شباب...أنا قررت هالقرار...و لا رجعة فيه...أنا قررت أبطل النت....
تحسون صدمه شينه....
لا تقولون متهور ما متهور إسمعوا السالفه....
تخيلوا أنا دجو الداج المصرقع و المهستر...الخ تدرون كم كنت جايب نسبه
السنه الي راحت....
و الله ما أقولها يعني مفاخره و لا شي بس تدرون اني جايب 95 شهري!!
هذا السنه الي راحت الشهر الأول و الحين شوفو كم....
72%!!!!!!!!
يعني معقووووله هالقلبه جت من عدم....
الا من الزحف على النت....
مسنجر و مداوم عليه 28 ساعه باليوم....
و منتدى و مشاركاتي قمت أزوعها من كثرها....
هذي نقطه وحده خلتني أفكر بس الي خلاني من جد أقرر....
اليوم و أنا جالس على النت(كالعاده)و جالس اتصفح نسيت ان شهادتي
جنبي و انا ما وريتها اهلي على اساس اني باجيب مزوره جايب 87 على
الاقل يستانسون شوي المهم و تخش الوالد الله يحفظها و تلقط الورقه
الوالده:ويش هذا؟
انا:ابد يمه و لا شي عطيني اياها
و امد يدي باخذها و تشيلها و تبعد و شوي و تشوف الشهاده و تنصدم
الوالده:عثيمين بالله ما تستحي على وجهك
انا:يا يمه مسألة عدم توفيق و لكل جواد كبوه(خوش كبوه)
الوالده:حرام عليك يا عثمان بالله ترضى بالي تسويه بنفسك يا وليدي
هالنت مهوب نافعك مهوب نافعك غير شهادك و بعدين يا وليدي ما لي الا
الله ثم انت ما لي غيرك وحيدنا و ابغاك ترفع روسنا فوق و تبيض وجيهنا
المهم على بلاطه تاثرت بالكلام قلت امي مهيب قايله هالكلام عبث شكلي
زودتها و قمت و حبيت راسها و قلت يا اميمتي(عاش بدونجي)انا انفذ الي
تامرينه تبيني اقط الكمبيوتر برا قطيته و الله و ما بقى الا نت يزعل امي
قالت لا يا عثمان انت خلك زي ما انت بس اهتم بدروسك و قلل ساعتك
على هالماخوذ و لا تحرم نفسك انا بعدها معد صرت اسوى شي من الحياء
لان بصراحه راجعت نفسي و قلت من انا علشان ازعل امي فقدامها فصلت
النت و فتحت كتاب الفيزياء و بديت مذاكره....
على العموم شباب أنا جاني إختيارين...
يا إني أقعد على هالنت و مستقبلي و رضى أهلي على المحك و لا رضى
والديني و تأمين مستقبلي أكييييد الثاني على العموم لا يطول الكلام أنا
مشاركاتي راح تقل و يمكن بشكل فظييييييع حاطها فرصه لكم تلحقوني:p
تحياتي....
دجو....
