انطباعاتي على الاكس بوكس 360 بعد الحصول عليه

السلام عليكم

قبل لا ابدا في الموضوع بسأل

حد عنده تلفزون HD ؟؟

اللي ما عنده لا يفكر يشتري اكس بوكس 360 حالياااا

معظم العابهااا باهته وغير واضحه على التلفزون العادي وجربت الالعاب على تلفزونين وطلع فرق وااااااااضح


تحس انك تلعب نيكست جنريشن بالفعل مع HD اما العادي بتحس انك ما انتقلت وبعدك على الجيل الحالي


الالعاب اللي خذتهااا

كول اوف ديوتي 2

بيرفكت دارك زيرو

كوندمند

ريدج ريسر 6

بروجيكت جوثام 3

.....................................

افضل الالعاب بالنسبة لي

كول اوف ديوتي2 <<< ما كنت متوقع انها بهالطريقه ابداااع وافضل لعبة لانش

ريدج ريسر 6 <<< الصوت يخرب عليها ولكن اللي يحبون السلسله بيستمتعون بها اكثر

كوندمند << باختصار تجربة جديده وتحقيق ارووع اول مره العب لعبه بهالطريقه

بيرفكت دارك <<< لعبه متوسطه يعني نقدر نعطيهاا 8.5 من 10 لانها بالفعل غير الاسلحه والمهمات لا تتوقع شي ثاني لانه رسم الشخصيات والاعدااء محبط للغااايه كول اوف ديوتي افضل منهاااا ولا تنفع الا مع HD للوضوح اما التلفزون العادي فيمكن الكثير يصيبه احباط من اللعبه

بروجيكت جوثام 3 << نفس بيرفكت دارك لعبه ممتازه وخياليه باستخدام HD بدونه وربي ما تسوى شي

اللي ابا اوصله اذا الالعاب بهالطريقه فانصح الكل يشتري تلفزون HD هذا اذا تبغون تحسون بالفرق

انتظر لعبة كاميوو

وشكرا :ciao:

السلام عليكم


هلا اخوي ممكن اعرف شلون اعرف التلفزيون اذا نوعه hd واذا تقدر تصوره صوره لي يمكن عشان بشتريه وانتظر ps3

وشكرا لك على الموضوع :biggthump

ال HD هي نوعيه من التلفزونات الحديثه

يعني بتلقاهااا في المحلات اسال عن HD وبيدلونك

انا بعطيك صورة من التلفزون اللي عندي نوعية برافيااا

http://www.sonystyle.com/is-bin/INTE...andbin_seewega

لكن اللي عندي 40 بوصه ب 9999 درهم رقم ما اعرف ليش حاطينه جيه خخخخخخ

تقدر تشتري 32 وفيه 29 بوصه لكن ما ادري اذا برافيا او لا

وشكرا :ciao:

اقتباس:

---

المشاركة الأصلية كتبت بواسطة Cervantes

ال HD هي نوعيه من التلفزونات الحديثه

يعني بتلقاهااا في المحلات اسال عن HD وبيدلونك

انا بعطيك صورة من التلفزون اللي عندي نوعية برافيااا

http://www.sonystyle.com/is-bin/INTE...andbin_seewega

لكن اللي عندي 40 بوصه ب 9999 درهم رقم ما اعرف ليش حاطينه جيه خخخخخخ

تقدر تشتري 32 وفيه 29 بوصه لكن ما ادري اذا برافيا او لا

وشكرا :ciao:

---

هههههههههههههههه شكرا على ردك السريع :D

السلام عليكم
مبروووووووووووووووووووووك عليك الجهاز

انزين اخوي شلون اوقات التحميل loading في الألعاب هل هي سريعه او عاديه ؟
----------------
بخصوص شاشات الـhd يعني من المهم جدا ان اي واحد يمتلك النكست جنريشن لازم يشتري شاشات hd عشان يقدر يشوف الفرق او بالأصح الوضوح العالي ..... على الاكس بوكس 360 و ps3 اما الريفولشن من وجهة نظري لااعتبره نكست جنريشن لأنه ببساطه مايدعم شاشات الــ hd عشان جذيه لازم يطلق عليه نكست كنتروليشن .......:ciao:

العفو اخوووي سنسال

ونحن حاضرين وفي الخدمه

;)

اخوي ADEEL

الله يبارك فيك

بخصوص اللودينج ما حسيت انه في فرق

فيه لودينج بس تحميل مرحلة في كول اوف ديوتي ضخمه جداا في وقت بسيط امر مذهل

تسلم وبالفعل الاجهزه تدعم تلفزون HD فيما عدا الريفوليوشن

وشكرا :)

اول شي مبروك عالجهاز

كنت امفكر اشتري الجهازين في نفس الوقت السوني 3 والاكس بوكس 360

لاكن الحين شكلي باكنسل احد الاجهزه عشان اخذ تلفزيون HD

.........

تلفزون برافيا هذا الجديد الي من سوني صح ؟؟
سعره 10000؟؟

الله يبارك فيك

هيه هذا تلفزون برافيا ب 10000 درهم قاصر درهم

وعندك جي في سي وسامسونج ايضاااا 40 بوصه

جي في سي سعره ب 7500 درهم وسامسونج 9500 درهم

بس الافضل وانصحك تاخذ برافيااا بخصوص ال 40 بوصه

اما الباقي فما لي خبره عنهم

ألف مبروك خيو :)
كول اوف ديوتي تحفة ! اختيار موفق :D
أعتبرها the best ww2 fps ever created ..
بالنسبة لي ما عندي hd و للأسف ما راح أقدر أشتري واحد أبدا ..
لهيك ما راح يفرق دعم الhd معي من عدمه ..
لو صار معي فلوس بحاول أوفرها حتى أقدر اخذ على الأقل جهازين من النكست جينيريشن :)
و ان شاء الله تتهنى و عقبال باقي الألعاب ^__^

مـــــبروك اخوي سرفانتس علا الجهااااز ^ ^ الله يعطيك خيره ويكفيك شره وتكسرره بالعاافيه ^ ^

وعقباااالنااا احنااا ^ ^الصرراحه فكرة الاHDحلووه اناا شكل بشتري لي واحد بس ابغ اعرف كم سعر

البرايفااا سعة الشاشه 29 بوصه ..^ ^ ولكا جزيل الشكر^ ^عشان اعرف الميزانيه ...^ ^كيف راح تكون ^ ^

ولكااا مني اجمل تحياتي اخوك ...الفدرالي ....

اخواني

عندي في خلف التلفاز خمس فتحات لسلك حق hd فهل هذا يعني انه hd?

التلفزيون الي عندي jvc و 29 بوصه

صوره له:

http://003.ru/xpics/4000-1273.jpg

:) بالفعل اخوي حسين والله اني ما كنت متوقع كول اوف ديوتي 2 بهالطريقه


الريفو طبعا 100% بتشتريه وبيكون رخيص عن باقي الاجهزة بيكون عندك خيار من اثنين اذا بين البلاي ستيشن 3

والاكس بوكس 360 اصبر ولا تتسرع اذا ما كنت هاوي بالدرجه الاولى للجهازين اللي ذكرتهم تاليا واعني ( الاكس بوكس 360 والبلاي ستيشن 3)

لين الحين مابانت الصوره الحقيقيه للبلاي ستيشن 3

اما اذا كلاعب واتهمك العاب الجهازين الحصرية وفوقهم الريفوو فبتكون صعبه بالدرجه الاولى يعني لازم فوق الاجهزة اللي بتاخذهاا تاخذ التلفزون HD

الله يبارك فيك وعقبالك ان شاء الله :)

الله يبارك فيك اخوي الفيدرالي

وعقبالك ان شاء الله

بخصوص سؤالك عن HD BRAVIA من سوني 29 بوصه فما اعرف سعره لين الحين

بسير ادور لك اياه من جامبوو وبعطيك السعر

ما يزيد عن 5000 درهم :) << اتوقع هذا السعر

وشكرااا على ردك

se7en7


خلاص عيل وصلت

يبغي لك بس بس واير خاص لل HD سعره عندنا تقريبا 120 درهم خاص ب 360

تقدر تركبه على الفتحات الخاصه بال HD لانه ايضا عندي الفتحات ومكتوب عليها HD

قبل لا تشغل الاكس بوكس 360 او عند تضبيط الاعدادات من اختيار اللغه وغيره بتلقى تضبيطات ال HD ادخله وشوف درجة الوضوح اللي تبغيهااا مع العلم انه في العاب تمشي على 480p و 720 P و 1080 i خياراتك بتكون اوسع

اماا العاب مثل بيرفكت دارك وبروجيكت جوثام 3 فما تمشي الا على 720 p

باقي الالعاب الموجوده حاليا عندي تمشي على 480p و 720 P و 1080 i

وشكرا :biggthump