عرض للطباعة
للأسف بشتري لعبة أصلية ((أخيراً))
لأنكم خوفتوني بالالعاب الكوبي
(( مافي عروض ، ماهي كاملة....الخ))
فأي لعبة أشتري:
! رزدنت ايفل
! ديفل ماي كراي
! انيموشا
! سايلنت هيل2
تحذير:
اللي يقول رأيه يكون على قد المسؤليه (( هاذي فلوس مو لعب عيال))
والا ترا اذا مازانتلي اللعبة............مدري وش باسويله
والسلام
شوف اخوي mohammed111
حط فلوسك بجيبك و انتظر ميتل جير2 اصلي لانها احسن استثمار
اخ جيم ستنر
لو قعدت فلوسي دقيقة واحدة في جيبي بتروح على طول
تدري ليش؟
الله يخلي حراق البيك
اجل تبي نصيحتي
اذا تحب الاكشن وما تهتم مره بالقصه خذلك ديفل ماى كراي
واذا تحب الرعب والالغاز خذ سايلنت هيل 2
مشكور أخوي جيم سنتر الظاهر انت الوحيد اللي صاحي معي
بس جتني طريقة أضمن هو اني ألعب الالعاب السابقة كوبي
واللي تزين لي اشتريها اصلي والله يعين
على راحتك اشوفك بكره مدري اليوم كله واحد سلام
السلام عليكم ,,
الي الاخ محمد نصيحة لك اشتر اينموشا اصلي وانا اضمن انك بتحبها.
وبغيت لقولك ان:
1-سايلنت هيل دسك واح.
2-ديفل ماي كراي 3 دسكات.
3-ريزدنت ايفل كود فرونكا اكس دسكان.
4- اينموشا 4 دسكات ولا زم يعلق عليك لازم .
يعني تشتريلك اينموشا اصلي والباقي كوبي لان الباقي
كلهم يساون 120 ريال .
ارجوا اني افدك والسلام عليكم.
مشكور على الرد اخ امرؤ
وتبي الصراحة انا محتار بين
ديفل ماي كراي واينموشا
لان رزدنت وسايلنت عارفينها من اجزائها السابقة
وعلى فكرة انا ما اعرف شيء عن اينموشا
لا طريقة اللعب ولا الاسلحة ولا القصة
لكني شفتلها صور واسمع الناس يمدحونها فقط
اذا عندك خلفيه عنها ارجو ان تخبرني بها
وشكرا
اه يا زين النوم.....
اهلين يا mohammed111
عندي خلفيه كبيره عن اونيموشا وهي لعبه ممتازه وطريقتها نفس ريزدنت ايفل بالظبط لكن بالسيف يعني لازم تقرب من الاعداء علشان تضربهم لكن مع الوقت راح تحترف الطريقه وتصير فنان فيها واللعبه خلفيات ثابته وهذا ساعد ان الرسم الشخصيات يكون حلو والقصه روعه واذا ودك فيها
انا اقولك خذها بدون تردد
انا اقول اصبر شوية وبعد اسابيع قليلة ستنزل لعبة جراند ثيف اوتو3
اشتري Onimusha ولا تترد .لأن Devil May Cry بعدها بالياباني .
اخوي محمد وش تبيني اقولك ابي اسلك تقدر تتغني عن حراق البيك شي اكيد لا مثل كذا اذا لعبت ديفل ماي كراي بس حسافه ديفل ماي كراي ياباني وانا على ماعتقد جهازك امريكي فما يشتغل وانا انصحك اذ مافي ديفل ماي كراي خذ ريزدنت ايف احسن لان انومشا وسينلت هيل من جنب القده مع اخترامي الشديد لمحبيها او اصبر قليل لان من معلوماتي انا موعد صدور ميتل قير قريب من ساينلت هيل وساينلت هيل نزل يعين حق فتره بسيطه هذا من معلوماتي والله اعلم.
والله نصيحتي أنموشا أو سايلنت هيل 2 بسسسس لاتفكر في غيرهم
أقول يا محمد .. يا الطيّب .. خذ مني العلم السنع ...
بالنسبة لميتل جير 2 .. فهي بتنزل قريب حسب معلوماتنا .. لذلك إذا قدرت تصبر فاشترها بدون تفكير ..
ديفل ماكري لسا بالياباني و يمكن يطوّل على ما ينزل النسخة الامريكية .... و اللعبة فيها إثارة بس ما فيها قصّة .....
أونيموشا ... هي مجرّد تقليد أعمى لريزدنت إيفل .. مع احترامي الشديد للجميع ....
سايلنت هيل 2 .. جيدة جداً .. و لكنها لم تختلف في الاسلوب كثيراً عن الجزء الأول ...
ريزدنت إيفل كود فيرونيكا .... لعبة متكاملة من جميع النواحي ... قصة ممتازة .. رسوم مذهلة .. شخصيّات تكاد تكون حقيقيّة ... عروض و لا في الخيال .... و الإثارة ما يحتاج أكلّمك عنها ...
إذا منت مستعجل فانتظر ميتل جير 2 ... و إذا انت مستعجل فخذ كود فيرونيكا و لن تندم أبداً .. و راح تدعي لي
اخ mohammed111
انا لدي لعبة انموشا وريزدينت ايفل (دي في دي)
وساخبرك براي في اللعبتين لاني مجربها
هي من اروع الالعاب التي لعبتها ولكن اذا كنت تود الاختيار بينهما فانا انصحك بي انموشا
لانك اكييد لعبت جميع اجزاء ريزيدينت ايفل اي انك سوف تلعب لعبة قد لعبتها من قبل وبنفس الفكرة
اما انموشا فهي لعبة جديدة في الفكرة فلم يكن لها اي جرء سابق
اي ان المتعة ستكون احلى واروع
تستطيع ان تشتري ريزدينت ايفل كوبي
لانها مثل الكامل والقصه مفهومة لان الكلام انجليزي والكتابة ياباني ولكن ناقص منها بعض المقاطع
اما عن ديفل ماي كراي فانا جربت الكوبي
هي لعبة جبارة بمعنى الكلمة مثل انموشا
ولكن على حسب ما قرات عنها انها لعبة من غير قصة في النسخة الكاملة
ولكن بعد كل هذا انا منتظر ان ينزل الدي في دي منها
واخيرا لعبة سايلينت هيل 2 اعتقد انها سوف تغلب ريزيدينت ايفل لعدة اسباب
1- رسوماتها اقوى من ريزيدينت ايفل
2- الغازها اكثر واصعب من ريزيدينت ايفل
3- من مميزاتها ايضا ان لها عدة نهايات على حسب لعبي لها في الجزء الاول
وانشاء الله في القريب اشتريها كوبي
اعتقد انو حيرتك اكتر يا mohammed111
خلاصتي لك انو اذا انت من هوات العاب الاكشن فانصحك بي انموشا
اما لو كنت من هوات العاب الرعب فانا انصحك بي سايلينت هيل 2
والاختيار النهائي لك