السلام عليكم أخواني وأخواتي
وأرجوكم استحملوا أخيكم
قريت موضوع أحد الأخوان عن الحب عن طريق الإنترنت بالمنتدى وقريت مواضيع كثيره
واللي أرجوه منكم بعد الله طرح رأيكم بخصوص مشكلتي خصوصا من اللي قالوا بأن الحب عن طري النت ممكن
مشكلتي إني أحب بنت على النت.
ايه صدق.:08:
أنا عمري 22 طالب جامعي (سعودي) بحياتي بحياتي والحمد لله ما غازلت بنت ولا حتى مكالمة تلفون ولا أدخن ولا ولا ولا ....يعني أشياء كثيره مقتنع إنها خطأ وما أسويها
خصوصا فكرة الحب . كنت رافض إني أحب بنت قبل الزواج فما بالكم بالإنترنت :(
وأنا أدرس بأوروبا حاليا والبنات عندي ماليات الشوارع بس والله الحمد لله ما فكرت فيهن أبد أبد.
كيف تعرفت عليها
وضعت موضوع جدا عادي بالمنتدى وجتني رسالة من بنت تقولي فيها إنها طالبة جامعية وموضوعي قريب من بحث هي مطالبة فيه وأعطتني إيميلها . أرسلتها على الإيميل وما أضفتها إن أنا مجرد ناقل للموضوع ولا لي به أي علاقة
وقالت لي أرجوك ساعدني...عاد أنا حساس زيادة عن اللزوم تجاه البنات وظنيت أنها فعلا بحاجة مساعده خصوصا إن عندي خلفية ممتازه عن الموضوع اللي نقلته
المهم ..............والله مدري كيف أفهمكم
وظلينا نتراسل فتره بدون مكالمات على المسنجر
وبعد اسبوعين أرسلت لي رسالة إعتذار وكتبت فيها كلام كثير إنها كانت تكذب علي بأغلب كلامها معي السابق:boggled:
صحيح أنا انصدمت جدا :shock22: وما أبالغ إذا قلت إني بكيت بعد :17:والسبب هو سذاجتي وطيبتي الزايده:(
ومن ظمن رسالتها قالت لي إن عمرها 17 سنة فقط :wow:......
أرسلت لها ردي إن االلي فات مات وإني أنا مستعد للتعرف عليها إن كانت راح تظل صادقة معي على طول.....والله مدري وش اللي خلاني أسوي كذا بس .....يمكن لأنها اعترفت لي بالصدق:06:
المهم لنا الحين شهرين وحنا كل يوم نتراسل ثلاث أو أربع مرات على الأقل وأعرف عنها كل شئ وعن أهلها وقالت لي وين ساكنه وأعطتني بعد تلفون بيتهم لأنها واثقة فيني والعكس صحيح....يعني هي تعرف عني كل شئ...ووالله ما أفكر إلا فيها شاغلتني أربع وعشرين ساعة وحتى هي لما قالت لي الكلام هذا إنها هي بعد تحبني وإن حبي يأثر عليها عرضت عليها نقطع علاقتنا أحسن لها هي...لأني فعلا أحبها وأسوي أي شئ فيه مصلحتها
يمكن ماتصدقون لو أقولكم إن البنت هذي تصلي وتعرف ربها أكثر مني وكثير أقولها أنتي مراهقة أرجوك انتبهي لمشاعرك ...الخلاصة إنها رافضة تنهي العلاقة وحتى أنا بعد ما أريد أفقدها لو إيش ما صار....
لعلمكم أول ماتعرفت عليها قلت لها أرسلي صورتك ورفضت وإلى الآن رافضة رفض حتمي
أقول لها كلميني على المسنجر وبرضو رافضة بسبب إن ماعندها حرية
مره وحده بس كلمتني بعد جهد جهيد على المسنجر وماقعدنا 5 دقايق إلا وأنهت المحادثة الصوتية :boggled:
يعني لما نتقابل على المسنجر وهذا نادرا أكلمها بصوتي وهي تكلمني كتابة
البنت فيها مني كثير كثير كثير (مو كثير إلا لو أقول لكم إني أكلم نفسي لما أكلمها غير تقولون مبالغة ) وبحياتي وعلى كثر سفراتي ما شفت شخص سواء ذكر أو أنثى فاهمني زيها
وهي والله تحبني
سوالفنا مافيها أي شئ يخل بالدين أو الأدب إطلاقا وحبنا عفيف يعني
بس أخاف إنها فترة مراهقة بالنسبة لها فقط....أعطيتها مواقع متخصصة بالسوالف هذي وقلت لها مليون مرة انتبهي على نفسك واتركيني لمصلحتك بس والله قامت تبكي لما بس عرضت عليها الفراق
شقولكم بعد
24 ساعة ببالي
والله إني حتى أحلم فيها...:(
ملاحظة هي من دولة خليجية أخرى
طالبة بالثانوي
هئ هئ هئ:17:
الحل ماهو
أنا أفكر بالمستقبل ....بس خايف من المشاكل..الحمد لله ولا مشكلة تغلبت علي وأحب التحدي...بس المشكلة هنا هي من دولة وأنا من دولة وكلنا من الخليج..
أخاف أنا بصراحة بصراحة بصراحة إنها هي فعلا اللي راح تنساني مع أني والله لو أحط بس رسالة وحده من رسايلها على الإيميل هنا غير تحلفون إنها بتموت فيني وهذا هو الواقع بصراحة
وأنا أحبها ولايمكن بيوم أضرها أبد أبد أبد
كيف أتأكد إنها تحبني وإنها ليست مجرد مرحلة مراهقة
ملاحظة
بحياتي ماحبيت....أحب على النت!!!
انتبهوا يا أخوان ويا أخوات والله لو أحد قال لي إنت راح تحب على النت غير أقول أنت مجنون :(
شوفولي حــل الله يسعدكم
كيف أعرف إنها مراهقة ولا لأ..؟..وهل المراهقة تهذي بما لا تدري؟
يعني مشاعرها متقلبة ولا كيف؟
وهل فيه أمل ينجح حبنا..؟...زواج بالمستقبل مثلا
والله والله والله أحبها موووووت وأقولكم متفقين بدرجة خيالية ماتتصورونها
الحياة هي اللي حببتني فيها
وما أقدر أتخيل حياتي بدونها
كثير أشياء فيني تغيرت للأحسن
ترى مو شرط الفلسفة ;)
كل عضو يرد بكلمة وحده بس خصوصا ممن أيد موضوع الأخ لايف إند
http://www.montada.com/showthread.php?t=357336&page=1
أرجوكم ياناس والله ماحبيت الدنيا إلا بسببها خصوصا وإن واقعنا العربي كئيب ولو أقولكم وش كنت أفكر فيه قبل ما أعرفها ما راح تصدقون
أجمل وأصدق الكلمات هي النابعة من القلب
ردوا بوجهات نظركم حتى ولو أنتم غير واثقين وأنا راح أدرس الردود كلها وأطلع بنتيجة إن شاء الله
