نقطة مهمة في لعبة RE4

السلام عليكم

الصراحة هذا اول موضوع لي في هذا المنتدى(منتدى العاب الرعب)

والي جذبني له اللعبة الرائعة ريزيدنت ايفل 4

بس عند نقطة احب اتكلم عنها وهي الزعماء

الصراحة الزعماء في هذي اللعبة مره سخيفين

و تقدر تهزمهم في ثواني

يعني لو كان لكل زعيم فكرة اوطريقة معينه لهزيمتهم بدل الطلق العشوائي يكون زين

وبقولكم وش الي صارلي مع الزعماء
((الي ما لعب العبة لا يكمل ))


1_اول شيء الوحش العملاق: الي يطلعونه لك القرويين من الباب ((الي يشبه سميقل في لورد و ذا رينق :09: ))

مالمسني ولا لمسه اشتغلت بالرشاش لين ما طاح خلاص

2- التمساح الكبير:الصراحة هذا الوحش كان فيه متعة كبيرة جدا وفكرته حلوة مرة وفيه اكشن اكثر من الوحوش الثانية
ومن اروع الوحوش في اللعبة

3-المطوع العملاق الي كل شوي يطلعلك في القرية والي يطلعله عامود فقري كبير وايادي (ناسي وش اسمه))
المهم ماكملت معه دقيقة الا هو ميت الصراحة جاني احباط غير طبيعي يعني لما اشوفه ف القصة حسيت انه انها قوي وجبار بس طلع ما عنده سالفه

4- الوحش الاعمى :الصراحة هذا ما اعتبره زعيم بس كانت فكرة حلوه (الاجراس ;) )وكلها ثلاث طقات على ظهره بالشوتقن وينتهي

5-الوحش السريع الي يختفي ((الي ارسله القزم)) راس ماله انك تركز على الازرار الي تطلعلك في الشاشه وخلاص

6- العملاقين الثنين:هذول الوحشين فكرتهم حلوة انك تتطيحهم في النار بس انا الله يهديني طيحت واحد و نقعتها مع الثاني :31:

7-القزم لما يتحول لوحش كبير الصراحة جاني احباط عظيم من هذا الزفت صارت لي سالفه معه اليوم ما تصدقونها

السالفه وما فيها

اليوم قدت العب العب اللعبة لين اذان الفجر ولما اذن سجلت العبة على اساس اني بطفيها

الا قلت خليني ادخل الغرفة واشوف وش فيها ولما دخلت جاني ذا القزم وتحول على الوحش الكبير انا قلت بس ذا بيلعن خيري هنا طلعت قاذف القناب وقلت خلين اجب خاربه خاربه واطلق طلقت في عين الوحش الكبير وعدين انفتح الشي الي زي الدرع الي راكب فيه القزم وطلقت علي بالبازوكا ومات END OF STORY :bigeyes:


تصدقون يا شباب ثلاث طلقت بس ثلاثة :bigeyes:

اش السخافة هذي انا ما صدقت عيوني ورحت اكمل اللعبة لين ما لقيت نقطة حفظ

الصراحة الي ما يقاوم القروي الي معاه منشار

والله ذا يا لعب في حسبتي لعب

وعلى العموم الصراحة لعبة ما تتفوت

وهذا الي حبيت اقوله لكم

:ciao:

مشكور أخوي أنا أنهيتها على الجيم كيوب من سنة للأسف مهي قد الكيوب:)

بقولك رأيي في الوحوش الثلاثة الي طلعوا لي

Del Lago "التمساح أو الوحش الي في البحر"
سهل لكن مشكلته أنه يطول معاك و هذا يزيد من فرصة أنك تحصل ضربة منه
لكن بشكل عام هالزعيم يعتبر سهل

El Gigante العملاق "الي يشبه سميقل" :p
في شوية صعوبة لكن بعد ما تعرف نقاط ضعفة و كيف تتجنب ضرباته بيصير اللعب معاه أسهل شوي

Bitores Mendez "زعيم القرية"
في البداية يكون سهل لكن بعد ما يتقطع شوي اللعب بيصير أصعب بحيث أني لازم أتحرك بسرعة و أدور فرصة عسب أني أضربه

اقتباس:

---

3-المطوع العملاق الي كل شوي يطلعلك في القرية والي يطلعله عامود فقري كبير وايادي (ناسي وش اسمه))
المهم ماكملت معه دقيقة الا هو ميت الصراحة جاني احباط غير طبيعي يعني لما اشوفه ف القصة حسيت انه انها قوي وجبار بس طلع ما عنده سالفه

---

أنا وصلت عند هالزعيم :D
لكن يا أخي تقول في دقيقة و هو ميت :06:
والله أني قاعد نص ساعة أرش فيه 20 ضربة من الـ Shotgun و هو بعده ما تقطع
يمكن أنت تلعب اللعبة على الـ Easy ؟؟

لأ

انا العب على ال normal

بس ياخي سالفة القزم ذا عجيبة مررره سهل

صراحة احلى وحش هو الوحش الاعمى , طريقته و فكرته حلوة جدا
و يعيشك جو مرعب , و انا لما لعبته ما اعتمدت على الأجراس لزيادة المتعة و الصعوبة
و فعلا الوحوش سهلين نوعا ما و ما واجهت صعوبة في أي واحد منهم (لحد الآن لأني ما ختمت اللعبة لحد الآن)
كنت اتمنى يكون الوحوش على الأقل بصعوبة زعماء اونيموشا

شكرا لك على الموضوع يا أخي الغالي والرؤساء في الجزء الرابع عندما تلعب اللعبة أول مرة ستحس بأن فيهم صعوبة كبيرة ولكن في المرة الثانية سوف يتحول الأمر إلى سهولة كبيرة

اقتباس:

---

(ناسي وش اسمه))

---

إسمه على ما أعتقد بيتوريس منديز

اقتباس:

---

انك تتطيحهم في النار بس انا الله يهديني طيحت واحد و نقعتها مع الثاني

---

لا يمكنك إسقاط الغولين معا في النار بل واحد فقط لأنه لو حاولت إستخدام الرافعة لفتح الحفرة مرة أخرى بعد إسقاط أحدهما فلن تعمل وشكرا

الصراحة كلام أنما صحيح :o

الرؤساء مرة سهلين :sad2:

وخاصة رئيس القرية
في القصة قوي مرة وإذا تحول يصير أسهل من شرب المويه

والصراحة أنا أقول لو أنهم خلوه على طبيعته

يعني وهو أنسان أحسن

كذا الواحد يحس بحماس أكثر

وأما التمساح أو السمكة الكبيرة أنا أقول أن

قوته زينه وما فيه غلط أبد زي الرؤساء الباقين

وأما الرؤساء الباقين.... وش نقول :06: :06:

انا توني مخلص من ذاك العسكري خوينا القديم

بس انه صعب مره وفيه اكشن كثيير وانا احب هالنوعية انه يكون انسان طبيعي تضاربه مو وحش وحوسه

خاصة في حركات السكين ..مره ممتعة

وشكرا على مروركم

كلامك صحيح اخووي الزعماء سهلين لكن اول مره تقابلهم لازم صعبين بعدين تتعلم نقاط ضعفهم وتغلبهم

الزعيميمن الوحيدين اللي ماقتلوني ولا مرره

المطووع بو لحيه والزعيم سادلـــر

الصعب هو كراوزر والوحش بو مخالب وهذاك اللي صوته مقررف لازم تذبحه بالrifle

وككل اللعبه رووعه واحداثها وقصتها لايعلى عليها

احسن جززء فالسلسله كامله

صج انه بعض الزعماء سهلين ....بس ماتقدر تنكر انهم من احلى الروئساء الموجودين في الألعاب ...و خصوصا وحش البحيرة .....ماشاءالله كانه فلم رعب .

مشكور على الموضوع


ولو اني ماعلبت اللعبة

لكن مشمكور مرة اخرى

اللعبه ما عليها كلام وكل واحد له طريقه ...احسن شي البازوكا ضربه وحده واي وحش يروح فيها....:D
صحيح بثلاثين الف بس تستاهل...

لا شكر على واجب يا أخي الغالي

انه الصراحة قلت يمكن هاي الرزدنت ايفل اللي بيخلينا نفتك من الملل وكل شي لكن للاسف طلع افشل رزدنت ايفل 4 هاي

لكني الحمدالله كملتهم كاااامل من زيرو الى 4 وديد ايم واوت بريك 1 و2 وكودفيرونيكا

لكن للاسف 4 بايخ الصراحة مع اني كلمته لكن احلى شي النهاية واعطيه نسبة 70% عشان محد يزعل

على العموم النهاية حلوة والاحلى انك تلعب في طور ايدا وبس


واللي يعرف يلعب يقدر يخلصه في 15 ساعة
او اكثر يمكن
وانه كملته في 18 ساعة وشكرا

^^^^^^^^^^^^^^^^^^^^^^

انا خلصته في 14 ساعه


واللعبه مب اسوأ جزء فالسلسله عندي الجزء 3 هو الاسووء صراحه