هل تلعب الـDS و أنت بالبيت؟

السلام عليكم و رحمة الله و بركاته.

بغيت افتح موضوع نقاش عن: هل تلعب الـ DS و انت بالبيت.
انا عندي DS وعندي عليها كم من لعبه.
1-Mario Kart DS
2- Mario 64
3- Spider Man 2
4- Castle Vania: Down of Sorrow
و العب فيها كم شريط Game Boy Advance.
بس المشكة ان لما اكون بالبيت و ودي العب Video Games تكون الـDS اخر اختيار. مع ان العابها حلوه. و السبب اهو ان عندي PS2 و Game Cube و PC Games و اللي ينلعبون على شاشات اكبر طبعا. فأحس ان الـDS مو مكانها البيت. و طبعا السفرات مو وايد علشان العب فيها بالسفر. فاحس اني مو مطلع قيمتها.
بعض المرات اروح القهوه و العب فيها .......... شكلي غلط :D :D

ودي اشوف رايكم بالموضوع .......... و اعرف متى تلعبون فيها؟؟
.
.
.
شكرا.

بالنسبة لي الـds ماخذ كل وقتي أكثر من الكيوب أو الـpc أو أي شي ثاني :p

انا اللعب دي اس اكثر لاني ماعندي لعبه حلوه العبها على الكيوب وقريب وباخذ ماريو سترايكر وماعندي بلاي2 فا اعلب بالدي اس

في الحقيقة أنا ما ألعب حاليا غير سونيك راش و ماريو كارت :أفكر:

و من الجيم جيم كيوب مع انه ماله دخل بالموضوع Shadow The Hedgehog >>>( مع أن الكل بيسخر مني ) و ناروتو 4

ان شاء الله بشتري دراغون بول 2 و ماريو آند لويجي :biggthump

مشكور أخي العزيز cantona222 على الموضوع و وفقك الله فيما يحب و يرضى :)

أخوك

Super Shadow The Hedgehog

اممم و الله انا العب في اي وقت يخطر على بالي


و بكل صراحه افضل وقت عندي قبل النوم العب لمدة ساعه و بعدين انام

انا لازم العب DS على الأقل في اليوم 5 ساعات على الأقل ..
و الـ XBOX و PS2 و GC و PSP ما العبهم صراحة لأن مافي العاب مثل الناس ^^"..

قريباً جداً جداً XBOX 360 ان شاء الله ..

العب الدي اس يمكن ساعه او اكثر بشوي لكن اكثر شي العب XBOX 360

خصوصا ريدج ريسر 6 وكوندمند


....

الدي اس العب به اكثر الاوقات في البيت وانا اتنقل من مكان لاخر

او اذا العب انا ويا اخواني

انا اول ماشريته ماكنت العب فيه وايد لان العبة الوحيدة اللي كانت عندي هي ماريو 64 وانا لاعبها وايد على الننتندو64 وكان باقي لي نجمة واختمها تماما عشان اشكل زهقت منه بسرعة بالاضافة الى ان في هذاك الوقت كان في العاب اسطورية على الكيوب كانت ماخذة اغلب وقتي مثل بيبر ماريو وريزدنت ايفل4 وغيرهم اما الحين من اسبوع تقريبا بعد ماشريت ماريو كارت دي اس صرت العب فيه 24 ساعة وااتوقع الادمان بيستمر لان قريبا باشتري العاب جديدة اما الكيوب الحين نايم مافيه العاب قوية كلها شريتها واخرها كان فاير امبلم والحين خلصتها وشريت غيرها لكن العاب جماعية بس باقي زيلدا توايلات برنس تقريبا هي الوحيدة اللي انتظرها على الكيوب اما الدي اس قائمتي طويلة وشكرا اخوي على الموضوع

شكرا اخواني الأعضاء على الردود.

و أخوي Bad Zero فكره لعب الـDS قبل النوم فكره حلوه ............ جربتها امس قبل النوم و كانت ناجحة. :D :D

و أخوي Cervantes انت ذكرت انك تلعب الـDS مع اخوانك؟؟ شلون عندكم اكثر من وحده و تلعبون Multi player? اذا كان هذا قصدك ........... عيل كلمنا عن هالطريقه ......... لان ولا مره جربتها و احس انها واايد حلوه ........... احسن من ان شاشه التلفزيون تتقسم مثل الـGame Cube.
الصراحه ودي العب Mario Kart DS مع ثمانيه من ربعي و احنا قاعدين بغرفه وحده ............ احس ان راح تصيير متعه مو طبيعيه.
اما انا فقاعد العب لعبة Call of Duty 2: Big Red One على جهاز الـ Game Cube. اهي اللي ماخذه وقتي :D


و شكرا.

انا الحين جاعد العب الدي اس .....على الاقل 5-6 ساعات يوميا، خصوصا بعد ما اشتريت انمل كروسنج (لان اللعبة روعة) :biggthump ...اخذ الجهاز معاي في كل مكان ( حتى في الجامعة والمستشفى <<<< العب في وقت الاستراحة <<<< هيهيهيهيه :D )

وبالنسبة للبي اس تو..... عندي اربعة العاب ....العبها بشكل متقطع ( WWE: 2K6 و RE:4 و Total overdose و The matrix ) :05:

البي سي ... ما لعبت عليه من زمان من بعد لعبة سيمز 2 ( لان ما احب العب كثير على الكمبيوتر) :afraid:

أنا عندي PS2 و DS و PC

- PC : نادرا ألعب عليه .

- PS2 : كنت مدمن عليه الى أن اشتريت الـDS من حوالي 10 أشهر :33: .

- DS : مدمن عليه من يوم شرائه :D .. لدي حتى الآن 8 ألعاب اكتفيت معها مدة 10 أشهر الى الآن .


أعتقد انني بعد انتهائي من تجربة ANIMAL CROSSING : ww سأتفرغ للـPS2 ..

أريد أن أجرب :
SLY 3 - SHADOW - RE4 - NARUTO - CASTLEVANIA
وغيرهم :)


الموضوع موضوع توزيع وقت وبس :أفكر:

أنا ألعب بالـDS بأوقات غير منتظمة ..

في وقت الفراغ

ألعب فوق الـ3 ساعات يوميا :33:







شكرا......:biggthump

انا وقت اللي العب الـDS

يكون في الدعايات ما بين المسلسلات :)

و لا تحسب انه الوقت قليل لأني

اشوف مسلسلات كثيرة

همم.....
بالنسبة لي انا العب الدي اس تقريبا 3 ساعات يوميا ويمكن اكثر ما احس بالوقت ....
العب ماريو كارت وكاسل فيينيا و سونك رش وووو اكيد انيمل كروسينج اشتريتها قريب وادمنت عليها :bigeyes: .....
بالنسبة لل اكس بوكس وقفت العبه من فتره ...
للبي اس 2 العب شادو اوف و سول كاليبور ....
للجيمكيوب اخر لعبه كانت بيبر ماريو وختمتها ....
وانشاءالله اشتري الاكس بوكس قريب ....
لكن الدي اس ماخذ وقتي....
بايوكشن...

أنا طول الوقت كلا دي أس

ألعب أنمل كزوسنغ أو بعد ميغامان دابل تيم

جمعت لحد الان 9 العاب و أن شاء الله بجمع لين عشرين

لاكن مع ذالك أنا العب بليستيشن 2

انا حالياً عندي الفيديو جميز = الدي اس فقط

البلايستيشن و الكيوب اصنام بالبيت حالياً!

و أنا ألعب الدي في كل مكان , لكن عن اللعب في البيت فقليل ... 80% من لعب الدي اس برة البيت

شكراً اخي