شباب انا ناوي اشتري لومينا2002ssلون فضي ايش رايكم فيها ؟؟؟

بسم الله الرحمن الرحيم
السلام عليكم ورحمة الله تعالى وبركاته ...........

انا ناوي ان شاءالله اشتري لومينا اس اس 2002 فضي مضلل تضليلة فضي مرايه
ياليت تعطوني رايكم فيها وبلونها

ايش ابرز مميزاتها ؟؟؟؟
انا سمعت انها فخمة

لاتبخلون علي برايكم

قيمتها كاش 50000ريال

تحياتي ...........

اخوي فكس ار
اللومينا اس اس معروفه
جلد
سي دي
مثبت سرعه
يعني شي كويس
بس حافض عليها
ولا تكثر التدعيس
لان ما يعدمها الا كثره الدعس والمقاومات
وانشأالله مبروووك عليك
ويعطيك خيرها ويكفيك شرها
(اذا هي مستعمله لا تنسى تفحصها قبل اي شي)

السلام عليكم....

شف أخوي ترا الومينا أس أس مكينه هبال و ترى شفط بنزين و خرابات إذا كنت راعي مقاومات
ورا ما تأخذ لومينا أس نفس الشكل ما يخلف إلا بعض الأكسسوارات و أقل صرف بنزين و أقل خرابات

لا تنسى تفحص السياره بورشه خلك من الفحص الدوي

الله يكتبلك الي فيه الخير

ألف شكر لكم اخواني على ردكم cubelover و MR.أستبنه

الومينا مكتوب عليها اس اس لكنها اساسا لومينا اس

ايش الفرق بين الــ اس اس و الــ اس ؟

وايش رايكم بلونها وتظليلتها ؟

اخوي cubelove ياليت تقولي ايش هي الاكسسوارات اللي تختلف ؟؟؟

اخوي استبنة السيارة ماشية 54الف كيلومتر استخدام سعودي

هي لحد الان بالمعرض لان الاجراءات مانتهت

انا حاولت بالمعرض اشغل كشافاتها الي تحت لكن ماعرفت .. كيف اشغلها؟

انا ادري اني تعبتكم معي لكن تحملوني

لاني غشيم شوي بهذي السوالف ؟؟

تحياتي

اتمنى من باقي الاعضاء انهم يعطوني رايهم

وينكم ياشباب انا بانتظار ردودكم

هلا اخوي في اكس ار91
الفرق بين اللومينا اس واللومينا اس اس
ان اس 6سلندر اما اس اس 8سلندر والباقي مواصفات داخلية

بس مو كانها ماشية واجد

انا اعرف ان اللومينا اس اس بالوكالة80الف منب متاكد هي اس ولا اس اس
اما الكشافات اذا كانت زي الكابرس فانها زر تحت حق اللمبات

يعطيك العافية السياره ماشية 54الف مااعتقد انها كثيير
لكن اخوي ياليت تقولي ايش الفرق بالمواصفات الداخلية لــ2002 غير ان المقاعد بالاس اس جلد ؟
على العموم انا الى الان ماشريتها ولا اتوقع اني اشتريها للاسف
ادعلوااا لي ان الله يوفقني وآخذها

تحياتي منتظر ردودكم مشكور أخوي DR:dre

اخوي فكس ار
اسف على التأخير
والله السياره الضاهر انها زينه
بس افحصها
والفرق في الجنوط والزوايد
والمكينه 6 سلندر
ومن داخل ما تجي جلد
اما الباقي ما اعرفه
وبالنسبه للكشافات فالضاهر انها زر تحت المفصل حق اللمبات

يعطيك الف عافية يالغالي

السعر مرتفع شوي بالنسبه لأس

هذا رأيي لكن موب متأكد

خاصتاً وان شكل الموتر تغير

اقتباس:

---

المشاركة الأصلية كتبت بواسطة فكس ار 91

وينكم ياشباب انا بانتظار ردودكم

---

.................................................................................................... ........
تبي الحقيقة...ترها ماتسوي شيء....الومينا اما 2003 او اعلى....وتكون SS ابيض (افضل) اوفضي والباقي من 2002 وتحت كله خراب وشين شكل... وتقبل تحياتي واشواقي.

الف شكر لكم يالغالين
Nicky Larson مشكلة الاس اس انها تستهلك بنزين كثيييييييير
وبالنسبة لي اعتقد ان موديل 2002 شكله حلو ويمكن احسن من 2003 وإلا ايش رايكم ؟؟

تحياتي ...

اخوي الـ SS معروفة خراباتها كثير وماياخذها واحد الي معاه فلوس يعني حق دلع سنة سنتين ويرميها لانه ماراح تنباع بريال ..
وثاني شي لاتاخذها مستعمل لانه اكيد مغط فيها ويبي ينفك منها وماراح تطول معاك ..
خذلك بنفس القيمة كامري افضل او خذ كامري 2002 فل اوبشن ليمتيد مع واحد من الشباب الغير رياضي والسيارة زي العسل ولا خرابات ولا هم يحزنون ..
واذا تبي تكشخ ، اشتري جنوط وزنن ، وهبط السيارة شوي ، و

بالتوفيق :) ..
هذي نصيحة لانه فكرت في الـ SS لاكن محد مدحها وكل الي اعرفهم ومعاهم كوامري ومرتاحين ..







............................................................

يعطيك العافية مودينا 550 الف شكر لك
انا لو اخذت السيارة راح احافظ عليها لاني بيني وبينك ماني من حقين التفحيط
وكلامك صحيح عن الكامري لكن انا ابي اشتري سيارة يكون شكلها حلو من الوكالة يعني انا ماأركب فيها شي إلا حاجات بسيطة يمكن
وعلى فكرة السيارة لومينا اس مو اس اس يعني يمكن هذي تفرق كثير لان كلامك ينطبق على الاس اس

تحياتي بانتظار تواصلكم

العفو اخوي بس انت طلبت نصيحة وانا جاوبتك من كلام كل اعرفهم وقلت لهم ابي اشري لومينا كلامهم خلاني ابعد عنها ..
لاكن خذ لك بنز 2003 مستعمل من الوكالة بـ 120 - 130 اشوف احسن لك اذا تبيها فخمة ..

انا شفت كلامك انك منت حق تفحيط ورجة لاكن السيارة تخبط معاك بعد كم سنة ..

وكلامي عن اللومينا عامة لانه واحد كان معاه LTZ وخربت عليه ..

خذ SS او لومينا عامة اذا معاك فلوس صيانة وتكون جديدة وحاط في بالك سنة او - 2 وتشري غيرها :أفكر: ..


على العموم بالتوفيق والله يكتبلك التوفيق اخوي :) ..







.................................................