشكور اخوي على المعلومات...

يعني ماكو امل

وبعدين احانا وبنلعبها مثل 10 لاعبين

تحياتي ...

السلام عليكم
انا لاحظت كأن في لبس بين لعبة World of Warcraft و Warcraft III: Riegn of Chaos أو Frozen Throne
WarcraftIII Riegn of Chaos:
لعبة استراتيجي بحت من سلسلة Warcraft نزلت بتاريخ 2-7-2002
WarcraftIII The Frozen Throne:
اضافة على اللي قبلها نزلت بعدها بسنة بالضبط اي بتاريخ 2-7-2003
World of Warcraft:
لعبة اخذت من سلسلة Warcraft شخصياتها والاماكن اللي فيها (مثل اللي لعب Command and Conquer القديمة وبعدها لعب Renegade) لكن طريقة اللعبة غير يعني RPG بحت لك شخصية وحدة وانت تمشي بكل العالم وفي احتمال تلقى هذي الشخصيات (اللي لعب القصة بـWarcraft راح يعرفهم):
1- Thrall son of Dorutar ملك دولة Ogrimmar
2- اخو Merdin Bronzebeard اللي مات لما Arthas لقى سيف Frostmourne (اخر مرحلة بالـHuman في Riegn of Chaos) واهو يكون ملك دولة Khaz Modan مالت الـDwarves.
3- سمعت اشاعات انك تلقى Jaina Proudmoure الساحرة قائدة البشر اللي هربوا حق قارة Kalimdor لكن هالشي مو أكيد.
4- اشاعة ثانية انك تلقى رئيس الـTauren اللي اهو Cairne Broodhoof أو ولده اللي تنقذه بالمرحلة الثالثة من قصة Rexxar The Beastmaster.
5- ولاتنسى Vol'Jin رئيس الـTrolls هم هذا موجود باللعبة.
6- سمعت اشاعة ضعيفة انك يمكن تلقى رئيس كتيبة البلادينز Uther the Lightbringer بس شخصيا ما صدقتها لأنه علما اذكر مات على ايد Arthas the Deathknight. واللي ما يعرفون Uther اقولهم بس العبو اول مرحلة بووركرافت راح تلقونه ;)
ادري اللي ما لعبوا القصة بووركرافت عليهم مليون :06: :06: :06: :06: فوق راسهم :09:

اذا عن نفسي شخصيا حبيت القصة والشخصيات لي درجة اني سحبت Novel (قصة مو مصورة)حق ووركرافت بس حجمه كبير 65ميجا وقاعد اقراه :jester:
عالعموم اي ملعومات تحتاجونها عن اللعبة أو قصص سلسلة Warcraft انا حاضر

السلام عليكم

والله انا مستني اللعبة هذي من زمااااااااان وخصوصا بعد ماخاب ضني في فاينال فانتزي

ولكن لدي خبر محزن وهو ان اللعبة لن تصدر هذه السنه بعد تأجيل موعد صدورها في موقع امازون الى 10 اكتوبر ومع تصريحات مديرها التقني انه لايوجد اصلا زمن محدد لاصدار النسخه النهائيه لان بالاساس تم تأجيل صدور نسخه البيتا للاسبوع القادم فما بالكم بالنسخه الكامله :mad:

السلام عليكم
تصحيح بسيط لمعلوماتك اخوي ترى البيتا نازلة لها تقريبا اقل من شهر بشوي
www.blizzard.com

يعطيك العافية أخوي على الموضوع الرائع :biggthump

معناته الموقع الي شيكت عليه ماعنده سالفه , اجل كويس معناتها فيه امل تطلع السنه هذي :)

مشكور على الموضوع وانشالله اشوفك في اللعبه :)

مشكور اخوي بو فلان على الموضوع المتميز

اخوي بو فلان ممكن لو سمحت معلومات عن الـHunter لاني ضعيف بالانجليزي :) وافكر اني اختار الهنتر(الصياد)

مثلاً:
كم حيوان يقدر يتحكم فيه يعني يقد يتحكم بـ5 في وقت واحد ولا 6 ولا كم؟
وكيف يقدر يخلي الحيوان العدو الى حيوان يتحكم فيه؟ هل عن طريق قوه يطلقها عليه ولا بعد مايضربه ضرب ولا على طول يتحكم فيه؟

معليش نسيت سؤال

الهنتر يقدر يتحكم في اي حيوان او وحش يقابله ولا انواع معينه من الحيوانات فقط؟
وهل يتحكم في الحيوان لمده معينه ولا الى الابد؟

اقتباس:

---

المشاركة الأصلية كتبت بواسطة Bo-Flan

عالعموم اي ملعومات تحتاجونها عن اللعبة أو قصص سلسلة Warcraft انا حاضر

---

:) :) :) :) :)

ابغى معلومات زياده عن اللعبه:)

تنصحني فيها ولا بفاينال فانتسي ؟
وليش ؟ :)