الزهور الأربعة عشر ، قصة مانجا من إخراجي ^^-تفضلوا بقرائتها

السلام عليكم و رحمة الله و بركاته

يسعدني أن أقدم لكم أول عمل مانجوي أنشره ، و خاصة على صفحات المنتدى . يتضمن هذا الموضوع الفصل الأول من هذه القصة المتكونة من 19 صفحة .
سوف أضعه الآن على صفحات متفرقة و إن أردتم أن أضعه في ملف مضغوط لتحميله مباشرة سوف أضعه ، و لكن المشكلة في الحجم ^^; .
إذا لاقى هذا العمل إعجابكم سوف أرسم الفصل الثاني من القصة و سوف أرفقه ، و تذكروا أن اقتراحاتكم و انتقاداتكم دائما مرحبا بها ، و مع ذلك نريد التشجيع المعنوي لكي أستطيع أن أكمل لكم بقية القصة :D
الفصل الأول قصير بعض الشيء ، لكن أأمل أن تجدوه ممتعا . سوف أقوم بترجمة هذه القصة إلى اللغة الإنجليزية قريبا ^_^ .

أختكم kd001 ^_^

القصة و جميع الشخصيات من تأليفي .
========


البقية تتبع في الرسالة التالية

ملاحظة : أنتبهوا أن الصفحات اترفعت ملخبطة في المنتدى :boggled: ، فأرجو أنكم تنبتهوا لأرقام الصفحات بالترتيب

و هذه البقية :biggthump

:: السلام عليكم ::

اختي هذه المانجا انتي رسمتيها بنفسج?

ماشاءالله عليج رسمج مثل رسمل المانجا الاصلي_^

وتاليف القصه بعد حلو بس لو حطيتي كل الصفحات

في ملف واحد اكيد بيكون اسهل ومرتب

بس بصراحه الرسم روعه ^_^

ننتظر عاد التكمله ;)

يااااااااسلام ياااااااااااسلام .. أبدعتي يا مبدعة :biggthump
أعجبتني كثيراً ، الرسم كان حلو والتونز متقن وفي محلـّـه :D
والقصة (مع انها في بدايتها) بس شكلها بتصير فيها أحداث خطيرة ومشوقة

وعندي لج نصيحتين صغار حق الأجزاء الياية
1- حاولي انج تذكرين في القصة المعلومات اللي بيحتاجها القارئ في وقتها ، مثلاً
انتي ذكرتي بعض المدرسات وصفاتهم في بداية القصة .. لو انتظرتي مثلاً ليما البطلة
تتكلم مع مدرّسة من هذيلا المدرّسات وبعدين تذكرين صفاتها يتروالي أفضل.

2- اهتمي بالرسم في كل مربع من المربعات (الفريمات) في الصفحة .. لأن في عدد
من الصفحات يكون الرسم فيه جميل جداً وبعض الصفحات ينخفض فيها مستوى الرسم :33: .
بس .. :biggthump

الله يعطيج العافية ونترقب الجزء الثاني من القصة .. ولا تتأخرين علينا :biggrin:
سلام

السلاااام عليكم ^^

كيفك يا سوسو ^.^ ؟

يعطيج العافية على المانجا الحلوه ^_~ <<أخيراً أطلعت :D >>

ويني أنا T_T ؟!!! خاينه يا شريرة ...

إحم إحم .. المهم

أنا ما كملتها لكن قلت برد بالموضوع ^_^ .. ((اليوم بديت امتحانات الفاينال >< و هذا الاسبوع كله امتحانات ))

سوري ما رديت على الرسايل الخاصة @@ خليها بعدين لما تضرب فيوزاتي عدل :P ، بعد ما أخلص

مع السلامه ^^

واو من أول ثلاث صور واضح أنك تعبانه عليها ^________^
و أ،ا أقول سوسو وين أختفت!! @_@
سوسو ليش ما تحطينها على موقع؟؟ ^_______________________________^

قصه حلوه والله يعطيج العافية

السلام عليكم

كيف الحال :D معليش تأخرت شوي في الرد -_-

أهلا بك أختي تنشي ، مشكورة أختي على الرد ، و المناجا إي رسمي و من تعب جبيني مثل ما يقولوا :D ، و إنشاء الله قريبا بأحاول أحطه في ملف مضغوط و أرسله ;)

====

مشكور أخوي Kud على الرد و التعليق :biggthump ، و أما على حكاية المدرسات راح يكون لهم دور في المستقبل القريب :D

اقتباس:

---

من الصفحات يكون الرسم فيه جميل جداً وبعض الصفحات ينخفض فيها مستوى الرسم

---

بأحاول أخوي قدر الامكان على هذه الملاحظة ، لأنه على حسب سهولة أو صعوبة رسم الحدث أو المزاج إذا كنت تعبانة و لا لي نفس أرسم :D

=====

أهلا بك أختي كلير شرفتينا ، خلاص بأحطك كومبارس كذه في المانجا :tongue2: ، و خذي راحتك ، يوم تخلصي ردي على الرسايل الخاصة و بالتوفيق أختي :biggthump

=====
كيفك ريني من زمان ما شفتك :D مشكورة على الرد :biggthump

اقتباس:

---

سوسو ليش ما تحطينها على موقع؟؟ ^_______________________________^

---

مالت علي كأني أعرف أحط شيء في موقع :tongue2: بس أنا أفكر أحطها في DA و لكن خليني أترجمها أول :D

ترا الاختفاءة من سبب الاختبارات :boggled: الحمدلله خلصت , هو ما بين المذاكرة كنت أقعد أرسم :D

====

cat attack : مشكورة أخي على الرد :biggthump

اقتباس:

---

مالت علي كأني أعرف أحط شيء في موقع بس أنا أفكر أحطها في DA و لكن خليني أترجمها أول

---

:33: هم, كم سرعة الرفع عندك؟؟
يعني إذا الرفع في جهازك أو اشتراكك سريع أقدر أسوي المسأله ^__^ يعني أتي ترفعين الملفات على سيرفر موقعي و أنا أظبط الصفحات و اللنكات و العفسه الي ما تعرفين لها :08: إذا تيغين عطيني على الخاص عشان نتفاهم ولا يقولون رينني قاعده تسوي دعايه ._.

وبغيت أسأل, شفت الصفحات كلهم و الي شد انتبهاي ان الرسم نظيف! *_* أنتي ترسمين على طول بالقلم و لا ترسمين باليد و بعدين تسوين له سكان داخل الجهاز؟
و التونز, منين جبتيهم؟ :09: حلوين :08:

اقتباس:

---

هو ما بين المذاكرة كنت أقعد أرسم

---

أصلاً فيه أحد ما يسوي كذا؟! خصوصاً في أختبار أصعب ماده سبحان الله يجي الإلهام بطريقه غير طبيعيه! خخخخ

اقتباس:

---

يعني إذا الرفع في جهازك أو اشتراكك سريع أقدر أسوي المسأله ^__^ يعني أتي ترفعين الملفات على سيرفر موقعي و أنا أظبط الصفحات و اللنكات و العفسه الي ما تعرفين لها :08: إذا تيغين عطيني على الخاص عشان نتفاهم ولا يقولون رينني قاعده تسوي دعايه ._.

---

مشكورة أختي على الاقتراح ، خلاص إذا ما في أي مشكلة بأرسلك هي كلها ، بس على أي موقع ؟ سيرفس هلا ؟ و بنكمل على الخاص لأني جاوبت على الرسالة الخاصة قبل ما أقرأ الموضوع @_@

اقتباس:

---

وبغيت أسأل, شفت الصفحات كلهم و الي شد انتبهاي ان الرسم نظيف! *_* أنتي ترسمين على طول بالقلم و لا ترسمين باليد و بعدين تسوين له سكان داخل الجهاز؟

---

أنا أرسم على يدي بالأول بعدين أدخلها على السكانر ، لو أبغى أسويها بالقلم الضوئي كان عمري ما خلصت و لا تطلع الرسوم حلوة و في الأخير عيونك تبقبق :shock22: :D أصلا الرسم باليد ممتع :08:

اقتباس:

---

و التونز, منين جبتيهم؟ :09: حلوين :08:

---

مشكورة أختي :D أنت قصدك على المفاعيص تشيبي ، أنا صراحة حبيت أسلوب " أيومي شينا" فأخذت الفكرة منها :D

اقتباس:

---

أصلاً فيه أحد ما يسوي كذا؟! خصوصاً في أختبار أصعب ماده سبحان الله يجي الإلهام بطريقه غير طبيعيه

---

صحيح :tongue2: الرسم ما يحلى إلى وقت الاختبارات :laughing:

السلام ..

هلا ..


لو سمحتي يا ليت تلبين طلبي :biggrin: .. حطي الصور الي حطيتيهم في ملف مضغوط ..

لان حالي مايساعد .. والنت حقي تعبان حده ..

قدرت افتح الخمس الصور الاولى بس الباقي :17:

القصة شكلها مشوقة وعجبتني ..

وكمان رسمج تفاجئت منه بصراحه ماشاء الله عليييج :shock22:

ابدعتي ..

بس..

بس..

عندي سؤال .. راح اسأله عبر الرسائل الخاصة ممكن؟ :أفكر:

وواصلي تقدمج .. وبانتظار الملف المضغوووووط ابي اشوووووف القصة وتكملتها مااستحمل :D

اقتباس:

---

المشاركة الأصلية كتبت بواسطة ME-MISTY

السلام ..

هلا ..
لو سمحتي يا ليت تلبين طلبي :biggrin: .. حطي الصور الي حطيتيهم في ملف مضغوط ..

لان حالي مايساعد .. والنت حقي تعبان حده ..

قدرت افتح الخمس الصور الاولى بس الباقي :17:

القصة شكلها مشوقة وعجبتني ..

وكمان رسمج تفاجئت منه بصراحه ماشاء الله عليييج :shock22:

ابدعتي ..

بس..

بس..

عندي سؤال .. راح اسأله عبر الرسائل الخاصة ممكن؟ :أفكر:

وواصلي تقدمج .. وبانتظار الملف المضغوووووط ابي اشوووووف القصة وتكملتها مااستحمل :D

---

مشكورة أختي ميستي على الرد :biggthump و بأحاول إنشاء الله أني أحطه في ملف مضغوط بس المشكلة أنه الحجم الاجمالي حجمه 3 ميجا ، شكلي بأفصله على ملفين مضغوطين

و تفضلي أختي أسئلي على الرسائل الخاصة :biggthump

واو.. القصة جميلة جدا... والرسم جميل ايضا...

عجبتني الصفحات الاخيرة خصوصا..

وان شاء الله نشوف تكملة المانجا قريبا...

اول رد لي في هالمنتدى... :biggthump

اقتباس:

---

المشاركة الأصلية كتبت بواسطة Yamato

واو.. القصة جميلة جدا... والرسم جميل ايضا...

عجبتني الصفحات الاخيرة خصوصا..

وان شاء الله نشوف تكملة المانجا قريبا...

اول رد لي في هالمنتدى... :biggthump

---

يسعدني أخوي أنك عجبتك المانجا :biggthump و إنشاء الله الجزء الثاني في الطريق ، بقي لي كم صفحة و أخلص الجزء الثاني :D

WoW
ماشاء الله اختي المانجا وايد حلوة ياريت تكملينها
و شكرا على المجهود الرائع