مــساء الخير الشافي للآلام..معطر بعبير أجمل الذكريات والأحلام<إقعد :p
-موضوع عبارة عن سوالف وفرفشة لاأكثر ولا أقل..خذ لك كرسي-
-هذا الموضوع بإذن الله يكون أول موضوع عام لي في هذا القسم الطيب,فكل موضوع لي كان عبارة عن خاطرة إلخ,والتنويع مطلوب لهذا سأبذل جهدي,وأتمنى أن يعجبكم الموضوع فهو أول محاولة لمشاركة ذكريات وقصص إلخ حصلت لنا سابقاً أو معلومات نود مشاطرتها..بإختصار الكتاب واضح من عنوانه-
--
~عندكم صابون؟...OFF-LINE~
-قبل سنه تقريباً..أول ماقعدت من النوم وتعدلنا.وحدي طفشان وملل. قلت ندخل الماسنجر ونشوف الشباب والموجودين يمكن أحد ينور علينا وننبسط شوي,أو مادخلت أشوف الكل بالخارج.. قلت بنفسي:أجل ليه داخلين من الأساس :p <<..حركات قديمة للتصريف-
-فجأه.. واحدمنهم يكلمني<مو قلت حركات تصريف؟>..ويقول عندي لك حركة خطيرة لكن لازم تصرف كل الموجودين معاك على الماسنجر وتعطيني خمس دقايق من وقتك-
-بعد ماواجهنا صعوبة بالتصريف حطينا بالخارج>صرنا منهم,عالعموم بعدها قال لي:
-لازم تركز معاي,لازم تتعوذ من الشيطان,لازم يكون إيمانك قوي بالله,لازم تجيب قلم أسود<أنا من ثاني شرط هوّنت-
-قالي بعدها راح نبدأ اللعبة..وصراحة ماهي لعبة بقد ماهي تجربة مريعة وماأتحمل المسؤولية الناتجة,لكن الإنسان لازم يجرب ويتعلم بحياته وتكبر وتنسى ..إلخ,وأنا ساحب عليه قاعد أكتب رد بالمنتدى لين يخلص محاضرته-
-الدجال الدجه:طلع القلم بسرعه وسم بسم الله,وإكتب الي أقوله لك على إيدك اليسار-
-داركنس:الورق رخيص ترى يالجعص>بخيل> زطّي
-الدجال الدجه:الورق ماراح يتحمل الي راح يحصل بسبب هالتجربه.. :sgrin:
-داركنس: @_@...............................(راح ليشغل قرآن)
-الدجال الدجه:أوكي..إلحين إكتب إسم أمك على باطن كفك
-داركنس:إلعب غيييرها قديييمه أونه تسوي ربط<عاشت الرمسه> =الترجمه:إلعب غيرها مسوي لي فيها بتسوي ربط :D
-الدجال الدجه:انا بطلع الحين وبسحب عليك,ياإنك تسوي بالظبط ولا ربي بطلع كلها خمس دقايق ذبحتني!!
-داركنس: ........(عقل الولد)
-الدجال الدجه:إكتب إسم أمك..بعدها أسم أحب أخوانك لك..إكتب الحين إسم شخص تحقد عليه وشخص تحبه..أكتب الحين إسم المدرس الي معطيك أعلى درجه..إكتب إسم كتاب تحب تقرأه..خلصت؟-
-الدجال الدجه:الحين إرفع إيدك وفرق أصابعك..وحطهم على الطاولة,وجاوب شنو أحب عطر لك؟-
-داركنس:جفنشي
-الدجال الدجه:تحب الثوب ولا الي (No) ثوب؟
-داركنس: بيتوين=BETWEEN
-الدجال الدجه:وصلنا لآخر شيئ الحين...عندكم ببيتكم صابون؟
-داركنس:أكيد..ماتحس إنك صاير ملقوف؟
-الدجال الدجه: (طنش كأنه ماشاف) تحب أي نوع بالظبط؟
-داركنس:تفاح سائل
-الدجال الدجه:أكيد إيدك وسخه الحين روح غسلها يالخبل أحد يشخبط على إيدينه
-داركنس: !____! (الوضع OFF-LINE)
--
~سأموت بشرف ياأيها البــزر..FA-DATE YOSHIMITSU~
-لله الحمد من الصغر محترفين العاب التحدي(التسطير) :D ,بعايلتنا تخرّج كم لاعب..بالأخير يسحبون علينا ويروحون يلعبون الدور الياباني,فتظطر إنك تحوس حتى تجد لاعباً يستحق التحدي ويجعلك تشعر بطعم الخسارة-
-لهذا قررت إني أفتح مدرسة تعليم ألعاب قتالية للبزران<الأطفال,الجميع نجحوا بالإختبارات,وفشلوا بالإختبار الأخير بعد ماطفشوا وكرهوا شيئ إسمه سوني وداركنس,إلا لاعب واحد أشوف له مستقبل<بس لايسحب علينا زي الباقيين-
-هذا الاعب إسمه سليمان..ولد خالتي الصغير عمره تقريباً 8 سنين,لكن ماشاء الله عليه محترف بجميع الألعاب,فقلنا نستغل مهارته ونعلمه تكن وبلودي رور وهذه الحركات-
-بالبداية جمعت الأطفال الكتاكيت الحلوين ووزعت عليهم حلاو<يوريكم إنه طيب :196: ,بعدها خليت كل واحد فيهم يتحداني بلعبة Tekken..وعليه يتجاوز 4 إختبارات:
Blocking test
Combo test
I.Q test
6AFASH..young bazr test
-الإختبار الأول الكل نجح فيه بمرتبة الشرف,الثاني جلست ساعه كامله أعلمهم تضغط مربع بعدها مثلث بعدها إكس بسرعه ليتكون عندك كومبو جميل سلس طيب تسطر فيه خصمك,الإختبار الثالث أسألهم الشخصية الي أمامكم بنت أو ولد؟عربجي ولا لا؟لو طلع لك برا البيت تنحاش ولا تضربه؟..طبعاً الإختبار هذا مشيّته لهم لإن خالاتي توسطوا-
-الإختـــبار الأخير..الكل طفش وقعد يصيح ماعدا البطل سليمان,الإختبار عبارة عن جولة تحط فيها كل حرتك فيني بعد التطفيش الي إستمر ساعه إختبارات,يعني جولة تثبت فيها قدراتك,لإني طيب وأحب الأطفال وماأحب أجرح مشاعر أحد..خليتهم ينقصون من طاقتي كــــثير-
-بالأخـــير فجأه...يصرخ يوشيمتسو:سأموت بشرف ياأيها البــزر..قاااااع<صرخة نينجا عربجي قاعد يموت-
-تلخيص للنقطة السابقة:أخليهم ينقصون مني كثير,بعدها أسوي حركة النينجا يوشيمتسو وأطعن نفسي طعنتين بالسيف وأموت بإيدي,ونكسر بالتالي ونسحب على المثل الي يقول:وكم من تلميذ سطّر أستاذه :196: ,حركة نذالة عشان مايجيك بزر ويقول أنا فزت على داركنس وسطرته ومدري كيف... وبعد الجوله أصرخ بالبزر وأفجعه:
-IT`S PRIDEEEEE YA MAAAAN IT`S THE PRIDEEEEEE :evil: ,Nothing personal really my love-
--
~آخر مره أشوف فلم صيني مع واحد صيني..إهب ياوجهك!! ~
-الأسبوع الي فات كنت بايت<نايم> ببيت خوالي,وجلسنا أنا والشباب بساعةٍ متأخرةٍ من الليل لنشاهد فلم صيني مدري ياباني..بصراحة ماتقدر تفرق بسهولة الأشكال متشابهه خاصة الTM والي هي العيون-
-الفلم كان عبارة عن دراما وأكشن وساموراي,قصته عن مجموعة من الساموراي من صغرهم متعلمين التقطيع والسيوف والنط والتنطيط,يعني هم من فئة ال Clown samurai-
-بآخر الفلم فيه مشهد نفس مشهد موت Zabuza من مانغا Naruto,البطل يقاتل قبيلة كاملة من قطاع الطرق وطقتهم ,المهم قتل الكثير منهم وبالأخير جرحوه وبالنهاية طعنوه برمحين إخترقوا خاصرته من اليمين واليسار,مع هذا كسر الرمحين وكمل يمشي ببطء ويقتل فيهم ,يبي يوصل لزعيمهم الي قاعد يتفرج وماسك ورده وكاشخ بلبس أبيض<ينتظر أحد الحبيب شكله<مايلمح أبد :p -
-المهم واحد من عيال خالتي أبيض مليح أصغر مني بسنتين وعيونه حلوين لكن مثل الصينين ومن هنا إكتسب لقب الصيني,كان مندمج مع الفلم ومايحتاج شرح سبب الإندماج ,أصلاً شرح الميول الفطريه صعب..بإختصار حن لأصله الولد-
-وبينما البطل مال الفلم يمشي ببطء وكله جراح وينزف دم..تكلم الصيني ولد خالتي وقال:
-الصيني:إهب ياوجهه..بـــــل مايموت هالصيني !_!
-فجأه مات البطل وإنسدح أمام زعيم الأعداء-
-الشباب: :umm2: !!-
-داركنس:شباب تعوذوا محنا ناقصين ضحايا بعد, حتى اليّ بالفلم ماسلموا :blackeye: -
-الصيني بعدها قام علينا وسطرنا كلنا...يعرف كل الفنون القتالية ماشاء الله عليه,طبعاً فطرةً مو إكتساباً..ليه؟..لإنه صيني :p -
-على الهامش:الصيني هذا حبيبي وأخوي الصغير وأمون عليه وإنسان عنده طموحات كبيرة وطيب وخفيف دم ودايم نطفش بعض أنا وهو,والمقطع الي بالفلم تصادف مع جملته عشان حظه الحلو,يعني عينه بارده مو حاره-
<يخاف يشتكي عليه بالمنتدى أو يطلّع له الكاتانا :blackeye:>
-خلصت الجزء الأول..بكمل بعد الفطور بإذن الله,الي يبي يرد حيّاه الله,خلصنا بعض السوالف الرد الجاي بنرفق ذكريات من مصر أم الدنيا مع حبيبنا عزيز جوتارو O_o-
-تـــم-
