رحلة صيد ليتها ما صارت

مقدمه:
في احدى الليالي الجميله النابعه من الهمجيه الطبقيه التي تتحولق في اطار اللانمطيه المنبثقه
في الصراعات القبليه :D وبينما نحن مجتمعون عند خوينا صعفق في ملحق بيتهم
وكنا زهقانين مره ونبي نطلع أي مكان نونس ارواحنا فيه :31:
ونقز علينا خوينا صعفق واقترح علينا اقتراح وقال وش رايكم نطلع بكرا للبحر ونصيد لنا كم سمكه
نتغدا بها والله وقمنا نتشاور ووافقنا على اقتراحه وبدينا نجهز ونعد العده لطلعتنا

القصه :
حل الفجر وبدا الصبح بالانبثاق ورن جوالي ويوم رديت ونصي نوم والى في الطرف الاخر رئيس مجموعتنا ابو صالح يتكلم ويقول لي يله اطلع ترانا عند الباب نحتريك قلت له اطلع اتوطى بطنك !
وش اللي اطلع وانا ما بعد جهزت شي قال اجل حنا نبي نروح نجيب صعفق من بيتهم فيما تجهز قلت وهو كذلك :cool:
بديت اجهز نفسي والبس الفنيله العلاقي اللي اشوفها دايم على النوخذات في التلفزيون وشوي الا والجرس يرن
وانزل والقا الشباب واقفين عند الباب جبت اغراضي وركبت معهم ودزينا للبحر
نسيت اقول لكم ان حنا اربع اشخاص انا وصعفق ونومينيه وابو صالح قائدنا
وحنا في الطريق ابو صالح كان يسوق وصعفق نايم ونومينيه قاعد يدندر علي وانا اسلك له واقول له قل قسم
يووووووه يلعن ابو الزحفان :bigeyes: ويوم وصلنا للبحر ولا بغينا ناصل نزلنا اغراضنا وقومنا صعفق ووجهه ما فيه سعابيل ابد ونزلنا القارب حقنا من السياره ويوم اني انزل الاغراض من السياره والقا صندوق فيه خبز مكسر
رحت للعيال وقلت لهم من حقه الصندوق ابو خبز رفع صعفق اصبعه قلت له وشو له جايبه
رد علي ووجهه يشع دلاخه عشان نرميه في البحر ويطلع سمك وانا اللي اطبع رقم جزمتي على جبهته
وقلت له هذا في بركة المزرعه حقت عمانك ترمي خبز عشان تطلع سمك
حطينا القارب في البحر وركبنا وطلع نومينيه عصا كانت معه وقام يجدف
ابو صالح قعد يطالع نومينيه ولسان حاله يقول وش ذا الصتيمه اللي جاي معنا
اخذنا العصا من نومينيه وفهمناه ان القارب يشتغل بمكينه ومع ذلك ما فهم ولزم انه يجدف عاد بما انه لزم
قلنا ميخالف يله جدف وشغلنا القارب وانطلقنا والطريف في الامر ان نومينيه مستانس يحسب انه هو اللي يمشي القارب بذا السرعه الرهيبه بعد ما مرت ربع ساعه وقفنا في مكنا نتوقع ان فيه سمك واجد
واتفقنا ان كل واحد ياكل الشي اللي هو صاده عشان ما يصير فيه ظلم ووافق الجميع على هذا الاقتراح
وبدا كل واحد يصيد بطريقته انا وابو صالح طلعنا الصنارات وعلقنا فيهن الطعم وذبيناهن في البحر
اما الجلمه صعفق طلع قحشة خبز مكسر من جيبه ورماه في البحر عشان يطلع سمك ( الظاهر ان مقاس الجزمه ما نفع) ونومينيه نتف خيط من سروال السنه حقه وعلق فيه دبوس وحط الطعم على الدبوس ورما الخيط
بعد عشر دقايق انا وابو صالح ما شاء الله كل واحد معه كرتون مليان سمك
اما صعفق الى الان وهو يحتري السمك يطلع عشان يمسكه بيده والصتيمه نومينيه طلع سروال السنه حقه شورت من كثر ما ينتف منه لانه كل ما نتف خيط انقطع ويروح ينتف واحد ثاني
يوم جا حول المغرب رجعنا للشاطئ وتعشينا انا وابو صالح السمك اللي صدناه
اما صعفق ونومينيه فباتوا فرغى البطون حسب الاتفاقيه المعقوده . انتهى


هذي اول قصه لي في ذا المنتدى واعذروني اذا كانت القصه بايخه او ما جازت لكم
ولحد يقول القصه طويله والله اني حاولت اختصرها قدر المستطاع
وشكرا
كان ودي احط ابتسامات زياده بس مستعجل :D

هههههههههههههههههههههههههه

حلووه ابراهيم والله خخخخخخخخخخخخخ بس ياخي خذ خبره وحط شرح للكلمات بين قوسين ربعك هنا مو فاهمين شي من الكلمات :p

بس حلوه وياخي من زمان اكتب لنا يااخي

والله فكرت اني احط معاني كلمات بس زي ما قلت لك كان وقت صلاة المغرب ومستعجل

وان شاء الله المره الجايه احط معاني كلمات ولا يهمك

ومشكور على الرد التشجيعي والمدفعجي

ههههههه قصه حلوه والأحلى أنها منك .. بس والله يا أنتم نذاله على مستوى .. :09:

هههههههههههههه حلوة منك يالهيلم .

( سروال السنه ) عندنا يسمونه ( سروال شرعي ) :09:

http://www.montada.com/customavatars/avatar54505_1.gif
الهيلم
**********

((وهو كذلك ))>>> يا عيني على الفصحه :tongue2:

ا((غراضنا وقومنا صعفق ووجهه ما فيه سعابيل ابد ))

ههههههههههههههههههههههههههههههههههه

((وقلت له هذا في بركة المزرعه حقت عمانك ترمي خبز عشان تطلع سمك
))

هههههههههههههههههههههههههههه

ألله يخرب بيتك يا الهيلم وتعرف تكتب القصه :09:

الله مير يسلمكم ( الخليجي . تايدوس . فواز )

وتشكرون على المرور والرد

هههههههه

قصة حلوة

وين القصص الذي زي هذي من زمان

سمك وشي

جوعتني

أشكرك بشدة وعنف وقوة

اقتباس:

---

ومشكور على الرد التشجيعي والمدفعجي

---

الارسنال لاتجيب طاريهم :tongue2:

الف شكر لك بيغ بوس على الرد التشجيعي والمدفعجي ( عناد)

تسلم اخوي

الهيلم

ومزيدا من القصص الرائعه

هلا وسهلا مطلع الشمس

العفو

واشكرك على مرورك

ماقدد اقول الا خخخخخخخخخخخخخ

رجيتنا رجاً مبرحاً ..

ههههههههههههههههههههههههه
مشكوووووووووووور الهيلم

هههههههههههههههه حلوه جدا

احلى شي وانت تصرف خويك (قول قسم-العن ام الزحفان)

مشكور